ໃນວັນທີ 2 ເມສານີ້ ທີ່ຫ້ອງຮັບແຂກຊັ້ນ 4 ຫ້ອງວ່າການແຂວງ ໄຊຍະບູລີ, ທ່ານ ພົງສະຫວັນ ສິດທະວົງ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງ ໄຊຍະບູລີ ໄດ້ຕ້ອນຮັບ ທ່ານ ນາງ ວຽງທອງ ສີພັນດອນ ເລຂາທິການສູນກາງພັກ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ ພ້ອມຄະນະ.
ທ່ານ ນາງ ວຽງທອງ ສີພັນດອນ ໄດ້ສະເໜີຈຸດປະສົງທີ່ມາຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ ຄັ້ງນີ້, ເພື່ອຕິດຕາມ ແລະ ຊຸກຍູ້ວຽກງານວິຊາສະເພາະຂອງພະນັກງານສານປະຊາຊົນແຂວງ ແລະ ສານເຂດ, ພ້ອມດຽວກັນຍັງໄດ້ຮຽກຮ້ອງມາຍັງການນໍາຂອງແຂວງເພື່ອກະຕຸກຊຸກຍູ້ວຽກງານດັ່ງກ່າວ, ຊ່ວຍໃນການກໍ່ສ້າງອາຄານຂອງສານໂດຍໃຫ້ມີຄົບວົງຈອນເຊັ່ນ: ຫ້ອງເຮັດວຽກຂອງແຕ່ລະຂະແໜງການ, ຫ້ອງປະຊຸມ, ຫ້ອງຕັດສິນຄະດີ, ກໍ່ສ້າງສາລາເພື່ອຮອງຮັບປະຊາຊົນທີ່ມາຮ່ວມຕັດສິນຄະດີ, ຊ່ວຍກໍ່ສ້າງບຸກຄະລາກອນໂດຍການສົ່ງໄປຍົກລະດັບດ້ານວິຊາສະເພາະ, ທິດສະດີ ແລະ ເລື່ອນຂັ້ນໃຫ້ຜູ້ວິພາກສາຕາມຄວາມເໝາະສົມ.
ໂອກາດດັ່ງກ່າວ, ທ່ານ ເຈົ້າແຂວງ ໄຊຍະບູລີ ກໍໄດ້ກ່າວຕ້ອນຮັບທີມງານຂອງທ່ານປະທານສານສູງສຸດ ທີ່ຍາດເວລາອັນມີຄ່າລົງມາຢ້ຽມຢາມ ແລະ ຊຸກຍູ້ວຽກງານວິຊາສະເພາະຢູ່ແຂວງ ໄຊຍະບູລີ ຄັ້ງນີ້ ພ້ອມທັງໄດ້ລາຍງານສະພາບການພັດທະນາຂອງແຂວງໂດຍສັງເຂບ. ແຂວງໄຊຍະບູລີແມ່ນມີຄວາມສະຫງົບປອດໄພຮອບດ້ານ, ເສດຖະກິດຂະຫຍາຍຕົວໃນລະດັບ 5%, ລາບຮັບສະເລ່ຍ 35 ລ້ານກີບ ຫຼື ເທົ່າກັບ 1,700 ໂດລາຕໍ່ຄົນຕໍ່ປີ, ສິນຄ້າສົ່ງອອກສ່ວນໃຫຍ່ແມ່ນມັນຕົ້ນຕິດພັນກັບໂຮງງານຜະລິດແປ້ງມັນຕົ້ນເພື່ອສົ່ງໄປ ສປ ຈີນ ແລະ ຝານແຫ້ງສົ່ງໄປ ຣາສະອານາຈັກໄທ, ນອກນີ້, ຍັງມີສາລີ, ໝາກເດືອຍ, ຖົ່ວເຫຼືອງ ແລະ ຢາງພາລາ. ສ່ວນວຽກງານວັດທະນະທໍາ-ສັງຄົມ ແມ່ນໄດ້ເອົາໃຈໃສ່ຢ່າງຕັ້ງໜ້າ, ເດັກໃນເກນອາຍຸໄດ້ເຂົ້າຮຽນ, ປະຊາຊົນເຂດຫ່າງໄກຊອກຫຼີກໄດ້ເຂົ້າເຖິງການບໍລິການດ້ານສາທາລະນະສຸກຢ່າງຖົ່ວເຖິງ.
