ຂ່າວຕ່າງປະເທດລາຍງານ ເມື່ອບໍ່ດົນມານີ້, ອົງການການບິນອະວະກາດແຫ່ງຊາດຈີນໄດ້ແຈ້ງໃຫ້ຮູ້ວ່າ: ການຮ່ວມມືໃນຂົງເຂດການບິນອະວະກາດລະຫວ່າງຈີນ-ບຣາຊິນມີຫຼາຍກວ່າ 30 ປີແລ້ວ, ກ່ອນໜ້ານີ້, ສອງຝ່າຍໄດ້ຮ່ວມກັນຄົ້ນຄວ້າຜະລິດ ແລະ ຍິ່ງສົ່ງດາວທຽມ 6 ດວງ ຊຶ່ງຂໍ້ມູນຈາກດາວທຽມເຫຼົ່ານີ້ແມ່ນໄດ້ນໍາໃຊ້ໃນຂົງເຂດກະສິກໍາ, ປ່າໄມ້, ວາງແຜນຜັງເມືອງ ແລະ ຂົງເຂດອື່ນໆຢ່າງກວ້າງຂວາງ. ປັດຈຸບັນ, ຈີນ-ບຣາຊິນໄດ້ເລີ່ມດໍາເນີນການຄົ້ນຄວ້າ ແລະ ຜະລິດດາວທຽມດວງທີ 7 ແລະຈະແບ່ງປັນຂໍ້ມູນດາວທຽມໃຫ້ທົ່ວໂລກນໍາໃຊ້ຮ່ວມກັນ.
ປະຊາກອນເສືອມາເລ ເລີ່ມຟື້ນຕົວຫຼັງຈາກມາເລເຊຍເພີ່ມຄວາມພະຍາຍາມອະນຸລັກ
ສຳນັກຂ່າວສານຊິນຮວາລາຍງານໃນວັນທີ 30 ກັນຍາ ຜ່ານມາວ່າ: ກະຊວງຊັບພະຍາກອນທຳມະຊາດ ແລະ ຄວາມຍືນຍົງດ້ານສິ່ງແວດລ້ອມຂອງມາເລເຊຍ ໄດ້ເປີດເຜີຍວ່າ, ໂຄງການອະນຸລັກຟື້ນຟູປະຊາກອນເສືອມາເລໄດ້ບັນລຸຜົນໃນທາງບວກ ຫຼັງຈາກມາເລເຊຍດຳເນີນມາດຕະການຫຼາຍຢ່າງຕັ້ງແຕ່ປີ 2021 ເຊັ່ນ: ການຍົກລະດັບການບັງຄັບໃຊ້ກົດໝາຍເພື່ອປາບປາມການຄ້າຂາຍສັດປ່າ, ພ້ອມທັງການຕິດຕາມກວດກາ ແລະ ຟື້ນຟູປະຊາກອນເສືອ ແລະ ສັດປ່າ.
ຄໍາເຫັນ