ພ້ອມທັງຄໍາສະເໜີບາງດ້ານ ຈາກອຳນາດການປົກຄອງທັງສອງບ້ານ ທີ່ຕິດພັນກັບການດຳລົງຊີວິດການເປັນຢູ່ຂອງພໍ່ແມ່ປະຊາຊົນ ເປັນຕົ້ນ: ການກໍ່ສ້າງຊົນລະປະທານ, ສ້າງສູນເຕັກນິກທາງດ້ານກະສິກຳ, ກໍ່ສ້າງເສັ້ນທາງພາຍໃນບ້ານ, ຕະຫຼາດຊຸມຊົນ ແລະ ອື່ນໆ.
ໂອກາດນີ້, ທ່ານເຈົ້າແຂວງຄຳມ່ວນ ໄດ້ມີຄໍາເຫັນໂອ້ລົມ ອຳນາດການປົກຄອງບ້ານ ແລະ ພໍ່ແມ່ປະຊາຊົນ ໃຫ້ເອົາໃຈໃສ່ ທາງດ້ານການພັດທະນາເສດຖະກິດ-ສັງຄົມຂອງບ້ານ, ສຸມໃສ່ການຜະລິດໃຫ້ກາຍເປັນສິນຄ້າ, ຊອກຄົ້ນບັນດາທ່າແຮງຕ່າງໆທີ່ມີຂອງບ້ານ ເພື່ອຜະລິດ-ຈໍາໜ່າຍ ເປັນການເພີ່ມລາຍໄດ້ໃຫ້ພໍ່ແມ່ປະຊາຊົນ, ສືບຕໍ່ເອົາໃຈໃສ່ແກ້ໄຂປະກົດການຫຍໍ້ທໍ້ຕ່າງໆ ເປັນຕົ້ນ ຢາເສບຕິດ, ນໍ້າກະ ທ່ອມ, ຢາສູບໄຟຟ້າ ແລະ ອື່ນໆ ຊຶ່ງເປັນບັນຫາທ້າທາຍຕໍ່ອະນາຄົດ ແລະ ການຮໍ່າຮຽນຂອງລູກຫຼານ ທີ່ເປັນໜໍ່ແໜງຂອງບ້ານເມືອງ ແລະ ປະເທດຊາດ; ໃຫ້ຄະນະພັກ, ອຳນາດການປົກຄອງບ້ານ, ຄູ-ອາຈານ ແລະ ພໍ່ແມ່ນັກຮຽນຕິດຕາມຊຸກຍູ້, ສຶກສາອົບຮົມລູກຫຼານ ໃນເກນອາຍຸໃຫ້ໄດ້ເຂົ້າໂຮງຮຽນ ແລະ ສືບຕໍ່ສຶກສາຮໍ່າຮຽນໃນລະດັບສູງຂຶ້ນ ເພື່ອມີຄວາມຮູ້ ແລະ ມີອາຊີບ ທຳມາຫາກິນ ເຮັດໃຫ້ຄອບຄົວມີຢູ່ມີກິນ, ເອົາໃຈໃສ່ຕິດຕາມເຝົ້າລະວັງ ແລະ ໂຄສະນາປະຊາສໍາພັນໃຫ້ພໍ່ແມ່ປະຊາຊົນໄດ້ເອົາໃຈໃສ່ໃນການຮັກສາສຸຂະພາບ, ຮັກສາຄວາມສະອາດ ເພື່ອຫຼຸດຜ່ອນ ແລະ ຫຼີກລ່ຽງການເກີດພະຍາດຕ່າງໆຕາມລະດູການ, ເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ອສ້າງເງື່ອນໄຂອຳນວຍຄວາມສະດວກໃຫ້ພໍ່ແມ່ປະຊາຊົນ ໄປມາຄ້າຂາຍ, ທຳການຜະລິດມີຄວາມສະດວກ, ສ້າງຄວາມສາມັກຄີພາຍໃນບ້ານ ເພື່ອພ້ອມກັນສ້າງສາພັດທະນາບ້ານຊ່ອງໃຫ້ມີຄວາມສີວິໄລ.
(ຂ່າວ-ພາບ: ກອງຄໍາ)
ຄໍາເຫັນ