ແລະ ເລຂາການຕ່າງປະເທດຈີນ-ອິນເດຍ ຂຶ້ນຢູ່ນະຄອນຫຼວງປັກກິ່ງຂອງຈີນ, ໂດຍສຸມໃສ່ການຊຸກຍູ້ການຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນຢູ່ກອງປະຊຸມຄາຊັນລະຫວ່າງຜູ້ນຳສອງປະເທດຈີນ-ອິນເດຍ, ປຶກສາຫາລືມາດຕະການປັບປຸງ ແລະ ພັດທະນາສາຍພົວພັນຈີນ-ອິນເດຍ. ສອງຝ່າຍໄດ້ບັນລຸຄວາມຮັບຮູ້ທີ່ເປັນເອກະພາບກັນດັ່ງລຸ່ມນີ້:
1. ອິນເດຍສຸມກຳລັງເຂົ້າໃນການສະໜັບສະໜູນຈີນທີ່ຮັບໜ້າທີ່ເປັນປະເທດປະທານໝູນວຽນອົງການຮ່ວມມືຊຽງໄຮ້, ຈະຕັ້ງໜ້າເຂົ້າຮ່ວມກິດຈະກຳຕ່າງໆທີ່ຈີນເປັນເຈົ້າພາບຈັດຂຶ້ນພາຍໃຕ້ຂອບອົງການຮ່ວມມືຊຽງໄຮ້.
2. ສອງຝ່າຍເຫັນດີນຳໃຊ້ສະຖານະການສອງຝ່າຍ ແລະ ຫຼາຍຝ່າຍ, ດຳເນີນການແລກປ່ຽນທີ່ຕັ້ງໜ້າໃນຂັ້ນຕ່າງໆ, ເພີ່ມທະວີການຕິດຕໍ່ພົວພັນທາງຍຸດທະສາດ, ເພີ່ມທະວີຄວາມໄວ້ເນື້ອເຊື່ອໃຈກັນດ້ານການເມືອງ.
3. ສອງຝ່າຍເຫັນດີຮ່ວມກັນສະເຫຼີມສະຫຼອງຈີນ ແລະ ອິນເດຍສ້າງສາຍພົວພັນທາງການທູດຄົບຮອບ 75 ປີໃນປີ 2025 ນີ້, ດຳເນີນກິດຈະກຳຕ່າງໆ ເຊັ່ນ: ການແລກປ່ຽນລະຫວ່າງສື່ມວນຊົນ ແລະ ຄັງປັນຍາ, ງານສົນທະນາຊ່ອງທາງທີສອງ, ການແລກປ່ຽນວັດທະນະທຳ ແລະ ອື່ນໆ.
4. ສອງຝ່າຍເຫັນດີຟື້ນຟູເສັ້ນທາງການບິນໂດຍກົງລະຫວ່າງແຜ່ນດິນໃຫຍ່ຈີນ ແລະ ອິນເດຍ, ສະໜັບສະໜູນພາກສ່ວນຮັບຜິດຊອບລະຫວ່າງສອງປະເທດຮ່ວມກັນຈັດຕັ້ງປະຕິບັດ ແລະ ນຳໃຊ້ມາດຕະການ ເພື່ອອຳນວຍຄວາມສະດວກໃຫ້ແກ່ການໄປມາຫາສູ່ກັນລະຫວ່າງປະຊາຊົນ ແລະ ສົ່ງນັກຂ່າວຊຶ່ງກັນແລະກັນ.
5. ສອງຝ່າຍເຫັນດີຊຸກຍູ້ການຟື້ນຟູໃຫ້ສາສະນິກະຊົນອິນເດຍເດີນທາງໄປນະມັດສະການຢູ່ສະຖານທີ່ສັກສິດເຂດຊີ່ຈ້າງຂອງຈີນ ແລະ ປຶກສາຫາລືວຽກງານທີ່ກ່ຽວຂ້ອງໂດຍໄວ.
6. ສອງຝ່າຍເຫັນດີສືບຕໍ່ດຳເນີນການຮ່ວມມືດ້ານສາຍນ້ຳຂ້າມຊາດ, ຮັກສາການຕິດຕໍ່ພົວພັນເພື່ອຈັດກອງປະຊຸມກົນໄກລະດັບຊ່ຽວຊານດ້ານສາຍນ້ຳຂ້າມຊາດຮອບໃໝ່ໂດຍໄວ.
ຄໍາເຫັນ