ຮອງປະທານ ສນຊ ສໍາເລັດການເຄື່ອນໄຫວຊຸກຍູ້ວຽກງານແນວໂຮມ ຢູ່ 4 ແຂວງພາກເໜືອ

09:55 19/03/2024

ໃນລະຫວ່າງວັນທີ 9-15 ມີນາ 2024, ທ່ານ ຄໍາໄຫຼ ສີປະເສີດ ກໍາມະການສູນກາງພັກ ຮອງປະທານຜູ້ປະຈໍາການສູນກາງແນວລາວສ້າງຊາດ (ສນຊ) ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ວຽກງານແນວລາວສ້າງຊາດຢູ່ 4 ແຂວງພາກເໜືອຄື: ແຂວງບໍ່ແກ້ວ; ແຂວງຫຼວງນໍ້າທາ; ແຂວງຜົ້ງສາລີ ແລະ ແຂວງອຸດົມໄຊ, ເນື່ອງໃນໂອກາດທີ່ທ່ານເຄື່ອນໄຫວຊຸກຍູ້ວຽກງານແນວໂຮມ ຢູ່ 4 ແຂວງດັ່ງກ່າວ ໄດ້ເຂົ້າພົບປະຢ້ຽມຢາມ ທ່ານ ບົວຄົງ ນາມມະວົງ ກໍາມະການສູນກາງພັກ ເລຂາພັກແຂວງ ເຈົ້າແຂວງບໍ່ແກ້ວ, ທ່ານ ວຽງສະຫວັດ ສີພັນດອນ ກໍາມະການສູນກາງພັກ ເລຂາພັກແຂວງ ເຈົ້າແຂວງຫຼວງນໍ້າທາ, ໄດ້ພົບປະໂອ້ລົມແນວລາວສ້າງຊາດ ແຂວງບໍ່ແກ້ວ, ແຂວງຫຼວງນໍ້າທາ, ແຂວງຜົ້ງສາລີ ແລະ ແຂວງອຸດົມໄຊ ໂດຍມີຜູ້ຕາງໜ້າຈາກຄະນະຈັດຕັ້ງແຂວງ, ພະແນກພາຍໃນ ແລະ ອົງການຈັດຕັ້ງມະຫາຊົນເຂົ້າຮ່ວມ.

ຈຸດປະສົງຂອງການເຄື່ອນໄຫວ ຊຸກຍູ້ວຽກງານແນວໂຮມ ຢູ່ 4 ແຂວງພາກເໜືອຄັ້ງນີ້, ເພື່ອເປັນການແນະນໍາຜັນຂະຫຍາຍແຈ້ງການ ຂອງຄະນະປະຈໍາ ສູນກາງແນວລາວສ້າງຊາດ ເລກທີ 17/ຄປຈ, ລົງວັນທີ 14/2/2024 ວ່າດ້ວຍການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງແນວລາວສ້າງຊາດ ສູ່ລວງເລິກ ແລະ ເປັນການຍົກສູງບົດບາດ ແລະ ເພີ່ມທະວີຄວາມສາມາດໃນການນໍາພາ ຂອງແນວລາວສ້າງຊາດ ແຕ່ລະຂັ້ນໃຫ້ມີຄວາມເຂັ້ມແຂງ, ແນໃສ່ໃຫ້ຄະນະປະຈໍາພັກແຂວງ, ຄົ້ນຄວ້າປະກອບບຸກຄະລາກອນຜູ້ທີ່ຈະມາເປັນການນໍາຂອງແນວລາວສ້າງຊາດແຕ່ລະຂັ້ນ ຖືກຕ້ອງຕາມມາດຖານ ແລະ ເງື່ອນໄຂ ເປັນຕົ້ນແມ່ນການຍູ້ແຮງວຽກງານຮອບດ້ານເພື່ອກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງອົງການແນວລາວສ້າງຊາດ ໃຫ້ບັນລຸຕາມຈຸດປະສົງຄາດໝາຍທີ່ວາງໄວ້. ໄດ້ຮັບຟັງລາຍງານສະພາບລວມ ແລະ ຈຸດພິເສດການພັດທະນາຂອງ 4 ແຂວງໂດຍຫຍໍ້ ຊຶ່ງ ແຂວງຜົ້ງສາລີ, ແຂວງບໍ່ແກ້ວ, ແຂວງຫຼວງນໍ້າທາ ແລະ ແຂວງອຸດົມໄຊ ໄດ້ຖືສໍາຄັນວຽກງານແນວໂຮມ ເພື່ອສຶກສາອົບຮົມການເມືອງ-ແນວຄິດ, ໃຫ້ແກ່ປະຊາຊົນລາວບັນດາເຜົ່າໃນທົ່ວແຂວງ, ປຸກລະດົມຊຸກຍູ້ຂົນຂວາຍປະຊາຊົນລາວບັນດາເຜົ່າເສີມຂະຫຍາຍມູນເຊື້ອຄວາມສາມັກຄີປອງດອງ ຕິດພັນກັບການແກ້ໄຂຄວາມທຸກຍາກຂອງປະຊາຊົນ ເຮັດໃຫ້ແຂວງນັບມື້ມີບາດກ້າວໃໝ່ເລື້ອຍໆ.

