ບໍລິສັດ ມີດີ ລາວມອບນໍ້າດື່ມຊ່ວຍເຫຼືອຜູ້ປະສົບໄພນໍ້າຖ້ວມແຂວງພາກເໜືອ

ພິທີປະກາດແຕ່ງຕັ້ງຄະນະກຳມະການປ້ອງກັນຊາດ (ປກຊ)-ປ້ອງກັນຄວາມສະຫງົບ (ປກສ) ແຂວງສະຫວັນນະເຂດ ຈັດຂຶ້ນໃນວັນທີ 29 ກໍລະກົດຜ່ານມາ, ທີ່ຫ້ອງວ່າການແຂວງ ເຂົ້າຮ່ວມເປັນກຽດຂອງສະຫາຍ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບສູນກາງ, ມີສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ, ມີບັນດາສະຫາຍໃນຄະນະພັກ-ຄະນະນຳແຂວງ, ພ້ອມດ້ວຍກຳລັງ ປກຊ-ປກສ ແລະ ພະນັກງານຫຼັກແຫຼ່ງເຂົ້າຮ່ວມ.

ໃນລະຫວ່າງວັນທີ 27-29 ກໍລະກົດ ຜ່ານມານີ້, ທ່ານ ຄຳລາວັນ ຈັນທະລາວັນ ກຳມະການສູນກາງພັກ ປະທານອົງການກາແດງແຫ່ງຊາດລາວ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກຢູ່ ແຂວງບໍລິຄຳໄຊ, ແຂວງຄຳມ່ວນ ແລະ ແຂວງສະຫວັນນະເຂດ ຊຶ່ງໄດ້ນຳເອົາເຄື່ອງອຸປະໂພກ-ບໍລິໂພກທີ່ຈຳເປັນ ຈຳນວນ 51 ຊຸດ ລວມມູນຄ່າ 45 ລ້ານກີບ ໄປມອບໃຫ້ກັບປະຊາຊົນຢູ່ທີ່ທຸກຍາກຂາດເຂີນຢູ່ ບ້ານສີສະຫວາດ, ຫາດດອນຄູນ, ນາແຫນ, ວັດທາດ, ໂພນມຸງຄຸນ ເມືອງບໍລິຄັນ ແຂວງບໍລິຄຳໄຊ. ຈາກນັ້ນ, ໄດ້ເດີນທາງຕໍ່ໄປຍັງ ບ້ານທ່າບັກ ເມືອງຄຳເກີດ ແຂວງບໍລິຄຳໄຊ, ເພື່ອໃຫ້ກຳລັງໃຈ ແລະ ມອບເຄື່ອງຊ່ວຍເຫຼືອບັນເທົາທຸກສຸກເສີນ ໃຫ້ກັບຄອບຄົວຜູ້ທີ່ໄດ້ຮັບຜົນກະທົບຢ່າງໜັກໜ່ວງຈາກເຫດການດິນເຈື່ອນທັບໃສ່ເຮືອນ ຈົນເຮັດໃຫ້ມີຜູ້ເສຍຊີວິດ ຊຶ່ງເປັນການແບ່ງເບົາຄວາມທຸກໂສກໃນຍາມວິກິດຢ່າງທັນການ.

ວັນທີ 30 ກໍລະກົດ ນີ້, ກອງເລຂາຄະນະກຳມະການຕ້ານການຄ້າມະນຸດລະດັບຊາດ ຈັດພິທີລະນຶກວັນສາກົນເພື່ອຕ້ານການຄ້າມະນຸດ ປະຈຳປີ 2026 ຢູ່ສະໂມສອນກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ ພາຍໃຕ້ຄໍາຂວັນ: “ທັບມ້າງ ກວດລ້າງ ຂະບວນການຄ້າມະນຸດຂ້າມຊາດໃຫ້ໝົດໄປຈາກສັງຄົມ” ໂດຍມີ ທ່ານ ນາງ ບຸນເຫຼືອ ຈັນທະພົມມາ ຫົວໜ້າສູນໃຫ້ຄໍາປຶກສາ ແລະ ປົກປ້ອງແມ່ຍິງ-ເດັກນ້ອຍ ສູນກາງສະຫະພັນແມ່ຍິງລາວ ຮອງຫົວໜ້າກອງເລຂາ ຄະນະກຳມະການຕ້ານການຄ້າມະນຸດລະດັບຊາດ, ມີບັນດາສະມາຊິກກອງເລຂາຄະນະກຳມະການຕ້ານການຄ້າມະນຸດລະດັບຊາດ ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ.

ໃນຕອນເຊົ້າວັນທີ 30 ກໍລະກົດນີ້, ອົງຄະນະພັກຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ໄດ້ຈັດພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2025 ແລະ ເປີດຂະບວນການແຂ່ງຂັນ ການກໍ່ສ້າງໜ່ວຍພັັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2026 ໂດຍການເປັນປະທານຂອງ ສະຫາຍ ບົວຄົງ ນາມມະວົງ ກຳມະການສູນກາງພັກ ເລຂາຄະນະບໍລິຫານງານພັກ ຫສນຍ, ມີສະຫາຍຮອງເລຂາ, ບັນດາສະຫາຍຄະນະປະຈຳພັກ, ຄະນະບໍລິຫານງານພັກ, ເລຂາໜ່ວຍພັກຮາກຖານ ພ້ອມດ້ວຍສະມາ ຊິກພັກ ພາຍໃນອົງຄະນະພັກ ຫສນຍ ເຂົ້າຮ່ວມ.

