ວັນທີ 31 ມັງກອນ ຜ່ານມາທີ່ສະໂມສອນໃຫຍ່ຂອງແຂວງຫົວພັນ ໄດ້ຈັດພິທີປາຖະກະຖາເລົ່າຄືນມູນເຊື້ອ ວັນເກີດປະທານ ຄຳໄຕ ສີພັນດອນ ຄົບຮອບ 100 ປີ (8 ກຸມພາ 1924 - 8 ກຸມພາ 2024),ໃຫ້ກຽດປາຖະກະຖາ ໂດຍ ທ່ານ ຄໍາແພງ ໄຊສົມແພງເລຂາພັກແຂວງເຈົ້າແຂວງຫົວພັນ, ມີພະນັກງານ, ທະຫານ, ຕໍ່າຫຼວດ, ຄູ-ອາຈານ ແລະ ນັກຮຽນເຂົ້າຮ່ວມ.
ທ່ານ ຄໍາແພງ ໄຊສົມແພງ ເລົ່າຄືນມູນເຊື້ອ ວ່າ: ປະທານ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ໃນຄອບຄົວຊາວນາ ທີ່ດຸໝັ້ນຂະຫຍັນພຽນ ຢູ່ບ້ານຫົວໂຂງພະໃຫ່ຍເມືອງໂຂງ, ແຂວງຈໍາປາສັກ ເປັນລູກຂອງພໍ່ນີ ນີລາໄຊແລະ ແມ່ສາຍບົວ ນິລາໄຊ, ມີເອື້ອຍນອ້ງນຳກັນ 6 ຄົນ, ເປັນຄອບຄົວເຄີຍມີມູນເຊື້ອການຕໍ່ສູ້ຕ້ານພວກລ່າເມືອງຂຶ້ນ ແລະ ສັກດີນາທ້ອງຖິ່ນ.
ປະທານ ຄຳໄຕ ສີພັນດອນ ແມ່ນໜື່ງໃນບັນດາຜູ້ນຳຮຸ່ນທຳອິດຂອງການປະຕິວັດລາວ ໄດ້ຮ່ວມກັບຜູ້ນໍາຄົນອື່ນໆ ນໍາພາພາລະກິດປົດປ່ອຍປະເທດຊາດ ອອກຈາກແອກປົກຄອງຂອງຈັກກະພັດຕ່າງດ້າວກໍຄື ພາລະກິດປົກປັກຮັກສາ ແລະ ສ້າງສາປະເທດຊາດ ເພິ່ນເປັນຜູ້ນໍາທີ່ມີນໍ້າໃຈຮັກຊາດອັນສູງສົ່ງເສຍສະຫຼະທຸກຢ່າງ ອຸທິດສະຕິປັນຍາ ແລະ ກຳລັງວັງຊາຢ່າງບໍ່ຮູ້ອິດຮູ້ເມື່ອຍຄຽງບ່າຄຽງໄຫຼ່ກັບ ປະທານ ໄກສອນ ພົມວິຫານ ແລະ ຜູ້ນຳຄົນອື່ນໆ ຈັດຕັ້ງນຳພາຂະບວນການປະຕິວັດໄດ້ເຕີບໃຫຍ່ ຂະຫຍາຍຕົວ ແລະ ຍາດໄດ້ໄຊຊະນະຢ່າງຕໍ່ເນື່ອງ ແລະ ມີຜົນສໍາເລັດຢ່າງມີໄຊ ນຳພາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມເທື່ອລະກ້າວຢ່າງໜັກແໜ້ນ.ປະທານ ຄຳໄຕສີພັນດອນ ຍາມໃດກໍໄດ້ຮັບຄວາມນັບຖືຮັກແພງ ແລະ ເຊື່ອໝັ້ນໄວ້ວາງໃຈຈາກໜູ່ຄະນະ ກໍຄືພະນັກງານນັກຮົບ ແລະ ປະຊາຊົນບັນດາເຜົ່າ ຊຶ່ງເພິ່ນໄດ້ຮັບການມອບໝາຍໜ້າທີ່ ທີ່ສຳຄັນເປັນລໍາດັບມາ ຈາກການເປັນທະຫານປະຈໍາເສນາທິການພາກໃຕ້,ເປັນຜູ້ແທນລັດຖະບານລາວອິດສະຫຼະປະຈໍາເຂດລາວໃຕ້ ແລະ ເປັນຫົວໜ້າການເມືອງເຂດລາວໃຕ້, ເປັນຜູ້ແທນລັດຖະບານລາວອິດສະຫຼະປະຈໍາເຂດລາວໃຕ້ ແລະ ເປັນຫົວໜ້າການເມືອງເຂດລາວໃຕ້,ເປັນກໍາມະການສູນກາງແນວລາວອິດສະຫຼະ ແລະ ແນວລາວຮັກຊາດ, ເປັນປະທານຄະນະກຳມະການຕໍ່ເຂດກາງ,ເປັນກໍາມະການສູນກາງພັກ, ເປັນຜູ້ບັນຊາການສູງສຸດກອງທັບປົດປ່ອຍປະຊາຊົນລາວ ແລະກອງທັບປະຊາຊົນລາວໃນເວລາຕໍ່ມາເປັນຄະນະປະຈຳສູນກາງພັກ,ເປັນກໍາມະການກົມການເມືອງ ແລະ ຄະນະເລຂາທິການສູນກາງພັກ, ເປັນຮອງນາຍົກລັດຖະມົນຕີ, ເປັນລັດຖະມົນຕີກະຊວງປ້ອງກັນປະເທດ, ເປັນຜູ້ປະຈຳການລັດຖະບານ, ເປັນນາຍົກລັດຖະມົນຕີ ແລະ ເປັນຜູ້ນຳສູງສຸດຂອງພັກ ແລະ ລັດເຮົາ.
