ເດືອນມັງກອນດັດຊະນີ IIP ຂອງຫວຽດນາມ ເພີ່ມຂຶ້ນຢ່າງແຂງແຮງ

07:09 10/02/2024

ວິທະຍຸກະຈາຍສຽງຫວຽດນາມລາຍງານວ່າ: ຕາມບົດລາຍງານຂອງກະຊວງອຸດສາຫະກຳ ແລະ ການຄ້າ ຫວຽດນາມ, ດັດຊະນີ ຜູ້ຈັດການຝ່າຍຈັດຊື້ (PMI) ເດືອນມັງກອນຜ່ານມາ ບັນລຸ 50,3 ຄະແນນ ເພີ່ມຂຶ້ນເມື່ອທຽບກັບລະດັບ 48,9 ຄະແນນຂອງເດືອນທັນວາ ປີ 2023. ໝາກຜົນນີ້ສະແດງໃຫ້ເຫັນວ່າ ການເຄື່ອນໄຫວການຜະລິດຂອງ ຫວຽດນາມ ເຕີບໂຕຄືນໃໝ່ໃນຕົ້ນປີ 2024 ເມື່ອບັນດາສັນຍານເບື້ອງຕົ້ນສະແດງໃຫ້ເຫັນຄວາມຕ້ອງການປັບປຸງຈຳນວນໃບສັ່ງຊື້ສິນຄ້າໃໝ່ ແລະ ປະລິມານການຜະລິດ ເພີ່ມຂຶ້ນ.
ໃນຂະນະທີ່ດັດຊະນີການຜະລິດອຸດສາຫະກຳ (IIP) ໃນເດືອນມັງກອນປີ 2024 ເພີ່ມຂຶ້ນຢ່າງແຂງແຮງເມື່ອທຽບໃສ່ກັບໄລຍະດຽວກັນຂອງປີ 2023 (ເພີ່ມຂຶ້ນ 18,3%) ແລະ ເພີ່ມຂຶ້ນໃນວົງກວ້າງ (60/63 ທ້ອງຖິ່ນ ທີ່ມີດັດຊະນີ IIP ເພີ່ມຂຶ້ນ). ໝາກຜົນທີ່ຕັ້ງໜ້ານີ້ ສືບຕໍ່ຟື້ນຟູການຜະລິດນັບແຕ່ທ້າຍປີ 2023 ຍ້ອນບັນດາມາດຕະການໜູນຊ່ວຍຂອງລັດຖະບານ, ການຊີ້ນຳຢ່າງຂ້ຽວຂາດຂອງທ່ານນາຍົກລັດຖະມົນຕີໃນການປ່ອຍເງິນລົງທຶນພາກສາທາລະນະ, ຜັນຂະຫຍາຍບັນດາໂຄງການອຸດສາຫະກຳຈຸດສຸມ, ໝາກຜົນການດຶງດູດ, ການປ່ອຍເງິນລົງທຶນໂດຍກົງຈາກຕ່າງປະເທດ (FDI) ໃນປີ 2023.

ຄໍາເຫັນ

ຂ່າວຕ່າງປະເທດ

ເດືອນກໍລະກົດ ການສົ່ງອອກຂອງຍີ່ປຸ່ນ ຫຼຸດລົງ 2.6%

21/08/2025 13:23

ຂ່າວຕ່າງປະເທດລາຍງານວ່າ: ກະຊວງການເງິນຍີ່ປຸ່ນລາຍງານໃນວັນທີ 20 ສິງຫາ ຜ່ານມາວ່າ, ການສົ່ງອອກໄດ້ຫຼຸດລົງ 2.6% ໃນເດືອນກໍລະກົດ ມາເປັນ 9.36 ພັນຕື້ເຢນ ເມື່ອທຽບໃສ່ໄລຍະດຽວກັນຂອງປີກາຍ ຊຶ່ງເປັນການຫຼຸດລົງຢ່າງໜັກໜ່ວງທີ່ສຸດໃນຮອບຫຼາຍກວ່າ 4 ປີ ຫຼື ນັບແຕ່ເດືອນກຸມພາ 2021 ແລະ ຫຼຸດລົງຢ່າງຫຼວງຫຼາຍຈາກເດືອນມິຖຸນາ ຊຶ່ງໄດ້ຫຼຸດລົງພຽງແຕ່ 0.5%. ນອກຈາກນີ້, ການສົ່ງອອກໃນເດືອນກໍລະກົດຍັງຫຼຸດລົງຫຼາຍກວ່າທີ່ນັກວິເຄາະຄາດຄະເນໄວ້ວ່າຈະຫຼຸດລົງ 2.1%.

