BOJ ກໍາລັງພິຈາລະນາການອອກສະກຸນເງິນດີຈີຕອນຂອງທະນາຄານກາງ (CBDC), ໂດຍໄດ້ເລີ່ມໂຄງການທົດລອງໃນປີ 2023 ພ້ອມທັງມີການປຶກສາຫາລືກັບພາກເອກະຊົນ ແລະ ລັດຖະບານ ເພື່ອອອກແບບໂຄງສ້າງ ແລະ ກົນໄກຂອງລະບົບການເງິນໃໝ່ນີ້.
ທ່າອ່ຽງຂອງການຊຳລະເງິນແບບບໍ່ມີເງິນສົດໃນປະເທດຍີ່ປຸ່ນແມ່ນເພີ່ມຂຶ້ນຢ່າງຫຼວງຫຼາຍ. ໂດຍອີງຕາມຂໍ້ມູນຂອງລັດຖະບານລະບຸວ່າ: ໃນປີ 2023 ອັດຕາສ່ວນຂອງການຊຳລະເງິນທີ່ບໍ່ມີເງິນສົດໃນປະເທດເພີ່ມຂຶ້ນເປັນ 42.8% ຈາກ 13.2% ໃນປີ 2010 ຊຶ່ງຖືວ່າໄວກວ່າເປົ້າໝາຍທີ່ວາງໄວ້ 40% ຕໍ່ໜຶ່ງປີ.
ເຖິງວ່າຍີ່ປຸ່ນເປັນປະເທດທີ່ຊ້າກວ່າຫຼາຍປະເທດໃນດ້ານເຕັກໂນໂລຊີການຊຳລະເງິນ, ແຕ່ການຂະຫຍາຍຕົວຂອງການໃຊ້ຈ່າຍຜ່ານດີຈີຕອນໄດ້ກະຕຸ້ນໃຫ້ຜູ້ວາງນະໂຍບາຍຕ້ອງຮັບຮູ້ ແລະ ປັບຕົວ ເພື່ອເຮັດໃຫ້ລະບົບການຊຳເງິນສະດວກ, ມີປະສິດທິພາບ, ເຂົ້າເຖິງງ່າຍ ແລະ ປອດໄພໃນໄລຍະຍາວ.
ເຈົ້າໜ້າທີ່ລະດັບສູງຂອງ BOJ ເຫັນວ່າ CBDC ມີຄວາມສາມາດທີ່ຈະກາຍເປັນໂຄງສ້າງພື້ນຖານທີ່ສໍາຄັນຂອງລະບົບການເງິນໃນອະນາຄົດຂອງຍີ່ປຸ່ນ. ຢ່າງໃດກໍຕາມ, BOJ ບໍ່ໄດ້ຄາດຫວັງວ່າຄວາມຕ້ອງການໃຊ້ເງິນສົດໃນປະເທດຈະໝົດໄປໃນໄວໆນີ້.
ຄໍາເຫັນ