ຂ່າວສານຫວຽດນາມລາຍງານວ່າ: ໃນວັນທີ 18 ກຸມພາ ຜ່ານມາ, ທ່ານ ບຣູໂນ ເລີ ແມງ ລັດຖະມົນຕີ ກະຊວງການເງິນ ຝຣັ່ງ ໃຫ້ຮູ້ວ່າ: ຝຣັ່ງ ໄດ້ດັດແປງການຄາດຄະເນການເຕີບໂຕເສດຖະກິດປີ 2024 ຈາກ 1,4% ລົງເປັນ 1% ແລະ ຫຼຸດຄ່າໃຊ້ຈ່າຍລົງ 10 ຕື້ເອີໂຣ (10,78 ຕື້ໂດລາ).
ຂ່າວລະບຸວ່າ: ໃນການຕອບຄຳຖາມຕໍ່ຊ່ອງໂທລະພາບ TF1, ທ່ານ ບຣູໂນ ເລີ ແມງ ກ່າວວ່າ: ການດັດແກ້ດັ່ງກ່າວໄດ້ຄຳນຶງເຖິງສະພາບການດ້ານພູມສາດການເມືອງໃໝ່. ທ່ານຍັງໄດ້ກ່າວເຖິງສະພາບການຢູ່ຕາເວັນອອກກາງ, ການເຕີບໂຕຊ້າຂອງເສດຖະກິດຈີນ ແລະ ການຖົດຖອຍຂອງເສດຖະກິດ ເຢຍລະມັນ ໃນປີ 2023. ຝຣັ່ງ ຈະຕ້ອງປະຢັດເງິນ 10 ຕື້ເອີໂຣ ເພື່ອບັນລຸບັນດາເປົ້າໝາຍງົບປະມານ, ເມື່ອລາຍຮັບຈາກພາສີຕ່ຳກວ່າທີ່ຄາດໄວ້. ລັດຖະບານຝຣັ່ງ ຈະຕັດງົບປະມານການຊ່ວຍເຫຼືອດ້ານການພັດທະນາເກືອບໜຶ່ງຕື້ເອີໂຣ. ນອກຈາກນັ້ນ, ອີກຫຼາຍຕື້ເອີໂຣ ຈະຖືກໂອນຈາກງົບປະມານພິເສດທີ່ສະໜັບສະໜູນຄົວເຮືອນໄປສູ່ແຫຼ່ງບັນດາພະລັງງານທົດແທນ. ຝຣັ່ງ ຈະບໍ່ເພີ່ມພາສີ, ຍັງຈະຮັກສາແຜນການຫຼຸດພາສີສຳລັບຄົນຊັ້ນກາງ. ທ່ານ ຈິນ ເຣເນ່ ຄາເຊນເນີຟ ຜູ້ລາຍງານງົບປະມານຂອງສະພາແຫ່ງຊາດຝຣັ່ງ ຢືນຢັນວ່າ: ການປະຢັດຈະຊ່ວຍໃຫ້ປະເທດສືບຕໍ່ຫຼຸດຜ່ອນໜີ້ສິນ.
ກະຊວງການເງິນຝຣັ່ງ ຄາດວ່າຈະຫຼຸດການຂາດດຸນງົບປະມານໃຫ້ເປັນ 4,4% ຂອງ GDP ໃນປີ 2024, ເມື່ອທຽບໃສ່ປະມານ 4,9% ຂອງ GDP ໃນປີ 2023.
ຂ່າວລະບຸວ່າ: ໃນການຕອບຄຳຖາມຕໍ່ຊ່ອງໂທລະພາບ TF1, ທ່ານ ບຣູໂນ ເລີ ແມງ ກ່າວວ່າ: ການດັດແກ້ດັ່ງກ່າວໄດ້ຄຳນຶງເຖິງສະພາບການດ້ານພູມສາດການເມືອງໃໝ່. ທ່ານຍັງໄດ້ກ່າວເຖິງສະພາບການຢູ່ຕາເວັນອອກກາງ, ການເຕີບໂຕຊ້າຂອງເສດຖະກິດຈີນ ແລະ ການຖົດຖອຍຂອງເສດຖະກິດ ເຢຍລະມັນ ໃນປີ 2023. ຝຣັ່ງ ຈະຕ້ອງປະຢັດເງິນ 10 ຕື້ເອີໂຣ ເພື່ອບັນລຸບັນດາເປົ້າໝາຍງົບປະມານ, ເມື່ອລາຍຮັບຈາກພາສີຕ່ຳກວ່າທີ່ຄາດໄວ້. ລັດຖະບານຝຣັ່ງ ຈະຕັດງົບປະມານການຊ່ວຍເຫຼືອດ້ານການພັດທະນາເກືອບໜຶ່ງຕື້ເອີໂຣ. ນອກຈາກນັ້ນ, ອີກຫຼາຍຕື້ເອີໂຣ ຈະຖືກໂອນຈາກງົບປະມານພິເສດທີ່ສະໜັບສະໜູນຄົວເຮືອນໄປສູ່ແຫຼ່ງບັນດາພະລັງງານທົດແທນ. ຝຣັ່ງ ຈະບໍ່ເພີ່ມພາສີ, ຍັງຈະຮັກສາແຜນການຫຼຸດພາສີສຳລັບຄົນຊັ້ນກາງ. ທ່ານ ຈິນ ເຣເນ່ ຄາເຊນເນີຟ ຜູ້ລາຍງານງົບປະມານຂອງສະພາແຫ່ງຊາດຝຣັ່ງ ຢືນຢັນວ່າ: ການປະຢັດຈະຊ່ວຍໃຫ້ປະເທດສືບຕໍ່ຫຼຸດຜ່ອນໜີ້ສິນ.
ກະຊວງການເງິນຝຣັ່ງ ຄາດວ່າຈະຫຼຸດການຂາດດຸນງົບປະມານໃຫ້ເປັນ 4,4% ຂອງ GDP ໃນປີ 2024, ເມື່ອທຽບໃສ່ປະມານ 4,9% ຂອງ GDP ໃນປີ 2023.
ຄໍາເຫັນ