(10th ASLOM Working Group Meeting on the ASEAN Extradition Treaty)ຂຶ້ນໃນລະຫວ່າງວັນທີ 19-21ສິງຫານີ້ ທີ່ ນະຄອນຫຼວງວຽງຈັນ ສປປ ລາວໂດຍການເປັນປະທານຂອງ ທ່ານ ຄຳເພັດ ສົມວໍລະຈິດ ຮອງຫົວໜ້າ ອອປສ, ມີຜູ້ຕາງໜ້າກະຊວງການຕ່າງປະເທດ, ຄະນະຜູ້ແທນບັນດາປະເທດອາຊຽນ 10 ປະເທດ, ຕີມໍແລັດສະເຕ ພ້ອມດ້ວຍກອງເລຂາອາຊຽນ ເຂົ້າຮ່ວມ.
ກອງປະຊຸມຄັ້ງນີ້,ບັນດາຄະນະຜູ້ແທນທີ່ເຂົ້າຮ່ວມໄດ້ພ້ອມກັນປຶກສາຫາລື ແລະ ແລກປ່ຽນຄໍາຄິດເຫັນ ຕໍ່ກັບຮ່າງສົນທິສັນຍາອາຊຽນວ່າດ້ວຍການສົ່ງຜູ້ຮ້າຍຂ້າມແດນ ເພື່ອໃຫ້ມີຄວາມຄົບຖ້ວນສົມບູນຍິ່ງຂຶ້ນໂດຍໄດ້ເຈລະຈາເນື້ອໃນຂອງມາດຕາ 1 ພັນທະໃນການສົ່ງຜູ້ຂ້າມແດນ, ມາດຕາ 2 ການກະທຳຜິດທີ່ພາໃຫ້ສົ່ງຜູ້ຮ້າຍຂ້າມແດນ, ມາດຕາ 4 ເຫດຜົນພື້ນຖານຂອງການປະຕິເສດ, ມາດຕາ 5, 6, 7, 8, 13, 14, 16 ແລະ ມາດຕາ 17 ແລະ ບັນຫາອື່ນໆທີ່ສຳຄັນ ເພື່ອໃຫ້ມີຄວາມເປັນເອກະພາບ ແລະ ສາມາດນຳສະເໜີກອງປະຊຸມປະມຸກລັດ, ຫົວໜ້າລັດຖະບານບັນດາປະເທດອາຊຽນຮັບຮອງເອົາ, ລົງນາມໃຫ້ສັດຕະຍາບັນ ແລະ ປະກາດໃຊ້ ຕາມລະບຽບການ.
ໃນໂອກາດນີ້, ທ່ານ ຄຳເພັດ ສົມວໍລະຈິດ ໄດ້ສະແດງຄວາມຍ້ອງຍໍຊົມເຊີຍ ແລະ ຍິນດີຕ້ອນຮັບ ແລະ ສະເໜີບັນດາຜູ້ແທນທີ່ເຂົ້າຮ່ວມ ຈົ່ງສຸມທຸກກຳລັງແຮງ ແລະ ສະຕິປັນຍາຂອງຕົນ ເຂົ້າໃນການເຈລະຈາ ຮ່າງສົນທິສັນຍາອາຊຽນດັ່ງກ່າວ ດ້ວຍຄວາມຮັບຜິດຊອບ ພ້ອມທັງພ້ອມກັນຕີລາຄາສູງຕໍ່ຜົນສຳເລັດຂອງກອງປະຊຸມໃນຄັ້ງນີ້ ຊຶ່ງເປັນກອງປະຊຸມທີ່ມີຄວາມໝາຍສໍາຄັນຢ່າງຍິ່ງ ເນື່ອງຈາກວ່າໄດ້ເປີດຂຶ້ນ ໃນວາລະທີ່ປະເທດເຮົາເປັນປະທານອາຊຽນ ແລະ ຮ່າງສົນທິສັນຍາດັ່ງກ່າວ ເມື່ອໄດ້ຮັບການລົງນາມ, ໃຫ້ສັດຕະຍາບັນ, ປະກາດໃຊ້ ແລະ ມີຜົນສັກສິດ ຈະກາຍເປັນເຄື່ອງມືທາງດ້ານກົດໝາຍໃນການຮ່ວມມືກັນຂອງອາຊຽນ ກ່ຽວກັບການສົ່ງຜູ້ຮ້າຍຂ້າມແດນ, ນຳເອົາຜູ້ກະທຳຜິດມາລົງໂທດ, ຕ້ານອາຊະຍາກໍາຂ້າມຊາດເຮັດໃຫ້ສັງຄົມ ສປປລາວ ແລະ ອາຊຽນ ມີຄວາມສະຫງົບ, ມີຄວາມເປນະບຽບຮຽບຮ້ອຍ ແລະ ຈະເລີນກ້າວໜ້າ ຢ່າງບໍ່ຢຸດຢັ້ງ.
ຂ່າວ-ພາບ: ວັນເພັງ
ຄໍາເຫັນ