ອົງການປົກຄອງບ້ານພະໄຊໄດ້ຈັດກອງປະຊຸມສະຫຼຸບການເຄື່ອນໄຫວວຽກງານຮອບດ້ານໃນໄລຍະ 5 ປີ(2019-2023)ແລະ ແຜນພັດທະນາບ້ານໃນ5 ປີຕໍ່ໜ້າຂຶ້ນໃນວັນທີ 28 ກຸມພານີ້ ທີ່ບ້ານດັ່ງກ່າວ ໂດຍການເຂົ້າຮ່ວມຂອງທ່ານ ດວງເດືອນ ວົງນະລາດ ຮອງເລຂາພັກເມືອງສີສັດຕະນາກ, ມີທ່ານນາງ ບຸນມາລາ ສິມມາລາວົງ ນາຍບ້ານໆພະໄຊ, ມີແຂກຖືກເຊີນພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານນາງ ບຸນມາລາ ສິມມາລາວົງ ໄດ້ຂຶ້ນຜ່ານບົດລາຍງານການເຄື່ອນໄຫວການຈັດຕັ້ງປະຕິບັດແຜນພັດທະນາຮອບດ້ານຂອງບ້ານໃນໄລຍະ 5 ປີຜ່ານມາ ວ່າ: ບ້ານພະໄຊເປັນບ້ານໜຶ່ງໃນຈຳນວນ 37 ບ້ານຂອງເມືອງສີສັດຕະນາກນະຄອນຫຼວງວຽງຈັນມີເນື້ອທີ່ທັງໝົດ 84.183 ຕາແມັດ, 215 ຫຼັງຄາເຮືອນແບ່ງອອກເປັນ 12 ໜ່ວຍ, 189 ຄອບຄົວ, ມີພົນລະເມືອງທັງໝົດ 875 ຄົນ ຍິງ 487 ຄົນ, ການປະກອບອາຊີບແມ່ນເປັນພະນັກງານ-ລັດຖະກອນ, ກຳມະກອນທົ່ວໄປ, ຊາວຄ້າຂາຍ, ນັກຮຽນ-ນັກສຶກສາ ແລະ ອື່ນໆ.
ອົງການປົກຄອງບ້ານໄດ້ປະຕິບັດຕາມພາລະບົດບາດ, ສິດແລະໜ້າທີ່ໃນ 5 ປີຜ່ານມາ ເປັນໃຈກາງເຕົ້າໂຮມຄວາມສາມັກຄີພາຍໃນບ້ານ, ປັບປຸງອົງການປົກຄອງບ້ານຕາມ 5 ໜ່ວຍງານໄດ້ສຳເລັດຊຶ່ງມີຄະນະບ້ານ5 ທ່ານ ຍິງ 5 ທ່ານ;ມີສະມາຊິກພັກທັງໝົດ 20 ຄົນຍິງ 14 ຄົນ, ໃນຊຸມປີຜ່ານມາໄດ້ສຸມໃສ່ໂຄສະນາສຶກສາອົບຮົມເຕົ້າໂຮມຄວາມສາມັກຄີປອງດອງຂອງປະຊາຊົນບັນດາເຜົ່າ, ປຸກລະດົມປະຊາຊົນໃຫ້ຮັກສາວັດທະນະທຳ-ຮີດຄອງປະເພນີອັນດີງາມຂອງຊາດ, ຂອງທ້ອງຖິ່ນໄດ້ຮັບໃບຢັ້ງຢືນຄອບຄົວສາມັກຄີປອງດອງຈຳນວນ183ຄອບຄົວ. ເປັນສະມາຊິກກອງທຶນຊ່ວຍເຫຼືອຊຶ່ງກັນແລະກັນ;ຄະນະຫະພັນແມ່ຍິງບ້ານມີ 5ທ່ານ, ມີສະມາຊິກແມ່ຍິງທັງໝົດ66 ທ່ານ, ແບ່ງອອກເປັນ 1 ໜ່ວຍ. ມີກຸ່ມທ້ອນເງິນຊຶ່ງມີສະມາຊິກກອງທຶນ 85ຄົນ ຍິງ 72 ຄົນ. ມີເງິນທ້ອນທັງໝົດ 374.000.000 ກີບ,ປ່ອຍເງິນກູ້ໃຫ້ສະມາຊິກ 290.000.000 ກີບ.ມີເງິນສໍາຮອງ 79.259.000 ກີບ. ຄະນະແມ່ຍິງໄດ້ເຄື່ອນໄຫວປະຕິບັດຄໍາຂວັນ 3 ດີໃນຖັນແຖວເອື້ອຍນ້ອງແມ່ຍິງຢ່າງກວ້າງຂວາງ, ສຶກສາອົບຮົມເຜີຍແຜ່ພາລະບົດບາດ, ສິດໜ້າທີ່ຂອງຄະນະບໍລິຫານງານສະຫະພັນແມ່ຍິງຢູ່ພາຍໃນບ້ານໃຫ້ຮັບຮູ້ ແລະ ເຂົ້າໃຈກົດໜາຍວ່າດ້ວຍການປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ.
ຜ່ານການເຄື່ອນໄຫວວຽກງານຕົວຈິງໃນຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບຮັກນະຄອນຫຼວງວຽງຈັນ 2016-2020 ສາມາດຍາດໄດ້ຜົນງານຫຼາຍດ້ານ:ປະເພດລວມໝູ່ໄດ້ຮັບຫຼຽນໄຊແຮງງານຊັ້ນ IIຈຳນວນ 1 ໜ່ວຍ; ປະເພດບຸກຄົນຫຼຽນໄຊແຮງານຊັ້ນ II ຈຳນວນ1 ໜ່ວຍ,ຫຼຽນໄຊແຮງງານ ຊັ້ນ III ຈຳນວນ 4 ໜ່ວຍ;ຫຼຽນກາແຮງງານ2 ໜ່ວຍ ແລະ ໃບຍ້ອງຍໍຂັ້ນຕ່າງໆເປັນຈຳນວນຫຼາຍ.
ສໍາລັບແຜນພັດທະນາບ້ານພະໄຊນັບແຕ່ປີ 2024-2028ຈະສືບຕໍ່ເພີ່ມທະວີຄວາມສາມັກຄີເປັນເອກະພາບພາຍໃນຄະນະບ້ານ, ພະນັກງານ, ປະຊາຊົນທຸກຊັ້ນຄົນໃຫ້ມີຄວາມໜັກແໜ້ນເຂັ້ມແຂງ,ຕັ້ງໜ້າສຶກສາອົບຮົມການເມືອງ-ແນວຄິດ ເຊີດຊູສະຕິເປັນເຈົ້າຂອງປະເທດຊາດ ຮັກລະບອບໃໝ່, ລະບອບປະຊາທິປະໄຕປະຊາຊົນ; ສືບຕໍ່ໂຄສະນາ, ສຶກສາອົບຮົມ, ເຕົ້າໂຮມຄວາມສາມັກຄີປະຊາຊົນພາຍໃນບ້ານ, ສືບຕໍ່ເກັບຂໍ້ມູນກ່ຽວກັບຫົວໜ່ວຍແຮງງານ, ເກັບກຳຈຳນວນຄົນໃນເກນອອກແຮງງານທັງໝົດພາຍໃນບ້ານ, ຊຸກຍູ້ສົ່ງເສີມ ແລະ ຈັດຫາວຽກເຮັດງານທຳຕາມເງື່ອນໄຂ ແລະ ຄວາມສາມາດ; ແກ້ໄຂຄົນຂໍທານ, ຄົນເສຍຈິດ, ແຮງງານຕ່າງປະເທດທີ່ມາເຄື່ອນໄຫວບໍ່ຖືກຕ້ອງຕາມກົດໝາຍ, ຊ່ວຍເຫຼືອຄອບຄົວພະນັກງານບໍານານ, ປະຊາຊົນຜູ້ປະສົບໄພພິບັດຕ່າງໆ ພ້ອມນັ້ນ, ກອງປະຊຸມຍັງໄດ້ປ່ອນບັດຄັດເລືອກເອົາຄະນະບ້ານຊຸດໃໝ່.
