![ລາຄານ້ຳມັນ ໃນກຳປູເຈຍຍັງສືບຕໍ່ເພີ່ມຂຶ້ນ]()
ຂ່າວຕ່າງປະເທດລາຍງານ ໃນວັນທີ 17 ມີນາ ຜ່ານມາວ່າ: ກະຊວງການຄ້າຂອງກຳປູເຈຍໄດ້ເປີດເຜີຍວ່າ, ລາຄານໍ້າມັນເຊື້ອໄຟຂາຍຍ່ອຍໃນກຳປູເຈຍຈະສືບຕໍ່ເພີ່ມຂຶ້ນຕັ້ງແຕ່ວັນທີ 17-19 ມີນາ ນີ້ ເນື່ອງຈາກສະຖານະການຄວາມຂັດແຍ້ງທີ່ເພີ່ມຂຶ້ນໃນຕາເວັນອອກກາງ. ໂດຍລາຄານໍ້າມັນແອັດຊັງທຳມະດາ ຈະຢູ່ທີ່ 5,500 ຣຽວຕໍ່ລິດ, ເພີ່ມຂຶ້ນ 5.7% ຈາກ 5,200 ຣຽວ ໃນໄລຍະ 3 ມື້ກ່ອນ.
![ມູນຄ່າການສົ່ງອອກ ແລະ ນຳເຂົ້າສິນຄ້າທີ່ຈັບຕ້ອງໄດ້ຂອງຈີນ ເພີ່ມຂຶ້ນ 18.3%]()
ຂ່າວສານຊີອາໄອລາຍງານວ່າ: ໃນວັນທີ 16 ມີນາ ຜ່ານມາ, ຫ້ອງການຖະແຫຼງຂ່າວຂອງລັດຖະບານຈີນໄດ້ຈັດກອງປະຊຸມຖະແຫຼງຂ່າວ ເພື່ອແຈ້ງສະພາບການເຄື່ອນໄຫວຂອງເສດຖະກິດຈີນນັບແຕ່ເດືອນມັງກອນ ຫາ ກຸມພາປີນີ້.
![ຫວຽດນາມ ສ້າງໂຄງປະກອບພື້ນຖານເສດຖະກິດຄືນໃໝ່ ແລະ ຍົກສູງທີ່ຕັ້ງວິສາຫະກິດ]()
ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 17 ມີນາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ເຮັດວຽກກັບກະຊວງອຸດສາຫະກຳ - ການຄ້າ ແລະ ບາງກະຊວງ, ຂະແໜງການທີ່ກ່ຽວຂ້ອງກ່ຽວກັບສາຍພົວພັນດ້ານການຄ້າສາກົນ ແລະ ການເຊື່ອມຕໍ່ການຄ້າກັບຄູ່ຮ່ວມມືສຳຄັນໃນສະພາບພູມີສາດ - ການເມືອງ, ພູມີສາດ - ເສດຖະກິດໂລກໃນປັດຈຸບັນ.
![ກຳປູເຈຍ ກວດພົບຄົນເຈັບໄຂ້ຫວັດສັດປີກກໍລະນີທີ 2]()
ຂ່າວຕ່າງປະເທດລາຍງານວ່າ: ກະຊວງສາທາລະນະສຸກກຳປູເຈຍໄດ້ເປີດເຜີຍໃນວັນທີ 15 ມີນາ ຜ່ານມາວ່າ: ແມ່ຍິງອາຍຸ 45 ປີ ໃນແຂວງບັນເຕຍມຽນເຈຍ ທາງພາກຕາເວັນຕົກສ່ຽງເໜືອຂອງປະເທດ ໄດ້ກວດພົບວ່າຕິດເຊື້ອໄວຣັດໄຂ້ຫວັດສັດປີກ H5N1 ຊຶ່ງເປັນກໍລະນີທີ 2 ໃນປີນີ້. ຄົນເຈັບອາໄສຢູ່ໃນບ້ານໂຣພັກ ເມືອງພະເນດພຣະ, ໂດຍສະຖາບັນສາທາລະນະສຸກແຫ່ງຊາດ (NIPH) ໄດ້ຢືນຢັນຜົນກວດເປັນບວກໃນທີ 14 ມີນາ ຜ່ານມາ.
