ຂ່າວສານຊີອາໄອລາຍງານ ໃນວັນທີ 29 ມັງກອນ ຜ່ານມາ, ຄັງສຳຮອງສະຫະລັດ ອາເມຣິກາ ຫຼື FED ຊຶ່ງເປັນທະນາຄານກາງ ສະຫະລັດ ອາເມຣິກາ ປະກາດວ່າ: ຈະສືບຕໍ່ຮັກສາເປົ້າໝາຍອັດຕາກອງທຶນສະຫະລັດ ອາເມຣິກາ ຢູ່ລະຫວ່າງ 4.25%-4.5%.
ສະຫະລັດ ອາເມຣິກາຮັກສາໃຫ້ອັດຕາກອງທຶນບໍ່ມີການປ່ຽນແປງເປັນຄັ້ງທຳອິດຫຼັງຈາກຫຼຸດອັດຕາດອກເບ້ຍຢ່າງລຽນຕິດນັບແຕ່ເດືອນກັນຍາ 2024 ເປັນຕົ້ນມາ.
ທ່ານ ເຈໂຣເມ ໂປແວວ ປະທານ FED ກ່າວໃນກອງປະຊຸມຖະແຫຼງຂ່າວວ່າ: ລະດັບເງິນເຟີ້ຂອງອາເມຣິກາໄດ້ຫຼຸດຕ່ຳລົງຢ່າງຊັດເຈນໃນສອງປີຜ່ານມາ, ແຕ່ກໍຍັງສູງຢູ່ເມື່ອທຽບໃສ່ເປົ້າໝາຍທີ່ FED ວາງໄວ້ ຄື: 2%. ໃນກອງປະຊຸມກ່ຽວກັບນະໂຍບາຍເງິນຕາ 3 ຄັ້ງທີ່ຜ່ານມາ, FED ໄດ້ຫຼຸດອັດຕາກອງທຶນໃຫ້ຕໍ່າລົງ 1% ຈາກຈຸດສູງສຸດ. ຍ້ອນວ່າການປ່ຽນແປງຂອງໄພເງິນເຟີ້ ແລະ ຕະຫຼາດແຮງງານໄດ້ມີຄວາມດຸ່ນດ່ຽງອີກຄັ້ງ, ສະນັ້ນ, FED ປັບປຸງນະໂຍບາຍອີກຄັ້ງໃໝ່ໃນກອງປະຊຸມຄັ້ງນີ້ແມ່ນມີຄວາມເໝາະສົມ.
ຄໍາເຫັນ