ການຄ້າສິນຄ້າລະຫວ່າງຈີນ ກັບ ປະເທດສະມາຊິກອົງການຮ່ວມມືຊຽງໄຮ້ ບັນລຸ 247 ຕື້ 700 ລ້ານໂດລາ

21/08/2025 13:18

ຂ່າວສານຊີອາໄອລາຍງານໃນວັນທີ 20 ສິງຫາ ຜ່ານມາວ່າ: ກະຊວງການຄ້າຈີນແຈ້ງໃຫ້ຮູ້ວ່າ, ໃນຊຸມປີມໍ່ໆມານີ້ການຮ່ວມມືດ້ານເສດຖະກິດລະດັບພາກພື້ນຂອງອົງການຮ່ວມມືຊຽງໄຮ້ໄດ້ຮັບການພັດທະນາຢ່າງບໍ່ຢຸດຢັ້ງ. ໃນນັ້ນ, ຂະໜາດການຄ້າດ້ານສິນຄ້າຂະຫຍາຍຕົວຢ່າງຕໍ່ເນື່ອງ. ໃນ 6 ເດືອນຕົ້ນປີນີ້, ຍອດມູນຄ່າການຄ້າສິນຄ້າລະຫວ່າງຈີນ ກັບ ປະເທດສະມາຊິກອື່ນໆຂອງອົງການຮ່ວມມືຊຽງໄຮ້ໄດ້ບັນລຸເຖິງ 247 ຕື້ 700 ລ້ານໂດລາ, ເພີ່ມຂຶ້ນ 0.8% ເມື່ອທຽບກັບໄລຍະດຽວກັນຂອງປີ 2024. ໃນ 5 ປີມໍ່ໆມານີ້, ຍອດມູນຄ່າການຄ້າລະຫວ່າງຈີນ ກັບປະເທດສະມາຊິກອື່ນໆຂອງອົງການຮ່ວມມືຊຽງໄດ້ບັນລຸເຖິງ 300 ຕື້, 400 ຕື້ ແລະ 500 ຕື້ໂດລາ ຢ່າງລຽນຕິດ ແລະ ບັນລຸຮອດ 512 ຕື້ 400 ລ້ານໂດລາໃນປີ 2024 ຊຶ່ງໄດ້ສ້າງສະຖິຕິສູງສຸດໃນປະຫວັດສາດ, ເພີ່ມຂຶ້ນ 2.7% ເມື່ອທຽບໃສ່ປີ 2023.

ຫວຽດນາມ ກາຍເປັນປະເທດນຳໜ້າໃນການດຶງດູດເງິນລົງທຶນ FDI

21/08/2025 13:15

ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້, ເວັບໄຊ ໄດ້ລົງບົດວິເຄາະຂອງທ່ານ ຫງວຽນຈາງ ແລະ ທ່ານ ບໍຣິສ ຊັລລິແວນ ຊຶ່ງໃຫ້ຂໍ້ສັງເກດວ່າ ຫວຽດນາມ ພວມພົ້ນເດັ່ນຂຶ້ນແມ່ນສະຖານທີ່ນັດພົບຂອງການລົງທຶນໂດຍກົງຈາກຕ່າງປະເທດ (FDI) ແຖວໜ້າໂລກ, ດ້ວຍກຳລັງແຮງໜຸ່ມທີ່ມີຄວາມຂະຫຍັນຂັບເຄື່ອນ, ບັນດາສັນຍາການຄ້າ ທີ່ສະດວກ ແລະ ສະພາບແວດລ້ອມດ້ານການເມືອງທີ່ເປັນປົກກະຕິ. ບົດຂຽນລະບຸວ່າ: ທຶນ FDI ຂອງ ຫວຽດນາມ ພວມມີທ່າເຕີບໂຕຢ່າງບໍ່ຢຸດຢັ້ງ. ປີ 2023, ຫວຽດນາມໄດ້ດຶງດູດເງິນລົງທຶນຈົດທະບຽນ FDI 36.6 ຕື້ກວ່າໂດລາ, ເພີ່ມຂຶ້ນ 32% ເມື່ອທຽບໃສ່ກັບປີກາຍນີ້. ນີ້ແມ່ນລະດັບສະຖິຕິທີ່ສູງໃນຫຼາຍປີມານີ້.

