ອາຊຽນກ່າວວ່ານະໂຍບາຍພາສີຂອງອາເມຣິກາສ້າງຜົນກະທົບຕໍ່ການຄ້າໃນພາກພື້ນ ແລະສາກົນ

ອາຊຽນກ່າວວ່ານະໂຍບາຍພາສີຂອງອາເມຣິກາສ້າງຜົນກະທົບຕໍ່ການຄ້າໃນພາກພື້ນ ແລະສາກົນ

11:00 11/04/2025

ຂ່າວສານຊີອາໄອລາຍງານວ່າ: ໃນຕອນເຊົ້າວັນທີ 10 ເມສານີ້, ອາຊຽນໄດ້ຈັດກອງປະຊຸມລັດຖະມົນຕີເສດຖະກິດອາຊຽນຜ່ານທາງວິດີໂອ, ໂດຍໄດ້ປຶກສາຫາລືວ່າຈະເຮັດແນວໃດເພື່ອຮັບມືກັບນະໂຍບາຍພາສີຫຼ້າສຸດຂອງອາເມຣິກາ ແລະໄດ້ອອກຖະແຫຼງການຮ່ວມຫຼັງກອງປະຊຸມ.

ຖະແຫຼງການລະບຸວ່າ: ໃນຖານະເປັນກຸ່ມເສດຖະກິດໃຫຍ່ອັນດັບ 5 ຂອງທົ່ວໂລກ, ອາຊຽນສະແດງຄວາມເປັນຫ່ວງເປັນໃຍທີ່ສຸດຕໍ່ນະໂຍບາຍພາສີຝ່າຍດຽວທີ່ອາເມຣິກາໄດ້ປະຕິບັດໃນຫວ່າງມໍ່ໆມານີ້ ຊຶ່ງມັນຈະສ້າງຜົນກະທົບຕໍ່ການຄ້າໃນພາກພື້ນ ແລະສາກົນ, ສົ່ງຜົນກະທົບຕໍ່ວິສາຫະກິດ ແລະຜູ້ບໍລິໂພກໃນທົ່ວໂລກ ໃນນັ້ນລວມທັງອາເມຣິກາ.

ຖະແຫຼງການລະບຸຕື່ມວ່າ: ອາຊຽນຈະເດັດດ່ຽວໜຽວແໜ້ນຊຸກຍູ້ໃຫ້ເສດຖະກິດຂອງພາກພື້ນເຊື່ອມໂຍງເຂົ້າກັນກ້າວສູ່ລວງເລິກ, ກຳເອົາໂອກາດຈາກສິ່ງທ້າທາຍສາກົນ, ປົກປັກຮັກສາສະພາບແວດລ້ອມເສດຖະກິດໃນພາກພື້ນທີ່ສະເໝີພາບກັນ, ກວມລວມ ແລະເປີດປະຕູ, ສ້າງພື້ນຖານໃຫ້ແກ່ການເຕີບໂຕຂອງການຄ້າ ແລະການພັດທະນາໃນພາກພື້ນ.

ຄໍາເຫັນ

ຂ່າວຕ່າງປະເທດ

ບຸນກຸດຈີນ ຫຼື ປີໃໝ່ຂອງຈີນ ເປັນຊ່ວງວັນພັກທີ່ຍາວທີ່ສຸດ ເພື່ອສົ່ງເສີມການເດີນທາງ ແລະ ກະຕຸ້ນການບໍລິໂພກພາຍໃນປະເທດຈີນ

27/02/2026 16:00

ຕາມການລາຍງານຂ່າວຈາກ CGTN ໃນວັນທີ 24 ກຸມພາຜ່ານມາວ່າ: ໃນຊ່ວງວັນພັກຂອງບຸນກຸດຈີນ ປີ 2026 ຊຶ່ງເປັນຊ່ວງວັນພັກທີ່ຍາວທີ່ບໍ່ເຄີຍມີມາກ່ອນເປັນເວລາ 9 ວັນ

ປີ 2025 ໜີ້ສິນທົ່ວໂລກ ບັນລຸລະດັບສູງສຸດ 348 ພັນຕື້ໂດລາ

26/02/2026 11:45

ຂ່າວຕ່າງປະເທດລາຍງານວ່າ: ສະຖາບັນການເງິນສາກົນ (IIF) ໄດ້ເປີດເຜີຍບົດລາຍງານໃນວັນທີ 25 ກຸມພາ ຜ່ານມາ ໂດຍລະບຸວ່າ, ໜີ້ສິນທົ່ວໂລກບັນລຸລະດັບສູງສຸດເປັນປະຫວັດການທີ່ 348 ພັນຕື້ໂດລາ ໃນປີ 2025, ເພີ່ມຂຶ້ນ 29 ພັນຕື້ໂດລາ. ນີ້ຖືເປັນການເຕີບໂຕປະຈຳປີທີ່ໄວທີ່ສຸດນັບຕັ້ງແຕ່ການລະບາດຂອງພະຍາດໂຄວິດ-19.

