ຮອງປະທານສະພາແຫ່ງຊາດ ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງທຸລະຄົມ

 ຈາກ ທ່ານ ນາງ ວົງເດືອນ ວັດຕະໂສ ເຈົ້າເມືອງທຸລະຄົມ ແລະ ການນໍາຂອງເມືອງ.
ທ່ານ ນາງ ວົງເດືອນ ວັດຕະໂສ ໄດ້ຂຶ້ນລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງ. ເມືອງທຸລະຄົມ ມີເນື້ອທີ່ທັງໝົດ 81,259,305 ເຮັກຕ່າ, ທົ່ວເມືອງມີ 42 ບ້ານ, ມີ 12,716 ຄອບຄົວ, ມີ 11,956 ຫຼັງຄາ, ມີພົນລະເມືອງ 61,557 ຄົນ, ຍິງ 30,916 ຄົນ. ເມືອງທຸລະຄົມ ມີສິ່ງອໍານວຍຄວາມສະດວກໃຫ້ແກ່ການພັດທະນາ ເຊັ່ນ: ມີເນື້ອທີ່ທໍາການຜະລິດ, ມີແຮງງານ, ທ່າແຮງການທ່ອງທ່ຽວ, ຊັບພະຍາກອນທໍາມະຊາດ, ມີແມ່ນໍ້າຫຼາຍສາຍ, ມີລະບົບຊົນລະປະທານຫຼາຍແຫ່ງ ແລະ ຮີດຄອງວັດທະນະທໍາອັນດີງາມມາແຕ່ດົນນານ ເປັນທ່າແຮງໃຫ້ແກ່ການພັດທະນາເສດຖະກິດ-ສັງຄົມ. ຍົກໃຫ້ເຫັນຜົນງານພົ້ນເດັ່ນໄລຍະ 6 ເດືອນ ຕົ້ນປີ ແລະ 6 ເດືອນທ້າຍປີ 2024 ຕິດພັນກັບການລາຍງານຄວາມຄືບໜ້າຂອງການກະກຽມຄວາມພ້ອມເປີດກອງປະຊຸມໃຫຍ່ຜູ້ແທນອົງຄະນະພັກເມືອງຄັ້ງທີ VIII ໃນຕໍ່ໜ້າ ແລະ ວຽກງານປິ່ນອ້ອມອື່ນໆ.
ໃນໂອກາດນີ້, ທ່ານ ຄໍາໃບ ດໍາລັດ ໄດ້ມີຄໍາເຫັນໂອ້ລົມດ້ວຍເນື້ອໃນສໍາຄັນຫຼາຍຈຸດຕໍ່ກັບວຽກງານສຶກສາທິການ ແລະ ກິລາ ຢູ່ເມືອງທຸລະຄົມ, ພ້ອມທັງມີຄໍາເຫັນບາງຈຸດຕໍ່ກັບການເຄື່ອນໄຫວວຽກງານຮອບດ້ານຂອງເມືອງ, ການສ້າງຂະບວນການ ແລະ ວຽກສໍາຄັນອື່ນໆ ສໍາລັບເປັນບ່ອນອີງ ແລະ ພື້ນທີ່ ທີ່ດີໃຫ້ແກ່ເມືອງທຸລະຄົມ ໂດຍສະເພາະແມ່ນເພື່ອເຮັດໃຫ້ກອງປະຊຸມໃຫຍ່ອົງຄະນະພັກເມືອງໄດ້ໄຂຂຶ້ນຕາມຈຸດປະສົງຂອງຄາດໝາຍວາງໄວ້, ໄປພ້ອມກັບການປັບປຸງວຽກງານສຶກສາທິການ ແລະ ກິລາໃຫ້ມີຂະບວນການຟົດຟື້ນ ແລະ ມີຄຸນນະພາບທີ່ດີຂຶ້ນ.
(ຂ່າວ: ເມືອງທຸລະຄົມ).