ສະຫາຍ ພັນເອກ ຫງວຽນ ດິງ ຈວັນ ຫົວໜ້າການເມືອງ ກອງບັນຊາການທະຫານແຂວງ ບິງເຊື່ອງ ສສ ຫວຽດນາມ ພ້ອມດ້ວຍອຳນາດການປົກຄອງແຂວງ ໄດ້ລົງເຄື່ອນໄຫວຢ້ຽມຢາມ ແລະ ນໍາເອົາເຄື່ອງຈໍານວນໜຶ່ງມາມອບໃຫ້ ກ້ອນກໍາລັງສວນສະໜາມກອງທັບປະຊາຊົນລາວ ທີ່ກຳລັງຂຸ້ນຂ້ຽວສຸມໃສ່ການຝຶກແອບເດີນຂະບວນສວນສະໜາມ. ຕາງໜ້າກ່າວຮັບໂດຍ ສະຫາຍພັນເອກ ສົມແພງ ແກ້ວສີລາ ຫົວໜ້າການທະຫານກອງພັນໃຫຍ່ 11 ຫົວໜ້າຄະນະຊີ້ນໍາກ້ອນກໍາລັງສວນສະໜາມກອງທັບປະຊາຊົນລາວ.
ໂອກາດນີ້, ສະຫາຍ ພັນເອກ ສົມແພງ ແກ້ວສີລາ ກໍໄດ້ສະເເດງຄວາມຂອບໃຈຮູ້ບຸນຄຸນເປັນຢ່າງສູງມາຍັງສະຫາຍຫົວໜ້າການເມືອງກອງບັນຊາການທະຫານແຂວງ ຕະຫຼອດຮອດອໍານາດການປົກຄອງແຂວງບິງເຊື່ອງ ທີ່ຍາມໃດກໍເປັນຫ່ວງເປັນໃຍ,ໃຫ້ກຳລັງໃຈຊຸກຍູ້ກ້ອນກໍາລັງສວນສະໜາມກອງທັບປະຊາຊົນລາວ ພ້ອມທັງຢືນຢັນວ່າຈະນໍາພາ-ຊີ້ນຳກ້ອນກຳລັງສວນສະໜາມກອງທັບປະຊາຊົນລາວຈັດຕັ້ງ, ຝຶກແອບເດີນຂະບວນສວນສະໜາມ ໃຫ້ໄດ້ໝາກຜົນສູງ ຕາມການຈັດຕັ້ງຂັ້ນເທິງກໍຄືປະຊາຊົນລາວ ມອບໝາຍໃຫ້ປະສົບຜົນສຳເລັດຢ່າງຈົບງາມ.
(ຂ່າວ-ພາບ: ມິກກີ້ ແກ້ວສຸວັນ)
ຄໍາເຫັນ