(ຂ່າວ-ພາບ: ອຸ່ນເຮືອນ ໂພທິລັກ)
ທ່ານ ນາງ ວຽງທອງ ສີພັນດອນ ໄດ້ສະເໜີຈຸດປະສົງທີ່ມາຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ ຄັ້ງນີ້, ເພື່ອຕິດຕາມ ແລະ ຊຸກຍູ້ວຽກງານວິຊາສະເພາະຂອງພະນັກງານສານປະຊາຊົນແຂວງ ແລະ ສານເຂດ, ພ້ອມດຽວກັນຍັງໄດ້ຮຽກຮ້ອງມາຍັງການນໍາຂອງແຂວງເພື່ອກະຕຸກຊຸກຍູ້ວຽກງານດັ່ງກ່າວ, ຊ່ວຍໃນການກໍ່ສ້າງອາຄານຂອງສານໂດຍໃຫ້ມີຄົບວົງຈອນເຊັ່ນ: ຫ້ອງເຮັດວຽກຂອງແຕ່ລະຂະແໜງການ, ຫ້ອງປະຊຸມ, ຫ້ອງຕັດສິນຄະດີ, ກໍ່ສ້າງສາລາເພື່ອຮອງຮັບປະຊາຊົນທີ່ມາຮ່ວມຕັດສິນຄະດີ, ຊ່ວຍກໍ່ສ້າງບຸກຄະລາກອນໂດຍການສົ່ງໄປຍົກລະດັບດ້ານວິຊາສະເພາະ, ທິດສະດີ ແລະ ເລື່ອນຂັ້ນໃຫ້ຜູ້ວິພາກສາຕາມຄວາມເໝາະສົມ.
ໂອກາດດັ່ງກ່າວ, ທ່ານ ເຈົ້າແຂວງ ໄຊຍະບູລີ ກໍໄດ້ກ່າວຕ້ອນຮັບທີມງານຂອງທ່ານປະທານສານສູງສຸດ ທີ່ຍາດເວລາອັນມີຄ່າລົງມາຢ້ຽມຢາມ ແລະ ຊຸກຍູ້ວຽກງານວິຊາສະເພາະຢູ່ແຂວງ ໄຊຍະບູລີ ຄັ້ງນີ້ ພ້ອມທັງໄດ້ລາຍງານສະພາບການພັດທະນາຂອງແຂວງໂດຍສັງເຂບ. ແຂວງໄຊຍະບູລີແມ່ນມີຄວາມສະຫງົບປອດໄພຮອບດ້ານ, ເສດຖະກິດຂະຫຍາຍຕົວໃນລະດັບ 5%, ລາບຮັບສະເລ່ຍ 35 ລ້ານກີບ ຫຼື ເທົ່າກັບ 1,700 ໂດລາຕໍ່ຄົນຕໍ່ປີ, ສິນຄ້າສົ່ງອອກສ່ວນໃຫຍ່ແມ່ນມັນຕົ້ນຕິດພັນກັບໂຮງງານຜະລິດແປ້ງມັນຕົ້ນເພື່ອສົ່ງໄປ ສປ ຈີນ ແລະ ຝານແຫ້ງສົ່ງໄປ ຣາສະອານາຈັກໄທ, ນອກນີ້, ຍັງມີສາລີ, ໝາກເດືອຍ, ຖົ່ວເຫຼືອງ ແລະ ຢາງພາລາ. ສ່ວນວຽກງານວັດທະນະທໍາ-ສັງຄົມ ແມ່ນໄດ້ເອົາໃຈໃສ່ຢ່າງຕັ້ງໜ້າ, ເດັກໃນເກນອາຍຸໄດ້ເຂົ້າຮຽນ, ປະຊາຊົນເຂດຫ່າງໄກຊອກຫຼີກໄດ້ເຂົ້າເຖິງການບໍລິການດ້ານສາທາລະນະສຸກຢ່າງຖົ່ວເຖິງ.
(ຂ່າວ-ພາບ: ອຸ່ນເຮືອນ ໂພທິລັກ)
ຄໍາເຫັນ