ໃນວັນທີ 15 ກຸມພາ ຜ່ານມາ, ທ່ານ ກິແກ້ວ ໄຂຄຳພິທູນຮອງນາຍົກລັດຖະມົນຕີຜູ້ຊີ້ນຳວຽກງານຂົງເຂດການປົກຄອງ ແລະ ວັດທະນະທຳ-ສັງຄົມ ພ້ອມດ້ວຍຄະນະຕິດຕາມຈາກຫ້ອງວ່າການສໍານັກງານນາຍົກລັດຖະມົນຕີ ໄດ້ເຄື່ອນໄຫວຢ້ຽມຢາມພື້ນຖານການຜະລິດ ຢູ່ເມືອງຊຳເໜືອແຂວງຫົວພັນ ໂດຍມີທ່ານ ພຸດພັນ ແກ້ວວົງໄຊຮອງເຈົ້າແຂວງຫົວພັນພ້ອມດ້ວຍຄະນະນຳຂອງແຂວງ, ພະແນກການ, ເມືອງຊຳເໜືອ ແລະ ຕາງໜ້າພາກສ່ວນກ່ຽວຂ້ອງ ໃຫ້ກຽດຕ້ອນຮັບ ແລະ ເຂົ້າຮ່ວມການເຄື່ອນໄຫວ.
ໃນໂອກາດດັ່ງກ່າວ, ຄະນະຂອງທ່ານຮອງນາຍົກລັດຖະມົນຕີ ໄດ້ໄປຢ້ຽມຢາມສູນສົ່ງເສີມເຕັກນິກກະສິກຳ ແລະ ປ່າໄມ້ ຮ່ວມມືລາວ-ຫວຽດນາມ ທີ່ບ້ານອົ້ງເມືອງຊຳເໜືອຊຶ່ງສູນດັ່ງກ່າວແມ່ນໄດ້ເລີ່ມກໍ່ສ້າງໃນປີ 2017 ສໍາເລັດໃນປີ 2018 ແລະ ເລີ່ມນໍາໃຊ້ໃນປີ 2019 ເປັນສູນທົດລອງແນວພັນ, ເຕັກນິກ, ວິທີການຜະລິດກະສິກຳ ທີ່ໃຫ້ສຳຫຼວດ, ສຶກສາ, ເຕົ້າໂຮມຄັດເລືອກ, ບໍລິການທາງດ້ານແນວພັນພືດ ແລະ ແນວພັນສັດ, ຊຸກຍູ້, ສົ່ງເສີມ, ຖ່າຍທອດເຕັກນິກ-ເຕັກໂນໂລຊີ ກ່ຽວກັບການປູກ-ການລ້ຽງ ແລະ ການປຸງແຕ່ງ; ເກັບກຳ, ສັງລວມ, ເຜີຍແຜ່ ແລະ ບໍລິການຂໍ້ມູນຂ່າວສານ ການທົດລອງຂອງຕົນ ໃຫ້ແກ່ປະຊາຊົນ ແລະ ກຸ່ມການຜະລິດ ຢູ່ແຂວງຫົວພັນ ປະກອບສ່ວນໃນການພັດທະນາກະສິກຳ ຂອງແຂວງ, ປະສານສົມທົບກັບບັນດາຂະແໜງການທີ່ກ່ຽວຂ້ອງ, ຫ້ອງການກະສິກຳ ແລະ ປ່າໄມ້ປະຈຳເມືອງ, ສະຖານີເຕັກນິກຂອງເມືອງ ແລະ ພາກສ່ວນເສດຖະກິດຕ່າງໆ ເພື່ອຜັນຂະຫຍາຍຜົນສໍາເລັດຂອງການທົດລອງ ອອກສູ່ສັງຄົມຢ່າງກວ້າງຂວາງ; ຈັດຝຶກອົບຮົມທັງຢູ່ພາຍໃນ ແລະ ພາຍນອກສູນ ກ່ຽວກັບທັກສະກະສິກຳແບບໃໝ່, ເຕັກໂນໂລຊີ ການປູກ-ການລ້ຽງ ແລະ ທັງເປັນບ່ອນສາທິດໃຫ້ວິຊາການຂັ້ນເມືອງ, ຊາວກະສິກອນ, ຜູ້ປະກອບການ, ນັກສຶກສາ ແລະ ສັງຄົມ. ທ່ານ ແອຊໍາຫົວໜ້າສູນດັ່ງກ່າວ ໄດ້ລາຍງານຫຍໍ້ກ່ຽວກັບການເຄື່ອນໄຫວຂອງສູນ ໂດຍມີ 6 ກິດຈະກໍາຫຼັກ ທີ່ໄດ້ຈັດຕັ້ງປະຕິບັດ ຄື: 1. ກິດຈະກໍາລ້ຽງເປັດ, ໄກ່; 2. ກິດຈະກໍາປູກໄມ້ໃຫ້ໝາກ ແລະ ສວນກ້າ; 3. ກິດຈະກໍາປູກພືດຜັກອິນຊີ; 4. ກິດຈະກໍາລ້ຽງປາໃນໜອງ;5. ກິດຈະກໍາລ້ຽງໝູ ແລະ 6. ກິດຈະກໍາລ້ຽງແບ້ ຊຶ່ງການຈັດຕັ້ງປະຕິບັດວຽກງານໄລຍະຜ່ານມາ ມີທັງຜົນສໍາເລັດທີ່ພົ້ນເດັ່ນ, ຂໍ້ສະດວກ, ຂໍ້ຫຍຸ້ງຍາກ ແລະ ຂໍ້ສະເໜີຈໍານວນໜຶ່ງ. ຫຼັງຈາກນັ້ນ ໄດ້ນໍາພາຄະນະຢ້ຽມຊົມສະຖານທີ່ຕົວຈິງ ຊຶ່ງໃນເວລາດຽວກັນ ທ່ານຮອງນາຍົກລັດຖະມົນຕີ ກໍໄດ້ມີທິດຊີ້ນໍາ ຄື: 1. ໃຫ້ທາງສູນສືບຕໍ່ການຮ່ວມມື ແລະ ຍາດແຍ່ງເອົາການຊ່ວຍເຫຼືອທາງດ້ານເຕັກນິກວິຊາການ ຈາກເພື່ອນມິດໃຫ້ຫຼາຍຂຶ້ນກວ່າເກົ່າ, ພ້ອມດຽວກັນ ກໍໃຫ້ໄປແລກປ່ຽນບົດຮຽນວຽກງານດັ່ງກ່າວ ກັບສູນອື່ນໆຢູ່ບັນດາແຂວງຕື່ມ; 2. ສໍາລັບແນວພັນໝູ, ແບ້ ກໍໃຫ້ນໍາເອົາແນວພັນຈາກແຂວງອື່ນໆ ມາປະສົມປະສານຕື່ມ ເພື່ອໃຫ້ມີຄວາມຫຼາກຫຼາຍ ໂດຍສະເພາະແນວພັນໝູໄຊຍະບູລີ, ສະຫວັນນະເຂດ ແລະ ອື່ນໆ; 3. ໃຫ້ພະແນກກະສິກໍາ ແລະ ປ່າໄມ້ແຂວງ ຊ່ວຍເຫຼືອສູນດັ່ງກ່າວໃນການເຂົ້າເຖິງແຫຼ່ງທຶນຕ່າງໆອີກ.
ຫຼັງຈາກນັ້ນ, ຄະນະ ໄດ້ໄປຢ້ຽມຢາມໂຄງການກໍ່ສ້າງໂຮງໝໍມິດຕະພາບລາວ-ຫວຽດນາມ ທີ່ບ້ານມີສຸກ ເມືອງຊຳເໜືອແຂວງຫົວພັນ ຊຶ່ງໂຄງການດັ່ງກ່າວໄດ້ຮັບທຶນຊ່ວຍເຫຼືອຈາກລັດຖະບານ ແລະ ແຂວງແທັງຮວ່າ ສສ ຫວຽດນາມ ມູນຄ່າທັງໝົດ 518,46 ຕື້ດົງ, ໃນນີ້ ທຶນສົມທົບ ຂອງລັດຖະບານລາວ ມີ 1,77 ຕື້ກີບ, ໂຄງການໄດ້ເລີ່ມລົງມືກໍ່ສ້າງໃນວັນທີ 26 ມິຖຸນາ 2018, ມາຮອດປັດຈຸບັນ ໄດ້ກໍ່ສ້າງສຳເລັດແລ້ວ 75%, ຕຶກອາຄານ ປະກອບມີ 9 ຊັ້ນ. ຕໍ່ບັນຫາດັ່ງກ່າວ ທ່ານຮອງນາຍົກລັດຖະມົນຕີ ໄດ້ມີທິດຊີ້ນໍາໃຫ້ແຂວງ ກໍຄືພາກສ່ວນຮັບຜິດຊອບຂອງແຂວງເອົາໃຈໃສ່ຊຸກຍູ້, ສືບຕໍ່ຈັດຕັ້ງປະຕິບັດໂຄງການ ຕາມຄໍາເຫັນຊີ້ນໍາຂອງຂັ້ນເທິງໄລຍະຜ່ານມາ ໃຫ້ສໍາເລັດຕາມຄາດໝາຍທີ່ວາງໄວ້ ແລະ ສາມາດເປີດນໍາໃຊ້ໂດຍໄວ.