ອິນເດຍ ແລະ ບຣາຊິນ ເຊັນສັນຍາການຂຸດຄົ້ນບໍ່ແຮ່

26/02/2026 11:44

ຂ່າວຕ່າງປະເທດລາຍງານ ໃນວັນທີ 23 ກຸມພາ ຜ່ານມາວ່າ: ອິນເດຍ ແລະ ບຣາຊິນ ໄດ້ປະກາດການລົງນາມໃນຂໍ້ຕົກລົງການຮ່ວມມືໃນຂະແໜງການຂຸດຄົ້ນບໍ່ແຮ່ ແລະ ແຮ່ທາດ ເພື່ອເສີມສ້າງສາຍພົວພັນການຄ້າ ແລະ ຕອບສະໜອງຄວາມຕ້ອງການເຫຼັກພາຍໃນປະເທດທີ່ເພີ່ມຂຶ້ນ.

ຕີມໍແລັດສະເຕ ກະກຽມເປັນປະເທດປະທານໝູນວຽນອາຊຽນ 2029

26/02/2026 11:43

ຂ່າວສານຊີອາໄອລາຍງານໃນວັນທີ 25 ກຸມພາ ຜ່ານມາວ່າ: ຕີມໍແລັດສະເຕ ເລີ່ມກະກຽມຢ່າງເປັນທາງການສຳລັບການເປັນປະເທດປະທານໝູນວຽນອາຊຽນປີ 2029. ທ່ານ ຊານານາ ກູສມາວ ນາຍົກລັດຖະມົນຕີຕີມໍແລັດສະເຕໄດ້ຮັບການແຕ່ງຕັ້ງເປັນປະທານຄະນະກຳມະການອົງການປະເທດປະທານໝູນວຽນອາຊຽນ ຫຼື ACNOC ແລະ ເປັນປະທານພິທີສ້າງຕັ້ງ ACNOC ແລະ ກອງປະຊຸມຄັ້ງປະຖົມມະລືກຂອງອົງການດັ່ງກ່າວໃນວັນທີ 23 ກຸມພາຜ່ານມາ.

ກຳປູເຈຍ ເນລະເທດຜູ້ຕ້ອງສົງໄສຫຼອກລວງທາງອອນລາຍຫຼາຍກວ່າ 30,000 ຄົນ

26/02/2026 11:39

ຂ່າວຕ່າງປະເທດລາຍງານ ໃນວັນທີ 25 ກຸມພາ ຜ່ານມາວ່າ: ທ່ານ ຊາ ໂສກາ ລັດຖະມົນຕີກະຊວງປ້ອງກັນຄວາມສະຫງົບກຳປູເຈຍກ່າວວ່າ: ກໍາປູເຈຍໄດ້ເນລະເທດຄົນຕ່າງປະເທດຫຼາຍກວ່າ 30,000 ຄົນທີ່ສົງໃສວ່າສໍ້ໂກງທາງອອນລາຍ ຫຼື ຜູ້ຫຼອກລວງກັບຄືນປະເທດຂອງເຂົາເຈົ້າ, ໃນຂະນະທີ່ອີກ 210,000 ຄົນໄດ້ເດີນທາງອອກຈາກກຳປູເຈຍໂດຍສະໝັກໃຈ. ຫຼັງຈາກກຳປູເຈຍເຂັ້ມງວດການປາບປາມການສໍ້ໂກງທາງອອນລາຍນັບແຕ່ເດືອນມິຖຸນາ 2025.

ທ່ານ ສີຈິ້ນຜິງ ພົບປະກັບນາຍົກລັດຖະມົນຕີເຢຍລະມັນ

26/02/2026 11:37

ຂ່າວສານຊີອາໄອລາຍງານວ່າ: ໃນວັນທີ 25 ກຸມພາ ຜ່ານມາ, ທ່ານ ສີຈິ້ນຜິງ ປະທານປະເທດຈີນໄດ້ພົບປະກັບທ່ານ ຟຣີດຣິສ ເມີສ ນາຍົກລັດຖະມົນຕີເຢຍລະມັນທີ່ມາຢ້ຽມຢາມຈີນຢ່າງເປັນທາງການຢູ່ຫໍຮັບແຂກເມືອງຕ້ຽວຢວີຖາຍ ທີ່ນະຄອນຫຼວງປັກກິ່ງ.

