ໂດຍ: ວັນເພັງ
ເມື່ອຮອດມື້ຂຶ້ນ 15 ຄໍ່າ ເດືອນ11 ຂອງທຸກໆປີ ແມ່ນບຸນອອກພັນສາປະວໍຣະນາ ຊຶ່ງເປັນໜຶ່ງງານບຸນປະເພນີຂອງຊາວພຸດທີ່ມີຄວາມໝາຍ-ຄວາມສຳຄັນຫຼາຍທາງພຸດທະສາສະໜາ ທັງເປັນບຸນໃນຮີດ 12 ຄອງ 14 ປະເພນີລາວ, ປີນີ້ແມ່ນກົງກັບວັນທີ 29 ຕຸລາ 2023(ມື້ຂຶ້ນ 15 ຄໍ່າ ເດືອນ 11 ພ.ສ 2566) ແລະ ຍັງເປັນປະເພນີລາວທີ່ສືບທອດກັນມາຮອດປັດຈຸບັນ. ກ່ອນຮອດວັນດັ່ງກ່າວຊາວພຸດທະສາສະນິກະຊົນກໍໄດ້ຫ້າງຫາກະກຽມເຂົ້າຕົ້ມ, ເຂົ້າໜົມ, ຂອງຫວານ, ຂອງຄາວ ເພື່ອນຳໄປທຳບຸນຖວາຍໃຫ້ພະສົງ-ສາມະເນນ ຢູ່ໃນວັດວາອາຮາມຕ່າງໆ ເພື່ອເປັນສີລິມຸງຄຸນໃຫ້ແກ່ຕົນເອງ ແລະ ຄອບຄົວໃຫ້ມີຄວາມຢູ່ເຢັນເປັນສຸກ ແລະ ອື່ນໆ.
ພະອາຈານ ສິງໄຊ ທໍາມະວົງ (ອະຣິຍະໂພທິ) ຄະນະກໍາມາທິການ ການຕ່າງປະເທດ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ (ອພສ) ທັງເປັນເຈົ້າອະທິການວັດໂພສີສົມພອນ ໄຊຍາຣາມ (ວັດໂພນທອງ) ບ້ານໂພນທອງ ເມືອງໄຊເສດຖາ ນະຄອນຫຼວງວຽງຈັນ ໄດ້ໃຫ້ສຳພາດນັກຂ່າວໜັງສືພິມປະຊາຊົນ ກ່ຽວກັບປະຫວັດຄວາມເປັນມາ ແລະ ຄວາມໝາຍ-ຄວາມສຳຄັນຂອງບຸນອອກພັນສາປະວໍຣະນາໃນວັນທີ 24 ຕຸລານີ້ວ່າ: ວັນບຸນອອກພັນສາ ຫຼື ວັນມະຫາປະວໍຣະນາ ເປັນວັນທີ່ສໍາຄັນອີກວັນໜຶ່ງທາງພຸດທະສາສະໜາ ໂດຍເປັນວັນສິ້ນສຸດຂອງການຈໍາພັນສາຖ້ວນໄຕຣມາດໃນໄລຍະ 3 ເດືອນ (ຢູ່ວັດໃດໜຶ່ງ) ຂອງພຣະສົງສາມະເນນ ໂດຍສະເພາະພະພິກຂຸສົງ, ໃນວັນນີ້ເອງ ເປັນວັນທີ່ພະສົງຈະໄດ້ທໍາສັງຄະກໍາ ຄື