ກອງປະຊຸມສຸດຍອດອະນາຄົດ ແລະ ວາລະປຶກສາຫາລືລວມຂັ້ນສູງ

ຮອງນາຍົກ ຫວຽດນາມ ພົບປະການນຳປະເທດເພື່ອນມິດນອກກອງປະຊຸມສະມັດຊາໃຫຍ່ ສປຊ

10:23 26/09/2024

ວິທະຍຸກະຈາຍສຽງຫວຽດນາມລາຍງານວ່າ: ເນື່ອງໃນໂອກາດເຂົ້າຮ່ວມກອງປະຊຸມສຸດຍອດອະນາຄົດ ແລະ ວາລະປຶກສາຫາລືລວມຂັ້ນສູງ ສະມັດຊາໃຫຍ່ ສປຊ ຊຸດທີ 79 ຢູ່ ນະຄອນນິວຢອກສະຫະລັດ ອາເມຣິກາ, ທ່ານ ບຸຍແທັງເຊີນ ຮອງນາຍົກລັດຖະມົນຕີລັດຖະມົນຕີການຕ່າງປະເທດ ຫວຽດນາມ

ໄດ້ມີການພົບກັບທ່ານ ເດວິດ ແລມມີ ລັດຖະມົນຕີການຕ່າງປະເທດ ອັງກິດ ແລະ ທ່ານ ອາເໝັດ ອັດຕາຟ ລັດຖະມົນຕີການຕ່າງປະເທດ ອານເຊຣີ.
ຂ່າວລະບຸວ່າ: ໃນການພົບປະ, ທ່ານ ບຸຍແທັງເຊີນ ແລະ ທ່ານ ເດວິດ ແລມມີ ລັດຖະມົນຕີການຕ່າງປະເທດອັງກິດ ໄດ້ເຫັນດີເປັນເອກະພາບເສີມຂະຫຍາຍສັນຍາການຄ້າເສລີ ຫວຽດນາມ - ອັງກິດ (UKVFTA) ຢ່າງມີປະສິດທິຜົນ, ຍາດແຍ່ງບັນດາໂອກາດຈາກສັນຍາຄູ່ຮ່ວມມືຮອບດ້ານຂ້າມປາຊີຟິກ (CPTPP) ໃນລະດັບສູງສຸດເພື່ອຊຸກຍູ້ການພົວພັນດ້ານເສດຖະກິດ - ການຄ້າ, ການລົງທຶນລະຫວ່າງສອງຝ່າຍ.
ໃນການຕ້ອນຮັບ, ທ່ານ ອາເໝັດ ອັດຕາຟ ລັດຖະມົນຕີການຕ່າງປະເທດ ອານເຊຣີ, ທ່ານ ບຸຍແທັງເຊີນ ໄດ້ຢັ້ງຢືນວ່າ ຫວຽດນາມ ຍາມໃດກໍຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ກັບ ອານເຊຣີ, ທ່ານສະເໜີສອງຝ່າຍເພີ່ມທະວີການແລກປ່ຽນຄະນະຜູ້ແທນ, ສືບຕໍ່ສົມທົບກັນຢ່າງແໜ້ນແຟ້ນໃນບັນດາເວທີປາໄສຫຼາຍຝ່າຍ.
ໃນວັນດຽວກັນ, ຢູ່ສຳນັກງານຄະນະຜູ້ຕາງໜ້າ ຫວຽດນາມ ປະຈຳ ສປຊ ຢູ່ນະຄອນນິວຢອກສະຫະລັດ ອາເມລິກາ, ທ່ານ ບຸຍແທັງເຊີນຮອງນາຍົກລັດຖະມົນຕີລັດຖະມົນຕີການຕ່າງປະເທດ ພ້ອມກັບທ່ານນາງ ແນນຊີ ແທມໂປ ລັດຖະມົນຕີການຕ່າງປະເທດ ມາລາວີ (Malawi) ໄດ້ເປັນສັກຂີພິຍານພິທີລົງນາມຖະແຫຼງການຮ່ວມສ້າງຕັ້ງການພົວພັນທາງການທູດ. ດ້ວຍການສ້າງຕັ້ງການພົວພັນທາງການທູດ ກັບ ມາລາວີ, ຫວຽດນາມ ໄດ້ມີການພົວພັນທາງການທູດ ກັບ 194 ປະເທດ.

