ຂ່າວຕ່າງປະເທດລາຍງານ ເມື່ອທ້າຍອາທິດຜ່ານມາ, ອົງການສົ່ງເສີມການທ່ອງທ່ຽວແຫ່ງຊາດຍີ່ປຸ່ນໄດ້ເປີດເຜີຍບົດລາຍງານໂດຍລະບຸວ່າ: ຈຳນວນຄົນຕ່າງປະເທດເດີນທາງໄປຢ້ຽມຢາມຍີ່ປຸ່ນໃນເດືອນມັງກອນ ມີ 2.688.100 ຄົນ ຊຶ່ງເພີ່ມຂຶ້ນ 79,5% ເມື່ອທຽບແບບລາຍປີ ແລະ ໃກ້ເຖິງລະດັບສູງເປັນປະຫວັດສາດທີ່ 2.689.339 ຄົນ ໃນເດືອນມັງກອນ 2019 ຊຶ່ງເປັນໄລຍະກ່ອນເກີດການແຜ່ລະບາດຂອງພະຍາດໂຄວິດ-19.
ບົດລາຍງານລະບຸວ່າ: ຈຳນວນຄົນຕ່າງປະເທດທີ່ເດີນທາງມາຢ້ຽມຢາມຍີ່ປຸ່ນເພີ່ມຂຶ້ນຫຼັງຈາກມີການຍົກເລີກມາດຕະການຄວບຄຸມຊາຍແດນທີ່ກ່ຽວຂ້ອງກັບພະຍາດໂຄວິດ-19 ເມື່ອທ້າຍເດືອນເມສາ 2023 ບວກກັບຄ່າເງິນເຢນທີ່ອ່ອນຄ່າລົງ ຊ່ວຍດຶງດູດນັກທ່ອງທ່ຽວເຂົ້າມາຍີ່ປຸ່ນ. ຄົນຕ່າງປະເທດທີ່ເດີນທາງມາຢ້ຽມຢາມຍີ່ປຸ່ນຫຼາຍທີ່ສຸດໃນເດືອນມັງກອນຜ່ານມາໄດ້ແກ່ ສ ເກົາຫຼີ ມີ 857.000 ຄົນ ເພີ່ມຂຶ້ນ 10% ຈາກເດືອນດຽວກັນຂອງປີ 2019 ຂະນະທີ່ເດືອນດຽວກັນຄົນຍີ່ປຸ່ນເດີນທາງໄປຕ່າງປະເທດລວມມີ 838.600 ຄົນ ເພີ່ມຂຶ້ນ 89,3% ເມື່ອທຽບແບບລາຍປີ ແຕ່ຍັງຫຼຸດລົງ 42,3% ຈາກເດືອນມັງກອນ 2019.
ບົດລາຍງານລະບຸວ່າ: ຈຳນວນຄົນຕ່າງປະເທດທີ່ເດີນທາງມາຢ້ຽມຢາມຍີ່ປຸ່ນເພີ່ມຂຶ້ນຫຼັງຈາກມີການຍົກເລີກມາດຕະການຄວບຄຸມຊາຍແດນທີ່ກ່ຽວຂ້ອງກັບພະຍາດໂຄວິດ-19 ເມື່ອທ້າຍເດືອນເມສາ 2023 ບວກກັບຄ່າເງິນເຢນທີ່ອ່ອນຄ່າລົງ ຊ່ວຍດຶງດູດນັກທ່ອງທ່ຽວເຂົ້າມາຍີ່ປຸ່ນ. ຄົນຕ່າງປະເທດທີ່ເດີນທາງມາຢ້ຽມຢາມຍີ່ປຸ່ນຫຼາຍທີ່ສຸດໃນເດືອນມັງກອນຜ່ານມາໄດ້ແກ່ ສ ເກົາຫຼີ ມີ 857.000 ຄົນ ເພີ່ມຂຶ້ນ 10% ຈາກເດືອນດຽວກັນຂອງປີ 2019 ຂະນະທີ່ເດືອນດຽວກັນຄົນຍີ່ປຸ່ນເດີນທາງໄປຕ່າງປະເທດລວມມີ 838.600 ຄົນ ເພີ່ມຂຶ້ນ 89,3% ເມື່ອທຽບແບບລາຍປີ ແຕ່ຍັງຫຼຸດລົງ 42,3% ຈາກເດືອນມັງກອນ 2019.
ຄໍາເຫັນ