ຊີວິດຂອງພໍ່ແມ່ປະຊາຊົນ ດ້ານພື້ນຖານໂຄງລ່າງຕ່າງໆ ເປັນຕົ້ນ: ການສະເໜີປັບປຸງກໍ່ສ້າງໂຮງຮຽນປະຖົມບ້ານນາໂພ, ການປັບປຸງກໍ່ສ້າງຂົວເຂົ້າໄປຫາບ້ານນາໂພ, ການຄົ້ນຄວ້າກໍ່ສ້າງລະບົບຊົນລະປະທານ ເພື່ອສະໜອງນໍ້າຮັບໃຊ້ເຂົ້າໃນການຜະລິດ, ການສະເໜີຂໍການປະກອບສ່ວນທຶນ ແລະ ວັດຖຸ ເພື່ອສືບຕໍ່ກໍ່ສ້າງທາງເບຕົງເຂົ້າຫາບ້ານທ່າໝີ ເຂດທີ່ຍັງເຫຼືອໃຫ້ສຳເລັດ ແລະ ອື່ນໆ.
ທ່ານເຈົ້າແຂວງຄຳມ່ວນ ກໍໄດ້ມີຄໍາເຫັນໂອ້ລົມຕໍ່ອຳນາດການປົກຄອງ ແລະ ພໍ່ແມ່ປະຊາຊົນ ທັງສອງບ້ານ ໃຫ້ສືບຕໍ່ເອົາໃຈໃສ່ປັບປຸງດ້ານພື້ນຖານໂຄງລ່າງຂອງບ້ານ ເພື່ອເປັນເງື່ອນໄຂສ້າງລາຍຮັບທີ່ໝັ້ນຄົງ, ພ້ອມກັນຄິດຄົ້ນ, ຊອກຫາ ແລະ ພັດທະນາທ່າແຮງຂອງບ້ານທີ່ມີຢູ່ແລ້ວ ບໍ່ວ່າຈະເປັນທ່າແຮງທາງດ້ານການຜະລິດ ປູກຝັງ-ລ້ຽງສັດ ໃຫ້ສາມາດກຸ້ມຢູ່ກຸ້ມກິນ ແລະ ກາຍເປັນສິນຄ້າໃຫ້ຫຼາຍຂຶ້ນ, ເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ, ສຶກສາອົບຮົມລູກຫຼານບໍ່ໃຫ້ມີການພົວກັບກັບຢາເສບຕິດ, ເອົາໃຈໃສ່ຕ້ານປະກົດການຫຍໍ້ທໍ້ໃນສັງຄົມ ພ້ອມນັ້ນ ກໍໃຫ້ມີຄວາມສາມັກຄີຊ່ວຍເຫຼືອຊຶ່ງກັນ ແລະ ກັນ ເພື່ອພ້ອມກັນພັດທະນາບ້ານໃຫ້ມີການຂະຫຍາຍຕົວ ແນໃສ່ເຮັດໃຫ້ປະຊາຊົນມີກິນມີໃຊ້, ມີຊີວິດການເປັນຢູ່ທີ່ດີຂຶ້ນ, ເອົາໃຈໃສ່ປົກປັກຮັກສາ ແລະ ຄຸ້ມຄອງປ່າໄມ້ ໃຫ້ມີຄວາມອຸດົມສົມບູນ ເພື່ອຮັກສາແຫຼ່ງນໍ້າ ແລະ ປ່າໄມ້ ໃຫ້ມີຄວາມຍືນຍົງ. ສຳລັບຄຳສະເໜີຂອງພໍ່ແມ່ປະຊາຊົນ ແມ່ນມອບໃຫ້ພະແນກການ, ຂະແໜງການທີ່ກ່ຽວຂ້ອງລົງເກັບກຳຂໍ້ມູນ ເພື່ອຄິດໄລ່ອອກແບບ ແລະ ສ້າງເປັນແຜນອັນລະອຽດ ນຳສະເໜີຕໍ່ຂັ້ນເທິງຄົ້ນຄວ້າແກ້ໄຂໃນຕໍ່ໜ້າ, ສະເພາະການປັບປຸງກໍ່ສ້າງໂຮງຮຽນບ້ານນາໂພ ແລະ ການກໍ່ສ້າງທາງເຂົ້າຫາບ້ານທ່າໝີ ທາງແຂວງຈະຕອບສະໜອງທາງດ້ານວັດຖຸ ອຸປະກອນຕ່າງໆ ໂດຍໃຫ້ຂະແໜງການກ່ຽວຂ້ອງຂອງເມືອງ ສົມທົບກັບອຳນາດການປົກຄອງບ້ານ ຄົ້ນຄວ້າວາງແຜນໃນການຈັດຕັ້ງປະຕິບັດໃຫ້ສຳເລັດ ພ້ອມທັງໃຫ້ມີແຜນໃນການຄຸ້ມຄອງ ພາຍຫຼັງທີ່ມີການກໍ່ສ້າງສຳເລັດ ເພື່ອໃຫ້ຊົມໃຊ້ໄດ້ຢ່າງຍາວນານ. ໂອກາດດຽວກັນ ທ່ານເຈົ້າແຂວງຍັງໄດ້ມອບອຸປະກອນການຮຽນ, ອຸປະກອນການຫຼິ້ນກິລາ ໃຫ້ແກ່ທັງສອງບ້ານດັ່ງກ່າວ.
(ຂ່າວ-ພາບ: ກອງຄໍາ)
ຄໍາເຫັນ