ໃນຂະນະດຽວກັນ, ອັດຕາເງິນເຟີ້ພື້ນຖານຊຶ່ງບໍ່ລວມຄ່າທີ່ຢູ່ອາໄສແລະການຂົນສົ່ງສ່ວນບຸກຄົນແມ່ນຢູ່ໃນລະດັບ 0.5% ໃນເດືອນມີນາ ຜ່ານມາ ເມື່ອທຽບເປັນປີຕໍ່ປີ ຊຶ່ງຕ່ຳກວ່າລະດັບ 0.6% ໃນເດືອນກຸມພາ ແລະຕ່ຳກວ່າໂຕເລກການຄາດຄະເນສະເລ່ຍໃນການສຳຫຼວດຂອງບລູມເບຣີກ 0.7%.
ອັດຕາເງິນເຟີ້ທົ່ວໄປ ແມ່ນ 0.9% ໃນເດືອນມີນາ ເທົ່າກັບເດືອນກຸມພາ ແລະຕໍ່າກວ່າໂຕເລກຄາດຄະເນໃນລະດັບ 1.1%
ທະນາຄານກາງສິງກະໂປ (MAS) ໄດ້ຫຼຸດການຄາດຄະເນອັດຕາເງິນເຟີ້ໃນກອງປະຊຸມນະໂຍບາຍໃນເດືອນເມສານີ້, ໂດຍຄາດວ່າອັດຕາເງິນເຟີ້ພື້ນຖານຈະຢູ່ໃນລະດັບ 0.5%-1.5% ໃນປີນີ້ ຊຶ່ງຕໍ່າກວ່າການຄາດຄະເນທີ່ຜ່ານມາ 1%-2%, ແລະອັດຕາເງິນເຟີ້ທົ່ວໄປມີທ່າອ່ຽງທີ່ຈະຫຼຸດລົງເຫຼືອ 0.5%-1.5% ຈາກການຄາດຄະເນທີ່ຜ່ານມາ 1.5%-2.5%.
MAS ໄດ້ຜ່ອນຜັນນະໂຍບາຍເງິນຕາເປັນຄັ້ງທີ 2 ຕິດຕໍ່ກັນ ເພື່ອສະໜັບສະໜູນເສດຖະກິດ ທ່າມກາງສົງຄາມການຄ້າລະຫວ່າງສອງປະເທດທະວີຄວາມຮຸ່ນແຮງເພີ່ມຂຶ້ນ.
ສຳລັບກອງປະຊຸມຄັ້ງຕໍ່ໄປຂອງMAS ຈະຈັດຂຶ້ນໃນເດືອນກໍລະກົດແລະນັກວິເຄາະຄາດວ່າອາດຈະມີການຜ່ອນຄາຍນະໂຍບາຍອີກຄັ້ງ.
ຄໍາເຫັນ