ຫົວໜ້າ ຄອສພ ລົງຊຸກຍູ້ການປັບປຸງກົງຈັກການຈັດຕັ້ງຢູ່ແຂວງເຊກອງ

ທ່ານ ບຸນຫຼາຍ ບຸດທິ ໄດ້ລາຍງານກ່ຽວກັບການປັບປຸງກົງຈັກການຈັດຕັ້ງວ່າ: ໂດຍປະຕິບັດ ຕາມ ມະຕິຂອງຄະນະເລຂາສູນກາງພັກ ເລກທີ 03/ຄບສພ, ເລກທີ 483/ຄລສພ ວ່າດ້ວຍການ ປັບປຸງກົງຈັກການຈັດຕັ້ງ ແລະ ທິດທາງການປັບປຸງກົງຈັກການຈັດຕັ້ງຢູ່ຂັ້ນທ້ອງຖິ່ນ ຂອງຄະນະ ຈັດຕັ້ງສູນກາງພັກ ເລກທີ 302/ຄຈສພ ແຂວງເຊກອງໄດ້ແຕ່ງຕັ້ງຄະນະປັບປຸງກົງຈັກການຈັດຕັ້ງ ສະບັບເລກທີ 527/ຄປພຂ, ຄະນະປັບປຸງກົງຈັກຂັ້ນແຂວງ (ຄະນະຈັດຕັ້ງແຂວງ) ໄດ້ອອກແຈ້ງການ ເລກທີ 43/ຄຈຂ ເພື່ອເຮັດໜ້າທີ່ໃນການປັບປຸງກົງຈັກການຈັດຕັ້ງ, ບຸກຄະລາກອນ ແລະ ເກັບກໍາວັດ ຖຸອຸປະກອນຕ່າງໆຂອງການຈັດຕັ້ງ ລວມທັງນໍາພາເຮັດຮອດຂັ້ນເມືອງໃຫ້ສໍາເລັດຕາມແຜນການກໍາ ນົດໄວ້. ການປັບປຸງກົງຈັກການຈັດຕັ້ງຂັ້ນແຂວງ ໃນເປົ້າໝາຍຈຳນວນ 11 ພາກສ່ວນ ທີ່ຖືກປັບປຸງຍຸບ ໂຮມ ຕາມຄຳເເນະນຳ 483/ຄລສພ; ມີໂຄງປະກອບກົງຈັກ 68 ຂະແໜງ, ມີພະນັກງານ-ລັດຖະອນ ທັງໝົດ 556 ທ່ານ ຍິງ 185 ທ່ານ, ກົງຈັກການຈັດຕັ້ງພັກ 36 ຮາກຖານພັກ ໃນນັ້ນ ມີ 6 ຄະນະພັກຮາກຖານ, 3 ໜ່ວຍພັກຮາກຖານ, 27 ໜ່ວຍພັກຂຶ້ນກັບ ມີສະມາຊິກພັກທັງໝົດ 692 ສະຫາຍ ຍິງ 200 ສະຫາຍ (ລວມລັດວິສາຫະກິດໄຟຟ້າແຂວງ). ສຳລັບດ້ານກົງຈັກ: ກ່ອນການໂຮມການຈັດຕັ້ງ ຄະນະໂຄສະນາອົບຮົມແຂວງ ເປັນໜ່ວຍພັກຮາກຖານ, ຄະນະໜ່ວຍພັກ 3 ສະຫາຍ ຍິງ 1 ສະຫາຍ, ມີສະມາຊິພັກທັງໝົດ 21 ສະຫາຍ ຍິງ 16 ສະຫາຍ, ມີ ໂຄງປະກອບກົງຈັກການຈັດຕັ້ງ ປະກອມີ 4 ຂະແໜງ, ມີພະນັກງານ-ລັດຖະກອນ ທັງໝົດ 23 ທ່ານ ຍິງ 16 ທ່ານ, ວຽກສື່ມວນຊົນ (ພະແນກຖະແຫຼງຂ່າວວັດທະນາທໍາ ແລະ ທ່ອງທ່ຽວແຂວງ) ກ່ອນການໂຮມເປັນໜ່ວຍພັກຂຶ້້ນກັບ ຄະນະໜ່ວຍພັກ 3 ສະຫາຍ; ສະມາຊິກພັກທັງໝົດ 20 ສະຫາຍ ຍິງ 7 ສະຫາຍ, ໂຄງປະກອບກົງຈັກການຈັດຕັ້ງ ປະກອບມີ 3 ຂະແໜງ, ມີພະນັກງານ-ລັດຖະກອນ ທັງໝົດ 22 ທ່ານ ຍິງ 8 ທ່ານ, ສຳລັບກົງຈັກການຈັດຕັ້ງຄະນະໂຄສະນາອົບຮົມແຂວງ; ພາຍຫຼັງໂອນວຽກສື່ມວນຊົນ (ພະແນກຖະແຫຼງຂ່າວວັດທະນະທໍາ ແລະ ທ່ອງທຽວແຂວງ), ກອງວິ ທະຍຸ-ໂທລະຄົມ, ກອງວິຊາການສື່ສິງພິມ ແລະ ຂະແໜງຖະແຫຼງຂ່າວ ພ້ອມທັງຍົກຍ້າຍ ພະນັກງານ-ລັດຖະກອນ ໄປຂຶ້້ນກັບ ຄະນະໂຄສະນາອົບຮົມແຂວງ ມີສະມາຊິກພັກທັງໝົດ 41 ສະຫາຍ ຍິງ 21 ສະຫາຍ, ພະນັກງານ-ລັດຖະກອນ ທັງໝົດ 45 ທ່ານ ຍິງ 24 ທ່ານ.

