 |
ຕະຫຼອດໄລຍະການຝຶກອົບຮົມ, ສໍາມະນາກອນໄດ້ຮຽນຮູ້ເອກະສານແນວທາງຂອງພັກ ຈຳນວນ 14 ບົດ. ໃນນັ້ນ, ໄດ້ລົງເລິກບົດແນວທາງການຕ່າງປະເທດທີ່ສ້າງສັນ ການພົວພັນເພື່ອນມິດຍຸດທະສາດ, ຝຶກຝົນຫຼໍ່ຫຼອມຄຸນສົມບັດສິນທຳປະຕິວັດ, ເສີມຂະຫຍາຍມູນເຊື້ອຂອງຊາດລາວ, ການສ້າງ ແລະ ບູລະນະລະບອບປະຊາທິປະໄຕ ປະຊາຊົນ ຕາມທິດສັງຄົມນິຍົມ, ຄວາມຮູ້ພື້ນຖານກ່ຽວກັບລັດທິມາກ-ເລນິນ, ວິທີວັດຖຸນິຍົມສັດຈະວິພາກ, ແນວທາງເສດຖະກິດຂອງພັກ, ການຫັນເປັນອຸດສະຫະກຳ ແລະ ທັນສະໄໝຢູ່ປະເທດເຮົາ, ພັດທະນາເສດຖະກິດຕິດພັນກັບການພັດທະນາວັດທະນະທໍາ-ສັງຄົມ ແລະ ຮັກສາສິ່ງແວດລ້ອມ, ສ້າງລັດແຫ່ງກົດໝາຍເທື່ອລະກ້າວພາຍໃຕ້ການນໍາພາຂອງພັກ, ແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ, ແນວທາງການປ່ຽນແປງໃໝ່ຮອບດ້ານ ແລະ ມີຫຼັກການຂອງພັກ, ສັງຄົມສາມັກຄີປອງດອງແມ່ນບໍ່ເກີດກໍາລັງແຮງຂອງການປົກປັກຮັກສາ ແລະ ການພັດທະນາປະເທດຊາດ, ການຈັດຕັ້ງປະຕິບັດແນວທາງ ແລະ ແຜນນະໂຍບາຍຂອງພັກ ເຂົ້າໃນຊີວິດຕົວຈິງ, ທັງນີ້ກໍເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນ ໄດ້ຮັບຮູ້ເຂົ້າໃຈ ທິດສະດີ-ແນວທາງຂອງພັກ ໃຫ້ເລິກເຊິ່ງ, ສາມາດໄປນໍາໃຊ້ໃນຊີວິດຕົວຈິງໄດ້ ພ້ອມທັງເປີດໂອກາດໃຫ້ຜູ້ເຂົ້າຮ່ວມ ໄດ້ແລກປ່ຽນຄວາມຄິດເຫັນ ເຊິ່ງກັນ ແລະ ກັນ. ຊຸດອົບຮົມຄັ້ງນີ້, ຖືເປັນສ່ວນໜຶ່ງຂອງແຜນພັດທະນາບຸກຄະລາກອນຂອງພະແນກການອ້ອມຂ້າງແຂວງ ແລະ ເມືອງ ທີ່ສົ່ງເສີມໃຫ້ທຸກພາກສ່ວນມີຄວາມຮູ້ ຄວາມເຂົ້າໃຈ ຕາມແນວທາງຂອງພັກ ເພື່ອນໍາໄປໝູນໃຊ້ເຂົ້າໃນວຽກງານຕົວຈິງໃຫ້ມີປະສິດທິພາບ ແລະ ບັນລຸເປົ້າໝາຍທີ່ວາງໄວ້. ຈາກນັ້ນ, ກໍໄດ້ມອບໃບຢັ້ງຢືນ ໃຫ້ຜູ້ທີ່ສໍາເລັດການຝຶກອົບຮົມຄັ້ງນີ້.
 |
(ຂ່າວ: ສິດຕິພອນ, ພາບ: ວົງສະໄໝ)
ຄໍາເຫັນ