ທ່ານຮອງປະທານ ຜູ້ປະຈໍາ ສນຊ ໄດ້ເນັ້ນຕື່ມວ່າ: ແນວລາວສ້າງຊາດແຕ່ລະຂັ້ນສືບຕໍ່ຮ່ວມມືກັບອົງການພາຄີ ຊາວໜຸ່ມ, ແມ່ຍິງ, ກຳມະບານ ແລະ ນັກຮົບເກົ່າ ພ້ອມກັນຊຸກຍູ້, ປຸກລະດົມຂົນຂວາຍປະປະຊາຊົນບັນດາເຜົ່າໃຫ້ມີສະຕິຊາດ ເຂົ້າຮ່ວມວຽກງານປ້ອງກັນຊາດ ປ້ອງກັນຄວາມສະຫງົບ, ສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ XI ຂອງແນວລາວສ້າງຊາດ ເປັນຕົ້ນແມ່ນມະຕິກອງປະຊຸມສາມັນຄົບຄະນະກໍາມະການສູນກາງແນວລາວສ້າງຊາດ ຄັ້ງທີ 3 ສະໄໝ ທີ XI, ແຈ້ງການ ເລກທີ 17/ຄປຈ, ລົງວັນທີ 14 ກຸມພາ 2024 ກ່ຽວກັບການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ລົງສູ່ຮາກຖານໃຫ້ກວ້າງຂວາງ ແລະ ເລິກເຊິ່ງ, ເສີມຂະຫຍາຍມູນເຊື້ອຮີດຄອງປະເພນີອັນດີງາມ ຂອງບັນດາເຜົ່າ ແລະ ໂຄສະນາປຸກລະດົມຂົນຂວາຍທຸກພາກສ່ວນບັນດາອົງຈັດຕັ້ງ, ບຸກຄົນ, ນິຕິບຸກຄົນ, ປະຊາຊົນລາວບັນດາເຜົ່າ ສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ 3 ຂັ້ນຂອງພັກ, ຂອງແນວລາວສ້າງຊາດ ຕິດພັນກັບການສະເຫຼີມສະຫຼອງ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ ແລະ ວັນສໍາຄັນຕ່າງໆຂອງພັກ ຂອງຊາດ ໃຫ້ເປັນຂະບວນການຟົດຟື້ນ.

(ຂ່າວ-ພາບ: ລີ)

ຄໍາເຫັນ

ຂ່າວວັດທະນະທຳ-ສັງຄົມ

ຄະນະປະທານບໍລິຫານຈັດການ ບໍລິສັດ ພູເບ້ຍ ມາຍນິງ ຕ້ອນຮັບທ່ານຮອງປະທານປະເທດຢ້ຽມຢາມ ແລະ ຊຸກຍູ້ວຽກງານຢູ່ໂຄງການຂອງບໍລິສັດ ພູເບ້ຍ ມາຍນິງ

01/09/2026 09:45

ບໍລິສັດ ພູເບ້ຍ ມາຍນິງ ໄດ້ຮັບ ກຽດຕ້ອນຮັບການຢ້ຽມຢາມຂອງ ການນໍາຂັ້ນສູງ ຊຶ່ງນຳພາໂດຍ ທ່ານ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ຮອງປະທານປະເທດ ແຫ່ງ ສປປ ລາວ ພ້ອມ ດ້ວຍຄະນະລົງເຄື່ອນ ໄຫວຢ້ຽມຢາມ ແລະ ຊີ້ນຳວຽກ ງານຢູ່ 2 ໂຄງການຂອງບໍລິສັດ ພູ ເບ້ຍ ມາຍນິງ ໃນວັນທີ 17 ແລະ 20 ສິງຫາ 2026.

