ດັ່ງທີ່ບັນດາທ່ານໄດ້ຮູ້-ໄດ້ເຫັນແລ້ວວ່າ: ບັນຫາຊຸມສາຍເກາະຫ້ອຍຢູ່ຫຼັກເສົາໄຟຟ້າແມ່ນມີມາແຕ່ດົນແລ້ວ, ຕ່າງແຕ່ວ່າໃນໄລຍະນີ້ມັນພັດໜັກໜ້າກວ່າແຕ່ກ່ອນຍ້ອນສັງຄົມໄດ້ຫັນຊົມໃຊ້ລະບົບສື່ສານຊຶ່ງມີທັງສາຍໄວຟາຍ, ສາຍໂທລະສັບ, ສາຍເຄເບິນ, ສາຍອິນເຕິເນັດແລະອື່ນໆທີ່ຕິດພັນ; ນອກຈາກຊຸມສາຍດັ່ງກ່າວແລ້ວຍັງມີພວກປ້າຍ, ແຜ່ນໂຄສະນາໄດ້ຕິດຫ້ອຍຢູ່ຕາມຫຼັກໄຟເຊັ່ນກັນ, ເບິ່ງແລ້ວແມ່ນບໍ່ສວຍງາມລວມທັງເປັນຕົ້ນເຫດຂອງຈຸດເກີດປະກາຍໄຟໂດຍສະເພາະກ່ອງສັນຍານແລະຊຸມສາຍສື່ສານທີ່ມີລະບົບກະແສໄຟຟ້າອັນເປັນເຫດທີ່ເກີດໄຟລຸກໄໝ້ຢ່າງລຽນຕິດໃນນະຄອນຫຼວງວຽງຈັນ (ນວ) ເຮັດໃຫ້ສັງຄົມມີຄວາມແຕກຕື່ນຊຶ່ງມີປະຊາຊົນຈຳນວນໜຶ່ງກໍເຂົ້າໃຈວ່າ: ເຫດເກີດແມ່ນຍ້ອນ “ໄຟຟ້າ”ແຕ່ຄວາມຈິງແລ້ວມີຄໍາຕອບຈາກວິຊາການໄຟຟ້າແຕ່ບໍ່ແມ່ນຄໍາແກ້ຕົວ.
ຕາມການລາຍງານຂອງພະນັກງານວິຊາການຈາກລັດວິສາຫະກິດໄຟຟ້ານວ1ໄດ້ໃຫ້ຮູ້ໃນວັນທີ 1 ເດືອນເມສາ ວ່າ: ໃນເດືອນມີນາ2024ໄດ້ເກີດອຸບັດເຫດໄຟໄໝ້ຢູ່ຂອບເຂດນວມີຈໍານວນ5ຄັ້ງແຕ່ກໍບໍ່ມີເຫດໄຟໄໝ້ອາຄານ, ສໍານັກງານແລະທີ່ຢູ່ອາໄສຂອງລັດແລະປະຊາຊົນແຕ່ຢ່າງໃດໂດຍລວມແລ້ວເຫດເກີດຈາກໄຟກ່ອງສື່ສານຈໍານວນ3ຄັ້ງ: ຄັ້ງທີ1: ຢູ່3ແຍກດົງປ່າແຫຼບ (ບ້ານດົງປ່າແຫຼບ, ເມືອງຈັນທະບູລີ) ແມ່ນໄໝ້ຢູ່ກ່ອງສື່ສານແລ້ວລາມໃສ່ກາບພາກເຂົ້າແລະອອກໝໍ້ນັບໄຟຟ້າ (ສາຍກາບເສຍຫາຍ190ແມັດ); ຄັ້ງທີ2: ຢູ່3ແຍກວັດຈອມໄຕ (ບ້ານດົງນາໂຊກ, ເມືອງສີໂຄດ) ແມ່ນໄໝ້ສາຍສາຍສະລິງຂອງພວກສື່ສານໄປຈຸກັບກະລິບ0,4ກວໃນນີ້ສາຍກາບເຂົ້າກົງເຕີ້ໄໝ້ຈໍານວນ95 ແມັດ; ຕາຂ່າຍ0,4ກວ, ສາຍເສຍຫາຍ40ແມັດ; ຄັ້ງທີ3: ຢູ່3ແຍກທົ່ງຂັນຄໍາກັບວັດຈີນ (ບ້ານທົ່ງຂັນຄໍາເມືອງຈັນທະບູລີ) ໄດ້ເກີດຈາກສາເຫດທໍາມະຊາດຍ້ອນຝົນຕົກໄໝ້ໄປຈຸເຮືອນ0,4ກວແລ້ວລາມໃສ່ສາຍສື່ສານໃນນີ້ກົງເຕີ້ໄໝ້9ໜ່ວຍ, ສາຍ4x10ຄວາມຍາວ180ແມັດໄໝ້.ໝໍ້ແປງແລະເຮືອນຟິວ22ກວແລະ0,4ກວ ໄໝ້; ຄັ້ງທີ4: ຢູ່ໜ້າຮ້ານເຝີຕົ້ນຕານ (ບ້ານໂພນສະຫວ່າງເມືອງໄຊເສດຖາ) ໄໝ້ກ່ອງສື່ສານແລ້ວລາມໃສ່ຕາຂ່າຍ0,4ກວແລະກົງເຕີໄໝ້; ສາຍກາບແລະຕາຂ່າຍ0,4ກວເສາຍຫາຍ; ຄັ້ງທີ5: ຢູ່4ແຍກໄຟແດງໂພນທັນ (ບ້ານໂພນທັນເມືອງໄຊເສດຖານະຄອນຫຼວງວຽງຈັນ) ເກີດຈາກຟິວ22ກວເກີດມີປະກາຍໄຟແລ້ວຟົ້ງມາໃສ່ສາຍສື່ສານ.
ຕໍ່ບັນຫາດັ່ງກ່າວເທິງນັ້ນສ່ວນໃຫຍ່ມັນໄດ້ເກີດຂຶ້ນໃນຊຸມສາຍເຫຼົ່ານີ້ກ່ອນອື່ນແມ່ນຍ້ອນເສັ້ນສາຍຂອງລະບົບດັ່ງກ່າວເກົ່າແກ່, ຊຸດໂຊມ; ກະໂຕບ໋ອກກໍຊໍາລຸດແຮງບວກກັບຊຸມສາຍມີຈໍານວນຫຼວງຫຼາຍໄດ້ຝັ້ນຕິດກັນເປັນປຸ້ມໃຫຍ່ເຮັດໃຫ້ມີການສຽດສີໂດຍສະເພາະຢູ່ໃນໄລຍະທີ່ມີອາກາດຮ້ອນອົບເອົ້າແຮງຍິ່ງເປັນຊະນວນເກີດໃຫ້ມີໄຟລຸກໄໝ້; ສະນັ້ນ, ມັນມີຄວາມຈໍາເປັນທີ່ຈະຕ້ອງໃຫ້ບັນດາຜູ້ປະກອບການຫຼືເຈົ້າຂອງຊຸມສາຍເຫຼົ່ານີ້ຕ້ອງພ້ອມກັນແກ້ໄຂໂດຍດ່ວນ, ຖ້າບໍ່ດັ່ງນັ້ນເຫດການແບບນີ້ກໍຍິ່ງຈະເພີ່ມຄວາມຮຸນແຮງຍິ່ງຂຶ້ນຊຶ່ງມັນຈະນໍາມາເຖິງເຫດການທີ່ບໍ່ເພິ່ງປາຖະໜາອາດຈະເກີດຂຶ້ນຕໍ່ໄປໃນຕໍ່ໜ້າ.
