ພິທີເປີດທົດລອງບໍລິການຂອງໂຮງແຮມ ມ່ວນມ່ວນ ບູຕິກ ໄດ້ຈັດຂຶ້ນໃນວັນທີ 20 ພຶດສະພາ ຜ່ານມານີ້ທີ່ ເມດກັອຟ ແລະ ຣີສອດ ສີ່ພັນດອນ ຢູ່ບ້ານທ່າຄໍ້ ເມືອງໂຂງ ແຂວງຈໍາປາສັກ ໂດຍການເປັນປະທານຮ່ວມເປີດທົດລອງບໍລິການໂດຍ ທ່ານ ສົມບູນ ເຮືອງວົງສາ ຮອງເຈົ້າແຂວງຈໍາປາສັກ ແລະ ທ່ານ ເຈິ້ງ ເຈຍ ເຟີງ (Zheng JIA FENG) ປະທານກຸ່ມບໍລິສັດ ແມ່ນໍ້າເຫຼືອງ (ເປັນບໍລິສັດແມ່ຂອງ ບໍລິສັດ ລາວ ມະຫານະທີ ສີທັນດອນ (ຮົງກົງ) ການລົງທຶນ ຈໍາກັດ ທີ່ເປັນໜຶ່ງໃນສອງບໍລິສັດ ທີ່ກໍ່ຕັ້ງ ບໍລິສັດ ຮ່ວມພັດທະນາສີທັນດອນ ຈໍາກັດ); ມີ ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກຫົວໜ້າບັນນາທິການໃຫຍ່ ໜັງສືພິມປະຊາຊົນ; ທ່ານ ເຈຍ ທ່າວລິດ ເຈົ້າແຂວງຊຽງແຕງ ແຫ່ງຣາຊະອານາຈັກກຳປູເຈຍ ແລະ ບັນດາການນໍາຂັ້ນຕ່າງໆຂອງແຂວງຈໍາປາສັກ, ລວມເຖິງພາກສ່ວນກ່ຽວຂ້ອງເຂົ້າຮ່ວມ.
ທ່ານ ລີ ຊ໊ຽນ (LI XIANG) ປະທານບໍລິສັດ ຮ່ວມພັດທະນາສີທັນດອນ ຈໍາກັດ ໄດ້ຂຶ້ນກ່າວຂອບໃຈຕໍ່ພັກ-ລັດຖະບານລາວ ແລະ ທຸກພາກສ່ວນກ່ຽວຂ້ອງ ທີ່ໄດ້ໃຫ້ການຊ່ວຍເຫຼືອ ແລະ ແກ້ໄຂບັນຫາຕ່າງໆ ໃນໄລຍະຜ່ານມາ; ພ້ອມທັງລາຍງານໃຫ້ຮູ້ວ່າ: ໂຮງແຮມ ມ່ວນມ່ວນ ບູຕິກ ທີ່ເປີດທົດລອງໃຫ້ບໍລິການນີ້, ມີພື້ນທີ່ການຊົມໃຊ້ ຫຼາຍກວ່າ 70.000 ຕາແມັດ, ມີທັງໝົດ 122 ຫ້ອງ ຊຶ່ງໄດ້ເຊີນບໍລິສັດທີ່ມີປະສົບການຈາກສິງກະໂປມາເປັນຜູ້ບໍລິຫານ. ໃນໄລຍະຜ່ານມາ, ນັບແຕ່ບໍລິສັດໄດ້ເຊັນສັຍຍາຢ່າງເປັນທາງການ ກັບລັດຖະບານໃນປີ 2018, ບໍລິສັດກໍໄດ້ເລີ່ມວາງສີລາລືກກໍ່ສ້າງໂຮງແຮມແຕ່ປີ 2019 ດ້ວຍມູນຄ່າການລົງທຶນຕົວຈິງ 24 ລ້ານກວ່າໂດລາ, ສຳເລັດການກໍ່ສ້າງ ແລະ ເປີດທົດລອງບໍລິການໃນປີນີ້. ພ້ອມນີ້, ບໍລິສັດ ກໍໄດ້ລະດົມທຶນເຂົ້າໃສ່ໃນການພັດທະນາຫຼາຍໆໂຄງການ ເປັນຕົ້ນແຫຼ່ງທ່ອງທ່ຽວນໍ້າຕົກຕາດຄອນພະເພັງ-ສົມພະມິດ, ໂຄງການສາງຄ່ຽນຖ່າຍສິນຄ້າ, ຕຶກຕິບເຂົ້າ ແລະ ຕຶກໂຮງແຮມແຄນຄູ່ ...; ພ້ອມນັ້ນ, ກໍປະກອບສ່ວນຕໍ່ສັງຄົມ ໂດຍການກໍ່ສ້າງເສັ້ນທາງອ້ອມດອນໂຂງ, ກໍ່ສ້າງໂຮງຮຽນປະຖົມບ້ານຂີ້ນາກ ແລະ ອື່ນໆອີກຫຼາຍໂຄງການ. ບໍລິສັດຍັງໄດ້ຮ່ວມກັບລັດວິສາຫະກິດການບິນລາວ ເປີດເສັ້ນທາງການບິນ ປາກເຊ-ກວາງໂຈ; ກວາງໂຈ-ປາກເຊ ເພື່ອຄວາມສະດວກໃນການເດີນທາງ ທັງເປັນການພັກດັນການພັດທະນາທາງດ້ານເສດຖະກິດ-ສັງຄົມ. ບໍລິສັດໄດ້ປະກອບສ່ວນມອບພັນທະອາກອນ, ຍົກລະດັບສິ່ງອຳນວຍຄວາມສະດວກ, ການບໍລິການສາທາລະນະຂອງແຂວງຈໍາປາສັກ, ສະເພາະການເປີດທົດລອງບໍລິການຂອງໂຮງແຮມ ມ່ວນມ່ວນ ບູຕິກ ກໍຄາດຫວັງວ່າຈະກາຍເປັນໜຶ່ງຕ່ອງໂສ້ໃນການພັກດັນທຸລະກິດຕ່າງໆ ທັງເປັນການຮອງຮັບແກ່ນັກທ່ອງທ່ຽວ ແລະ ຮອງຮັບນັກລົງທຶນ ຊຶ່ງບໍລິສັດ ກໍຈະພະຍາຍາມດຶງເອົາການລົງທຶນເຂົ້າມາອີກ ໂດຍສະເພາະທຶນຈາກ ອ້າວເໝິນ ສປຈີນ ຫຼື ສິງກະໂປ ເພື່ອເຂດພັດທະນາເສດຖະກິດໃໝ່ ສີທັນດອນ ໄດ້ພັດທະນາໄວຂຶ້ນ.
ທ່ານ ເຢ ຫຼົງຊູ (YE RONG ZU) ຫົວໜ້າສະມາຄົມສິງກະໂປ ນັກລົງທຶນໃນໂຄງການເຂດພັດທະນາເສດຖະກິດໃໝ່ ສີທັນດອນ ໄດ້ກ່າວວ່າ: ໂຮງແຮມແຫ່ງນີ້, ມີຄຸນນະພາບໃນການບໍລິການທີ່ສູງ ລະດັບ 5 ດາວຊຶ່ງຈະສາມາດຮັບໃຊ້ຜູ້ທີ່ມາພັກໄດ້ຢ່າງມີຄວາມສຸກສະບາຍໃຈ, ສະດວກສະບາຍ ຊຶ່ງເປັນສິ່ງອຳນວຍຄວາມສະດວກແກ່ການມາທ່ອງທ່ຽວເຂດມະຫານະທີສີທັນດອນ ແລະ ໃນມື້ນີ້ ກໍມີນັກທ່ອງທ່ຽວຈາກ ສປຈີນ ມານໍາໃຊ້ບໍລິການເປັນຊຸດທໍາອິດ ມາທ່ຽວຊົມຮີດຄອງປະເພນີທີ່ເປັນເອກະລັກ. ພ້ອມນີ້, ກໍໄດ້ກ່າວວ່າ: ການລົງທຶນຢູ່ທີ່ນີ້ ແມ່ນສາມາດຫວັງຜົນໄດ້ຮັບເປັນຢ່າງດີ, ການເຂົ້າຮ່ວມໃນການລົງທຶນໃນການກໍ່ສ້າງຕົວເມືອງໃໝ່ນີ້ ກໍເປັນໂອກາດທີ່ດີ ແລະ ນັກລົງທຶນບໍ່ຄວນພາດຊຶ່ງບັນດານັກລົງທຶນທີ່ມາຮ່ວມງານມື້ນີ້ ກໍມາສຳຫຼວດດ້ວຍຕົນເອງ ເພື່ອການຕັດສິນໃຈລົງທຶນພັດທະນາຮ່ວມກັນ.
