ຫ້ອງວ່າການສູນກາງພັກລາວ-ຫວຽດນາມພົບປະສອງຝ່າຍ

ຝ່າຍລາວນໍາໂດຍ ສະຫາຍ ທອງສະລິດ ມັງໝໍ່ເມກ ຄະນະເລຂາທິການສູນກາງພັກ ເລຂາຄະນະພັກ ຫົວໜ້າຫ້ອງວ່າການສູນກາງພັກປະຊາຊົນປະຕິວັດລາວ ພ້ອມດ້ວຍຄະນະ ແລະ ຝ່າຍຫວຽດນາມ ນຳໂດຍສະຫາຍ ຫງວຽນ ຢິວ ຫງັອກ ເລຂາທິການສູນກາງພັກ ຫົວໜ້າຫ້ອງວ່າການສູນກາງພັກ ກອມມູນິດຫວຽດນາມ ພ້ອມດ້ວຍຄະນະ ຊຶ່ງທັງສອງຝ່າຍໄດ້ພ້ອມກັນທົບທວນຄືນຂໍ້ຕົກລົງຮ່ວມມື ໃນໄລຍະ 2021-2025, ແຈ້ງສະພາບລວມວຽກງານຂອງຕົນ, ພ້ອມທັງຕີລາຄາການຈັດຕັ້ງປະຕິບັດຂໍ້ຕົກລົງຮ່ວມມືລະຫວ່າງສອງຫ້ອງວ່າການສູນກາງພັກ ໃນໄລຍະ 1 ປີຜ່ານມາ ແລະ ວາງທິດທາງຮ່ວມມືໃນຕໍ່ໜ້າ, ປຶກສາຫາລືການສືບຕໍ່ຮຽບຮຽງປຶ້້ມມູນເຊື້ອການພົວພັນຮ່ວມມື ລະຫວ່າງສອງຫ້ອງວ່າການສູນກາງພັກ ລາວ-ຫວຽດນາມ ແລະ ໄດ້ຮ່ວມກັນແລກປ່ຽນ ແລະ ຖອດຖອນບົດຮຽນ ກ່ຽວກັບວຽກງານການເປັນເສນາທິການ ໃຫ້ແກ່ຄະນະບໍລິຫານງານສູນກາງພັກ, ກົມການເມືອງສູນກາງພັກ ແລະ ຄະນະເລຂາທິການສູນກາງພັກ. ພາຍຫຼັງສໍາເລັດການພົບປະສອງຝ່າຍ ໄດ້ພ້ອມກັນເຂົ້າຮ່ວມພິທີມອບ-ຮັບ ປຶ້ມກິດຈະກໍາຂໍ່ານັບຮັບຕ້ອນປີສາມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວ 2022 ຂອງສອງຫ້ອງວ່າການສູນກາງພັກ ແລະ ພິທີມອບຫຼຽນໄຊ, ຫຼຽນກາ ແລະ ໃບຍ້ອງຍໍ ໃຫ້ບັນດາກົມກອງ, ພະນັກງານຫ້ອງວ່າການສູນກາງພັກປະຊາຊົນປະຕິວັດລາວ ຜູ້ທີ່ມີຜົນງານ, ຄຸນງາມຄວາມດີ ໃນການເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ, ໂດຍສະເພາະແມ່ນສອງຫ້ອງວ່າການສູນກາງພັກປະຊາຊົນປະຕິວັດລາວ ແລະ ຫ້ອງວ່າການສູນກາງພັກກອມມູນິດຫວຽດ ນາມ ໃນໄລຍະຜ່ານມາ ດັ່ງນີ້:

I. ຍ້ອງຍໍກົມກອງລວມໝູ່: ໄດ້ຮັບຫຼຽນໄຊມິດຕະພາບ ມີ 4 ກົມ ຄື:

1. ກົມບໍລິຫານ.

2. ກົມຄົ້ນຄວ້າ-ສັງລວມ.

3. ກົມເລຂານຸການ-ການນໍາ.

4. ກົມຂໍ້ມູນຂ່າວສານ ແລະ ສໍາເນົາເອກະສານຂອງພັກ.

II. ຍ້ອງຍໍບຸກຄົນ: ໄດ້ຮັບຫຼຽນໄຊ, ຫຼຽນກາ ແລະ ໃບຍ້ອງຍໍ ລວມທັງໝົດ 21 ທ່ານ ຄື:

1. ຫຼຽນໄຊເອກະລາດຊັ້ນ III 3 ທ່ານ.

2. ຫຼຽນໄຊມິດຕະພາບ 3 ທ່ານ.

3. ຫຼຽນກາມິດຕະພາບ 8 ທ່ານ.