ຫົວໜ້າ ຄອສພ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງອັັດຕະປື

ທ່ານ ນາງ ມີນາພອນ ໄຊສົມພູ ໄດ້ລາຍງານການກະກຽມຄວາມພ້ອມການປັບປຸງກົງຈັກພາຍໃນຄະນະໂຄສະນາອົບຮົມແຂວງວ່າ: ເພື່ອຮັບປະກັນໃຫ້ແກ່ການຈັດຕັ້ງປະຕິບັດການປັບປຸງກົງຈັກການຈັດຕັ້ງ ພາຍໃນຄະນະໂຄສະນາອົບຮົມແຂວງໄປຕາມທິດຊີ້ນຳຂອງຂັ້ນເທິງໃຫ້ຖືກຕ້ອງ, ສອດຄ່ອງຕາມທິດຂອງພັກ ແລະ ສຳເລັດຕາມກຳນົດເວລາ, ຄະນະໂຄສະນາອົບຮົມແຂວງ ໄດ້ກະກຽມຂໍ້ມູນກ່ຽວກັບໂຄງປະກອບກົງຈັກການຈັດຕັ້ງ, ລວມທັງການຈັດຕັ້ງພັກ, ອົງການຈັດຕັ້ງມະຫາຊົນ, ຈຳນວນພະນັກງານ -ລັດຖະກອນຂອງຄະນະໂຄສະນາອົບຮົມແຂວງ. ເກັບກຳຂໍ້ມູນຊັບສິນອຸປະກອນເຄື່ອງໃຊ້ຫ້ອງການ, ພາຫະນະເພື່ອລາຍງານໃຫ້ຄະນະຮັບຜິດຊອບປັບປຸງກົງຈັກການຈັດຕັ້ງຂັ້ນແຂວງທີ່ລົງເຄື່ອນໄຫວເຮັດວຽກນຳ, ໄດ້ກະກຽມສະຫຼຸບຕີລາຄາການຈັດຕັ້ງປະຕິບັດສິດ ແລະ ໜ້າທີ່ຕາມພາລະບົດບາດ, ໃນໄລຍະຜ່ານມາໄດ້ປະສານສົມທົບກັບພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ເກັບກໍາຂໍມູນກ່ຽວກັບກົງຈັກການຈັດຕັ້ງ, ບຸກຄະລາກອນ, ການຈັດຕັ້ງພັກພາກສ່ວນສື່ມວນຊົນ ທີ່ຈະມາຂຶ້ນກັບຄະນະໂຄສະນາອົບຮົມແຂວງ.

ທ່ານກ່າວຕື່ມວ່າ: ສຳລັບແຜນສືບຕໍ່ຈັດຕັ້ງປະຕິບັດພາຍຫຼັງທີ່ໄດ້ມີການປະກາດການໂຮມແລ້ວຈະມີການປະສານສົມທົບກັບຄະນະປັບປຸງກົງຈັກການຈັດຕັ້ງຂັ້ນແຂວງເພື່ອຄົ້ນຄວ້າເລືອກເຟັ້ນ, ສັບ

ຊ້ອນ, ຈັດວາງສະມາຊິກພັກ, ພະນັກງານຄືນໃໝ່ຢ່າງຮັດກຸມ ແລະ ເປັນລະບົບ, ຈະໄດ້ສືບຕໍ່ປະຕິບັດໜ້າທີ່ໃນຂະແໜງເດີມ ແລະ ບາງຈໍານວນຈະໄດ້ສັບຊ້ອນຮັບໜ້າທີ່ຂະແໜງໃໝ່. ກະກຽມປັບປຸງພາລະບົດບາດ, ສິດ ແລະ ໜ້າທີ່ຂອງຕົນຄືນໃໝ່ພາຍຫຼັງໂອນວຽກງານສື່ມວນຊົນ (ວຽກຖະແຫຼງຂ່າວ) ມາຂື້ນກັບຄະນະໂຄສະນາອົບຮົມແຂວງ ໂດຍອີງໃສ່ທິດທາງລວມ ແລະ ແຈ້ງການຂອງຄະນະໂຄສະນາອົບຮົມສູນກາງພັກ. ຄະນະພັກ, ຄະນະນຳຂອງພວກເຮົາຈະໄດ້ມີຄວາມເອົາໃຈໃສ່ໃນການສຶກສາອົບຮົມແນວຄິດ, ເພື່ອຍູ້ແຮງຂະບວນການວຽກງານໂຄສະນາອົບຮົມໃຫ້ແຂງແຮງ ແລະ ມີການຫັນປ່ຽນດີຂື້ນເທື່ອລະກ້າວ.

ໃນໂອກາດດັ່ງກ່າວທ່ານ ຄຳພັນ ເຜີຍະວົງ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຊີ້ນຳການຈັດຕັ້ງປະຕິບັດການປັບປຸງກົງຈັກການຈັດຕັ້ງທີ່ໄດ້ມີການກະກຽມ ແລະ ຈັດຕັ້ງປະຕິບັດເປັນຢ່າງດີ ແລະ ໄດ້ເນັ້ນວ່າການປັບປຸງການຈັດຄັ້ງນີ້, ເພື່ອເຮັດແນວໃດໃຫ້ກົງຈັກການຈັດຕັ້ງມີຄວາມກະທັດຮັດ, ຫັນເປັນທັນສະໄໝ, ຫຼຸດຜ່ອນກົງຈັກການຈັນຕັ້ງ, ໃນຂະດຽວກັນຕ້ອງຮັບປະກັນວຽກໃຫ້ມີປະສິດທິພາບ

ປະສິດທິຜົນ, ມີຄວາມເຂັ້ມແຂງໃນການເຮັດວຽກໃຫ້ມີຄວາມວ່ອງໄວ, ຕ້ອງເອົາໃຈໃສ່ວຽກງານສຶກສາອົບຮົມການເມືອງ - ແນວຄິດໃຫ້ເຂົ້າໃຈ, ມີຄວາມອຸ່ນອ່ຽນ, ທຸ່ນທ່ຽງເຊື່ອໝັ້ນຕໍ່ການນໍາພາຂອງພັກ, ຕ້ອງປະຕິບັດພາລະບົດ, ຄວາມຮັບຜິດຊອບໃຫ້ມີຄວາມເປັນເອກະພາບກັນ. ໃນນັ້ນ, ການປັບປຸງ ແລະ ສັບຊ້ອນໃຫ້ຖືກຕ້ອງຕາມຄວາມຮູ້ຄວາມສາມາດຂອງບຸກຄົນ, ມີຄວາມໂປ່ງໃສຂາວສະອາດ, ຫັນເປັນທັນສະໄໝ ແລະ ນຳໃຊ້ເຄື່ອງມືທີ່ທັນສະໄໝເຂົ້າໃສ່ໃນການເຮັດວຽກງານ, ພ້ອມນີ້ຂັ້ນຂະແໜງການໃຫ້ສືບຕໍ່ປັບປຸງ ແລະ ຈັດວາງບຸກຄະລາກອນເຂົ້າໃສ່ວຽກງານໃຫ້ເປັນອັນດຽວກັນ ແລະ ໃຫ້ເປັນລະບົບ.

(ຂ່າວ-ພາບ: ສຳນານ)