![ຊາວອິນເດຍ ກັກຕຸນແກ໊ສປຸງແຕ່ງອາຫານ ຫຼັງຈາກການສະໜອງຂາດແຄນ]()
ຂ່າວຕ່າງປະເທດລາຍງານ ໃນວັນທີ 16 ມີນາ ຜ່ານມາວ່າ: ປະຊາຊົນຈຳນວນຫຼາຍໄດ້ມີການຕໍ່ຄິວຍາວຢູ່ຕໍ່ໜ້າບໍລິສັດຈຳໜ່າຍແກ໊ສປຸງແຕ່ງອາຫານ (LPG) ຂອງເອກະຊົນໃນຫຼາຍພື້ນທີ່ທົ່ວປະເທດອິນເດຍ ໃນວັນທີ 13 ມີນາຜ່ານມາ, ລວມທັງໃນນະຄອນຫຼວງນິວເດລີ, ໂດຍມີການລາຍງານບັນຫາການຈອງການເຕີມແກ໊ສປຸງແຕ່ງອາຫານໃນຄົວເຮືອນຜ່ານລະບົບອອນລາຍ ທ່າມກາງຄວາມຂັດແຍ້ງທີ່ຍັງດຳເນີນຢູ່ໃນຕາເວັນອອກກາງ.
![ຍີ່ປຸ່ນ ເລີ່ມປ່ອຍນ້ຳມັນສຳຮອງເພື່ອຮັບມືກັບຜົນສະທ້ອນຂອງຂໍ້ຂັດແຍ້ງ]()
ຂ່າວຕ່າງປະເທດລາຍງານວ່າ: ສື່ມວນຊົນທ້ອງຖິ່ນຂອງຍີ່ປຸ່ນລາຍງານວ່າ, ຍີ່ປຸ່ນໄດ້ເລີ່ມປ່ອຍນ້ຳມັນຈາກຄັງສຳຮອງແຫ່ງຊາດໃນວັນທີ 16 ມີນາ ຜ່ານມາ ເພື່ອຫຼຸດຜ່ອນຄວາມກັງວົນກ່ຽວກັບການສະໜອງທ່າມກາງຄວາມຂັດແຍ້ງທີ່ເພີ່ມຂຶ້ນໃນຕາເວັນອອກກາງ ແລະ ເພື່ອຮັບປະກັນການສະໜອງຜະລິດຕະພັນນ້ຳມັນຢ່າງໝັ້ນຄົງ.
![IEA ຊີ້ວ່າ ຕະຫຼາດນ້ຳມັນໂລກ ປະເຊີນກັບວິກິດການສະໜອງຄັ້ງໃຫຍ່ທີ່ສຸດໃນປະຫວັດສາດ]()
ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ອົງການພະລັງງານສາກົນ (IEA) ໄດ້ເປີດເຜີຍວ່າ, ຕະຫຼາດນ້ຳມັນໂລກກຳລັງປະເຊີນກັບການຢຸດສະງັກຂອງການສະໜອງຄັ້ງໃຫຍ່ທີ່ສຸດໃນປະຫວັດສາດ, ຫຼັງຈາກຄວາມຂັດແຍ່ງໃນຕາເວັນອອກກາງສົ່ງຜົນກະທົບຮ້າຍແຮງຕໍ່ການຂົນສົ່ງພະລັງງານໃນພາກພື້ນ.
![ສອງເດືອນຕົ້ນປີ ການພັດທະນາເສດຖະກິດຂອງຈີນບັນລຸການເລີ່ມຕົ້ນທີ່ດີ]()
ຂ່າວສານຊີອາໄອລາຍງານວ່າ: ໃນວັນທີ 16 ມີນາ ຜ່ານມາ, ກົມສະຖິຕິແຫ່ງຊາດຈີນໄດ້ເປີດເຜີຍຂໍ້ມູນໂດຍສະແດງໃຫ້ເຫັນວ່າ: ນັບແຕ່ເດືອນມັງກອນ ຫາ ເດືອນກຸມພາປີນີ້, ການເຕີບໂຕດ້ານການຜະລິດ ແລະ ການສະໜອງໄດ້ໄວຂຶ້ນ, ຄວາມຕ້ອງການຂອງຕະຫຼາດເພີ່ມຂຶ້ນຢ່າງໝັ້ນທ່ຽງ, ລາຄາສິນຄ້າ ແລະ ການປະກອບອາຊີບມີຄວາມໝັ້ນທ່ຽງໂດຍລວມ, ກຳລັງການຜະລິດໃນຄຸນນະພາບໃໝ່ໄດ້ມີການພັດທະນາ, ເສດຖະກິດໄດ້ເລີ່ມຕົ້ນຢ່າງເຂັ້ມແຂງ ແລະ ບັນລຸການເລີ່ມຕົ້ນທີ່ດີ.