ປະກາດກົງຈັກການຈັດຕັ້ງ ແລະ ປະກາດອອກ-ຮັບອຸດໜູນບໍານານຂອງພະນັກງານ ພາຍໃນ ຫສປທ

31/08/2026 20:55

ເມື່ອບໍ່ດົນມານີ້ ທີ່ຫ້ອງວ່າການສໍານັກງານປະທານປະເທດ (ຫສປທ) ໄດ້ຈັດພິທີປະກາດກົງຈັກການຈັດຕັ້ງ ແລະ ພິທີປະກາດອອກ-ຮັບອຸດໜູນບໍານານຂອງພະນັກງານ ຫສປທ, ໂດຍການເປັນປະທານຂອງ ທ່ານ ນາງ ຟອງສະໝຸດ ອັ່ນລາວັນ ເລຂາຄະນະບໍລິຫານງານພັກ ຫົວໜ້າຫ້ອງວ່າການສໍານັກງານປະທານປະເທດມີບັນດາຄະນະພັກ-ຄະນະນໍາ, ແຂກຖືກເຊີນ ພ້ອມດ້ວຍພະນັກງານ-ລັດຖະ ກອນ ຫສປທ ເຂົ້າຮ່ວມຢ່າງພ້ອມພຽງ.

ຝຶກອົບຮົມ “ວຽກງານການນໍາພາ - ຊີ້ນໍາຕາມທິດຊີ້ນໍາຂອງພັກ-ລັດ” ໃຫ້ພະນັກງານນໍາພາ-ຄຸ້ມຄອງທະນາຄານການຄ້າຕ່າງປະເທດລາວມະຫາຊົນຢູ່ 2 ແຂວງພາກເໜືອ

31/08/2026 20:53

ຄະນະໂຄສະນາອົບຮົມສູນກາງພັກ (ກົມອົບຮົມ) ຮ່ວມກັບ ທະນາຄານການຄ້າຕ່າງປະເທດລາວ ມະ ຫາຊົນ (ສໍານັກງານໃຫຍ່) ໄດ້ລົງຈັດຕັ້ງຝຶກອົບຮົມໃຫ້ພະນັກງານນໍາພາ-ຄຸ້ມຄອງຫຼັກແຫຼ່ງຂອງທະນາຄານການ ຄ້າຕ່າງປະເທດລາວມະຫາຊົນ ຢູ່ແຂວງຊຽງຂວາງ ໃນຫົວຂໍ້: “ວຽກງານການນໍາພາ-ຊີ້ນໍາຕາມທິດຊີ້ນໍາຂອງພັກ-ລັດ” ຊຶ່ງມີພະນັກງານ ຂອງທະນາຄານການຄ້າຕ່າງປະເທດລາວ ມະຫາຊົນ 2 ແຂວງພາກເໜືອເຂົ້າຮ່ວມ (ແຂວງຊຽງຂວາງ ແລະ ແຂວງຫົວພັນ).

ປະກາດຕາແສງປະໂສມ ເປັນຕາແສງສຸດທ້າຍ ຂອງເມືອງຕະໂອ້ຍ

28/08/2026 16:07

ເມືອງຕະໂອ້ຍແຂວງສາລະວັນໄດ້ຈັດພິທີປະກາດຕາແສງປະໂສມ ເປັນຕາແສງສຸດທ້າຍ ໃນຈຳນວນ 5 ຕາແສງຂອງເມືອງຕະໂອ້ຍໃນວັນທີ 27 ສິງຫາຜ່ານມາ, ໂດຍ ມີທ່ານ ທອງດີ ຈັນທະວົງ ຄະນະປະຈຳພັກແຂວງ ປະທານແນວລາວສ້າງຊາດແຂວງ, ທ່ານ ຄຳສະໄຫວ ວິລະກອນກຳມະການພັກແຂວງເລຂາຄະນະບໍລິຫານງານພັກເມືອງ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທຄຕລ ສາຂາເຊກອງ-ນ້ຳປະປາ ສືບຕໍ່ຊຳລະຄ່ານ້ຳປະປາ ຜ່ານລະບົບທະນາຄານ

