ຮອງນາຍົກລັດຖະມົນຕີໂອ້ລົມພະນັກງານຫຼັກແຫຼ່ງເມືອງຄູນ ແລະ ເມືອງຜາໄຊ

 ການສົ່ງເສີມການຜະລິດສະບຽງອາຫານ, ການລ້ຽງສັດ ແລະ ການປູກພືດເພື່ອກາຍເປັນສິນຄ້າ ໂດຍສຸມໃສ່ການຍົກສູງສະມັດຕະພາບຂອງການຜະລິດ, ຊຶ່ງຜົນຜະລິດເຂົ້າໄດ້ທັງໝົົດ 11,505.15 ໂຕນ, ສະເລ່ຍ 287 ກິໂລ/ຄົນ/ປີ; ມີກຸ່ມສະຫະກອນ 5 ກຸ່ມ ແລະ ກຸ່ມການຜະລິດ 20 ກຸ່ມ, ຫຼາຍຄອບຄົວກາຍເປັນຕົວແບບທາງດ້ານການຜະລິດກະສິກໍາ, ເດັ່ນກວ່າໝູ່ແມ່ນກຸ່ມປູກພືດຜັກ ຊຶ່ງສາມາດສົ່ງພືດຜັກອອກຕ່າງເມືອງ ແລະ ຕ່າງແຂວງສະເລ່ຍປະມານ 42 ໂຕນ/ວັນ ແລະ ວຽກງານອື່ນໆກໍມີຜົນສໍາເລັດ.

ໂອກາດນີ້, ທ່ານຮອງນາຍົກລັດຖະມົນຕີ ໄດ້ເນັ້ນໃຫ້ພະນັກງານຫຼັກແຫຼ່ງເມືອງຄູນສືບຕໍ່ເອົາໃຈໃສ່ຊີ້ນໍາ-ນໍາພາ ຈັດຕັ້ງປະຕິບັດວຽກງານປ້ອງກັນຊາດ, ປ້ອງກັນຄວາມສະຫງົບ, ຮັກສາສະຖຽນລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມຢູ່ພາຍໃນເມືອງໃຫ້ມີຄວາມສະຫງົບຕໍ່ເນື່ອງ, ເພີ່ມທະວີການແກ້ໄຂປະກົດການຫຍໍ້ທໍ້ຕ່າງໆ ໃນສັງຄົມໃຫ້ຫຼຸດໜ້ອຍຖອຍລົງ, ເອົາໃຈໃສ່ວຽກງານປັບປຸງກໍ່ສ້າງພັກ ໃຫ້ປອດໃສ, ເຂັ້ມແຂງ, ໜັກແໜ້ນ; ວຽກງານສ້າງ ພະນັກງານ ນໍາພາ-ຄຸ້ມຄອງ, ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງເມືອງ ກໍຄືຂອງແຂວງ ໃຫ້ປະສົບຜົນສຳເລັດຕາມແຜນທີ່ກຳນົດໄວ້, ເອົາໃຈໃສ່ໃນວຽກງານການແຂ່ງຂັນຮັກຊາດ ແລະ ພັດທະນາ ແລະ ວຽກງານການແກ້ ໄຂຄວາມທຸກຍາກຂອງເມືອງ ກໍຄືຂອງແຂວງ, ເອົາໃຈໃສ່ຊຸກຍູ້ສົ່ງເສີມວຽກງານການທ່ອງທ່ຽວຢ່າງແຂງແຮງ ໂດຍສົມທົບແໜ້ນກັບຜູ້ປະກອບການກໍຄືທຸກພາກສ່ວນໃນສັງຄົມ ຈັດຕັ້ງປະຕິບັດບັນດາໜ້າ ວຽກຕ່າງໆໃຫ້ມີປະສິດທິຜົນ ແລະ ໄດ້ຮັບຜົນດີ ຕິດພັນກັບການຊຸກຍູ້ ແລະ ສົ່ງເສີມການ ທ່ອງທ່ຽວ ຂອງເມືອງໃຫ້ມີຂະບວນການຟົດຟື້ນ, ມີສີສັນ ແລະ ສາມາດດຶງດູດນັກທ່ອງທ່ຽວໃຫ້ເຂົ້າມາທ່ຽວ, ເອົາໃຈໃສ່ໃນການຜັນຂະຫຍາຍ ແລະ ຈັດຕັ້ງປະຕິບັດຜົນການຮ່ວມມືກັບຕ່າງປະເທດ ໂດຍສະເພາະກັບບັນດາປະເທດເພື່ອນມິດຍຸດທະສາດ ແລະ ຄູ່ຮ່ວມພັດທະນາ. ໂອກາດທີ່ລົງຢ້ຽມຢາມ ແລະ ໂອ້ລົມພະນັກງານຫຼັກແຫຼ່ງຂອງເມືອງ, ຄະນະການນຳຂັ້ນສູງຍັງໄດ້ ລົງຢ້ຽມຢາມການປູກຜັກຂອງປະຊາຊົນຊາວເມືອງຄູນ ແລະ ໂອ້ລົມພະນັກງານຫຼັກແຫຼ່ງຂອງເມືອງຜາໄຊນຳອີກ.

(ຂ່າວ: ບຸນມີແສງທຸມມີ)