ໄດ້ຈັດຂຶ້ນໃນວັນທີ 25 ກັນຍານີ້ ທີ່ນະຄອນຫຼວງວຽງຈັນສປປ ລາວ ໂດຍການເປັນປະທານຂອງ ທ່ານ ຄຳພູ ເພັຍສັກຂາ ຮອງຫົວໜ້າກົມແຜນການ ແລະ ການຮ່ວມມືສາກົນກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວຫົວໜ້າເຈົ້າໜ້າທີ່ອາວຸໂສວັດທະນະທຳ-ສັງຄົມອາຊຽນ, ມີບັນດາເຈົ້າໜ້າທີ່ອາວຸໂສເສົາຄ້ຳວັດທະນະທຳ-ສັງຄົມອາຊຽນ, ປະເທດຕີມໍແລັດສະເຕ, ມີຮອງເລຂາທິການໃຫຍ່ອາຊຽນ, ບັນດາປະທານຂະແໜງການທີ່ກ່ຽວຂ້ອງ, ພ້ອມດ້ວຍຄະນະຜູ້ແທນຈາກປະເທດສະມາຊິກອາຊຽນ ເຂົ້າຮ່ວມ.
ຈຸດປະສົງກອງປະຊຸມໃນຄັ້ງນີ້, ເພື່ອຮັບຟັງການລາຍງານຄວາມຄືບໜ້າການຈັດຕັ້ງປະຕິບັດແຜນງານ ກໍຄືການຕີລາຄາບັນດາກິດຈະກໍາທີ່ໄດ້ຈັດຕັ້ງປະຕິບັດໃນການຊຸກຍູ້ຜັນຂະຫຍາຍຖະແຫຼງການດັ່ງກ່າວໃນໄລຍະຜ່ານມາ ພ້ອມທັງພ້ອມກັນປຶກສາຫາລືທິດທາງແຜນການຕໍ່ໜ້າ ໂດຍສະເພາະແຜນຮ່ວມມືລະຫວ່າງຂະແໜງການທີ່ກ່ຽວຂ້ອງທັງພາຍໃນອາຊຽນ ແລະ ບັນດາປະເທດຄູ່ຮ່ວມເຈລະຈາ ກໍຄືຂະແໜງການທີ່ກ່ຽວຂ້ອງອື່ນໆ ເພື່ອຊຸກຍູ້ສົ່ງເສີມການຈັດຕັ້ງຜັນຂະຫຍາຍຖະແຫຼງການດັ່ງກ່າວໃຫ້ເປັນຮູບປະທໍາຍິ່ງຂຶ້ນ ແນໃສ່ຮັບປະກັນຄວາມຖືກຕ້ອງສອດຄ່ອງກັບແຜນບຸລິມະສິດທີ່ກ່ຽວຂ້ອງຂອງອາຊຽນ ລວມທັງແຜນຍຸດທະສາດຂອງປະຊາຄົມວັດທະນະທໍາ-ສັງຄົມອາຊຽນ ຫຼັງປີ 2025.
(ຂ່າວ: ວັນເພັງ-ພາບ: ສໍານານ)
ຄໍາເຫັນ