 |
ທ່ານ ສຸກສະຫວາດ ສີຫາປັນຍາ ກ່າວວ່າ: ກອງປະຊຸມຄັ້ງນີ້, ຈັດຂຶ້ນເພື່ອປຶກສາຫາລື ແລະ ຜ່ານ (ຮ່າງ) ໂຄງສ້າງຄຳແນະນຳຂອງທ່ານລັດຖະມົນຕີກະຊວງ ສສກ ວ່າດ້ວຍການຈັດຕັ້ງປະຕິບັດວຽກງານການກຽມຄວາມພ້ອມ ແລະ ຮັບມືເຫດການສຸກເສີນທາງລັງສີ ແລະ ນິວເຄລ ຊຶ່ງຄຳແນະນຳສະບັບ ນີ້, ຈະເປັນນິຕິກຳລຸ່ມກົດໝາຍ ພາຍໃຕ້ກົດໝາຍວ່າດ້ວຍຄວາມປອດໄພຈາກລັງສີ ສະບັບເລກທີ 61/ສພຊ, ໂດຍສະເພາະພາກທີ VI (ມາດຕາ 40 ເຖິງ ມາດຕາ 44) ແລະ ຈະເປັນຄຳແນະນຳພື້ນຖານໃຫ້ຜູ້ດຳເນີນກິດຈະການໄດ້ນຳໄປຈັດຕັ້ງປະຕິບັດ ແລະ ຜັນຂະຫຍາຍເປັນລະບຽບການພາຍໃນຂອງຕົນ, ພາຍຫຼັງສຳເລັດກອງປະຊຸມຄັ້ງນີ້ (ຮ່າງ) ໂຄງສ້າງສະບັບນີ້ແລ້ວ, ທາງຄະນະຮັບຜິດຊອບ ຈະໄດ້ຮ່ວມເຮັດວຽກກັບ ກົມປະກັນຄຸນນະພາບການສຶກສາ ເພື່ອກວດກາຄວາມສອດຄ່ອງທາງດ້ານເນື້ອໃນລະອຽດ ກ່ອນດຳເນີນກອງປະຊຸມເປີດກວ້າງ ທາບທາມຄຳຄິດເຫັນເພື່ອໃຫ້ມີຄວາມເປັນເອກະພາບ ຮ່ວມກັບບັນດາຂະແໜງການທີ່ກ່ຽວຂ້ອງ ແລະ ນຳສະເໜີຜ່ານກອງປະຊຸມຄະນະຜູ້ບໍລິຫານລັດ, ກະຊວງຕາມຂັ້ນຕອນ.
ດັ່ງທີ່ພວກທ່ານຮູ້ນຳກັນແລ້ວວ່າ, ສະພາບການຂອງໂລກ ໄດ້ປ່ຽນໄປຢ່າງໄວວາ ແລະ ການນຳໃຊ້ລັງສີ, ເຕັກໂນໂລຊີນິວເຄລຍ ແລະ ແຫຼ່ງກຳເນີດລັງສີ ກໍໄດ້ມີການນຳໃຊ້ຢ່າງກວ້າງຂວາງ ເພື່ອເປັນຕົວຂັບເຄື່ອນໃນການພັດທະນາເສດຖະກິດ ໂດຍສະເພາະ ຢູ່ ສປປ ລາວ ກໍໄດ້ມີບາງຂະແໜງການທີ່ໄດ້ນຳໃຊ້ລັງສີເຂົ້າໃນຂົງເຂດວຽກງານອຸດສາຫະກຳ ຊຶ່ງການນຳໃຊ້ເຕັກໂນໂລຊີດັ່ງກ່າວ ແມ່ນມີຄວາມຈຳເປັນຕ້ອງໄດ້ມີການກະກຽມຄວາມພ້ອມ ແລະ ຮັບມືເພື່ອປ້ອງກັນຜົນກະທົບທີ່ອາດຈະເກີດຂຶ້ນຕໍ່ຊີວິດ, ຊັບສິນ ແລະ ສິ່ງແວດລ້ອມ.
ໂອກາດນີ້, ທ່ານ ພອນສະຫວັນ ລັດດາວົງ ກໍໄດ້ນໍາສະເໜີບົດຄວາມເປັນມາ ແລະ ເຫດຜົນຄວາມຈຳເປັນ “ການສ້າງ (ຮ່າງ) ຄຳແນະນໍາກ່ຽວກັບການຈັດຕັ້ງປະຕິບັດວຽກງານການກະກຽມຄວາມພ້ອມ ແລະ ຮັບມືເຫດການສຸກເສີນທາງລັງສີ”. ຈາກນັ້ນ, ຜູ້ເຂົ້າຮ່ວມໄດ້ຮັບຟັງການນໍາສະເໜີແຜນກິດ ຈະກຳໃນການສ້າງນິຕິກຳ, ນໍາສະເໜີ (ຮ່າງ) ໂຄງສ້າງຄໍາແນະນຳ ແລະ ພ້ອມກັນປຶກສາຫາລື ເພື່ອເຮັດເນື້ອໃນກອງປະຊຸມມີຄວາມໝາຍ ແລະ ເປັນໄປຕາມຈຸດປະສົງທີ່ວາງໄວ້.
ຂ່າວ: ບົວລະພາ
ຄໍາເຫັນ