ກອງປະຕິບັດງານ 544 ເຂດບ້ານນໍ້າຊວນ ແລະ ດ່ານປະເພນີ ເຂດບ້ານພູຍາງ ເມືອງພູວົງ ເພື່ອໃຫ້ກຳລັງໃຈແກ່ກຳລັງທະຫານທີ່ປະຈຳຢູ່ພື້ນທີ່ສຳຄັນ, ພ້ອມທັງຕິດຕາມ ແລະ ຊຸກຍູ້ການປະຕິບັດວຽກງານໃຫ້ໄດ້ຜົນສຳເລັດຢ່າງມີປະສິດທິຜົນ, ສະແຫວງຫາແນວທາງໃໝ່ໃນການສົ່ງເສີມການຮ່ວມມືລະຫວ່າງລັດ ແລະ ພົນລະເມືອງ ໃນການປົກປ້ອງແຜ່ນດິນຂອງຊາດໃຫ້ໝັ້ນຄົງດີຂຶ້ນ.
ໃນຢ້ຽມຢາມ, ຕິດຕາມຊຸກຍູ້ວຽກງານທະຫານຊາຍ ແດນຢູ່ແຕ່ລະຈຸດ ຂອງທ່ານເຈົ້າແຂວງ ກໍໄດ້ຮັບຟັງການລາຍງານສະພາບລວມ ແລະ ພາລະບົດບາດໜ້າທີ່ການຈັດຕັ້ງເຄື່ອນໄຫວຕາມແລວຂອບເຂດແຕ່ລະກົມ-ກອງທະຫານຊາຍແດນຮັບຜິດຊອບໂດຍຫຍໍ້ ຊຶ່ງຄຽງຂ້າງຕໍ່ກັບຜົນງານດ້ານດີ ທີ່ທາງກົມກອງປະຕິບັດງານ, ຊຶ່ງທະຫານຊາຍແດນໄດ້ເຄື່ອນໄຫວວຽກງານກໍ່ສ້າງຮາກຖານການເມືອງຕາມ 4 ເນື້ອໃນ, 4 ຄາດໝາຍ ແລະ ຕິດພັນກັບ 24 ໜ້າທີ່, 26 ແຜນງານ ທີ່ກະຊວງປ້ອງກັນປະເທດວາງອອກ.
ໃນການເຄື່ອນໄຫວຢ້ຽມຢາມຄັ້ງນີ້, ຢູ່ໃນແຕ່ລະຈຸດປະຕິບັດງານຂອງທະຫານຊາຍແດນ ທ່ານເຈົ້າແຂວງໄດ້ມີຄຳເຫັນສະແດງຄວາມຢື້ຢາມຖາມຂ່າວ ແລະ ຊຸກຍູ້ບາງວຽກງານໃຫ້ ນາຍ ແລະ ພົນທະຫານທີ່ໄດ້ປະຕິບັດໜ້າທີ່ຢູ່ຮາກຖານທ້ອງຖິ່ນຈົ່ງສືບຕໍ່ເອົາໃຈໃສ່ໃນການປະຕິບັດໜ້າທີ່ໆພັກ ແລະ ລັດ ກໍຄືປະຊາຊົນມອບໝາຍໃຫ້ຢ່າງມີຜົນສຳເລັດ ທີ່ຍິ່ງໃຫຍ່ກວ່າເກົ່າ, ປະຕິບັດໜ້າທີ່ຕາມແຜນງານທີ່ໄດ້ກໍານົດໄວ້, ພັດທະນາກໍາລັງໃຫ້ມີຄວາມເຂັ້ມແຂງ, ທັນສະໄໝ, ສຸມໃສ່ຮັກສາຄວາມເປັນລະບຽບຮຽບຮ້ອຍຂອງສັງຄົມກໍຄື ບໍລິເວນຊາຍແດນ ແລະ ວຽກງານອື່ນໆ. ພ້ອມນີ້ ທ່ານເຈົ້າແຂວງຍັງຍົກໃຫ້ເຫັນຄວາມຈຳເປັນ ແລະ ຄວາມສໍາຄັນໃນການສືບຕໍ່ພັດທະນາເຂດຈຸດສຸມໃຫ້ເປັນຮູບປະທຳດ້ວຍການສ້າງເສັ້ນທາງປູຢາງອອກສູ່ດ່ານປະເພນີ ເຊື່ອມຕໍ່ກັບປະເທດເພື່ອນບ້ານ (ລາວ, ຫວຽດນາມ, ກຳປູເຈຍ) ເພື່ອເປັນຈຸດສຳຄັນໃນການກະຕຸ້ນ ການຄ້າ*ຂາຍ ແລະ ການຂົນສົ່ງຊາຍແດນ, ເປັນເສັ້ນທາງແລວໃໝ່ທີ່ດີ ຈະເຮັດ ໃຫ້ການຂົນສົ່ງສິນຄ້າ ແລະ ຄົນເຂົ້າອອກດ່ານປະເພນີ ໃຫ້ມີປະສິດທິພາບ, ສ້າງໂອກາດທາງເສດຖະ ກິດກັບປະເທດເພື່ອນບ້ານທີ່ມີຄຸນນະພາບ ແລະ ຈະຊ່ວຍພັດທະນາເຂດໃໝ່ໃນທ້ອງຖິ່ນ, ສ້າງອາຊີບ ແລະ ດຶງດູການລົງທຶນ, ສົ່ງເສີມປະຊາຊົນໃຫ້ຫັນມາພັດທະນາ ທາງດ້ານການຜະລິດກະສິກຳເປັນສິນຄ້າ, ຊ່ວຍສ້າງລາຍໄດ້ໃຫ້ປະຊາຊົນເພີ່ມຂຶ້ນ, ແກ້ໄຂຄວາມຍາກຈົນ ແລະ ຍົກລະດັບຊີວິດແບບໃໝ່ທີດີກວ່າ.
ໃນການຢ້ຽມຢາມຄັ້ງນີ້, ທ່ານເຈົ້າແຂວງ ຍັງໄດ້ນໍາເອົາເຄື່ອງອຸປະໂພກ-ບໍລິໂພກ ມອບໃຫ້ອ້າຍນ້ອງທະຫານທີ່ເຮັດໜ້າທີ່ປ້ອງກັນຊາຍແດນ. ຈາກນັ້ນ, ກໍໄດ້ໄປຢ້ຽມຢາມ ແລະ ພົບປະກັບອໍານາດການປົກຄອງບ້ານພູຍາງ ເພື່ອສຶກສາ ແລະ ປະເມີນຄວາມເປັນໄປໄດ້ໃນການຊີ້ນໍາ-ນໍາພາປະຊາຊົນໃຫ້ຫັນມາປູກພືດເປັນສິນຄ້າ ແລະ ປູກໝາກກາເຟ.
(ຂ່າວ: ໄພບູນ)
ຄໍາເຫັນ