ໃຫ້ກັບບໍລິສັດຮັບເໝົາໂຄງການ ກໍ່ສ້າງນໍ້າປະປາ ບ້ານນາແວນໂດຍໄດ້ຮັບການຕ້ອນຮັບຈາກທ່ານ ບຸດສະກອນ ອິນທະລັງສີ ເຈົ້າເມືອງໆພຽງ,ມີບັນດາການນຳຂອງເມືອງ,ພະນັກງານທີ່ກ່ຽວຂ້ອງ.
ການລົງມາໃນເທຶ່ອນີ້, ທ່ານ ພົນ ຈັນທະລັງສີ ນາຍບ້ານໆນາແວນໄດ້ລາຍງານການພັດທະນາດ້ານພື້ນຖານໂຄງລ່າງຂອງບ້ານໂດຍຫຍໍ້ວ່າ: ບ້ານນາແວນ ຕັ້ງຫ່າງຈາກເທດສະບານເມືອງ ໄປທິດຕາເວັນຕົກ ປະມານ 30 ກວ່າກິໂລແມັດ ປະກອບມີ 70 ກວ່າໜ່ວຍຄຸ້ມຄອງພົນລະເມືອງ,ມີ 800 ກວ່າ ຄອບຄົວ,ມີ4,400 ຄົນຍິງ 2,100 ຄົນ.
ສໍາລັບໂຄງການ ນໍ້າປະປາ ບ້ານນາແວນ,ອົງການປົກຄອງບ້ານໄດ້ສົມທົບກັບຫ້ອງການໂຍທາທິການ ແລະ ຂົນສົ່ງເມືອງ ລົງສໍາຫຼວດ-ອອກແບບ ລວມມູນຄ່າທັງໝົດ 10 ຕື້ກວ່າກີບ. ໃນນີ້,ໄດ້ແບ່ງອອກເປັນ 2 ໄລຍະ ໃນການຊອກຫາແຫຼ່ງທຶນມາກໍ່ສ້າງຄື: ໄລຍະທີ 1 ໄດ້ກໍ່ສ້າງຫົວງານ,ອ່າງບໍາບັດ,ເຮືອນປໍ້າ ແລະ ວາງຕາຂ່າຍທໍ່ນໍ້າ ພາຍໃນຄຸ້ມນາສໍາພັນ ຮອດໜ້າຝາຍອ່າງຫ້ອຍເດື່ອຄຸ້ມນາເງີນ ມູນຄ່າ 6 ຕື້ກວ່າ ກີບ.ປັດຈຸບັນ ທາງບໍລີສັດໄດ້ມາເລີ່ມລົງມືປັບສະຖານທີ່ຕັ້ງອ່າງບໍາບັດ ແລະ ປັບທາງເຂົ້າອ່າງບໍາບັດສໍາເລັດພ້ອມທັງກະກຽມເອົາວັດສະດຸເຂົ້າພາກສະໜາມເພຶ່ອດໍາເນີນການກໍ່ສ້າງ ແລະ ໄລຍະທີ 2,ແມ່ນຂະຫຍາຍຕາຂ່າຍທໍ່ນໍ້າປະປາ ແຕ່ໜ້າອ່າງຝາຍຫ້ອຍເດື່ອ ໄປຍັງຄຸ້ມນາເງີນ,ຄຸ້ມນາແວນເໜືອ-ນາແວນໃຕ້ ມູນຄ່າ 3 ຕືກວ່າ ກີບ.
ໂອ້ກາດນີ້, ທ່ານ ເຈົ້າແຂວງໄຊຍະບູລີໄດ້ກ່າວມອບພື້ນທີ່ໂຄງການກໍ່ສ້າງນໍ້າປະປາ ບ້ານນາແວນ ເມືອງພຽງ ໃຫ້ບໍລິສັດຮັບເໝົາໂຄງການເພື່ອໄປຈັດຕັ້ງປະຕິບັດໂຄງການຢ່າງເປັນທາງການ.
(ຂ່າວ: ວົງສະຫວັນ ສຸທິໂວຫານ)
ຄໍາເຫັນ