ເປັນປະທານຂອງທ່ານ ສຸກຂະຫຼຽນທອງຄຳ ຄະນະປະຈຳພັກແຂວງ ປະທານກວດກາພັກ-ລັດແຂວງ ບໍ່ແກ້ວ, ທ່ານ ຄຳເກິ່ງ ຜິວວັນນາ ກຳມະການພັກແຂວງເລຂາພັກເມືອງເຈົ້າເມືອງຫ້ວຍຊາຍ, ມີແຂກຖຶກເຊີນ ແລະ ປະຊາຊົນສອງບ້ານເຂົ້າຮ່ວມ.
ໃນພິທີ, ທ່ານ ຈອມແປງ ວົງນາທີ ເລຂາພັກນາຍບ້ານ ດອນໃຈ ຕາງໜ້າທັງ 2 ບ້ານ ຂຶ້ນລາຍງານການຊຸກຍູ້ການສ້າງຄອບຄົວ ແລະ ບ້ານພັດທະນາໃນໄລຍະຜ່ານມາ ແລະ ທິດທາງແຜນການຕໍ່ໜ້າ ໃຫ້ຮູ້ວ່າ: ບ້ານ ນໍ້າງທຸງ ແລະ ບ້່ານ ດອນໃຈ ກຸ່ມທ່າຟ້າ ແມ່ນຂຶ້ນກັບເມືອງຫ້ວຍຊາຍ ແຂວງບໍ່ແກ້ວ ລວມມີ 289 ຄົວເຮືອນ, ມີ 343 ຄອບຄົວ, ມີພົນລະເມືອງທັງໝົດ 1,476 ຄົນຍິງ 639 ຄົນ, ປະກອບມີ 3 ຊົນເຜົ່າຄື: ເຜົ່າລະເມດ, ເຜົ່າລື້ ແລະ ເຜົ່າມົ້ງ, ອາຊີບຕົ້ນຕໍ ແມ່ນການຜະລິດກະສິກຳ (ປູກຝັງ-ລ້ຽງສັດ), ເຮັດນາ, ພະນັກງານລັດ-ເອກະຊົນ, ເຮັດການບໍລິການ ແລະ ຄ້າຂາຍຈຳນວນໜຶ່ງ.ຈາກນັ້ນ, ຄະນະຮັບຜິດຊອບໄດ້ຜ່ານຂໍ້ຕົກລົງ ຂອງທ່ານເຈົ້າເມືອງຫ້ວຍຊາຍ ວ່າດ້ວຍການມອບໃບຢັ້ງຢືນຄອບຄົວພັດທະນາ ຈຳນວນ 244 ຄົວເຮືອນ, ໃຫ້ກຽດມອບໂດຍທ່ານ ສຸກຂະ ຫຼຽນທອງຄຳ ແລະ ຜ່ານຂໍ້ຕົກລົງຂອງທ່ານເຈົ້າແຂວງບໍ່ແກ້ວ ວ່າດ້ວຍການມອບໃບຢັ້ງຢືນບ້ານນໍ້າທຸງ ແລະ ບ້ານ ດອນໃຈ ກຸ່ມທ່າຟ້າ ເປັນບ້ານພັດທະນາ ໃຫ້ກຽດຂຶ້ນມອບໂດຍທ່ານ ຄຳເກິ່ງ ຜິວວັນນາ ພ້ອມທັງ ຮ່ວມເປີດປ້າຍບ້ານພັດທະນາ ແລະ ລັ່ນຄ້ອງ 9ບາດ.
(ຂ່າວ: ນາງ ມີເຮີ)
ຄໍາເຫັນ