 |
ທ່ານ ຄຳເພັດ ອ່ອນລາສີ ກ່າວວ່າ: ກອງປະຊຸມຄັ້ງນີ້, ຈັດຂຶ້ນເພື່ອປຶກສາຫາລືຄວາມຄືບໜ້າຂອງການສ້າງເຄື່ອງມືໂຄສະນາ ກ່ຽວກັບການປ້ອງກັນ ແລະ ລຶບລ້າງການນໍາໃຊ້ແຮງງານເດັກຢູ່ ສປປ ລາວ ໃຫ້ ພາກສ່ວນທີ່ກ່ຽວຂ້ອງ ເພື່ອຄວາມເປັນເອກະພາບກ່ຽວກັບວິທີນໍາໃຊ້ໃຫ້ສອດຄ່ອງກັບແຜນກິດຈະກໍາການໂຄສະ ນາເຜີຍແຜ່ ໂດຍເນື້ອໃນຂອງບັນດາເຄື່ອງມືດັ່ງກ່າວ ແມ່ນຜັນຂະຫຍາຍມາຈາກບັນດານິຕິກຳ, ລະບຽບການ, ກົດໝາຍ ແລະ ສົນທິສັນຍາອົງການແຮງງານສາກົນ ເລກທີ 138 ວ່າດ້ວຍອາຍຸຕ່ຳສຸດຂອງການເຮັດວຽກ ແລະ ເລກທີ 182 ວ່າດ້ວຍແຮງງານເດັກທີ່ຮ້າຍແຮງທີ່ສຸດ ທີ່ ສປປ ລາວ ໃຫ້ສັດຕະຍາບັນ.
ໃນກອງປະຊຸມຜູ້ເຂົ້າຮ່ວມ ໄດ້ເອົາໃຈໃສ່ໃນການຮັບຟັງ, ປະກອບຄໍາຄິດຄໍາເຫັນ, ແລກປ່ຽນບົດຮຽນ ແລະ ປະສົບປະການ ເພື່ອເຮັດໃຫ້ເຄື່ອງມືສໍາລັບການໂຄສະນາເຜີຍແຜ່ ກ່ຽວກັບການປ້ອງກັນ ແລະ ລຶບລ້າງການນໍາໃຊ້ແຮງງານເດັກຢູ່ ສປປ ລາວ ຂອງໂຄງການລຶບລ້າງການຈໍາແນກຢູ່ສະຖານທີ່ເຮັດວຽກ, ການລ່ວງລະເມີດ ແລະ ການນໍາໃຊ້ແຮງງານເດັກຢູ່ ສປປ ລາວ ເພື່ອສະໜັບສະໜູນການຄ້າ ແລະ ການປະຕິບັດລະບຽບການ ເຊັ່ນ: ໂປສເຕີ, ແຜ່ນພັບ, ວິດີໂອ ກ່ຽວກັບແຮງງານເດັກ, ບົດໂຄສະນາສັ້ນທາງວິທະຍຸ ແລະ ອື່ນໆ ໃຫ້ສໍາເລັດໂດຍພື້ນຖານ.
ຂ່າວ-ພາບ: ທະນູທອງ
ຄໍາເຫັນ