ຂະນະທີ່, ທ່ານ ນາງ ແພງຈັນ ແພງເມືອງ ຫົວໜ້າກົມແຜນການ ແລະ ການຮ່ວມມືສາກົນ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ກໍໄດ້ຕາງໜ້າກະຊວງກ່າວຍ້ອງຍໍຊົມເຊີຍ ມາຍັງບໍລິສັດ ທີ່ມີຄວາມພະຍາຍາມ ແລະ ຕັ້ງໃຈໃນການພັດທະນາໂຄງການ ຊຶ່ງການເປີດທົດລອງບໍລິການຂອງໂຮງແຮມແຫ່ງນີ້ ກໍເປັນໜຶ່ງໃນຫຼາຍໂຄງການພັດທະນາຂອງເຂດ ແລະ ເຊື່ອໝັ້ນວ່າຈະກາຍເປັນສ່ວນໜຶ່ງຂອງການພັດທະນາ ແລະ ປັບປຸງໂຄງລ່າງພື້ນຖານ, ສິ່ງອຳນວຍຄວາມສະດວກທີ່ຕິດພັນກັບການທ່ອງທ່ຽວຂອງ ສປປ ລາວ. ພ້ອມນີ້, ກໍໄດ້ສະເໜີບໍລິສັດວ່າ ໃຫ້ມີຄວາມຮ່ວມມືໃນການພັດທະນາບຸກຄະລາກອນທ້ອງຖິ່ນທາງດ້ານປະລິມານ ແລະ ຄຸນນະພາບ ພ້ອມທັງສະໜັບສະໜູນ ແລະ ສ້າງເງື່ອນໄຂໃຫ້ທ້ອງຖິ່ນໄດ້ມີສ່ວນຮ່ວມຫຼາຍເທົ່າທີ່ຈະຫຼາຍໄດ້ ທັງນີ້ກໍເພື່ອເປັນການສ້າງວຽກເຮັດງານທໍາ ແລະ ສ້າງລາຍໄດ້ໃຫ້ແກ່ຊຸມຊົນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງຈໍາປາສັກ ເວົ້າສະເພາະ, ເວົ້າລວມກໍຄື ສປປ ລາວ ໃຫ້ນັບມື້ນັບເພີ່ມຂຶ້ນ.