![ຫວຽດນາມ ປະຕິບັດເປົ້າໝາຍນຳການເຕີບໂຕເສດຖະກິດບັນລຸ 10% ຂຶ້ນໄປ]()
ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 16 ມີນາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານຟ້າມມິງຈິງ ນາຍົກລັດຖະມົນຕີຫວຽດນາມ ໄດ້ເປັນປະທານບັນດາກອງປະຊຸມຂອງຄະນະປະຈຳລັດຖະບານເພື່ອປະກອບຄຳເຫັນກ່ຽວກັບບາງເນື້ອໃນສຳຄັນເພື່ອປະຕິບັດເປົ້າໝາຍນຳການເຕີບໂຕເສດຖະກິດບັນລຸລະດັບ 10% ຂຶ້ນໄປ, ຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້, ຮັບປະກັນບັນດາຄວາມດຸ່ນດ່ຽງໃຫຍ່ຂອງພື້ນຖານເສດຖະ ກິດໃນສະພາບການປະສົບກັບຄວາມຫຍຸ້ງຍາກ, ສິ່ງທ້າທາຍ, ຂໍ້ຕິດຂັດຫຼາຍຢາງ, ໂຄງການຍັງຄົງຄ້າງ, ແກ່ຍາວ, ປຸກ ລະດົມ ແລະ ນຳໃຊ້ບັນດາແຫຼ່ງກຳລັງຢ່າງມີປະສິດທິຜົນ, ຊຸກຍູ້ບັນດາກຳລັງໜູນພັດທະນາ, ປະກອບສ່ວນເຂົ້າໃນການພັດທະນາໂດຍໄວ ແລະ ຍືນຍົງ.
![ຈີນ-ອາເມຣິກາ ບັນລຸຄວາມຮັບຮູ້ທີ່ເປັນເອກະພາບກັນເບື້ອງຕົ້ນກ່ຽວກັບຫົວຂໍ້ຫາລືຈຳນວນໜຶ່ງ]()
ຂ່າວສານຊີອາໄອລາຍງານວ່າ: ໃນວັນທີ 15 - 16 ມີນານີ້ (ຕາມເວລາທ້ອງຖິ່ນ) ຈີນ-ອາເມຣິກາ ໄດ້ຈັດການເຈລະຈາເສດຖະກິດການຄ້າຢູ່ນະຄອນຫຼວງປາຣີ ຂອງຝຣັ່ງ. ທ່ານ ຫຼີເຊີງກ່າງ ຜູ້ແທນການເຈລະຈາການຄ້າສາກົນ ທັງເປັນຮອງລັດຖະມົນຕີກະຊວງການຄ້າຈີນກ່າວວ່າ: ໃນໜຶ່ງມື້ເຄິ່ງຜ່ານມາ, ຄະນະຜູ້ແທນຂອງທັງສອງຝ່າຍໄດ້ດຳເນີນການເຈລະຈາກົງໄປກົງມາ, ເລິກເຊິ່ງ ແລະ ມີລັກສະນະສ້າງສັນ, ໂດຍໄດ້ບັນລຸຄວາມຮັບຮູ້ທີ່ເປັນເອກະພາບກັນເບື້ອງຕົ້ນກ່ຽວກັບຫົວຂໍ້ຫາລືຈຳນວນໜຶ່ງ. ຕໍ່ໄປ, ສອງຝ່າຍຈະດຳເນີນການເຈລະຈາຕາມຂັ້ນຕອນຕໍ່ໄປ.
ຄໍາເຫັນ