ຄໍາເຫັນ

ຂ່າວຕ່າງປະເທດ

ອິນໂດເນເຊຍ ຂະຫຍາຍການປູກພືດອາຫານສັດທີ່ທົນຕໍ່ໄພແຫ້ງແລ້ງ

06/07/2026 13:30

ສຳນັກຂ່າວສານຊິນຮວາ ລາຍງານໃນທ້າຍອາທິດຜ່ານມາວ່າ: ກະຊວງກະສິກຳອິນໂດເນເຊຍ ໄດ້ເປີດເຜີຍວ່າ, ອິນໂດເນເຊຍກຳລັງຂະຫຍາຍການປູກພືດອາຫານສັດທີ່ທົນທານຕໍ່ຄວາມແຫ້ງແລ້ງ ແລະ ມີໂປຣຕີນສູງ ເພື່ອຮັບປະກັນຄວາມໝັ້ນຄົງຂອງການສະໜອງພືດອາຫານສັດ ທ່າມກາງການຂາດແຄນທົ່ງຫຍ້າລ້ຽງສັດທີ່ເກີດຈາກປະກົດການແອວນີໂຢ.

ຣັດເຊຍ ພັດທະນາລະບົບລະບຸຕົວຕົນໂດຣນ ແລະ ບັງຄັບໃຫ້ລົງຈອດທັນທີ

06/07/2026 12:03

ຂ່າວຕ່າງປະເທດລາຍງານໃນວັນທີ 5 ກໍລະກົດ ຜ່ານມາວ່າ: ສື່ມວນຊົນທ້ອງຖິ່ນຂອງຣັດເຊຍລາຍງານເມື່ອບໍ່ດົນມານີ້ວ່າ, ບໍລິສັດພາຍໃນປະເທດໄດ້ພັດທະນາລະບົບການລະບຸຕົວຕົນເຮືອບິນບໍ່ມີຄົນຂັບ ຫຼື ໂດຣນ ທີ່ມີຊື່ວ່າ: ປຸ່ມແດງ "Red Button" ຊຶ່ງສາມາດບັງຄັບໃຫ້ໂດຣນພົນລະເຮືອນລົງຈອດໄດ້ທັນທີໃນສະຖານະການສຸກເສີນ.

ຍີ່ປຸ່ນ ພິຈາລະນາຂຶ້ນຄ່າທຳນຽມທີ່ຢູ່ອາໄສສຳລັບຄົນຕ່າງປະເທດ

06/07/2026 11:58

ສຳນັກຂ່າວສານຊິນຮວາລາຍງານໃນທ້າຍອາທິດຜ່ານມາວ່າ: ສຳນັກງານກວດຄົນເຂົ້າເມືອງຍີ່ປຸ່ນໄດ້ປະກາດຮ່າງຄຳສັ່ງຄະນະລັດຖະມົນຕີເພື່ອເພີ່ມຄ່າທຳນຽມສຳລັບຄົນຕ່າງປະເທດທີ່ຕ້ອງການປ່ຽນ ຫຼື ຕໍ່ອາຍຸສະຖານະພາບການຢູ່ອາໄສຈາກ 6,000 ເຢນ ໃນປັດຈຸບັນ ເປັນ 75,000 ເຢນ. ໂດຍຄ່າທຳນຽມ ໃໝ່ສຳລັບການປ່ຽນແປງສະຖານະພາບການຢູ່ອາໄສຊົ່ວຄາວ ແລະ ການຕໍ່ອາຍຸການຢູ່ອາໄສຈະຢູ່ລະຫວ່າງ 10,000 ຫາ 75,000 ເຢນ ຂຶ້ນກັບໄລຍະເວລາພັກເຊົາ.

ຈີນ ສົ່ງອອກຫຸ່ນຍົນມະນຸດໄປຍັງ 150 ກວ່າປະເທດ ແລະ ເຂດແຄວ້ນທົ່ວໂລກ

06/07/2026 11:20

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 5 ກໍລະກົດ ຜ່ານມາວ່າ: ນັບແຕ່ຕົ້ນປີເປັນຕົ້ນມາ, ການສົ່ງອອກຫຸ່ນຍົນມະນຸດຂອງຈີນໄດ້ເພີ່ມຂຶ້ນຢ່າງຕໍ່ເນື່ອງ ແລະ ໄດ້ປັບປຸງອົງປະກອບປະເພດໃຫ້ສົມບູນຂຶ້ນເລື້ອຍໆ ຊຶ່ງໄດ້ເພີ່ມພະລັງຂັບເຄື່ອນໃໝ່ໃຫ້ແກ່ການສົ່ງອອກຜະລິດຕະພັນລະດັບສູງ.