ທ່ານ ສົມບູນ ເຮືອງວົງສາ ກໍໄດ້ຕີລາຄາສູງຕໍ່ການເປີດທົດລອງບໍລິການຂອງໂຮງແຮມແຫ່ງນີ້ວ່າ: ນີ້ເປັນຜົນສຳເລັດໜຶ່ງທີ່ຈະຍູ້ແຮງການຈັດຕັ້ງປະຕິບັດບັນດາໂຄງການຂອງເຂດໃຫ້ສຳເລັດທຸກກິດຈະກຳທີ່ກຳນົດໄວ້ ຊຶ່ງຈະສ້າງຜົນປະໂຫຍດຢ່າງຫຼວງຫຼາຍ, ສ້າງວຽກເຮັດງານທໍາໃຫ້ແກ່ປະຊາຊົນ, ສ້າງຜົນໄດ້ຮັບໃຫ້ແກ່ບໍລິສັດ ແລະ ສ້າງລາຍຮັບເຂົ້າງົບປະມານຂອງລັດ; ພ້ອມນີ້, ກໍຮຽກຮ້ອງໃຫ້ບໍລິສັດ ສືບຕໍ່ເປັນເຈົ້າການ ໂດຍປະສານສົມທົບຢ່າງກົມກຽວກັບຂະແໜງການກ່ຽວຂ້ອງຂອງເມືອງ, ແຂວງ ແລະ ສູນກາງ ເພື່ອພ້ອມກັນຈັດຕັ້ງປະຕິບັດບັນດາໜ້າວຽກ, ບັນດາກິດຈະກຳ ໃຫ້ມີຜົນສຳເລັດ.
(ຂ່າວ-ພາບ: ສຸກສະຫວັນ)
ທ່ານ ລີ ຊ໊ຽນ (LI XIANG) ປະທານບໍລິສັດ ຮ່ວມພັດທະນາສີທັນດອນ ຈໍາກັດ ໄດ້ຂຶ້ນກ່າວຂອບໃຈຕໍ່ພັກ-ລັດຖະບານລາວ ແລະ ທຸກພາກສ່ວນກ່ຽວຂ້ອງ ທີ່ໄດ້ໃຫ້ການຊ່ວຍເຫຼືອ ແລະ ແກ້ໄຂບັນຫາຕ່າງໆ ໃນໄລຍະຜ່ານມາ; ພ້ອມທັງລາຍງານໃຫ້ຮູ້ວ່າ: ໂຮງແຮມ ມ່ວນມ່ວນ ບູຕິກ ທີ່ເປີດທົດລອງໃຫ້ບໍລິການນີ້, ມີພື້ນທີ່ການຊົມໃຊ້ ຫຼາຍກວ່າ 70.000 ຕາແມັດ, ມີທັງໝົດ 122 ຫ້ອງ ຊຶ່ງໄດ້ເຊີນບໍລິສັດທີ່ມີປະສົບການຈາກສິງກະໂປມາເປັນຜູ້ບໍລິຫານ. ໃນໄລຍະຜ່ານມາ, ນັບແຕ່ບໍລິສັດໄດ້ເຊັນສັຍຍາຢ່າງເປັນທາງການ ກັບລັດຖະບານໃນປີ 2018, ບໍລິສັດກໍໄດ້ເລີ່ມວາງສີລາລືກກໍ່ສ້າງໂຮງແຮມແຕ່ປີ 2019 ດ້ວຍມູນຄ່າການລົງທຶນຕົວຈິງ 24 ລ້ານກວ່າໂດລາ, ສຳເລັດການກໍ່ສ້າງ ແລະ ເປີດທົດລອງບໍລິການໃນປີນີ້. ພ້ອມນີ້, ບໍລິສັດ ກໍໄດ້ລະດົມທຶນເຂົ້າໃສ່ໃນການພັດທະນາຫຼາຍໆໂຄງການ ເປັນຕົ້ນແຫຼ່ງທ່ອງທ່ຽວນໍ້າຕົກຕາດຄອນພະເພັງ-ສົມພະມິດ, ໂຄງການສາງຄ່ຽນຖ່າຍສິນຄ້າ, ຕຶກຕິບເຂົ້າ ແລະ ຕຶກໂຮງແຮມແຄນຄູ່ ...; ພ້ອມນັ້ນ, ກໍປະກອບສ່ວນຕໍ່ສັງຄົມ ໂດຍການກໍ່ສ້າງເສັ້ນທາງອ້ອມດອນໂຂງ, ກໍ່ສ້າງໂຮງຮຽນປະຖົມບ້ານຂີ້ນາກ ແລະ ອື່ນໆອີກຫຼາຍໂຄງການ. ບໍລິສັດຍັງໄດ້ຮ່ວມກັບລັດວິສາຫະກິດການບິນລາວ ເປີດເສັ້ນທາງການບິນ ປາກເຊ-ກວາງໂຈ; ກວາງໂຈ-ປາກເຊ ເພື່ອຄວາມສະດວກໃນການເດີນທາງ ທັງເປັນການພັກດັນການພັດທະນາທາງດ້ານເສດຖະກິດ-ສັງຄົມ. ບໍລິສັດໄດ້ປະກອບສ່ວນມອບພັນທະອາກອນ, ຍົກລະດັບສິ່ງອຳນວຍຄວາມສະດວກ, ການບໍລິການສາທາລະນະຂອງແຂວງຈໍາປາສັກ, ສະເພາະການເປີດທົດລອງບໍລິການຂອງໂຮງແຮມ ມ່ວນມ່ວນ ບູຕິກ ກໍຄາດຫວັງວ່າຈະກາຍເປັນໜຶ່ງຕ່ອງໂສ້ໃນການພັກດັນທຸລະກິດຕ່າງໆ ທັງເປັນການຮອງຮັບແກ່ນັກທ່ອງທ່ຽວ ແລະ ຮອງຮັບນັກລົງທຶນ ຊຶ່ງບໍລິສັດ ກໍຈະພະຍາຍາມດຶງເອົາການລົງທຶນເຂົ້າມາອີກ ໂດຍສະເພາະທຶນຈາກ ອ້າວເໝິນ ສປຈີນ ຫຼື ສິງກະໂປ ເພື່ອເຂດພັດທະນາເສດຖະກິດໃໝ່ ສີທັນດອນ ໄດ້ພັດທະນາໄວຂຶ້ນ.
ທ່ານ ເຢ ຫຼົງຊູ (YE RONG ZU) ຫົວໜ້າສະມາຄົມສິງກະໂປ ນັກລົງທຶນໃນໂຄງການເຂດພັດທະນາເສດຖະກິດໃໝ່ ສີທັນດອນ ໄດ້ກ່າວວ່າ: ໂຮງແຮມແຫ່ງນີ້, ມີຄຸນນະພາບໃນການບໍລິການທີ່ສູງ ລະດັບ 5 ດາວຊຶ່ງຈະສາມາດຮັບໃຊ້ຜູ້ທີ່ມາພັກໄດ້ຢ່າງມີຄວາມສຸກສະບາຍໃຈ, ສະດວກສະບາຍ ຊຶ່ງເປັນສິ່ງອຳນວຍຄວາມສະດວກແກ່ການມາທ່ອງທ່ຽວເຂດມະຫານະທີສີທັນດອນ ແລະ ໃນມື້ນີ້ ກໍມີນັກທ່ອງທ່ຽວຈາກ ສປຈີນ ມານໍາໃຊ້ບໍລິການເປັນຊຸດທໍາອິດ ມາທ່ຽວຊົມຮີດຄອງປະເພນີທີ່ເປັນເອກະລັກ. ພ້ອມນີ້, ກໍໄດ້ກ່າວວ່າ: ການລົງທຶນຢູ່ທີ່ນີ້ ແມ່ນສາມາດຫວັງຜົນໄດ້ຮັບເປັນຢ່າງດີ, ການເຂົ້າຮ່ວມໃນການລົງທຶນໃນການກໍ່ສ້າງຕົວເມືອງໃໝ່ນີ້ ກໍເປັນໂອກາດທີ່ດີ ແລະ ນັກລົງທຶນບໍ່ຄວນພາດຊຶ່ງບັນດານັກລົງທຶນທີ່ມາຮ່ວມງານມື້ນີ້ ກໍມາສຳຫຼວດດ້ວຍຕົນເອງ ເພື່ອການຕັດສິນໃຈລົງທຶນພັດທະນາຮ່ວມກັນ.
