, ໂດຍຂໍ້ມູນຂອງCAPMASລະບຸວ່າ ປະຊາກອນຂອງເອຢິບ ຊຶ່ງເປັນປະເທດອາຣັບທີ່ມີປະຊາກອນຫຼາຍທີ່ສຸດນັ້ນ ເພີ່ມຂຶ້ນ 1 ລ້ານກວ່າຄົນນັບຕັ້ງແຕ່ວັນທີ 8 ກຸມພາ 2024 ແລະ ລະຫວ່າງວັນທີ 8 ກຸມພາ - 2 ພະຈິກ ຜ່ານມາ ມີຈຳນວນເດັກນ້ອຍເກີດໃໝ່ສະເລ່ຍ 5,385 ຄົນຕໍ່ວັນ.
CAPMASລະບຸຕື່ມວ່າ: ຈໍານວນເດັກນ້ອຍເກີດໃໝ່ໄດ້ຫຼຸດລົງໃນໄລຍະ 5 ປີ ທີ່ຜ່ານມາ ຊຶ່ງສະແດງໃຫ້ເຫັນເຖິງຄວາມພະຍາຍາມຢ່າງເປັນຮູບທຳຂອງເອຢິບໃນການຈັດການກັບຈຳນວນການຂະຫຍາຍຕົວຂອງປະຊາກອນ,ໂດຍອັດຕາການເກີດຫຼຸດລົງຈາກ 3.5 ຄົນຕໍ່ຜູ້ຍິງໜຶ່ງຄົນ ໃນປີ 2014 ເຫຼືອຢູ່ທີ່ 2.54 ຄົນໃນປີ 2023.
ເຖິງຢ່າງໃດກໍຕາມ, CAPMASເນັ້ນໜັກວ່າ:ການຂະຫຍາຍຕົວຂອງຈໍານວນປະຊາກອນໃນປັດຈຸບັນ ມີຫຼາຍກວ່າ 2 ລ້ານຄົນຕໍ່ປີ ຊຶ່ງເປັນຄວາມທ້າທາຍຄັ້ງໃຫຍ່ຕໍ່ເສດຖະກິດ, ສິ່ງແວດລ້ອມ ແລະສັງຄົມຂອງເອຢິບເນື່ອງຈາກເປັນອຸປະສັກຕໍ່ຄວາມພະຍາຍາມຢ່າງຕໍ່ເນື່ອງຂອງເອຢິບໃນການປັບປຸງມາດຕະຖານການຄອງຊີບຂອງພົນລະເມືອງ.
ເອຢິບ ໄດ້ດຳເນີນມາດຕະການຕ່າງໆ ເພື່ອຄວບຄຸມຈຳນວນປະຊາກອນທີ່ຫຼາຍຂຶ້ນເຊັ່ນ: ໃນເດືອນມີນາ ປີ 2023 ລັດຖະບານໄດ້ປະກາດຈະຈ່າຍເງິນຈູງໃຈ ຕໍ່ປີ ຈໍານວນ 1,000 ປອນເອຢິບ ໃຫ້ແກ່ແມ່ຍິງ ອາຍຸລະຫວ່າງ 21-45 ປີທີ່ແຕ່ງແລ້ວ ແລະ ມີລູກບໍ່ເກີນ 2 ຄົນ, ໂດຍພວກເຂົາຈະໄດ້ຮັບເງິນທັງໝົດນີ້ເມື່ອອາຍຸ 45 ປີ.
ນອກຈາກນີ້, ໃນເດືອນກຸມພາ ປີ 2022 ທ່ານ ອັບເດລ - ຟັດຕາ ອັລ-ຊີຊີ ປະທານາທິບໍດີ ເອຢິບ ໄດ້ດໍາເນີນໂຄງການລະດັບຊາດ ດ້ານການພັດທະນາຄອບຄົວ ເພື່ອແກ້ໄຂບັນຫາສຸຂະພາບ, ການສຶກສາ, ສັງຄົມ, ວັດທະນະທໍາ ແລະເສດຖະກິດ ທີ່ເກີດຂຶ້ນຈາກບັນຫາຈຳນວນປະຊາກອນທີ່ຫຼາຍເກີນໄປ.
ຄໍາເຫັນ