28/08/2026 16:04

ການສືບຕໍ່ສັນຍາບໍລິການຊຳລະຄ່ານ້ຳປະປາ ຜ່ານລະບົບ Bill payment ຂອງທະນາຄານ ລະຫວ່າງ ທະນາຄານການຄ້າຕ່າງປະເທດລາວ ມະຫາຊົນ ສາຂາເຊກອງ ກັບ ລັດວິສາຫະກິດນ້ຳປະປາ ແຂວງ ເພື່ອອຳນວຍຄວາມສະດວກ, ຮັບປະກັນຄວາມວ່ອງໄວ ທັງປະຢັດເວລາ ແລະ ສາມາດກວດສອບໄດ້ ໂດຍການຊໍາລະ ແມ່ນຜ່ານແອັບພີເຄຊັນ ຂອງທະນາຄານການຄ້າຕ່າງປະເທດລາວ ມະຫາຊົນ.

ຮອງເລຂາພັກແຂວງຈຳປາສັກຊຸກຍູ້ວຽກງານກໍ່ສ້າງຮາກຖານການເມືອງ-ພັດທະນາຊົນນະບົດ

28/08/2026 16:03

ກອງປະຊຸມຊຸກຍູ້ວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ແລະ ວຽກງານ 3 ສ້າງ ຂອງເມືອງມຸນລະປາໂມກແຂວງຈຳປາສັກຈັດຂຶ້ນໃນວັນທີ 26 ສິງຫາຜ່ານມາທີ່ ເມືອງດັ່ງກ່າວ, ໂດຍການໃຫ້ກຽດເຂົ້າຮ່ວມ ເປັນປະທານຂອງ ສະຫາຍ ສຸພາບ ທຳມະຮັກສາ ຮອງເລຂາຄະນະບໍລິຫານງານພັກແຂວງ ຜູ້ຊີ້ນໍາວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ, ແກ້ໄຂຄວາມທຸກຍາກ ແລະ ວຽກງານ 3 ສ້າງແຂວງຈໍາປາສັກ, ມີສະຫາຍ ສົມສັກ ເສົາວະລັດ ກຳມະການພັກແຂວງ ເລຂາຄະນະບໍລິຫານງານພັກເມືອງມຸນລະປາໂມກ, ມີພາກສ່ວນກ່ຽວຂ້ອງເຂົ້າຮ່ວມ.

ເມືອງໂຂງເກັບກຳຂໍ້ມູນສະເໜີລຳສີພັນດອນເປັນມໍຣະດົກແຫ່ງຊາດດ້ານວັດທະນະທຳທ້ອງຖິ່ນ

28/08/2026 15:49

ຫ້ອງການວັດທະນະທຳແລະການທ່ອງທຽ່ວເມືອງໂຂງແຂວງຈຳປາສັກເຄື່ອນໄຫວເກັບກຳຂໍ້ມູນລຳສີພັນດອນ ເພື່ອສະເໜິເປັນມໍລະດົກແຫ່ງຊາດດ້ານວັດທະນະທຳຂັ້ນທ້ອງຖິ່ນ.

ແມ່ຍິງແຂວງເຊກອງ ແລະ ກະຊວງ ຍທຂ ແລກປ່ຽນບົດຮຽນ

28/08/2026 15:46

ກອງປະຊຸມແລກປ່ຽນບົດຮຽນວຽກງານແມ່ຍິງ ລະຫວ່າງ ສະຫະພັນແມ່ຍິງແຂວງເຊກອງ ແລະ ສະຫະພັນແມ່ຍິງ ກະຊວງໂຍທາທິການ ແລະ ຂົນສົ່ງ (ຍທຂ) ມີຂຶ້ນໃນວັນທີ 27 ສິງຫາຜ່ານມາທີ່ແຂວງເຊກອງ ໂດຍມີທ່ານ ນາງ ມະໂນລາ ສຸດທິຈັກ ກຳມະການພັກແຂວງປະທານສະຫະພັນແມ່ຍິງແຂວງເຊກອງ ພ້ອມຄະນະ, ມີທ່ານ ນາງ ນຸ້ຍ ສັງວິບຸດ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງກະຊວງໂຍທາທິການ ແລະ ຂົນສົ່ງ ພ້ອມດ້ວຍຄະນະ.

