ທ່ານ ຄຳຜອຍ ວັນນະສານ ເຈົ້າແຂວງຜົ້ງສາລີ ພ້ອມດ້ວຍຂະແໜງການທີ່ກ່ຽວຂ້ອງຂອງແຂວງ ໄດ້ລົງຊຸກຍູ້ວຽກງານຮອບດ້ານ ແລະ ແຜນການກະກຽມກອງປະຊຸມໃຫຍ່ຂອງພັກ 3 ຂັ້ນຢູ່ເມືອງໃໝ່ ໃນວັນທີ 27 ກຸມພານີ້. ການລົງຊຸກຍູ້ວຽກງານຮອບດ້ານຄັ້ງນີ້, ທ່ານ ເຈົ້າແຂວງ ພ້ອມດ້ວຍຄະນະ ໄດ້ລົງຕິດຕາມຊຸກຍູ້ການເຮັດນາແຊງ-ນາວ່ານ ທີ່ບ້ານ ນໍ້ງາ ເມືອງໃໝ່ ໂດຍມີທ່ານ ສອນສະໜຸກ ສີສຸລາດ ເຈົ້າເມືອງໆໃໝ່ ພ້ອມດ້ວຍການນຳເມືອງໃຫ້ການຕ້ອນຮັບ.
ການເຮັດນາແຊງ-ນາວ່ານ ພາຍໃນເມືອງໃໝ່ ແມ່ນເປັນປີທຳອິດ ຊຶ່ງມີທັງໝົດ 3 ບ້ານຄື: ບ້ານນໍ້າງາ, ບ້ານ ໂພນໄຊ ແລະ ບ້ານ ຫ້ວຍຊອງເໜືອມີ 14 ຄອບຄົວ, ແນວພັນເຂົ້າທັງໝົດ 676 kg ໃນເນື້ອທີ່ທັງໝົດ 8,83 ເຮັກຕາ. ໃນນີ້ມີ 1 ຄອບຄົວ ທີ່ບ້ານນໍ້ງາ ໄດ້ທົດລອງໃນການເຮັດ ນາວ່ານຈໍານວນ 3,3 ຮຕ, ມີແນວປູກ 221 kg, ຊຶ່ງຈະໃຊ້ເວລາໃນການປູກ 5-6 ເດືອນ ແລະ ຄາດວ່າຈະໄດ້ຮັບຜົນຜະລິດ 4-5 ໂຕນຕໍ່ເຮັກຕາ.
ໃນໂອກາດນີ້, ທ່ານເຈົ້າແຂວງ ໄດ້ເນັ້ນໃຫ້ອົງການປົກຄອງເມືອງ ໂດຍສະເພາະແມ່ນຫ້ອງການກະສິກໍາ ແລະ ປ່າໄມ້ເມືອງ ໃຫ້ຄວາມໃກ້ສິດ ແລະ ແນະນໍາໃນດ້ານເຕັດນີກແຕ່ລະໄລຍະ ແລະ ອໍານວຍຄວາມສະດວກດ້ານຕ່າງໆຕື່ມອີກ. ຈາກນັ້ນ, ທ່ານເຈົ້າແຂວງ ພ້ອມດ້ວຍຄະນະ ຍັງໄດ້ໄປຕິດຕາມການປູກພຶດຜັກຕ່າງໆເປັນສິນຄ້າຂອງປະຊາຊົນຢູ່ບ້ານເພ້ຍ ຊຶ່ງສາມາດສ້າງລາຍຮັບໃຫ້ແກ່ຄອບຄົວໄດ້ 10 ລ້ານກ່ວາກີບຕໍ່ປີ.
(ພາບ-ຂ່າວ: ແສງຄຳ ສາລີວັ)
ການເຮັດນາແຊງ-ນາວ່ານ ພາຍໃນເມືອງໃໝ່ ແມ່ນເປັນປີທຳອິດ ຊຶ່ງມີທັງໝົດ 3 ບ້ານຄື: ບ້ານນໍ້າງາ, ບ້ານ ໂພນໄຊ ແລະ ບ້ານ ຫ້ວຍຊອງເໜືອມີ 14 ຄອບຄົວ, ແນວພັນເຂົ້າທັງໝົດ 676 kg ໃນເນື້ອທີ່ທັງໝົດ 8,83 ເຮັກຕາ. ໃນນີ້ມີ 1 ຄອບຄົວ ທີ່ບ້ານນໍ້ງາ ໄດ້ທົດລອງໃນການເຮັດ ນາວ່ານຈໍານວນ 3,3 ຮຕ, ມີແນວປູກ 221 kg, ຊຶ່ງຈະໃຊ້ເວລາໃນການປູກ 5-6 ເດືອນ ແລະ ຄາດວ່າຈະໄດ້ຮັບຜົນຜະລິດ 4-5 ໂຕນຕໍ່ເຮັກຕາ.
ໃນໂອກາດນີ້, ທ່ານເຈົ້າແຂວງ ໄດ້ເນັ້ນໃຫ້ອົງການປົກຄອງເມືອງ ໂດຍສະເພາະແມ່ນຫ້ອງການກະສິກໍາ ແລະ ປ່າໄມ້ເມືອງ ໃຫ້ຄວາມໃກ້ສິດ ແລະ ແນະນໍາໃນດ້ານເຕັດນີກແຕ່ລະໄລຍະ ແລະ ອໍານວຍຄວາມສະດວກດ້ານຕ່າງໆຕື່ມອີກ. ຈາກນັ້ນ, ທ່ານເຈົ້າແຂວງ ພ້ອມດ້ວຍຄະນະ ຍັງໄດ້ໄປຕິດຕາມການປູກພຶດຜັກຕ່າງໆເປັນສິນຄ້າຂອງປະຊາຊົນຢູ່ບ້ານເພ້ຍ ຊຶ່ງສາມາດສ້າງລາຍຮັບໃຫ້ແກ່ຄອບຄົວໄດ້ 10 ລ້ານກ່ວາກີບຕໍ່ປີ.
(ພາບ-ຂ່າວ: ແສງຄຳ ສາລີວັ)
ຄໍາເຫັນ