ຊີວະປະຫວັດຫຍໍ້

20/08/2025 15:00

- ຊື່ ແລະ ນາມສະກຸນ: ນາງ ຫວໍ ທິ ແອ໋ງ ຊວນ (VO THI ANH XUAN). ເພດ: ຍິງ. - ວັນເດືອນປີເກີດ: 8/1/1970. ຊົນເຜົ່າ: ກິງ. - ບ້ານເກີດ: ຕາແສງ ເຖີ່ຍເຊີນ ເມືອງຕິ້ງບຽນ ແຂວງອານຢາງ. - ລະດັບວິຊາສະເພາະ: ປະລິນຍາໂທການຄຸ້ມຄອງສາທາລະນະ. - ລະດັບທິດສະດີການເມືອງ: ຂັ້ນສູງ. - ວັນເດືອນປີເຂົ້າພັກສຳຮອງ: 20/12/1994. ວັນເດືອນປີເຂົ້າພັກສົມບູນ: 20/12/1995.

ເມັກຊິກ ມີຈຸດປະສົງເພິ່ງພາຕົນເອງດ້ານພະລັງງານ

20/08/2025 12:27

ຂ່າວຕ່າງປະເທດລາຍງານ ໃນວັນທີ 19 ສິງຫາ ຜ່ານມາວ່າ: ທ່ານ ນາງ ຄລໍເດຍ ເຊນບາມ ປະທານາທິບໍດີເມັກຊິກ ເປີດເຜີຍວ່າ: ເມັກຊິກກໍາລັງຊອກຫາວິທີການສ້າງຄວາມເປັນເອກະລາດດ້ານພະລັງງານ ແລະ ຫຼຸດຜ່ອນການເອື່ອຍອີງຈາກສະຫະລັດ ອາເມຣິກາ, ເນື່ອງຈາກວ່າປັດຈຸບັນເມັກຊິກເພິ່ງພາອາຍແກ໊ສທໍາມະຊາດລາຄາຖືກຈາກສະຫະລັດ ອາເມຣິກາ ຢ່າງຫຼວງຫຼາຍ.

ສິງກະໂປ ປາບປາມການສູບຢາສູບໄຟຟ້າໃນລະບົບຂົນສົ່ງສາທາລະນະ

20/08/2025 12:24

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການຂົນສົ່ງທາງບົກຂອງສິງກະໂປລາຍງານວ່າ, ສິງກະໂປພວມເພີ່ມທະວີການປາບປາມການສູບຢາສູບໄຟຟ້າ (vaping)ພາຍໃນລະບົບການຂົນສົ່ງສາທາລະນະ, ໂດຍມີບັນດາເຈົ້າໜ້າທີ່ຢູ່ຕາມສະຖານີຂົນສົ່ງດຳເນີນການລາດຕະເວນຢ່າງຕັ້ງໜ້າ.

ຜົນການສຳຫຼວດ ພະນັກງານ ສ ເກົາຫຼີ ຫຼາຍກວ່າເຄິ່ງໜຶ່ງນຳໃຊ້ AI ເຮັດວຽກ

20/08/2025 12:20

ຂ່າວຕ່າງປະເທດລາຍງານ ໃນວັນທີ 18 ສິງຫາ ຜ່ານມາວ່າ: ທະນາຄານກາງ ສ ເກົາຫຼີ (BOK) ເປີດເຜີຍວ່າ ,ພະນັກງານຫຼາຍກວ່າເຄິ່ງໜຶ່ງໃຊ້ປັນຍາປະດິດແບບສ້າງສັນ ຫຼື Generative AI ໃນບ່ອນເຮັດວຽກ ແລະ ຄາດຄະເນວ່າ AI ໄດ້ປະກອບສ່ວນປະມານ 1% ເຂົ້າໃນ GDP ຂອງປະເທດໃນໄລຍະ 2 ປີຜ່ານມາ.