ທ່ານສະຫງົບ ພັບບົວອອນ ຮອງປະທານອົງງການປົກຄອງເມືອງບໍ່​ແຕນແຂວງ​ໄຊຍະ​ບູ​ລີພ້ອມ​ຄະ​ນະໄດ້ຕິດຕາມເກັບກຳຂ້ໍມູນກ່ຽວກັບໄພແຫ້ງແລ້ງ ແລະການລະບາດຂອງສັດຕູພືດ (ເພ້ຍ) ລົງນາເຂົ້າຂອງປະຊາຊົນ ຢູ່ບ້ານໜອງໃຫຍ່,ບ້ານຕົ້ນຕານ ແລະບ້ານນ້ຳພຽງເມື່ອ​ວັນ​ທີ 28 ກໍ​ລະ​ກົດ​ຜ່າ​ນ​ມາ.

ກະຊວງຍຸຕິທຳ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານກົດໝາຍ ແລະ ຍຸຕິທຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2026 ແລະ ປະກາດການຈັດຕັ້ງ ຂຶ້ນໃນວັນທີ 29 ກໍລະກົດນີ້ ທີ່ກະຊວງດັ່ງກ່າວ, ໂດຍການເປັນປະທານຂອງ ທ່ານ ຄຳພັນ ພົມມະທັດ ຮອງນາຍົກລັດຖະມົນຕີ ລັດຖະມົນຕີກະຊວງຍຸຕິທຳ, ມີບັນດາຮອງລັດຖະມົນຕີ, ຫົວໜ້າກົມ - ຮອງກົມ ແລະ ພະນັກງານພາຍໃນກະຊວງເຂົ້າຮ່ວມ.

ໃນວັນທີ 28 ກໍລະກົດຜ່ານມານີ້, ສະຫາຍ ວັນໄຊ ພອງສະຫວັນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ, ຫົວໜ້າອົງການຕ້ານການສໍ້ລາດບັງຫຼວງສູນກາງ ພ້ອມດ້ວຍຄະນະ ແລະ ຄະນະນຳຂອງແຂວງຜົ້ງສາລີ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງຂວາ.

ກອງປະຊຸມສະຫຼຸບການຈັດຕັ້ງປະຕິບັດກິດຈະກຳໂຄງການປົກປ້ອງເດັກ ເພື່ອປ້ອງກັນການໃຊ້ແຮງງານເດັກປະຈຳ 6 ເດືອນຕົ້ນປີ ແລະ ວາງທິດທາງ 6 ເດືອນທ້າຍປີ 2026 ຂຶ້ນໃນວັນທີ 28 ກໍລະກົດຜ່ານມາ, ທີ່ໂຮງແຮມຊະນະແກ້ວ ນະຄອນ-ຫຼວງພະບາງ ໂດຍການເປັນປະທານຮ່ວມຂອງທ່ານ ສຸພອນໄຊ ລໍເພັງສີ ຫົວໜ້າກົມສັງຄົມສົງເຄາະ ກະຊວງແຮງງານ ແລະ ສະຫວັດດີການສັງຄົມ (ຮສສ) ແລະ ທ່ານ ສົມບູນ ພົມມະປັນຍາ ຮອງຫົວໜ້າພະແນກ ຮສສ ແຂວງ, ມີຜູ້ຕາງໜ້າພະແນກການກ່ຽວຂ້ອງ ແລະ ບັນດາເມືອງເປົ້າໝາຍ ເຂົ້າຮ່ວມ.

ແຂວງຄໍາມ່ວນ ຈັດຂະບວນການຍ່າງເພື່ອສຸຂະພາບ ເນື່ອງໃນໂອກາດວັນສາກົນຕ້ານການຄ້າມະນຸດ ປະຈຳປີ 2026 ຂຶ້ນໃນວັນທີ 30 ກໍລະກົດນີ້, ເປັນກຽດເຂົ້າຮ່ວມໂດຍທ່ານ ເດດສັກດາ ມະນີຄໍາ ຮອງປະທານຄະນະກຳມະການປົກຄອງແຂວງ, ປະທານຄະນະກຳມະການຕ້ານການຄ້າມະນຸດຂັ້ນແຂວງ ພ້ອມດ້ວຍບັນດາ ຄະນະນໍາແຂວງ, ຄະນະຮັບຜິດຊອບ ແລະ ພະນັກງານຫຼັກແຫຼ່ງຈາກຂົງເຂດຕ່າງໆອ້ອມຂ້າງແຂວງເຂົ້າຮ່ວມ.

ກອງບັນຊາການປ້ອງກັນຄວາມສະຫງົບ (ປກສ) ແຂວງຫຼວງພະບາງ ຈັດພິທີປ່ອຍຕົວນັກໂທດກ່ອນກຳນົດໂດຍມີເງື່ອນໄຂ ຈັດຂຶ້ນເມື່ອບໍ່ດົນມານີ້, ທີ່ຄ້າຍຄຸມຂັງ-ດັດສ້າງ ກອງບັນຊາການ ປກສ ແຂວງ ໂດຍການເປັນປະທານຂອງທ່ານ ພັນເອກ ທາ ລຽນປະດິດ ຮອງຫົວໜ້າກອງບັນຊາການ ປກສ ແຂວງ, ມີຄະນະບັນຊາຄ້າຍຄຸມຂັງ-ດັດສ້າງ, ຄະນະກຳມະການຂັ້ນແຂວງ ແລະ ຄະນະຮັບຜິດຊອບອະໄພຍະໂທດເຂົ້າຮ່ວມ.