ບົດລາຍງານລະບຸວ່າ: ການຕັດສິນໃຈຄັ້ງນີ້ມີຂຶ້ນທ່າມກາງການປັບໃຊ້ລົດ EV ທີ່ຊ້າກວ່າທີ່ຄາດຄະເນໄວ້ ແລະ ຄວາມບໍ່ແນ່ນອນດ້ານນະໂຍບາຍທີ່ເພີ່ມຂຶ້ນ. ໂດຍສະເພາະ, ບັນຫາການອຸດໜູນລົດໄຟຟ້າ ຂອງສະຫະລັດ ອາເມຣິກາ.
ທ່ານ ໂທຊິຮິໂຣະ ມິເບະ, ຊີອີໂອ ຂອງ Honda ກ່າວວ່າ: ປັດຈຸບັນ Honda ຄາດວ່າລົດໄຟຟ້າຈະກວມເອົາປະມານ 20% ຂອງການຂາຍລົດທັງໝົດໃນປີ 2030, ຫຼຸດລົງຈາກເປົ້າໝາຍທີ່ຕັ້ງໄວ້ 30%.
ນອກຈາກນີ້, ໂຮງງານຜະລິດລົດໄຟຟ້າ ແລະ ແບັດເຕີຣີ ທີ່ວາງແຜນໄວ້ໃນປະເທດການາດາ, ເບື້ອງຕົ້ນມີແຜນຈະເລີ່ມດໍາເນີນງານໃນປີ 2028, ຈະຖືກເລື່ອນອອກໄປອີກ 2 ປີ. ໂດຍ Honda ຈະປະເມີນໂຄງການໃໝ່ໂດຍອີງໃສ່ເງື່ອນໄຂໃນ 2 ປີຂ້າງໜ້າ.
ເຖິງວ່າຈະມີການປັບຫຼຸດຄັ້ງນີ້, ແຕ່ Honda ຈະຮັກສາເປົ້າໝາຍໄລຍະຍາວໃນການປ່ຽນຍອດຈຳໜ່າຍລົດ ໃໝ່ທົ່ວໂລກໃຫ້ເປັນລົດໄຟຟ້າ ແລະ ນໍ້າມັນເຊື້ອໄຟໃນປີ 2040. ໃນຂະນະດຽວກັນ, Honda ວາງແຜນຈະເພີ່ມຍອດຂາຍລົດໄຮບຣິດທົ່ວໂລກເປັນ 2 ເທົ່າ ຢູ່ທີ່ 2.2 ລ້ານຄັນ ໃນປີ 2030 ແລະ ຈະແນະນໍາລົດໄຮບຣິດລຸ້ນໃໝ່ 13 ລຸ້ນໃນ 4 ປີຂ້າງໜ້າ.
ທັງນີ້, Honda ຈະສຸມໃສ່ການສ້າງຄວາມເຂັ້ມແຂງທາງທຸລະກິດລົດຈັກທີ່ສາມາດສ້າງກໍາໄລໄດ້ສູງ. ໂດຍເປົ້າ ໝາຍແມ່ນເພື່ອເພີ່ມສ່ວນແບ່ງຕະຫຼາດທົ່ວໂລກຈາກ 40% ເປັນຫຼາຍກວ່າ 50%.
ຄໍາເຫັນ