ອິນໂດເນເຊຍ ມີແຜນຈະຫຼຸດອັດຕາຄ່າໄຟຟ້າ ເພື່ອຊຸກຍູ້ການເຕີບໂຕຂອງເສດຖະກິດ

20/08/2025 12:16

ຂ່າວຕ່າງປະເທດລາຍງານ ຫວ່າງບໍ່ດົນມານີ້ວ່າ: ທ່ານ ຊູຊິວິໂຈໂນ ໂມເອເກຍໂຊ ເລຂານຸການລັດຖະມົນຕີປະສານງານດ້ານເສດຖະກິດຂອງອິນໂດເນເຊຍ ໃຫ້ຮູ້ວ່າ, ລັດຖະບານອິນໂດເນເຊຍ ພວມພິຈາລະນານໍາໃຊ້ການຫຼຸດອັດຕາຄ່າໄຟຟ້າເປັນມາດຕະການຊຸກຍູ້ການຊົມໃຊ້, ຮັກສາກຳລັງການຊື້ ແລະ ຊຸກຍູ້ການເຕີບໂຕຂອງເສດຖະກິດ.

ການສົ່ງອອກຂອງມາເລເຊຍ ໃນກໍລະກົດຜ່ານມາເພີ່ມຂຶ້ນ 6.8%

20/08/2025 12:09

ຂ່າວຕ່າງປະເທດລາຍງານວ່າ: ຂໍ້ມູນຂອງລັດຖະບານມາເລເຊຍທີ່ເປີດເຜີຍໃນວັນທີ 19 ສິງຫາ ຜ່ານມາ ສະແດງໃຫ້ເຫັນວ່າ, ການສົ່ງອອກໃນເດືອນກໍລະກົດຜ່ານມາເພີ່ມຂຶ້ນຢ່າງເຂັ້ມແຂງກວ່າທີ່ຄາດຄະເນໄວ້ເຖິງ 6.8% ເມື່ອທຽບກັບໄລຍະດຽວກັນຂອງປີກາຍ, ໂດຍໄດ້ຮັບການຊຸກຍູ້ຢ່າງຫຼວງຫຼາຍຈາກການຂົນສົ່ງສິນຄ້າໃນໝວດເຄື່ອງໃຊ້ໄຟຟ້າ ແລະ ເອເລັກໂຕຣນິກ. ໂຕເລກດັ່ງກ່າວກົງກັນຂ້າມກັບການຄາດຄະເນຂອງນັກເສດຖະສາດ ຊຶ່ງໄດ້ຄາດຄະເນວ່າການສົ່ງອອກຈະຫຼຸດລົງ 3.9% ເມື່ອປຽບທຽບປີຕໍ່ປີ.

ຫວຽດນາມ ດຳເນີນພິທີລົງມືກໍ່ສ້າງ ເປີດນຳໃຊ້ 250 ກິດຈະກຳ ຫັນປ່ຽນພື້ນຖານໂຄງລ່າງແຫ່ງຊາດ

20/08/2025 12:05

ວິທະຍຸກະຈາຍສຽງຫວຽດນາມ ລາຍງານວ່າ: ໃນຕອນເຊົ້າວັນທີ 19 ສິງຫາ ຜ່ານມາ, ທົ່ວປະເທດໄດ້ດຳເນີນຫຼາຍພິທີເລີ່ມລົງມືກໍ່ສ້າງ, ເປີດນຳໃຊ້ 250 ກິດຈະກຳ ແລະ ໂຄງການພ້ອມດຽວກັນ ເພື່ອສະເຫຼີມສະຫຼອງ 80 ປີແຫ່ງການປະຕິວັດເດືອນສິງຫາ ແລະ ວັນຊາດ ຫວຽດນາມ (2/9/1945 - 2/9/2025). ພິທີໄດ້ຈັດຂຶ້ນໃນຮູບແບບທາງໄກຈາກສະຖານທີ່ໃຈກາງ (ຢູ່ສູນຕະຫຼາດນັດວາງສະແດງແຫ່ງຊາດ ນະຄອນຫຼວງຮ່າໂນ້ຍ) ເຊື່ອມຕໍ່ກັບ 79 ສະຖານທີ່ຖ່າຍທອດສົດຂອງ 34 ແຂວງ, ນະຄອນ. ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ເຂົ້າຮ່ວມທີ່ສູນຕະຫຼາດນັດວາງສະແດງແຫ່ງຊາດ.

ເພີ່ມເຕີມ