ໃນວັນທີ 22 ມັງກອນຜ່ານມາ, ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ ພ້ອມດ້ວຍບັນດາພະແນກການ, ຂະແໜງການທີ່ກ່ຽວຂ້ອງຂັ້ນແຂວງໄດ້ລົງເຄື່ອນໄຫວເຮັດວຽກຢູ່ດ່ານສາກົນຂົວມິດຕະພາບ 3 ຄຳມ່ວນ-ນະຄອນພະນົມ ໂດຍມີຄະນະຄຸ້ມຄອງດ່ານ, ເຈົ້າໜ້າທີ່ປະຈຳດ່ານ ແລະ ຂະແໜງການກ່ຽວຂ້ອງເຂົ້າຮ່ວມ.
ທ່ານ ພັອ ພົມມາ ເດດຂຸນຟອງ ຫົວໜ້າຄະນະຄຸ້ມຄອງດ່ານສາກົນຂົວມິດຕະພາບ 3 ໄດ້ລາຍງານສະພາບລວມໃນການຈັດຕັ້ງປະຕິບັດວຽກງານ, ການບໍລິຫານຄຸ້ມຄອງ, ການບໍລິການເຂົ້າ-ອອກດ່ານໃນໄລຍະຜ່ານມາ ໂດຍຍົກໃຫ້ເຫັນເຖິງຂໍ້ສະດວກ, ຂໍ້ຫຍຸ້ງຍາກ ລວມເຖິງບັນດາຂໍ້ສະເໜີຕ່າງໆ ເພື່ອການພັດທະນາປັບປຸງດ່ານໃນຕໍ່ໜ້າພ້ອມນັ້ນ, ບັນດາພະແນກການ,ຂະແໜງການທີ່ເຂົ້າຮ່ວມໄດ້ປະກອບຄໍາເຫັນໃນວຽກງານທີ່ພົວພັນກັບຄວາມຮັບຜິດຊອບຂອງຕົນ ແນໃສ່ເສີມຂະຫຍາຍວຽກງານໃນດ້ານຕັ້ງໜ້າ ແລະ ແກ້ໄຂຈຸດອ່ອນ-ຂໍ້ຄົງຄ້າງໃນໄລຍະຜ່ານມາໃຫ້ໄດ້ຮັບການພັດທະນາໃນທາງທີ່ດີຂຶ້ນກວ່າເກົ່າ.
ໂອກາດນີ້, ທ່ານເຈົ້າແຂວງໄດ້ມີຄຳເຫັນໂອ້ລົມຊີ້ນຳໃຫ້ຄະນະຄຸ້ມຄອງດ່ານຈົ່ງພ້ອມກັນເອົາໃຈໃສ່ປັບປຸງພື້ນຖານໂຄງລ່າງດ້ານຕ່າງໆໃຫ້ມີຄວາມສະດວກຂຶ້ນຕື່ມ,ປັບປຸງຂອດການບໍລິການພາຍໃນດ່ານເພື່ອຮັບປະກັນການປະຕິບັດບັນດາໜ້າວຽກຕ່າງໆໃຫ້ມີຄວາມໂລ່ງລ່ຽນລວມເຖິງການປົກປັກຮັກສາອາຄານ, ວັດຖຸອຸປະກອນ, ເຄື່ອງຮັບໃຊ້ຕ່າງໆໃຫ້ນໍາໃຊ້ໄດ້ຢ່າງຍາວນານເພື່ອຫຼຸດຜ່ອນຄວາມສິ້ນເປືອງທາງດ້ານງົບປະມານລັດ, ສືບຕໍ່ປັບປຸງ ແລະ ອະນາໄມໃນຂອບເຂດບໍລິເວນດ່ານເພື່ອຄວາມສະອາດ,ສວຍງາມໂດຍມອບໃຫ້ເປັນຄວາມຮັບຜິດຊອບຂອງຄະນະຄຸ້ມຄອງດ່ານຄົ້ນຄວ້າສົມທົບກັບຂະແໜງການຕ່າງໆພາຍໃນດ່ານເພື່ອຮອງຮັບແຂກ ແລະ ນັກທ່ອງທ່ຽວ, ເພີ່ມທະວີໃນການຕິດຕາມ, ກວດກາພາຍໃນດ່ານໂດຍມີການວາງລະບຽບ, ກົນໄກການຄຸ້ມຄອງໃຫ້ເປັນລະບົບເພື່ອຮັບປະກັນຄວາມສະຫງົບ,ຄວາມເປັນລະບຽບຮຽບຮ້ອຍ, ເອົາໃຈໃສ່ການເກັບລາຍຮັບ, ຄ່າທຳນຽມ, ພາສີອາກອນຕ່າງໆເຂົ້າງົບປະມານຢ່າງຄົບຖ້ວນ ແລະ ຖືກຕ້ອງຕາມລະບຽບກົດໝາຍ ໂດຍນໍາໃຊ້ລະບົບທີ່ທັນສະໄໝເພື່ອຫຼຸດຜ່ອນການຮົ່ວໄຫຼທາງດ້ານງົບປະມານ,ໂຄສະນາປະຊາສຳພັນແນະນໍາໃຫ້ແກ່ຜູ້ໃຊ້ບໍລິການໃຫ້ເຂົ້າໃຈຢ່າງລະອຽດກ່ຽວກັບການຊໍາລະຄ່າພາສີອາກອນຜ່ານລະບົບທັນສະໄໝປະຕິບັດໄປຕາມຂັ້ນຕອນເພື່ອເຮັດໃຫ້ການບໍລິການວ່ອງໄວຂຶ້ນ,ເອົາໃຈໃສ່ກວດກາສິນຄ້າເຂົ້າ-ອອກ,ຕິດຕາມການລັກລອບນໍາເຂົ້າສິນຄ້າ, ຫ້າມນໍາເຂົ້າສິນຄ້າຜິດກົດໝາຍ, ເອົາໃຈໃສ່ໃນການປະຕິບັດພາລະບົດບາດຂອງໃຜລາວໃນແຕ່ລະຂະແໜງການ.ພ້ອມກັນປະສານສົມທົບ,ປຶກສາຫາລືກັນໃຫ້ມີຄວາມກົມກຽວໃນການຄຸ້ມຄອງເພື່ອປະຕິບັດພາລະບົດບາດລວມໃນການເກັບລາຍຮັບງົບປະມານໃຫ້ໄດ້ຕາມແຜນ ຫຼືລື່ນແຜນ,ພ້ອມກັນຄົ້ນຄວ້າບັນດາກົນໄກ, ຂອດການປະສານງານລະຫວ່າງຂະແໜງການຕ່າງໆຂັ້ນສູນກາງ,ທ້ອງຖິ່ນແລະຂະແໜງການປິ່ນອ້ອມຂອງດ່ານ ເພື່ອຊອກຫາວິທີທາງແກ້ໄຂຈຸດອ່ອນ-ຂໍ້ຕົງຄ້າງໃນຕໍ່ໜ້າແນໃສ່ເຮັດໃຫ້ລະບົບການບໍລິຫານຈັດການພາຍໃນດ່ານ, ການບໍລິການສິນຄ້າ, ຄົນເຂົ້າ-ອອກແລະອື່ນໆໃຫ້ມີຄວາມສະດວກ,ວ່ອງໄວຮັບປະກັນຄວາມຖຶກຕ້ອງສອດຄ່ອງຕາມລະບຽບກົດໝາຍ.ສໍາລັບຂໍ້ສະເໜີຕ່າງໆແມ່ນໃຫ້ຂຶ້ນແຜນນໍາສະເໜີຕໍ່ການນໍາຂັ້ນແຂວງຄົ້ນຄວ້າພິຈາລະນາແກ້ໄຂ ເພື່ອເຮັດໃຫ້ການປະຕິບັດວຽກງານມີຄວາມສະດວກ ແລະ ວ່ອງໄວຫຼາຍຂຶ້ນ.
ຂ່າວ-ພາບ: ກອງຄຳ
ທ່ານ ພັອ ພົມມາ ເດດຂຸນຟອງ ຫົວໜ້າຄະນະຄຸ້ມຄອງດ່ານສາກົນຂົວມິດຕະພາບ 3 ໄດ້ລາຍງານສະພາບລວມໃນການຈັດຕັ້ງປະຕິບັດວຽກງານ, ການບໍລິຫານຄຸ້ມຄອງ, ການບໍລິການເຂົ້າ-ອອກດ່ານໃນໄລຍະຜ່ານມາ ໂດຍຍົກໃຫ້ເຫັນເຖິງຂໍ້ສະດວກ, ຂໍ້ຫຍຸ້ງຍາກ ລວມເຖິງບັນດາຂໍ້ສະເໜີຕ່າງໆ ເພື່ອການພັດທະນາປັບປຸງດ່ານໃນຕໍ່ໜ້າພ້ອມນັ້ນ, ບັນດາພະແນກການ,ຂະແໜງການທີ່ເຂົ້າຮ່ວມໄດ້ປະກອບຄໍາເຫັນໃນວຽກງານທີ່ພົວພັນກັບຄວາມຮັບຜິດຊອບຂອງຕົນ ແນໃສ່ເສີມຂະຫຍາຍວຽກງານໃນດ້ານຕັ້ງໜ້າ ແລະ ແກ້ໄຂຈຸດອ່ອນ-ຂໍ້ຄົງຄ້າງໃນໄລຍະຜ່ານມາໃຫ້ໄດ້ຮັບການພັດທະນາໃນທາງທີ່ດີຂຶ້ນກວ່າເກົ່າ.