ໂອກາດດັ່ງກ່າວ, ທ່ານ ຄໍາພັນ ເຜີຍຍະວົງ ໄດ້ສະແດງຄວາມຊົມເຊີຍຕໍ່ການປັບປຸງກົງຈັກ ການຈັດຕັ້ງຂອງແຂວງທີ່ໄດ້ເປັນເຈົ້າການໃນການຜັນຂະຫຍາຍມະຕິຂອງກົມການເມືອງ ໂດຍສະ ເພາະໄດ້ຈັດຕັ້ງຄະນະຮັບຜິດຊອບການປັບປຸງກົງຈັກຂັ້ນແຂວງ ແລະ ໄດ້ມີແຜນດຳເນິນງານ, ແບ່ງວຽກງານ, ແບ່ງຄວາມຮັບຜິດຊອບ ແລະ ພ້ອມກັນຈັດຕັ້ງປະຕິບັດ ແລະ ທ່ານເນັ້ນວ່າ: ຈຸດປະ ສົງ ແລະ ລະດັບຄາດໝາຍ ໃນການປັບປຸງກົງຈັກການຈັດຕັ້ງຕ້ອງເຮັດໃຫ້ພາຍໃນມີຄວາມເປັນລະບຽບຮຽບຮ້ອຍ, ມີຄວາມເປັນເອກກະພາບກັນຕໍ່ການຊີ້ນຳ-ນຳພາຂອງຂັ້ນເທິງ ໂດຍສະເພາະຕ້ອງເອົາໃຈໃສ່ວຽກງານສຶກສາອົບຮົມການເມືອງ-ແນວຄິດໃຫ້ ສະມາຊິກພັກ-ພະນັກງານມີຄວາມເປັນເອກະພາບ, ເປັນເຈົ້າການໃນການຈັດຕັ້ງປະຕິບັດໃນການປັບປຸງວຽກງານຕ່າງໆໃຫ້ເປັນເອກະພາບກັນໃຫ້ໄປລວງ ດຽວກັນ, ໃນນັ້ນການປັບປຸງກົງຈັກການຈັດຕັ້ງຕ້ອງເຮັດໃຫ້ພະນັກ

ງານ, ສະມາຊິກພັກມີຄວາມອົບອຸ່ນ, ທຸ່ນທ່ຽງເຂົ້າຮ່ວມຂະບວນການຕ່າງໆ, ບໍ່ໃຫ້ເກີດມີບັນຫາງໍ້ງ່ຽງ, ສັບສົນຕໍ່ແນວທາງນະໂຍບາຍຂອງພັກ, ການປັບປຸງກົງຈັກການຈັດຕັ້ງຕ້ອງໃຫ້ກະທັດຮັດ, ຫັນເປັນທັນສະໄໝ, ຫຼຸດຜ່ອນກົງຈັກ ແລະ ຫູຸດຜ່ອນຈຳນວນຄົນລົງ ໃນຂະນະດຽວກັນຕ້ອງຮັບປະກັນຄວາມເຂັ້ມແຂງ, ມີປະສິດທິຜົນຂອງວຽກ

ງານ, ເຮັດໃຫ້ການບໍລິຫານແກ້ໄຂວຽກງານມີຄວາມວ່ອງໄວ ແລະ ທັນການ.

(ຂ່າວ-ພາບ:ສຳນານ)