ໃຫ້ກຽດຕ້ອນຮັບຂອງທ່ານ ພົນເອກ ຊົງວິດ ໜຸນພັກດີ ຜູ້ບັນຊາການທະຫານສູງສຸດແຫ່ງຣາຊະອານາຈັກໄທພ້ອມຄະນະ.
ການພົບປະຄັ້ງນີ້, ນອກຈາກເປັນການພົບປະແລກປ່ຽນປົກກະຕິປະຈໍາປີແລ້ວ ຍັງຈະໄດ້ພ້ອມກັນຕີລາຄາຄືນໝາກຜົນການພົວພັນຮ່ວມມືໃນໄລຍະຜ່ານມາ ໂດຍສະເພາະແມ່ນການຮ່ວມມືກັນຕ້ານ ແລະ ສະກັດກັ້ນການກໍ່ຄວາມບໍ່ສະຫງົບຢູ່ຕາມບໍລິເວນຊາຍແດນຂອງສອງປະເທດ ເປັນຕົ້ນການສະກັດກັ້ນການລັກລອບເຂົ້າເມືອງຜິດກົດໝາຍ, ອາຊະຍາກໍາຂ້າມຊາດ, ການຄ້າຢາເສບຕິດ, ການຄ້າມະນຸດ, ການຄ້າຂາຍເຖື່ອນ, ການຄ້າອາວຸດ ແລະ ການກໍ່ອາຊະຍາກໍາຕ່າງໆທີ່ຜິດກົດໝາຍ, ຕໍ່ບັນຫາດັ່ງກ່າວແມ່ນຈະໄດ້ພ້ອມກັນຈັດຕັ້ງປະຕິບັດ ແລະ ຜ່ານຜ່າບັນຫາສິ່ງທ້າທາຍຢູ່ບໍລິເວນຊາຍແດນ, ຮັບປະກັນໄດ້ຄວາມສະຫງົບ ແລະ ຄວາມໝັ້ນຄົງໃຫ້ແກ່ປະຊາຊົນສອງຊາດ, ຜ່ານການຮັດແໜ້ນການຮ່ວມມື, ສອງກອງທັບໄດ້ເອົາໃຈໃສ່ປ້ອງກັນ ແລະ ປະກອບສ່ວນເຂົ້າໃນຂົງເຂດເສດຖະກິດ-ສັງຄົມຂອງສອງປະເທດໄດ້ຮັບການພັດທະນາດີຂຶ້ນເປັນກ້າວໆ ມີຜົນສໍາເລັດເປັນຮູບປະທໍາຫຼາຍດ້ານ.
ຈາກນັ້ນ, ທ່ານ ພົນໂທ ຄໍາລຽງ ອຸທະໄກສອນ ຍັງໄດ້ເຂົ້າຢ້ຽມຂໍ່ານັບທ່ານສຸທິນ ຄັງແສງ ລັດຖະມົນຕີກະຊວງກະລາໂຫມຕື່ມອີກ.
ຂ່າວ-ພາບ: ພັນຕີ ສີປະພັນ ແກ້ວມະນີວົງ
ຄໍາເຫັນ