ໂອກາດນີ້, ທ່ານເຈົ້າແຂວງໄດ້ມີຄຳເຫັນໂອ້ລົມຊີ້ນຳໃຫ້ຄະນະຄຸ້ມຄອງດ່ານຈົ່ງພ້ອມກັນເອົາໃຈໃສ່ປັບປຸງພື້ນຖານໂຄງລ່າງດ້ານຕ່າງໆໃຫ້ມີຄວາມສະດວກຂຶ້ນຕື່ມ,ປັບປຸງຂອດການບໍລິການພາຍໃນດ່ານເພື່ອຮັບປະກັນການປະຕິບັດບັນດາໜ້າວຽກຕ່າງໆໃຫ້ມີຄວາມໂລ່ງລ່ຽນລວມເຖິງການປົກປັກຮັກສາອາຄານ, ວັດຖຸອຸປະກອນ, ເຄື່ອງຮັບໃຊ້ຕ່າງໆໃຫ້ນໍາໃຊ້ໄດ້ຢ່າງຍາວນານເພື່ອຫຼຸດຜ່ອນຄວາມສິ້ນເປືອງທາງດ້ານງົບປະມານລັດ, ສືບຕໍ່ປັບປຸງ ແລະ ອະນາໄມໃນຂອບເຂດບໍລິເວນດ່ານເພື່ອຄວາມສະອາດ,ສວຍງາມໂດຍມອບໃຫ້ເປັນຄວາມຮັບຜິດຊອບຂອງຄະນະຄຸ້ມຄອງດ່ານຄົ້ນຄວ້າສົມທົບກັບຂະແໜງການຕ່າງໆພາຍໃນດ່ານເພື່ອຮອງຮັບແຂກ ແລະ ນັກທ່ອງທ່ຽວ, ເພີ່ມທະວີໃນການຕິດຕາມ, ກວດກາພາຍໃນດ່ານໂດຍມີການວາງລະບຽບ, ກົນໄກການຄຸ້ມຄອງໃຫ້ເປັນລະບົບເພື່ອຮັບປະກັນຄວາມສະຫງົບ,ຄວາມເປັນລະບຽບຮຽບຮ້ອຍ, ເອົາໃຈໃສ່ການເກັບລາຍຮັບ, ຄ່າທຳນຽມ, ພາສີອາກອນຕ່າງໆເຂົ້າງົບປະມານຢ່າງຄົບຖ້ວນ ແລະ ຖືກຕ້ອງຕາມລະບຽບກົດໝາຍ ໂດຍນໍາໃຊ້ລະບົບທີ່ທັນສະໄໝເພື່ອຫຼຸດຜ່ອນການຮົ່ວໄຫຼທາງດ້ານງົບປະມານ,ໂຄສະນາປະຊາສຳພັນແນະນໍາໃຫ້ແກ່ຜູ້ໃຊ້ບໍລິການໃຫ້ເຂົ້າໃຈຢ່າງລະອຽດກ່ຽວກັບການຊໍາລະຄ່າພາສີອາກອນຜ່ານລະບົບທັນສະໄໝປະຕິບັດໄປຕາມຂັ້ນຕອນເພື່ອເຮັດໃຫ້ການບໍລິການວ່ອງໄວຂຶ້ນ,ເອົາໃຈໃສ່ກວດກາສິນຄ້າເຂົ້າ-ອອກ,ຕິດຕາມການລັກລອບນໍາເຂົ້າສິນຄ້າ, ຫ້າມນໍາເຂົ້າສິນຄ້າຜິດກົດໝາຍ, ເອົາໃຈໃສ່ໃນການປະຕິບັດພາລະບົດບາດຂອງໃຜລາວໃນແຕ່ລະຂະແໜງການ.ພ້ອມກັນປະສານສົມທົບ,ປຶກສາຫາລືກັນໃຫ້ມີຄວາມກົມກຽວໃນການຄຸ້ມຄອງເພື່ອປະຕິບັດພາລະບົດບາດລວມໃນການເກັບລາຍຮັບງົບປະມານໃຫ້ໄດ້ຕາມແຜນ ຫຼືລື່ນແຜນ,ພ້ອມກັນຄົ້ນຄວ້າບັນດາກົນໄກ, ຂອດການປະສານງານລະຫວ່າງຂະແໜງການຕ່າງໆຂັ້ນສູນກາງ,ທ້ອງຖິ່ນແລະຂະແໜງການປິ່ນອ້ອມຂອງດ່ານ ເພື່ອຊອກຫາວິທີທາງແກ້ໄຂຈຸດອ່ອນ-ຂໍ້ຕົງຄ້າງໃນຕໍ່ໜ້າແນໃສ່ເຮັດໃຫ້ລະບົບການບໍລິຫານຈັດການພາຍໃນດ່ານ, ການບໍລິການສິນຄ້າ, ຄົນເຂົ້າ-ອອກແລະອື່ນໆໃຫ້ມີຄວາມສະດວກ,ວ່ອງໄວຮັບປະກັນຄວາມຖຶກຕ້ອງສອດຄ່ອງຕາມລະບຽບກົດໝາຍ.ສໍາລັບຂໍ້ສະເໜີຕ່າງໆແມ່ນໃຫ້ຂຶ້ນແຜນນໍາສະເໜີຕໍ່ການນໍາຂັ້ນແຂວງຄົ້ນຄວ້າພິຈາລະນາແກ້ໄຂ ເພື່ອເຮັດໃຫ້ການປະຕິບັດວຽກງານມີຄວາມສະດວກ ແລະ ວ່ອງໄວຫຼາຍຂຶ້ນ.
ຂ່າວ-ພາບ: ກອງຄຳ
ຄໍາເຫັນ