ບໍລິສັດດັ່ງກ່າວຕັ້ງຢູ່ບ້ານໜອງບຶກ ເມືອງສີໂຄດຕະບອງ ນະຄອນຫຼວງວຽງຈັນ ແລະ ເປີດບໍລິການມາໄດ້ 10ກວ່າປີແລ້ວ ແລະ ພາຍໃນບໍລິສັດ ມີພະນັກງານ 100 ກວ່າຄົນ, ສໍາລັບພະນັກງານ ແລະ ກຳມະກອນ 80% ເປັນຄົນລາວ, ເຄື່ອງທີ່ນໍາມາຈຳໜ່າຍແມ່ນມາຈາກ ສປ ຈີນ ແລະ ໄທ, ສ່ວນການຈໍາໜ່າຍແມ່ນສົ່ງຂາຍທຸກໆແຂວງທົ່ວປະເທດ.
ທ່ານ ດົວວ່າງ ວ່າງເຈົ້າ ກ່າວຕື່ມວ່າ: ການມາລົງທຶນສ້າງຕັ້ງບໍລິສັດຢູ່ ສປປ ລາວ ແມ່ນເປັນການຂະຫຍາຍຕະຫຼາດແລະ ທັງສ້າງໂອກາດໃຫ້ຄົນລາວໄດ້ມີວຽກເຮັດງານທຳ, ສຳລັບສະຫວັດດີການຕໍ່ພະນັກງານ-ກຳມະກອນແມ່ນອີງຕາມກົດໝາຍແຮງງານຂອງສປປລາວ ໂດຍປີໜຶ່ງໃຫ້ພັກ15ວັນຕາມລະບຽບລັດຖະກອນ, ນອກນັ້ນຍັງມີນະໂຍບາຍຕື່ມອີກ ໂດຍສະເພາະ ລາພັກເຮັດວຽກສ່ວນຕົວເຊັ່ນ:ຂຶ້ນເຮືອນໃໝ່, ພໍ່ແມ່ບໍ່ສະບາຍ ແລະ ເຈັບປ່ວຍແມ່ນໃຫ້ພັກ 3 ວັນ, ສ່ວນພັກເກີດລູກໃໝ່ແມ່ນໃຫ້ 3 ເດືອນໂດຍຈະໄດ້ຮັບເງິນເດືອນປົກກະຕິ,ສໍາລັບເງິນເດືອນພື້ນຖານຂອງບໍລິສັດແມ່ນເລີ່ມຕົ້ນ 3 ລ້ານ ຫາ 5 ລ້ານກີບຕໍ່ເດືອນ, ນອກນີ້ຍັງມີເງິນເປີເຊັນທີ່ມາຈາກຍອດຂາຍແຕ່ລະເດີືອນຈະແບ່ງປັນໃຫ້ເພື່ອເປັນແຮງຈູງໃຈໃຫ້ກັບພະນັກງານ-ກຳມະກອນ ໃນການເຮັດວຽກ, ນອກຈາກເງິນເດືອນແລ້ວທາງບໍລິສັດ ມີເງິນນະໂຍບາຍໃຫ້ພະນັກງານ-ກຳມະກອນດີເດັ່ນປະຈຳທຸກໆເດືອນ, ສ່ວນການເບີກຈ່າຍເງິນເດືອນແມ່ນ ໜຶ່ງເດືອນເບີກຈ່າຍ 2 ຄັ້ງ.
ທ່ານ ດົວວ່າງ ວ່າງເຈົ້າ ກ່າວຕື່ມວ່າ: ວັນທີ 1 ພຶດສະພາ ເປັນວັນກຳມະກອນສາກົນ ຊຶ່ງເປັນວັນທີ່ມີຄວາມໝາຍຄວາມສຳຄັນຂອງຊົນຊັ້ນກຳມະກອນ ແລະ ຊາວຜູ້ອອກແຮງງານ ເປັນວັນທີ່ກຳມະກອນໃນທົ່ວໂລກໄດ້ລຸກຮືຂຶ້ນຍ້ອນຄວາມຮຽກຮ້ອງຕ້ອງການຂອງສັງຄົມໃນການຕອບສະໜອງວັດຖຸ ແລະ ສິ່ງຂອງຕ່າງໆ ເຂົ້າໃນການຮັບໃຊ້ຊີວິດປະຈຳວັນນັບມື້ສູງຂຶ້ນ ແລະ ບໍ່ສາມາດຕອບສະໜອງຕາມຄວາມຮຽກຮ້ອງຕ້ອງການຂອງສັງຄົມໄດ້ ຈຳນວນກຳມະກອນກໍມີການເຕີບໃຫຍ່ຂະຫຍາຍຕົວໄປພ້ອມໆກັບການຂະຫຍາຍຕົວຂອງການຜະລິດ.
ຂ່າວ:ບຸນອູ້ມ; ພາບ:ບຸນຕອມ
ຄໍາເຫັນ