ເມືອງທຸລະຄົມ ຝຶກອົບຮົມກົດໝາຍພື້ນຖານໃຫ້ພະນັກງານຫຼັກແຫຼ່ງຂັ້ນເມືອງ, ຂັ້ນບ້ານ

28/08/2026 15:39

ເມືອງທຸລະຄົມ ໄດ້ເປີດຊຸດຝຶກອົບຮົມກົດໝາຍຂັ້ນພື້ນຖານໃຫ້ພະນັກງານຫຼັກແຫຼ່ງຂັ້ນເມືອງ, ຂັ້ນບ້ານ, ໃນວັນທີ 26 ສິງຫານີ້, ທີ່ສະໂມສອນຫ້ອງວ່າການເມືອງທຸລະຄົມ ແຂວງວຽງຈັນ, ພາຍໃຕ້ການເປັນປະທານຮ່ວມຂອງ ທ່ານ ຄຳເລ້ ໄຊຍະວົງສີ ກໍາມະການພັກແຂວງ ເລຂາຄະນະບໍລິຫານງານພັກເມືອງ, ທ່ານ ພອນວິໄຊ ສີສະໝຸດ ເລຂາໜ່ວຍພັກ ຮັກສາການຫົວໜ້າພະແນກຍຸຕິທຳ ແຂວງວຽງຈັນ ແລະ ທ່ານ ໂນລາ ຈັນທະວົງ ຫົວໜ້າຫ້ອງການຍຸຕິທໍາເມືອງ, ມີບັນດາກຳມະການພັກເມືອງ, ຫົວໜ້າ, ປະທານຄະນະກຳມະການປົກຄອງຕາແສງ, ຮອງຫົວໜ້າຫ້ອງການ, ພຣະສົງ, ອົງການ, ກົມກອງອ້ອມຂ້າງເມືອງ, ຄະນະຮັບຜິດຊອບ ການຮຽນ-ການສອນ ຂັ້ນແຂວງ, ຂັ້ນເມືອງ ແລະ ນັກຝຶກອົບຮົມເຂົ້າຮ່ວມ.

ກອງປະຊຸມຄະນະກຳມະການຊີ້ນຳລະດັບຊາດ ເພື່ອກະກຽມຄວາມພ້ອມຮອບດ້ານໃນການເປັນເຈົ້າພາບກອງປະຊຸມ 3RC-CCM

28/08/2026 15:34

ໃນວັນທີ 27 ສິງຫານີ້ ທີ່ໂຮງແຮມ Holiday Inn ນະຄອນຫຼວງວຽງຈັນ, ຄະນະຊີ້ນໍາລະດັບຊາດເພື່ອກະກຽມເປັນເຈົ້າພາບກອງປະຊຸມທົບທວນສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (3RC-CCM),ໄດ້ຈັດກອງປະຊຸມຂຶ້ນ ໂດຍພາຍໃຕ້ການເປັນປະທານຂອງ ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ຊຶ່ງມີບັນດາສະມາຊິກຄະນະຊີ້ນຳລະດັບຊາດ ເເລະ ອະນຸກຳມະການຕ່າງໆ ເຂົ້າຫຼາຍກວ່າ150ທ່ານ.ຈຸດປະສົງຂອງກອງປະຊຸມແມ່ນເພື່ອສືບຕໍ່ຕິດຕາມ, ກວດກາ ແລະ ຕີລາຄາຄືນຄວາມພ້ອມຂັ້ນສຸດທ້າຍຂອງທັງ 12ອະນຸກໍາມະການ ເພື່ອຮັບປະກັນໃຫ້ການເປັນເຈົ້າພາບກອງປະຊຸມສາກົນດັ່ງກ່າວ ຊຶ່ງຈະຈັດຂຶ້ນໃນລະ ຫວ່າງວັນທີ 13-18 ກັນຍາ 2026 ນີ້ ດຳເນີນໄປດ້ວຍຜົນສຳເລັດອັນຈົບງາມ.

ເພີ່ມເຕີມ