ຂ່າວ-ພາບ: ຍຸພິນທອງ
ທ່ານນາງ ບຸນມາລາ ສິມມາລາວົງ ໄດ້ຂຶ້ນຜ່ານບົດລາຍງານການເຄື່ອນໄຫວການຈັດຕັ້ງປະຕິບັດແຜນພັດທະນາຮອບດ້ານຂອງບ້ານໃນໄລຍະ 5 ປີຜ່ານມາ ວ່າ: ບ້ານພະໄຊເປັນບ້ານໜຶ່ງໃນຈຳນວນ 37 ບ້ານຂອງເມືອງສີສັດຕະນາກນະຄອນຫຼວງວຽງຈັນມີເນື້ອທີ່ທັງໝົດ 84.183 ຕາແມັດ, 215 ຫຼັງຄາເຮືອນແບ່ງອອກເປັນ 12 ໜ່ວຍ, 189 ຄອບຄົວ, ມີພົນລະເມືອງທັງໝົດ 875 ຄົນ ຍິງ 487 ຄົນ, ການປະກອບອາຊີບແມ່ນເປັນພະນັກງານ-ລັດຖະກອນ, ກຳມະກອນທົ່ວໄປ, ຊາວຄ້າຂາຍ, ນັກຮຽນ-ນັກສຶກສາ ແລະ ອື່ນໆ.
ອົງການປົກຄອງບ້ານໄດ້ປະຕິບັດຕາມພາລະບົດບາດ, ສິດແລະໜ້າທີ່ໃນ 5 ປີຜ່ານມາ ເປັນໃຈກາງເຕົ້າໂຮມຄວາມສາມັກຄີພາຍໃນບ້ານ, ປັບປຸງອົງການປົກຄອງບ້ານຕາມ 5 ໜ່ວຍງານໄດ້ສຳເລັດຊຶ່ງມີຄະນະບ້ານ5 ທ່ານ ຍິງ 5 ທ່ານ;ມີສະມາຊິກພັກທັງໝົດ 20 ຄົນຍິງ 14 ຄົນ, ໃນຊຸມປີຜ່ານມາໄດ້ສຸມໃສ່ໂຄສະນາສຶກສາອົບຮົມເຕົ້າໂຮມຄວາມສາມັກຄີປອງດອງຂອງປະຊາຊົນບັນດາເຜົ່າ, ປຸກລະດົມປະຊາຊົນໃຫ້ຮັກສາວັດທະນະທຳ-ຮີດຄອງປະເພນີອັນດີງາມຂອງຊາດ, ຂອງທ້ອງຖິ່ນໄດ້ຮັບໃບຢັ້ງຢືນຄອບຄົວສາມັກຄີປອງດອງຈຳນວນ183ຄອບຄົວ. ເປັນສະມາຊິກກອງທຶນຊ່ວຍເຫຼືອຊຶ່ງກັນແລະກັນ;ຄະນະຫະພັນແມ່ຍິງບ້ານມີ 5ທ່ານ, ມີສະມາຊິກແມ່ຍິງທັງໝົດ66 ທ່ານ, ແບ່ງອອກເປັນ 1 ໜ່ວຍ. ມີກຸ່ມທ້ອນເງິນຊຶ່ງມີສະມາຊິກກອງທຶນ 85ຄົນ ຍິງ 72 ຄົນ. ມີເງິນທ້ອນທັງໝົດ 374.000.000 ກີບ,ປ່ອຍເງິນກູ້ໃຫ້ສະມາຊິກ 290.000.000 ກີບ.ມີເງິນສໍາຮອງ 79.259.000 ກີບ. ຄະນະແມ່ຍິງໄດ້ເຄື່ອນໄຫວປະຕິບັດຄໍາຂວັນ 3 ດີໃນຖັນແຖວເອື້ອຍນ້ອງແມ່ຍິງຢ່າງກວ້າງຂວາງ, ສຶກສາອົບຮົມເຜີຍແຜ່ພາລະບົດບາດ, ສິດໜ້າທີ່ຂອງຄະນະບໍລິຫານງານສະຫະພັນແມ່ຍິງຢູ່ພາຍໃນບ້ານໃຫ້ຮັບຮູ້ ແລະ ເຂົ້າໃຈກົດໜາຍວ່າດ້ວຍການປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ.