ຂະນະທີ່, ທ່ານ ນາງ ແພງຈັນ ແພງເມືອງ ຫົວໜ້າກົມແຜນການ ແລະ ການຮ່ວມມືສາກົນ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ກໍໄດ້ຕາງໜ້າກະຊວງກ່າວຍ້ອງຍໍຊົມເຊີຍ ມາຍັງບໍລິສັດ ທີ່ມີຄວາມພະຍາຍາມ ແລະ ຕັ້ງໃຈໃນການພັດທະນາໂຄງການ ຊຶ່ງການເປີດທົດລອງບໍລິການຂອງໂຮງແຮມແຫ່ງນີ້ ກໍເປັນໜຶ່ງໃນຫຼາຍໂຄງການພັດທະນາຂອງເຂດ ແລະ ເຊື່ອໝັ້ນວ່າຈະກາຍເປັນສ່ວນໜຶ່ງຂອງການພັດທະນາ ແລະ ປັບປຸງໂຄງລ່າງພື້ນຖານ, ສິ່ງອຳນວຍຄວາມສະດວກທີ່ຕິດພັນກັບການທ່ອງທ່ຽວຂອງ ສປປ ລາວ. ພ້ອມນີ້, ກໍໄດ້ສະເໜີບໍລິສັດວ່າ ໃຫ້ມີຄວາມຮ່ວມມືໃນການພັດທະນາບຸກຄະລາກອນທ້ອງຖິ່ນທາງດ້ານປະລິມານ ແລະ ຄຸນນະພາບ ພ້ອມທັງສະໜັບສະໜູນ ແລະ ສ້າງເງື່ອນໄຂໃຫ້ທ້ອງຖິ່ນໄດ້ມີສ່ວນຮ່ວມຫຼາຍເທົ່າທີ່ຈະຫຼາຍໄດ້ ທັງນີ້ກໍເພື່ອເປັນການສ້າງວຽກເຮັດງານທໍາ ແລະ ສ້າງລາຍໄດ້ໃຫ້ແກ່ຊຸມຊົນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງຈໍາປາສັກ ເວົ້າສະເພາະ, ເວົ້າລວມກໍຄື ສປປ ລາວ ໃຫ້ນັບມື້ນັບເພີ່ມຂຶ້ນ.
ທ່ານ ສົມບູນ ເຮືອງວົງສາ ກໍໄດ້ຕີລາຄາສູງຕໍ່ການເປີດທົດລອງບໍລິການຂອງໂຮງແຮມແຫ່ງນີ້ວ່າ: ນີ້ເປັນຜົນສຳເລັດໜຶ່ງທີ່ຈະຍູ້ແຮງການຈັດຕັ້ງປະຕິບັດບັນດາໂຄງການຂອງເຂດໃຫ້ສຳເລັດທຸກກິດຈະກຳທີ່ກຳນົດໄວ້ ຊຶ່ງຈະສ້າງຜົນປະໂຫຍດຢ່າງຫຼວງຫຼາຍ, ສ້າງວຽກເຮັດງານທໍາໃຫ້ແກ່ປະຊາຊົນ, ສ້າງຜົນໄດ້ຮັບໃຫ້ແກ່ບໍລິສັດ ແລະ ສ້າງລາຍຮັບເຂົ້າງົບປະມານຂອງລັດ; ພ້ອມນີ້, ກໍຮຽກຮ້ອງໃຫ້ບໍລິສັດ ສືບຕໍ່ເປັນເຈົ້າການ ໂດຍປະສານສົມທົບຢ່າງກົມກຽວກັບຂະແໜງການກ່ຽວຂ້ອງຂອງເມືອງ, ແຂວງ ແລະ ສູນກາງ ເພື່ອພ້ອມກັນຈັດຕັ້ງປະຕິບັດບັນດາໜ້າວຽກ, ບັນດາກິດຈະກຳ ໃຫ້ມີຜົນສຳເລັດ.
(ຂ່າວ-ພາບ: ສຸກສະຫວັນ)
ຄໍາເຫັນ