ການປະວໍຣະນາອອກພັນສາຂຶ້ນ 15 ຄໍ່າ ເດືອນ 11 ຂອງທຸກໆປີ ແລະ ຖືວ່າເປັນການປະຕິບັດຕາມພະວິໄນຂອງພະພິກຂຸສົງ ທີ່ເປັນຍັດຕິກໍາວາຈາ (ສັງຄະກໍາ) ປະເພດໜຶ່ງໂດຍໃຫ້ໂອກາດພຣະສົງທີ່ຈໍາພັນສາຢູ່ຮ່ວມກັນຖ້ວນໄຕຣມາດ (3 ເດືອນ) ສາມາດກ່າວຕັກເຕືອນ, ຖາມເຖິງຂໍ້ສົງໄສ ແລະ ຊີ້ບອກຂໍ້ບົກຜ່ອງ ດ້ວຍຈິດທີ່ປາຖະນາດີ ຊຶ່ງກັນ ແລະ ກັນໄດ້ໂດຍຄວາມສະເໝີພາບ ເພື່ອໃຫ້ພະພິກຂຸຮູ້ຂໍ້ບົກຜ່ອງຂອງຕົນ ແລະ ນໍາໄປແກ້ໄຂ, ປັບປຸງຕົວ ໃຫ້ດີຍິ່ງຂຶ້ນໄປ ແລະ ໃນພະໄຕຣປີດົກກ່າວໄວ້ວ່າ: ວັນອອກພັນສາ ຂຶ້ນ 15 ຄໍ່າ ເດືອນ 11 ນີ້ ເປັນວັນທີ່ພະສໍາມາສໍາພຸດທະເຈົ້າ ສະເດັດລົງມາຈາກສະຫວັນຊັ້ນຕາວະຕິງ ສູ່ໂລກມະນຸດ ຫຼັງຈາກທີ່ພະອົງໄດ້ໄປຈໍາພັນສາເປັນເວລາ 3 ເດືອນ ເພື່ອເທສະນາໂປດພຸດທະມານດາ ທີ່ຢູ່ສະຫວັນຊັ້ນດຸສິດ ແຕ່ລົງມາຟັງທໍາທີ່ສະຫວັນຊັ້ນຕາວະຕິງ ແລະ ໃນວັນນີ້ເອງ ທີ່ເຮົາເອີ້ນອີກຢ່າງໜຶ່ງວ່າ: ວັນພະພຸດທະເຈົ້າເປີດໂລກ ເນື່ອງຈາກຂະນະທີ່ພະພຸດທະອົງ ສະເດັດລົງຈາກສະຫວັນ ມາສູ່ໂລກມະນຸດ ດ້ວຍຄັນໄດທິບທີ່ພະອິນເນຣະມິດຖວາຍບູຊາສະເດັດຈາກສະຫວັນຊັ້ນຕາວະຕິງ ລົງສູ່ ປະຕູເມືອງ ສັງກັດສະນະດອນ ຊຶ່ງມີພຸດທະສາສະນິກະຊົນມາລໍຕ້ອນຮັບ ແລະ ຖວາຍບິນທະບາດ ທີ່ເຮົາເອີ້ນວ່າ: ການຕັກບາດເທໂວ (ເທໂວໂຣຫະນະ) ຢ່າງຫຼວງຫຼາຍ ແລະ ໃນວັນຂຶ້ນ 15 ຄໍ່າ ເດືອນ 11 ຫາ ວັນແຮມ 1 ຄໍ່າ ເດືອນ 11 ເປັນວັນທີ່ໂລກທັງສາມຄື: ໂລກສະຫວັນ, ໂລກມະນຸດ ແລະ ໂລກນະຮົກ ຕ່າງກໍສາມາດເຫັນກັນໄດ້.