6 ເດືອນຕົ້ນປີ ຫວຽດນາມ ມີລາຍຮັບຈາກແຂກທ່ອງທ່ຽວ 9 ຕື້ໂດລາ

06/07/2026 11:16

ວິທະຍຸກະຈາຍສຽງຫວຽດນາມລາຍງານ ໃນວັນທີ 5 ກໍລະກົດ ຜ່ານມາວ່າ: ຕາມໂຕເລກຂອງກົມສະຖິຕິ (ກະຊວງການເງິນ ຫວຽດນາມ) ທີ່ຫາກໍປະກາດແລ້ວ, ໃນເດືອນມິຖຸນາ 2026 ຫວຽດນາມ ໄດ້ຕ້ອນຮັບແຂກທ່ອງທ່ຽວສາກົນປະມານ 1,7 ລ້ານເທື່ອຄົນ. ໄລ່ລວມ 6 ເດືອນຂອງປີ 2026, ຈຳນວນແຂກທ່ອງທ່ຽວມາຢ້ຽມຢາມ ຫວຽດນາມ ບັນລຸເກືອບ 12.3 ລ້ານເທື່ອຄົນ, ມີລາຍຮັບ 9 ຕື້ກວ່າໂດລາ. ດ້ວຍໝາກຜົນດັ່ງກ່າວ, ຂະແໜງທ່ອງທ່ຽວ ຫວຽດນາມ ໄດ້ປະຕິບັດສຳເລັດເກືອບ 50% ເປົ້າໝາຍຕ້ອນຮັບແຂກທ່ອງທ່ຽວສາກົນ 25 ລ້ານເທື່ອຄົນໃນປີນີ້.

ບົດຮຽນຈາກການພັດທະນາຂອງພັກກອມມູນິດຈີນ ໃນເວລາ 105 ປີຜ່ານມາ

04/07/2026 11:49

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນເວລາຫຼາຍກວ່າໜຶ່ງສະຕະວັດຜ່ານມາ, ພັກກອມມູນິດຈີນໄດ້ຮັກສາຄວາມເຂັ້ມແຂງ ແລະ ຄວາມມີຊີວິດຊີວາຕະຫຼອດໄປ, ໄດ້ນຳພາປະຊາຊົນຈີນສ້າງຜົນສຳເລັດດ້ານການພັດທະນາທີ່ປະຈັກຕາຊາວໂລກ. ຜົນສຳເລັດເຫຼົ່ານີ້ບໍ່ພຽງແຕ່ມີຄວາມໝາຍສຳຄັນຕໍ່ຈີນເທົ່ານັ້ນ ແຕ່ຍັງເປັນບົດຮຽນທີ່ສຳຄັນສຳລັບຫຼາຍປະເທດກຳລັງພັດທະນາ.

ຈຳນວນຜູ້ເສຍຊີວິດຈາກແຜ່ນດິນໃນເວເນຊູເອລາາ ເພີ່ມຂຶ້ນເປັນ 2,295 ຄົນ

03/07/2026 14:38

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 1 ກໍລະກົດ ຜ່ານມາ, ທ່ານ ຈອດ ໂຣດຣິເກຊ ປະທານສະພາແຫ່ງຊາດເວເນຊູເອລາກ່າວວ່າ: ຈຳນວນຜູ້ເສຍຊີວິດຍ້ອນແຜ່ນດິນໄຫວຮຸນແຮງທີ່ເກີດຂຶ້ນຢູ່ເວເນຊູເອລາໃນວັນທີ 24 ມິຖຸນາ ຜ່ານມາ ໄດ້ເພີ່ມຂຶ້ນເປັນ 2,295 ຄົນ, ສ່ວນຜູ້ບາດເຈັບເພີ່ມຂຶ້ນເປັນ 11,267 ຄົນ ແລະ ມີແຮງສັ່ນສະເທືອນຕາມມາ 782 ຄັ້ງ.