ຜ່ານການເຄື່ອນໄຫວວຽກງານຕົວຈິງໃນຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບຮັກນະຄອນຫຼວງວຽງຈັນ 2016-2020 ສາມາດຍາດໄດ້ຜົນງານຫຼາຍດ້ານ:ປະເພດລວມໝູ່ໄດ້ຮັບຫຼຽນໄຊແຮງງານຊັ້ນ IIຈຳນວນ 1 ໜ່ວຍ; ປະເພດບຸກຄົນຫຼຽນໄຊແຮງານຊັ້ນ II ຈຳນວນ1 ໜ່ວຍ,ຫຼຽນໄຊແຮງງານ ຊັ້ນ III ຈຳນວນ 4 ໜ່ວຍ;ຫຼຽນກາແຮງງານ2 ໜ່ວຍ ແລະ ໃບຍ້ອງຍໍຂັ້ນຕ່າງໆເປັນຈຳນວນຫຼາຍ.
ສໍາລັບແຜນພັດທະນາບ້ານພະໄຊນັບແຕ່ປີ 2024-2028ຈະສືບຕໍ່ເພີ່ມທະວີຄວາມສາມັກຄີເປັນເອກະພາບພາຍໃນຄະນະບ້ານ, ພະນັກງານ, ປະຊາຊົນທຸກຊັ້ນຄົນໃຫ້ມີຄວາມໜັກແໜ້ນເຂັ້ມແຂງ,ຕັ້ງໜ້າສຶກສາອົບຮົມການເມືອງ-ແນວຄິດ ເຊີດຊູສະຕິເປັນເຈົ້າຂອງປະເທດຊາດ ຮັກລະບອບໃໝ່, ລະບອບປະຊາທິປະໄຕປະຊາຊົນ; ສືບຕໍ່ໂຄສະນາ, ສຶກສາອົບຮົມ, ເຕົ້າໂຮມຄວາມສາມັກຄີປະຊາຊົນພາຍໃນບ້ານ, ສືບຕໍ່ເກັບຂໍ້ມູນກ່ຽວກັບຫົວໜ່ວຍແຮງງານ, ເກັບກຳຈຳນວນຄົນໃນເກນອອກແຮງງານທັງໝົດພາຍໃນບ້ານ, ຊຸກຍູ້ສົ່ງເສີມ ແລະ ຈັດຫາວຽກເຮັດງານທຳຕາມເງື່ອນໄຂ ແລະ ຄວາມສາມາດ; ແກ້ໄຂຄົນຂໍທານ, ຄົນເສຍຈິດ, ແຮງງານຕ່າງປະເທດທີ່ມາເຄື່ອນໄຫວບໍ່ຖືກຕ້ອງຕາມກົດໝາຍ, ຊ່ວຍເຫຼືອຄອບຄົວພະນັກງານບໍານານ, ປະຊາຊົນຜູ້ປະສົບໄພພິບັດຕ່າງໆ ພ້ອມນັ້ນ, ກອງປະຊຸມຍັງໄດ້ປ່ອນບັດຄັດເລືອກເອົາຄະນະບ້ານຊຸດໃໝ່.
ຂ່າວ-ພາບ: ຍຸພິນທອງ
ຄໍາເຫັນ