ພະອາຈານ ສິງໄຊ ທຳມະວົງ ຍັງກ່າວຕື່ມວ່າ: ວັນບຸນອອກພັນສາປະວໍຣະນາ ທຸກໆວັດກໍຈະມີກິດຈະກຳດີໆ ທາງສາສະໜາ ຫຼາຍຢ່າງທີ່ເປັນສິຣິມຸງຄຸນ ໃຫ້ແກ່ຊີວິດການເປັນຢູ່ ກໍຄືປະເທດຊາດບ້ານເມືອງຂອງເຮົານັ້ນເອງ ໂດຍສະເພາະ ຢູ່ວັດໂພສີສົມພອນ ໄຊຍາຣາມ (ວັດໂພນທອງ) ກໍຈະມີກິດຈະກຳດີໆ ໃຫ້ທ່ານຮ່ວມບໍາເພັນບາຣະມີ ສ້າງຄວາມດີຮ່ວມກັນ.ໃນວັນອາທິດຕອນເຊົ້າມື້ຂຶ້ນ 15ຄ່ໍ່າ ເດືອນ 11 ພ.ສ 2565 ຈະໄດ້ມີການໃສ່ບາດຖວາຍທານ ແດ່ພະສົງສາມະເນນ ພາຍໃນວັດ ແລະ ກໍຍັງໄດ້ຮ່ວມຟັງທໍາມະເທສະນາ, ຟັງຄວາມເປັນມາຂອງວັນບຸນອອກພັນສາ ແລະ ໃນຕອນແລງຈະມີການໄຫວ້ພະສູດມົນ ຈະເລີນ ສະມາທິ ພາວະນາ ປະຕິບັດທໍາບູຊາພະຣັດຕະນະໄຕຣ, ຟັງທຳມະເທສະນາ, ຫຼັກທໍາທີ່ເຮັດໃຫ້ສໍາເລັດດັ່ງ ຄວາມປາຖະນາທຸກປະການ ແລະ ທຳປະທັກຂິນ, ມີວຽນທຽນອ້ອມພັດທະສີມາ ເພື່ອລະນຶກເຖິງ ແລະ ບູຊາ ຄຸນພະສັມມາສໍາພຸດທະເຈົ້າ. ພິເສດປີນີ້ຢູ່ວັດໂພນທອງ ໃນຕອນແລງວັນທີ 28-29 ຕຸລາ 2023 ຈະມີການໄຕ້ໂຄມໄຟຕັ້ງ, ໂຄມໄຟລອຍຈຳນວນ 999 ດວງ. ສະນັ້ນ,ອອກຕົນຍາດໂຍມສາມາດມາຮ່ວມທຳບຸນ ແລະ ຮ່ວມຖ່າຍຮູບ, ເກັບພາບງາມໆໄວ້ເປັນທີລະນຶກ.
ຢ່າງໃດກໍຕາມ ໃນວັນອອກພັນສານີ້ ສໍາລັບຊາວພຸດທະສາສະນິກະຊົນຄວນພາກັນຕັ້ງຕົນໃຫ້ຢູ່ໃນສິນລະທໍາ ເພື່ອເປັນການ ປະຕິບັດບູຊາ ແດ່ພະພຸດທະເຈົ້າ ໂດຍການລະເວັ້ນຈາກຄວາມຊົ່ວ ແລ້ວກະທໍາຄວາມດີ ຄືການຮັກສາສິນ 5 ເປັນຕົ້ນ. ນອກນີ້, ກິດຈະກໍາທີ່ຊາວພຸດ ປະຕິບັດໃນວັນສໍາຄັນດັ່ງກ່າວຄື: ການເຮັດບຸນໃສ່ບາດ, ຖວາຍທານ, ອຸທິດສ່ວນບຸນກຸສົນ ໃຫ້ແກ່ຍາດຕິພີ່ນ້ອງ ທີ່ໄດ້ລ່ວງລັບດັບຂັນໄປ, ໄຫວ້ພະສູດມົນ ຈະເລີນສະມາທິພາວະນາ ແລະ ທໍາປະທັກຂິນ, ວຽນທຽນ ບູຊາພະຣັດຕະນະໄຕຣຕາມວັດຕ່າງໆ ທີ່ໃກ້ບ້ານຕົນ ຫຼື ທ່ານສາມາດເຮັດ ຢູ່ເຮືອນຂອງທ່ານກໍໄດ້, ຢ່າລືມໄປຮ່ວມກິດຈະກໍາ ຕັກບາດເທໂວ (ສ່ວນຫຼາຍກິດຈະກໍານີ້ ຈະເລີ່ມເຮັດເວລາ 3:00 ໂມງເຊົ້າ ຂອງມື້ແຮມ 1 ຄໍ່າ ເດືອນ 11) ຕາມວັດຕ່າງໆ ແລະ ຍັງມີການປັດກວາດເຮືອນຊານ ຫຼື ເດີ່ນວັດ, ທໍາຄວາມສະອາດຫ້ອງນໍ້າວັດຕ່າງໆ ປຽບເໝືອນການສະລ້າງ, ປັດກວາດສິ່ງທີ່ບໍ່ດີ, ອຸປະສັກບັນຫາ ອອກຈາກຈິດໃຈ ແລະ ຊິວິດຂອງຕົນ ເພື່ອຊີວິດທີ່ດີຍິ່ງໆຂຶ້ນໄປ.
