ບົດລາຍງານລະບຸວ່າ: Apple ຕ້ອງການຈະຫຼີກລ່ຽງສະຖານະການທີ່ສະແດງໃຫ້ເຫັນວ່າການເພີ່ມຂຶ້ນຂອງລາຄາເປັນຜົນມາຈາກອັດຕາພາສີຂອງສະຫະລັດ ອາເມຣິກາ ກັບສິນຄ້າທີ່ນໍາເຂົ້າຈາກປະເທດຈີນ ຊຶ່ງເປັນຖານການປະກອບອຸປະກອນຂອງ Apple ຫຼາຍທີ່ສຸດ.
iPhone ລຸ້ນໃໝ່ທີ່ຄາດວ່າຈະອອກມາໃນລະດູໃບໄມ້ຫຼົ່ນອາດຈະມີການປ່ຽນແປງການອອກແບບບາງສ່ວນ ລວມທັງລຸ້ນ ແລະ ຂະໜາດໜ່ວຍບາງພິເສດ, ໂດຍທະນາຄານການລົງທຶນ (Jefferies) ໄດ້ຄາດຄະເນວ່າ iPhone ທີ່ຈຳໜ່າຍໃນສະຫະລັດ ອາເມຣິກາ ປະມານ 65 ລ້ານໜ່ວຍ ໃນປີ 2024 ເປັນລຸ້ນໂປຣ (Pro) ຫຼື ໂປຣແມັກ (Pro Max) ປະມານ 36-39 ລ້ານໜ່ວຍ.
ສຳລັບ iPhone ລຸ້ນໃໝ່ທີ່ຈະອອກມາໃນລະດູໃບໄມ້ຫຼົ່ນ, ອາດຈະມີຮູບແບບບາງລົງ ຊຶ່ງຈະມາປ່ຽນແທນ iPhone 16 Plus ທີ່ວາງຈໍາໜ່າຍໃນສະຫະລັດ ອາເມຣິກາ ລາຄາ ປະມານ 899 ໂດລາ.
ບົດລາຍງານລະບຸຕື່ມວ່າ: ທ່ານ ທິມ ຄຸກ CEO ຂອງ Apple ກຳລັງປະເຊີນກັບຄວາມກົດດັນຈາກຄວາມຂັດແຍ່ງດ້ານການຄ້າຂອງ ສະຫະລັດ ອາເມລິກາ-ຈີນ ຊຶ່ງສົ່ງຜົນກະທົບຕໍ່ຕ່ອງໂສ້ການສະໜອງຂອງ Apple. ດັ່ງນັ້ນ, ຈຶ່ງມີການກັກຕຸນສິນຄ້າໄວ້ໃນເດືອນມີນາ ກ່ອນມີການປະກາດອັດຕາພາສີ ແລະ ຍ້າຍການຜະລິດສຳລັບຕະຫຼາດ ສະຫະລັດ ອາເມຣິກາ ໄປຍັງອິນເດຍ.
ກ່ອນໜ້ານີ້, ໃນຕົ້ນເດືອນພຶດສະພາ ຜ່ານມາ ທ່ານ ຄຸກ ກ່າວວ່າ: iPhone ສ່ວນໃຫຍ່ທີ່ນໍາເຂົ້າສູ່ ສະຫະລັດ ອາເມຣິກາ ໃນໄຕມາດທີສອງ (ເດືອນເມສາ ຫາ ເດືອນມິຖຸນາ) ຈະມາຈາກອິນເດຍ.
ຄໍາເຫັນ