ຫວຽດນາມ ຜັນຂະຫຍາຍການພັດທະນາວິທະຍາສາດ ເຕັກໂນໂລຊີ ຢ່າງມີປະສິດທິຜົນ

26/02/2026 11:34

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 25 ກຸມພາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ຫົວໜ້າຄະນະຊີ້ນຳຂອງລັດຖະບານ ກ່ຽວກັບການພັດທະນາວິທະຍາສາດ, ເຕັກໂນໂລຊີ, ນະວັດຕະກຳ, ການຫັນເປັນດີຈີຕອນ ແລະ ແຜນຮ່າງເລກທີ 6 (ຄະນະຊີ້ນຳ) ໄດ້ເປັນປະທານກອງປະຊຸມຄັ້ງທີ 1 ປີ 2026 ຂອງຄະນະຊີ້ນຳ. ກອງປະຊຸມໄດ້ດຳເນີນຢູ່ສຳນັກງານລັດຖະບານ ແລະ ເຊື່ອມຕໍ່ທາງໄກກັບ 34 ແຂວງ, ນະຄອນ. ກອງປະຊຸມແນໃສ່ຜັນຂະຫຍາຍບັນດາໜ້າທີ່ ແລະ ວິທີການຈຸດສຸມ ຊຶ່ງທ່ານ ໂຕເລິມ ເລຂາທິການໃຫຍ່ ໄດ້ຊີ້ນຳແມ່ນ “ມີການກະທຳບຸກທະລຸ ແລະ ແຜ່ກະຈາຍໝາກຜົນ”.

ການບາດເຈັບທີ່ຫົວອາດເຮັດໃຫ້ເກີດການປ່ຽນແປງຂອງສະໝອງໃນໄລຍະຍາວ

25/02/2026 12:24

ຂ່າວຕ່າງປະເທດລາຍງານ ໃນວັນທີ 24 ກຸມພາ ຜ່ານມາວ່າ: ມະຫາວິທະຍາໄລ Adelaide ໃນອົສຕຣາລີ ໄດ້ເປີດເຜີຍຜົນການສຶກສາເບື້ອງຕົ້ນທີ່ຊີ້ໃຫ້ເຫັນວ່າ, ການບາດເຈັບທີ່ສະໝອງ (TBI) ຊຶ່ງລວມທັງສະໝອງໄດ້ຮັບການກະທົບກະເທືອນ, ອາດຈະເຮັດໃຫ້ເກີດການປ່ຽນແປງຂອງສະໝອງທີ່ສາມາດກວດພົບໄດ້ເຖິງແມ່ນວ່າຜ່ານໄປຫຼາຍທົດສະວັດ, ແມ່ນແຕ່ໃນຜູ້ໃຫຍ່ທີ່ມີສຸຂະພາບແຂງແຮງ.

20 ມື້ທຳອິດຂອງເດືອນກຸມພາ ການສົ່ງອອກຂອງ ສ ເກົາຫຼີ ເພີ່ມຂຶ້ນ 23.5%

25/02/2026 12:23

ຂ່າວຕ່າງປະເທດລາຍງານວ່າ: ຫ້ອງການພາສີ ສ ເກົາຫຼີ ໄດ້ເປີດເຜີຍຫວ່າງມໍ່ໆມານີ້ວ່າ, ການສົ່ງອອກຂອງ ສ ເກົາຫຼີ ໃນລະຫວ່າງວັນທີ 1 ຫາ 20 ກຸມພາ ເພີ່ມຂຶ້ນ 23.5% ເມື່ອທຽບກັບປີກ່ອນ ເປັນ 43.5 ຕື້ໂດລາ ຈາກ 35.2 ຕື້ໂດລາ ໃນໄລຍະດຽວກັນຂອງປີກາຍ, ໂດຍໄດ້ຮັບແຮງຂັບເຄື່ອນຈາກຄວາມຕ້ອງການເຊມິຄອນດັກເຕີທີ່ເຂັ້ມແຂງ ເຖິງວ່າຈະມີຄວາມບໍ່ແນ່ນອນຈາກພາສີຂອງສະຫະລັດ ອາເມຣິກາ.