ເມື່ອຮອດມື້ຂຶ້ນ 15 ຄໍ່າ ເດືອນ11 ຂອງທຸກໆປີ ແມ່ນບຸນອອກພັນສາປະວໍຣະນາ ຊຶ່ງເປັນໜຶ່ງງານບຸນປະເພນີຂອງຊາວພຸດທີ່ມີຄວາມໝາຍ-ຄວາມສຳຄັນຫຼາຍທາງພຸດທະສາສະໜາ ທັງເປັນບຸນໃນຮີດ 12 ຄອງ 14 ປະເພນີລາວ, ປີນີ້ແມ່ນກົງກັບວັນທີ 29 ຕຸລາ 2023(ມື້ຂຶ້ນ 15 ຄໍ່າ ເດືອນ 11 ພ.ສ 2566) ແລະ ຍັງເປັນປະເພນີລາວທີ່ສືບທອດກັນມາຮອດປັດຈຸບັນ. ກ່ອນຮອດວັນດັ່ງກ່າວຊາວພຸດທະສາສະນິກະຊົນກໍໄດ້ຫ້າງຫາກະກຽມເຂົ້າຕົ້ມ, ເຂົ້າໜົມ, ຂອງຫວານ, ຂອງຄາວ ເພື່ອນຳໄປທຳບຸນຖວາຍໃຫ້ພະສົງ-ສາມະເນນ ຢູ່ໃນວັດວາອາຮາມຕ່າງໆ ເພື່ອເປັນສີລິມຸງຄຸນໃຫ້ແກ່ຕົນເອງ ແລະ ຄອບຄົວໃຫ້ມີຄວາມຢູ່ເຢັນເປັນສຸກ ແລະ ອື່ນໆ.
ພະອາຈານ ສິງໄຊ ທໍາມະວົງ (ອະຣິຍະໂພທິ) ຄະນະກໍາມາທິການ ການຕ່າງປະເທດ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ (ອພສ) ທັງເປັນເຈົ້າອະທິການວັດໂພສີສົມພອນ ໄຊຍາຣາມ (ວັດໂພນທອງ) ບ້ານໂພນທອງ ເມືອງໄຊເສດຖາ ນະຄອນຫຼວງວຽງຈັນ ໄດ້ໃຫ້ສຳພາດນັກຂ່າວໜັງສືພິມປະຊາຊົນ ກ່ຽວກັບປະຫວັດຄວາມເປັນມາ ແລະ ຄວາມໝາຍ-ຄວາມສຳຄັນຂອງບຸນອອກພັນສາປະວໍຣະນາໃນວັນທີ 24 ຕຸລານີ້ວ່າ: ວັນບຸນອອກພັນສາ ຫຼື ວັນມະຫາປະວໍຣະນາ ເປັນວັນທີ່ສໍາຄັນອີກວັນໜຶ່ງທາງພຸດທະສາສະໜາ ໂດຍເປັນວັນສິ້ນສຸດຂອງການຈໍາພັນສາຖ້ວນໄຕຣມາດໃນໄລຍະ 3 ເດືອນ (ຢູ່ວັດໃດໜຶ່ງ) ຂອງພຣະສົງສາມະເນນ ໂດຍສະເພາະພະພິກຂຸສົງ, ໃນວັນນີ້ເອງ ເປັນວັນທີ່ພະສົງຈະໄດ້ທໍາສັງຄະກໍາ ຄື ການປະວໍຣະນາອອກພັນສາຂຶ້ນ 