(ຂ່າວ-ພາບ: ໄຟຟ້າລາວ)
ຕາມການລາຍງານຂອງພະນັກງານວິຊາການຈາກລັດວິສາຫະກິດໄຟຟ້ານວ1ໄດ້ໃຫ້ຮູ້ໃນວັນທີ 1 ເດືອນເມສາ ວ່າ: ໃນເດືອນມີນາ2024ໄດ້ເກີດອຸບັດເຫດໄຟໄໝ້ຢູ່ຂອບເຂດນວມີຈໍານວນ5ຄັ້ງແຕ່ກໍບໍ່ມີເຫດໄຟໄໝ້ອາຄານ, ສໍານັກງານແລະທີ່ຢູ່ອາໄສຂອງລັດແລະປະຊາຊົນແຕ່ຢ່າງໃດໂດຍລວມແລ້ວເຫດເກີດຈາກໄຟກ່ອງສື່ສານຈໍານວນ3ຄັ້ງ: ຄັ້ງທີ1: ຢູ່3ແຍກດົງປ່າແຫຼບ (ບ້ານດົງປ່າແຫຼບ, ເມືອງຈັນທະບູລີ) ແມ່ນໄໝ້ຢູ່ກ່ອງສື່ສານແລ້ວລາມໃສ່ກາບພາກເຂົ້າແລະອອກໝໍ້ນັບໄຟຟ້າ (ສາຍກາບເສຍຫາຍ190ແມັດ); ຄັ້ງທີ2: ຢູ່3ແຍກວັດຈອມໄຕ (ບ້ານດົງນາໂຊກ, ເມືອງສີໂຄດ) ແມ່ນໄໝ້ສາຍສາຍສະລິງຂອງພວກສື່ສານໄປຈຸກັບກະລິບ0,4ກວໃນນີ້ສາຍກາບເຂົ້າກົງເຕີ້ໄໝ້ຈໍານວນ95 ແມັດ; ຕາຂ່າຍ0,4ກວ, ສາຍເສຍຫາຍ40ແມັດ; ຄັ້ງທີ3: ຢູ່3ແຍກທົ່ງຂັນຄໍາກັບວັດຈີນ (ບ້ານທົ່ງຂັນຄໍາເມືອງຈັນທະບູລີ) ໄດ້ເກີດຈາກສາເຫດທໍາມະຊາດຍ້ອນຝົນຕົກໄໝ້ໄປຈຸເຮືອນ0,4ກວແລ້ວລາມໃສ່ສາຍສື່ສານໃນນີ້ກົງເຕີ້ໄໝ້9ໜ່ວຍ, ສາຍ4x10ຄວາມຍາວ180ແມັດໄໝ້.ໝໍ້ແປງແລະເຮືອນຟິວ22ກວແລະ0,4ກວ ໄໝ້; ຄັ້ງທີ4: ຢູ່ໜ້າຮ້ານເຝີຕົ້ນຕານ (ບ້ານໂພນສະຫວ່າງເມືອງໄຊເສດຖາ) ໄໝ້ກ່ອງສື່ສານແລ້ວລາມໃສ່ຕາຂ່າຍ0,4ກວແລະກົງເຕີໄໝ້; ສາຍກາບແລະຕາຂ່າຍ0,4ກວເສາຍຫາຍ; ຄັ້ງທີ5: ຢູ່4ແຍກໄຟແດງໂພນທັນ (ບ້ານໂພນທັນເມືອງໄຊເສດຖານະຄອນຫຼວງວຽງຈັນ) ເກີດຈາກຟິວ22ກວເກີດມີປະກາຍໄຟແລ້ວຟົ້ງມາໃສ່ສາຍສື່ສານ.
ຕໍ່ບັນຫາດັ່ງກ່າວເທິງນັ້ນສ່ວນໃຫຍ່ມັນໄດ້ເກີດຂຶ້ນໃນຊຸມສາຍເຫຼົ່ານີ້ກ່ອນອື່ນແມ່ນຍ້ອນເສັ້ນສາຍຂອງລະບົບດັ່ງກ່າວເກົ່າແກ່, ຊຸດໂຊມ; ກະໂຕບ໋ອກກໍຊໍາລຸດແຮງບວກກັບຊຸມສາຍມີຈໍານວນຫຼວງຫຼາຍໄດ້ຝັ້ນຕິດກັນເປັນປຸ້ມໃຫຍ່ເຮັດໃຫ້ມີການສຽດສີໂດຍສະເພາະຢູ່ໃນໄລຍະທີ່ມີອາກາດຮ້ອນອົບເອົ້າແຮງຍິ່ງເປັນຊະນວນເກີດໃຫ້ມີໄຟລຸກໄໝ້; ສະນັ້ນ, ມັນມີຄວາມຈໍາເປັນທີ່ຈະຕ້ອງໃຫ້ບັນດາຜູ້ປະກອບການຫຼືເຈົ້າຂອງຊຸມສາຍເຫຼົ່ານີ້ຕ້ອງພ້ອມກັນແກ້ໄຂໂດຍດ່ວນ, ຖ້າບໍ່ດັ່ງນັ້ນເຫດການແບບນີ້ກໍຍິ່ງຈະເພີ່ມຄວາມຮຸນແຮງຍິ່ງຂຶ້ນຊຶ່ງມັນຈະນໍາມາເຖິງເຫດການທີ່ບໍ່ເພິ່ງປາຖະໜາອາດຈະເກີດຂຶ້ນຕໍ່ໄປໃນຕໍ່ໜ້າ.
(ຂ່າວ-ພາບ: ໄຟຟ້າລາວ)
ຄໍາເຫັນ