(ຂ່າວ-ພາບ: ກົມປະຊາສຳພັນ ຫສນຍ)
ໃນໂອກາດດັ່ງກ່າວ, ຄະນະຂອງທ່ານຮອງນາຍົກລັດຖະມົນຕີ ໄດ້ໄປຢ້ຽມຢາມສູນສົ່ງເສີມເຕັກນິກກະສິກຳ ແລະ ປ່າໄມ້ ຮ່ວມມືລາວ-ຫວຽດນາມ ທີ່ບ້ານອົ້ງເມືອງຊຳເໜືອຊຶ່ງສູນດັ່ງກ່າວແມ່ນໄດ້ເລີ່ມກໍ່ສ້າງໃນປີ 2017 ສໍາເລັດໃນປີ 2018 ແລະ ເລີ່ມນໍາໃຊ້ໃນປີ 2019 ເປັນສູນທົດລອງແນວພັນ, ເຕັກນິກ, ວິທີການຜະລິດກະສິກຳ ທີ່ໃຫ້ສຳຫຼວດ, ສຶກສາ, ເຕົ້າໂຮມຄັດເລືອກ, ບໍລິການທາງດ້ານແນວພັນພືດ ແລະ ແນວພັນສັດ, ຊຸກຍູ້, ສົ່ງເສີມ, ຖ່າຍທອດເຕັກນິກ-ເຕັກໂນໂລຊີ ກ່ຽວກັບການປູກ-ການລ້ຽງ ແລະ ການປຸງແຕ່ງ; ເກັບກຳ, ສັງລວມ, ເຜີຍແຜ່ ແລະ ບໍລິການຂໍ້ມູນຂ່າວສານ ການທົດລອງຂອງຕົນ ໃຫ້ແກ່ປະຊາຊົນ ແລະ ກຸ່ມການຜະລິດ ຢູ່ແຂວງຫົວພັນ ປະກອບສ່ວນໃນການພັດທະນາກະສິກຳ ຂອງແຂວງ, ປະສານສົມທົບກັບບັນດາຂະແໜງການທີ່ກ່ຽວຂ້ອງ, ຫ້ອງການກະສິກຳ ແລະ ປ່າໄມ້ປະຈຳເມືອງ, ສະຖານີເຕັກນິກຂອງເມືອງ ແລະ ພາກສ່ວນເສດຖະກິດຕ່າງໆ ເພື່ອຜັນຂະຫຍາຍຜົນສໍາເລັດຂອງການທົດລອງ ອອກສູ່ສັງຄົມຢ່າງກວ້າງຂວາງ; ຈັດຝຶກອົບຮົມທັງຢູ່ພາຍໃນ ແລະ ພາຍນອກສູນ ກ່ຽວກັບທັກສະກະສິກຳແບບໃໝ່, ເຕັກໂນໂລຊີ ການປູກ-ການລ້ຽງ ແລະ ທັງເປັນບ່ອນສາທິດໃຫ້ວິຊາການຂັ້ນເມືອງ, ຊາວກະສິກອນ, ຜູ້ປະກອບການ, ນັກສຶກສາ ແລະ ສັງຄົມ. ທ່ານ ແອຊໍາຫົວໜ້າສູນດັ່ງກ່າວ ໄດ້ລາຍງານຫຍໍ້ກ່ຽວກັບການເຄື່ອນໄຫວຂອງສູນ ໂດຍມີ 6 ກິດຈະກໍາຫຼັກ ທີ່ໄດ້ຈັດຕັ້ງປະຕິບັດ ຄື: 1. ກິດຈະກໍາລ້ຽງເປັດ, ໄກ່; 2. ກິດຈະກໍາປູກໄມ້ໃຫ້ໝາກ ແລະ ສວນກ້າ; 3. ກິດຈະກໍາປູກພືດຜັກອິນຊີ; 4. ກິດຈະກໍາລ້ຽງປາໃນໜອງ;5. ກິດຈະກໍາລ້ຽງໝູ ແລະ 6. ກິດຈະກໍາລ້ຽງແບ້ ຊຶ່ງການຈັດຕັ້ງປະຕິບັດວຽກງານໄລຍະຜ່ານມາ ມີທັງຜົນສໍາເລັດທີ່ພົ້ນເດັ່ນ, ຂໍ້ສະດວກ, ຂໍ້ຫຍຸ້ງຍາກ ແລະ ຂໍ້ສະເໜີຈໍານວນໜຶ່ງ. ຫຼັງຈາກນັ້ນ ໄດ້ນໍາພາຄະນະຢ້ຽມຊົມສະຖານທີ່ຕົວຈິງ ຊຶ່ງໃນເວລາດຽວກັນ ທ່ານຮອງນາຍົກລັດຖະມົນຕີ ກໍໄດ້ມີທິດຊີ້ນໍາ ຄື: 1. ໃຫ້ທາງສູນສືບຕໍ່ການຮ່ວມມື ແລະ ຍາດແຍ່ງເອົາການຊ່ວຍເຫຼືອທາງດ້ານເຕັກນິກວິຊາການ ຈາກເພື່ອນມິດໃຫ້ຫຼາຍຂຶ້ນກວ່າເກົ່າ, ພ້ອມດຽວກັນ ກໍໃຫ້ໄປແລກປ່ຽນບົດຮຽນວຽກງານດັ່ງກ່າວ ກັບສູນອື່ນໆຢູ່ບັນດາແຂວງຕື່ມ; 2. ສໍາລັບແນວພັນໝູ, ແບ້ ກໍໃຫ້ນໍາເອົາແນວພັນຈາກແຂວງອື່ນໆ ມາປະສົມປະສານຕື່ມ ເພື່ອໃຫ້ມີຄວາມຫຼາກຫຼາຍ ໂດຍສະເພາະແນວພັນໝູໄຊຍະບູລີ, ສະຫວັນນະເຂດ ແລະ ອື່ນໆ; 3. ໃຫ້ພະແນກກະສິກໍາ ແລະ ປ່າໄມ້ແຂວງ ຊ່ວຍເຫຼືອສູນດັ່ງກ່າວໃນການເຂົ້າເຖິງແຫຼ່ງທຶນຕ່າງໆອີກ.
ຫຼັງຈາກນັ້ນ, ຄະນະ ໄດ້ໄປຢ້ຽມຢາມໂຄງການກໍ່ສ້າງໂຮງໝໍມິດຕະພາບລາວ-ຫວຽດນາມ ທີ່ບ້ານມີສຸກ ເມືອງຊຳເໜືອແຂວງຫົວພັນ ຊຶ່ງໂຄງການດັ່ງກ່າວໄດ້ຮັບທຶນຊ່ວຍເຫຼືອຈາກລັດຖະບານ ແລະ ແຂວງແທັງຮວ່າ ສສ ຫວຽດນາມ ມູນຄ່າທັງໝົດ 518,46 ຕື້ດົງ, ໃນນີ້ ທຶນສົມທົບ ຂອງລັດຖະບານລາວ ມີ 1,77 ຕື້ກີບ, ໂຄງການໄດ້ເລີ່ມລົງມືກໍ່ສ້າງໃນວັນທີ 26 ມິຖຸນາ 2018, ມາຮອດປັດຈຸບັນ ໄດ້ກໍ່ສ້າງສຳເລັດແລ້ວ 75%, ຕຶກອາຄານ ປະກອບມີ 9 ຊັ້ນ. ຕໍ່ບັນຫາດັ່ງກ່າວ ທ່ານຮອງນາຍົກລັດຖະມົນຕີ ໄດ້ມີທິດຊີ້ນໍາໃຫ້ແຂວງ ກໍຄືພາກສ່ວນຮັບຜິດຊອບຂອງແຂວງເອົາໃຈໃສ່ຊຸກຍູ້, ສືບຕໍ່ຈັດຕັ້ງປະຕິບັດໂຄງການ ຕາມຄໍາເຫັນຊີ້ນໍາຂອງຂັ້ນເທິງໄລຍະຜ່ານມາ ໃຫ້ສໍາເລັດຕາມຄາດໝາຍທີ່ວາງໄວ້ ແລະ ສາມາດເປີດນໍາໃຊ້ໂດຍໄວ.
(ຂ່າວ-ພາບ: ກົມປະຊາສຳພັນ ຫສນຍ)
ຄໍາເຫັນ