15 ຄໍ່າ ເດືອນ 11 ຂອງທຸກໆປີ ແລະ ຖືວ່າເປັນການປະຕິບັດຕາມພະວິໄນຂອງພະພິກຂຸສົງ ທີ່ເປັນຍັດຕິກໍາວາຈາ (ສັງຄະກໍາ) ປະເພດໜຶ່ງໂດຍໃຫ້ໂອກາດພຣະສົງທີ່ຈໍາພັນສາຢູ່ຮ່ວມກັນຖ້ວນໄຕຣມາດ (3 ເດືອນ) ສາມາດກ່າວຕັກເຕືອນ, ຖາມເຖິງຂໍ້ສົງໄສ ແລະ ຊີ້ບອກຂໍ້ບົກຜ່ອງ ດ້ວຍຈິດທີ່ປາຖະນາດີ ຊຶ່ງກັນ ແລະ ກັນໄດ້ໂດຍຄວາມສະເໝີພາບ ເພື່ອໃຫ້ພະພິກຂຸຮູ້ຂໍ້ບົກຜ່ອງຂອງຕົນ ແລະ ນໍາໄປແກ້ໄຂ, ປັບປຸງຕົວ ໃຫ້ດີຍິ່ງຂຶ້ນໄປ ແລະ ໃນພະໄຕຣປີດົກກ່າວໄວ້ວ່າ: ວັນອອກພັນສາ ຂຶ້ນ 15 ຄໍ່າ ເດືອນ 11 ນີ້ ເປັນວັນທີ່ພະສໍາມາສໍາພຸດທະເຈົ້າ ສະເດັດລົງມາຈາກສະຫວັນຊັ້ນຕາວະຕິງ ສູ່ໂລກມະນຸດ ຫຼັງຈາກທີ່ພະອົງໄດ້ໄປຈໍາພັນສາເປັນເວລາ 3 ເດືອນ ເພື່ອເທສະນາໂປດພຸດທະມານດາ ທີ່ຢູ່ສະຫວັນຊັ້ນດຸສິດ ແຕ່ລົງມາຟັງທໍາທີ່ສະຫວັນຊັ້ນຕາວະຕິງ ແລະ ໃນວັນນີ້ເອງ ທີ່ເຮົາເອີ້ນອີກຢ່າງໜຶ່ງວ່າ: ວັນພະພຸດທະເຈົ້າເປີດໂລກ ເນື່ອງຈາກຂະນະທີ່ພະພຸດທະອົງ ສະເດັດລົງຈາກສະຫວັນ ມາສູ່ໂລກມະນຸດ ດ້ວຍຄັນໄດທິບທີ່ພະອິນເນຣະມິດຖວາຍບູຊາສະເດັດຈາກສະຫວັນຊັ້ນຕາວະຕິງ ລົງສູ່ ປະຕູເມືອງ ສັງກັດສະນະດອນ ຊຶ່ງມີພຸດທະສາສະນິກະຊົນມາລໍຕ້ອນຮັບ ແລະ ຖວາຍບິນທະບາດ ທີ່ເຮົາເອີ້ນວ່າ: ການຕັກບາດເທໂວ (ເທໂວໂຣຫະນະ) ຢ່າງຫຼວງຫຼາຍ ແລະ ໃນວັນຂຶ້ນ 15 ຄໍ່າ ເດືອນ 11 ຫາ ວັນແຮມ 1 ຄໍ່າ ເດືອນ 11 ເປັນວັນທີ່ໂລກທັງສາມຄື: ໂລກສະຫວັນ, ໂລກມະນຸດ ແລະ ໂລກນະຮົກ ຕ່າງກໍສາມາດເຫັນກັນໄດ້.
