ໃຫ້ກຽດເຂົ້າຮ່ວມເປັນປະທານໂດຍ ສະຫາຍ ອູ່ຄຳ ຕຸລາພັນ ກຳມະການພັກແຂວງສະມາຊີກສະພາແຫ່ງຊາດປະຈຳແຂວງຜົ້ງສາລີຫົວໜ້າຫ້ອງວ່າການແຂວງ.
ສະຫາຍ ອູ່ຄຳ ຕຸລາພັນ ໄດ້ເຜີຍແຜ່ເອກະສານຂອງສູນກາງ ເປັນຕົ້ນ: ມະຕິຂອງຄະນະບໍລິຫານງານສູນກາງພັກ ສະບັບເລກທີ 02/ຄບສພ ລົງວັນທີ 7 ມີນາ 2025 ກ່ຽວກັບມະຕິກອງປະຊຸມຄົບຄະນະສະໄໝວິສາມັນ ຂອງຄະນະບໍລິຫານງານສູນກາງພັກ ສະໄໝທີ XI, ມະຕິຂອງຄະນະບໍລິຫານງານສູນກາງພັກ ສະບັບເລກທີ 03/ຄບສພ ລົງວັນທີ 12 ມີນາ 2025 ວ່າດ້ວຍການປັບປຸງກົວຈັກການຈັດຕັ້ງ ແລະ ເອກະສານສຶກສາອົບຮົມການເມືອງ-ແນວຄິດສໍາລັບພະນັກງານ, ສະມາຊິກພັກ, ເພື່ອດໍາເນີນຊີວິດການເມືອງໃນທົ່ວພັກ.
ຈຸດປະສົງຕົ້ນຕໍຂອງການເຜີຍແຜ່ເອກະສານຄັ້ງນີ້, ກໍເພື່ອໃຫ້ສະມາຊິກພັກ, ພະນັກງານຫຼັກແຫຼ່ງພາຍໃນຫ້ອງວ່າການແຂວງ ຮັບຮູ້-ເຂົ້າໃຈເຖິງຄວາມໝາຍ, ຄວາມສຳຄັນ ແນ່ໃສ່ສ້າງຄວາມຕື່ນຕົວ, ການຍົກສູງບົດບາດການນຳພາຂອງພັກ, ເປັນເຈົ້າການອຸທິດສະຕິປັນຍາ, ເຫື່ອແຮງເຂົ້າໃນພາລະກິດປະຕິວັດ, ສ້າງຄຸນທາດການເມືອງ, ຄຸນສົມບັດສິນທຳປະຕິວັດ, ເຮັດໃຫ້ປະຊາຊົນມີຄວາມເຊື່ອໝັ້ນ, ເຮັດໃຫ້ປະເທດຊາດມີຄວາມເຂັ້ມແຂງ ປະຊາຊົນຮັ່ງມີພາສຸກ ແລະ ເປັນເຈົ້າການໃນການເຂົ້າຮ່ວມເພື່ອກະກຽມການດຳເນີນກອງປະຊຸມໃຫ່ຍ 3 ຂັ້ນໃຫ້ດຳເນີນໄປດ້ວຍດີ ແລະ ມີຜົນສຳເລັດອັນຈົບງາມ, ທັງເປັນການ ສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານໄດ້ຮັບຮູ້ເຂົ້າໃຈ ແລະ ຮໍ່າຮຽນເອົາແບບແຜນວິທີເຮັດວຽກ ແລະ ຄຸນສົມບັດອັນສູງສົງຂອງ ປະທານ ໄກສອນ ພົມວິຫານ ເພື່ອພ້ອມກັນຕັ້ງໜ້າຄົ້ນຄວ້າສຶກສາຮໍ່າຮຽນເອົາເປັນແບບຢ່າງເພື່ອຝືກຝົນຫຼໍ່ຫຼອມຕົນເອງໃຫ້ກາຍເປັນພະນັກງານສະມາຊິກພັກຜູ້ທີດີເດັ່ນ, ມີຄຸນທາດການເມືອງຄຸນສົມບັດທີໜັກແໜ້ນ.
(ພາບ-ຂ່າວ: ແສງຄຳ ສາລີວັນ)
ຄໍາເຫັນ