ອີຣານ ຈະຈັດການເຈລະຈາຮອບສຸດທ້າຍກັບ ອາເມຣິກາ ໃນເວລາທີ່ເໝາະສົບ

03/07/2026 12:56

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 1 ກໍລະກົດ ຜ່ານມານີ້ ອີຣານເປີດເຜີຍໃຫ້ຮູ້ວ່າ, ທ່ານ ຄາເຊມ ກາຣີບາບາດີ ຮອງລັດຖະມົນຕີກະຊວງການຕ່າງປະເທດອີຣານ ໄດ້ນຳພາຄະນະຜູ້ແທນທີ່ປະກອບດ້ວຍພາກສ່ວນຕ່າງໆ ເຊັ່ນ: ກະຊວງການຕ່າງປະເທດອີຣານ, ທະນາຄານກາງອີຣານ ແລະ ອື່ນໆ ເດີນທາງໄປຢ້ຽມຢາມກາຕາ ແລະ ພົບປະກັບທ່ານ ໂມຮຳເມັດ ບິນ ອັບດູນຣາມານ ນາຍົກລັດຖະມົນຕີ ທັງເປັນລັດຖະມົນຕີກະຊວງການຕ່າງ ປະເທດກາຕາ ຢູ່ນະຄອນຫຼວງໂດຮາຂອງກາຕາ ໃນວັນທີ 1 ກໍລະກົດ ຜ່ານມາ ເພື່ອປຶກສາຫາລືກ່ຽວກັບການຈັດຕັ້ງປະຕິບັດບົດບັນທຶກຄວາມເຂົ້າໃຈລະຫວ່າງອາເມຣິກາ-ອີຣານ ແລະ ຫົວຂໍ້ອື່ນໆ, ລວມທັງ “ການກຳຈັດອຸປະສັກທີ່ມີຢູ່” ໃນບັນຫາການປະຕິບັດການຢຸດຍິງຢູ່ລີບັງ.

ESA ຊີ້ໃຫ້ເຫັນວ່າຄື້ນຄວາມຮ້ອນກຳລັງຮຸນແຮງຂຶ້ນທຸກໆປີ

03/07/2026 11:34

ສຳນັກຂ່າວສານຊິນຮວາລາຍງານໃນວັນທີ 1 ກໍລະກົດ ຜ່ານມາວ່າ: ທ່ານ ຣູເນີ ໂຟລເບິຣກຮາເກນ ຫົວໜ້າຝ່າຍປະຕິບັດງານດ້ານສະພາບອາກາດ, ຄວາມຍືນຍົງ ແລະ ວິທະຍາສາດ ຂອງອົງການອາວະກາດເອີຣົບ (ESA) ໄດ້ໃຫ້ສຳພາດກັບສຳນັກຂ່າວຊິນຫົວ ທີ່ເມືອງດັບລິນ ປະເທດອຽກລັງ ວ່າ: ຄື້ນຄວາມຮ້ອນທີ່ຮຸນແຮງຂຶ້ນ ແລະ ກຳລັງເກີດຂຶ້ນຢ່າງຕໍ່ເນື່ອງທຸກໆປີ ບໍ່ສາມາດເປັນພຽງປະກົດການສະພາບອາກາດສະເພາະໃນທ້ອງຖິ່ນໄດ້ອີກຕໍ່ໄປ. ໂດຍນັກສ້າງແບບຈຳລອງ ແລະ ຜູ້ຊ່ຽວຊານດ້ານສະພາບອາກາດເຫັນດີວ່າໂລກກຳລັງປະເຊີນກັບອຸນຫະພູມສະເລ່ຍທີ່ສູງຂຶ້ນຢ່າງຕໍ່ເນື່ອງ.

ສາຍການບິນອາຊີ ມີຜູ້ໂດຍສານໜ້ອຍລົງໃນເສັ້ນທາງເອີຣົບ

03/07/2026 11:27

ຂ່າວຕ່າງປະເທດລາຍງານໃນວັນທີ 1 ກໍລະກົດ ຜ່ານມາວ່າ: ຂໍ້ມູນຈາກບໍລິສັດວິເຄາະຂໍ້ມູນການບິນ "Cirium" ລະບຸວ່າ: ກ່ອນເກີດຂໍ້ຂັດແຍ່ງ ສາຍການບິນ Emirates, Qatar Airways ແລະ Etihad Airways ໄດ້ຂົນສົ່ງຜູ້ໂດຍສານເກືອບໜຶ່ງສ່ວນສາມຈາກອາຊີໄປເອີຣົບ ລວມທັງຜູ້ໂດຍສານຫຼາຍກວ່າເຄິ່ງໜຶ່ງຈາກອົສຕຣາລີ ແລະ ນູແວນເຊລັງ.

ເພີ່ມເຕີມ