ພະອາຈານ ສິງໄຊ ທຳມະວົງ ຍັງກ່າວຕື່ມວ່າ: ວັນບຸນອອກພັນສາປະວໍຣະນາ ທຸກໆວັດກໍຈະມີກິດຈະກຳດີໆ ທາງສາສະໜາ ຫຼາຍຢ່າງທີ່ເປັນສິຣິມຸງຄຸນ ໃຫ້ແກ່ຊີວິດການເປັນຢູ່ ກໍຄືປະເທດຊາດບ້ານເມືອງຂອງເຮົານັ້ນເອງ ໂດຍສະເພາະ ຢູ່ວັດໂພສີສົມພອນ ໄຊຍາຣາມ (ວັດໂພນທອງ) ກໍຈະມີກິດຈະກຳດີໆ ໃຫ້ທ່ານຮ່ວມບໍາເພັນບາຣະມີ ສ້າງຄວາມດີຮ່ວມກັນ.ໃນວັນອາທິດຕອນເຊົ້າມື້ຂຶ້ນ 15ຄ່ໍ່າ ເດືອນ 11 ພ.ສ 2565 ຈະໄດ້ມີການໃສ່ບາດຖວາຍທານ ແດ່ພະສົງສາມະເນນ ພາຍໃນວັດ ແລະ ກໍຍັງໄດ້ຮ່ວມຟັງທໍາມະເທສະນາ, ຟັງຄວາມເປັນມາຂອງວັນບຸນອອກພັນສາ ແລະ ໃນຕອນແລງຈະມີການໄຫວ້ພະສູດມົນ ຈະເລີນ ສະມາທິ ພາວະນາ ປະຕິບັດທໍາບູຊາພະຣັດຕະນະໄຕຣ, ຟັງທຳມະເທສະນາ, ຫຼັກທໍາທີ່ເຮັດໃຫ້ສໍາເລັດດັ່ງ ຄວາມປາຖະນາທຸກປະການ ແລະ ທຳປະທັກຂິນ, ມີວຽນທຽນອ້ອມພັດທະສີມາ ເພື່ອລະນຶກເຖິງ ແລະ ບູຊາ ຄຸນພະສັມມາສໍາພຸດທະເຈົ້າ. ພິເສດປີນີ້ຢູ່ວັດໂພນທອງ ໃນຕອນແລງວັນທີ 28-29 ຕຸລາ 2023 ຈະມີການໄຕ້ໂຄມໄຟຕັ້ງ, ໂຄມໄຟລອຍຈຳນວນ 999 ດວງ. ສະນັ້ນ,ອອກຕົນຍາດໂຍມສາມາດມາຮ່ວມທຳບຸນ ແລະ ຮ່ວມຖ່າຍຮູບ, ເກັບພາບງາມໆໄວ້ເປັນທີລະນຶກ.
ຢ່າງໃດກໍຕາມ ໃນວັນອອກພັນສານີ້ ສໍາລັບຊາວພຸດທະສາສະນິກະຊົນຄວນພາກັນຕັ້ງຕົນໃຫ້ຢູ່ໃນສິນລະທໍາ ເພື່ອເປັນການ ປະຕິບັດບູຊາ ແດ່ພະພຸດທະເຈົ້າ ໂດຍການລະເວັ້ນຈາກຄວາມຊົ່ວ ແລ້ວກະທໍາຄວາມດີ ຄືການຮັກສາສິນ 5 ເປັນຕົ້ນ. ນອກນີ້, ກິດຈະກໍາທີ່ຊາວພຸດ ປະຕິບັດໃນວັນສໍາຄັນດັ່ງກ່າວຄື: ການເຮັດບຸນໃສ່ບາດ, ຖວາຍທານ, ອຸທິດສ່ວນບຸນກຸສົນ ໃຫ້ແກ່ຍາດຕິພີ່ນ້ອງ ທີ່ໄດ້ລ່ວງລັບດັບຂັນໄປ, ໄຫວ້ພະສູດມົນ ຈະເລີນສະມາທິພາວະນາ ແລະ ທໍາປະທັກຂິນ, ວຽນທຽນ ບູຊາພະຣັດຕະນະໄຕຣຕາມວັດຕ່າງໆ ທີ່ໃກ້ບ້ານຕົນ ຫຼື ທ່ານສາມາດເຮັດ ຢູ່ເຮືອນຂອງທ່ານກໍໄດ້, ຢ່າລືມໄປຮ່ວມກິດຈະກໍາ ຕັກບາດເທໂວ (ສ່ວນຫຼາຍກິດຈະກໍານີ້ ຈະເລີ່ມເຮັດເວລາ 3:00 ໂມງເຊົ້າ ຂອງມື້ແຮມ 1 ຄໍ່າ ເດືອນ 11) ຕາມວັດຕ່າງໆ ແລະ ຍັງມີການປັດກວາດເຮືອນຊານ ຫຼື ເດີ່ນວັດ, ທໍາຄວາມສະອາດຫ້ອງນໍ້າວັດຕ່າງໆ ປຽບເໝືອນການສະລ້າງ, ປັດກວາດສິ່ງທີ່ບໍ່ດີ, ອຸປະສັກບັນຫາ ອອກຈາກຈິດໃຈ ແລະ ຊິວິດຂອງຕົນ ເພື່ອຊີວິດທີ່ດີຍິ່ງໆຂຶ້ນໄປ.
ຄໍາເຫັນ