ພ້ອມດ້ວຍຄະນະ ໄດ້ລົງຢ້ຽມຢາມ ແລະ ມອບເຄື່ອງຊ່ວຍເຫຼືອໃຫ້ແກ່ກອງພັນທະຫານຮາບທີ 3 ແລະ ກອງຮ້ອຍປືນໃຫຍ່ 35.
ການລົງຢ້ຽມຢາມຄັ້ງນີ້, ທ່ານ ເຈົ້າແຂວງ ພ້ອມຄະນະນຳຂອງແຂວງ ໄດ້ມອບເຄື່ອງອຸປະໂພກ-ບໍລິໂພກໃຫ້ແກ່ຄະນະພັກ-ຄະນະບັນຊາ, ນາຍ ແລະ ພົນທະຫານ ກອງພົນທະຫານຮາບທີ 3. ໃນໂອກາດນີ້, ກໍໄດ້ຮັບຟັງການລາຍງານຈາກສະຫາຍ ພັທ ແກ້ວແກ່ນໃຈ ໄຊຍະເສນ ຫົວໜ້າການເມືອງ ກອງພັນທະຫານຮາບທີ 3. ຈາກນັ້ນ, ທ່ານເຈົ້າແຂວງກໍໄດ້ໃຫ້ທິດຊີ້ນຳ ແລະ ໂອ້ລົມບັນຫາຕ່າງໆຕໍ່ຄະນະພັກ-ຄະນະບັນຊາໃນກົມກອງດັ່ງກ່າວ. ໃນໂອກາດນີ້, ທ່ານກໍໄດ້ໃຫ້ກຽດມອບເຄື່ອງອຸປະໂພກ-ບໍລິໂພກໃຫ້ແກ່ກອງພັນລະຫານຮາບທີ 3 ຊຶ່ງປະກອບມີ: ປາກະປ໋ອງ, ນໍ້າປາ, ນໍ້າຕານ, ໄຂ່ໄກ່, ໝີ່, ເກືອ, ແປ້ງນົວ, ໝາກເຜັດ ແລະ ອຸປະກອນກິລາຈຳນວນໜຶ່ງ. ພ້ອມນັ້ນ ທ່ານເຈົ້າແຂວງ ພ້ອມຄະນະກໍໄດ້ລົງກວດເບິ່ງໂຄງການກໍ່ສ້າງເຮືອນນອນ ແລະ ການກໍ່ສ້າງພື້ນຖານໂຄງລ່າງອື່ນໆ ໃນກົມກອງດັ່ງກ່າວ ຊຶ່ງໃນຜ່ານມາ, ທ່ານເຈົ້າແຂວງກໍໄດ້ອະນຸມັດເງິນເຂົ້າໃນການກໍ່ສ້າງພື້ນຖານໂຄງລ່າງໃນຄ້າຍແຫ່ງນີ້.
ໃນເວລາຕໍ່ມາ, ທ່ານເຈົ້າແຂວງ ພ້ອມຄະນະ ກໍໄດ້ລົງຢ້ຽມຢາມ, ໃຫ້ກຳລັງໃຈອ້າຍ-ນ້ອງນາຍ ແລະ ພົນທະຫານ ພາຍໃນກອງຮ້ອຍປືນໃຫຍ່ 35 ພ້ອມທັງໄດ້ມອບເຄື່ອງອຸປະໂພກ-ບໍລິໂພກໃຫ້ກົມກອງດັ່ງກ່າວ, ພ້ອມນັ້ນ ທ່ານເຈົ້າແຂວງກໍ່ໄດ້ລົງເບິ່ງສະຖານທີ່ສຳລັບເກັບມ້ຽນປືນໃຫຍ່, ລົງເບິ່ງການກໍ່ສ້າງເຮືອນນອນ, ຫ້ອງການ, ໄຮ່-ນາ ແລະ ບໍ່ນໍ້າສ້າງຂອງຄ້າຍແຫ່ງນີ້ ພ້ອມນັ້ນ ທ່ານເຈົ້າແຂວງຍັງຈະຊ່ວຍແກ້ໄຂດ້ານງົບປະມານບາງສ່ວນໃນການກໍ່ສ້າງພື້ນຖານໂຄງລ່າງພາຍໃນກອງຮ້ອຍປືນໃຫຍ່ 35 ອີກດ້ວຍ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