ເດືອນມິຖຸນາ ປີ 2006, ກອງປະຊຸມໃຫຍ່ຄັ້ງທີ VIII ຂອງພັກປະຊາຊົນປະຕິວັດລາວ ໄດ້ດຳເນີນຢ່າງສະຫງ່າຜ່າເຜີຍດ້ວຍຄວາມຊົມຊື່ນຍິນດີຜົນງານ ແລະ ໄຊຊະນະທີ່ຍາດມາໄດ້ ພາຍໃຕ້ການນຳພາຂອງພັກຊຶ່ງມີປະທານຄຳໄຕ ສີພັນດອນ ເປັນຜູ້ນຳໜ້າ. ໃນກອງປະຊຸມໃຫຍ່ຄັ້ງນີ້ ປະທານ ຄຳໄຕສີພັນດອນ ໄດ້ກ່າວລາໜ້າທີ່ ເພື່ອພັກຜ່ອນຮັບເບ້ຍບຳນານ ເຖິງວ່າປະທານ ຄຳໄຕ ສີພັນດອນໄດ້ອອກພັກຜ່ອນຮັບເບ້ຍບຳນານແລ້ວກໍຕາມ ແຕ່ເພິ່ນກໍຍັງສືບຕໍ່ອຸທິດຕົນ ເພື່ອສືບຕໍ່ສ້າງພັກໃຫ້ເຂັ້ມແຂງ ແລະ ມີຄວາມສາມາດ ປະຕິບັດພາລະກິດປະຫວັດສາດສ້າງລະບອບສັງຄົມນິຍົມໃຫ້ເປັນຈິງເທື່ອລະກ້າວ ແລະ ເພິ່ນຢາກນຳພາຈັດຕັ້ງປະຕິບັດແນວທາງຂອງພັກ ໃຫ້ໄດ້ຮັບຜົນ ເພື່ອບັນລຸເປົ້າໝາຍປະເທດຊາດມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມສາມັກຄີປອງດອງ ມີປະຊາທິປະໄຕ, ຍຸຕິທຳ ແລະ ສີວິໄລ.
ການສະຫຼອງວັນເກີດຂອງປະທານ ຄຳໄຕ ສີພັນດອນເພື່ອເປັນການລະນຶກເຖິງຄຸນງາມຄວາມດີຂອງເພີ່ນທີ່ມີຕໍ່ປະເທດຊາດ.ເພື່ອເຮັດໃຫ້ພະນັກງານ,ສະມາຊິກພັກ,ນັກຮົບ ແລະ ປະຊາຊົນເຮົາໄດ້ສຶກສາຮໍ່າຮຽນແບບຢ່າງອັນໃສແຈ້ງ, ຄຸນສົມບັດສູງສົ່ງ ແລະ ຄຸນງາມຄວາມດີອັນໃຫຍ່ຫຼວງຂອງປະທານ ເພື່ອຈະໄດ້ນໍາໄປໃຊ້ເຂົ້າໃນຊີວິດຕົວຈິງ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດກໍຄືຢູ່ແຂວງຫົວພັນ.
ຂ່າວ-ພາບ:ແຂວງຫົວພັນ
ທ່ານ ຄໍາແພງ ໄຊສົມແພງ ເລົ່າຄືນມູນເຊື້ອ ວ່າ: ປະທານ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ໃນຄອບຄົວຊາວນາ ທີ່ດຸໝັ້ນຂະຫຍັນພຽນ ຢູ່ບ້ານຫົວໂຂງພະໃຫ່ຍເມືອງໂຂງ, ແຂວງຈໍາປາສັກ ເປັນລູກຂອງພໍ່ນີ ນີລາໄຊແລະ ແມ່ສາຍບົວ ນິລາໄຊ, ມີເອື້ອຍນອ້ງນຳກັນ 6 ຄົນ, ເປັນຄອບຄົວເຄີຍມີມູນເຊື້ອການຕໍ່ສູ້ຕ້ານພວກລ່າເມືອງຂຶ້ນ ແລະ ສັກດີນາທ້ອງຖິ່ນ.
ປະທານ ຄຳໄຕ ສີພັນດອນ ແມ່ນໜື່ງໃນບັນດາຜູ້ນຳຮຸ່ນທຳອິດຂອງການປະຕິວັດລາວ ໄດ້ຮ່ວມກັບຜູ້ນໍາຄົນອື່ນໆ ນໍາພາພາລະກິດປົດປ່ອຍປະເທດຊາດ ອອກຈາກແອກປົກຄອງຂອງຈັກກະພັດຕ່າງດ້າວກໍຄື ພາລະກິດປົກປັກຮັກສາ ແລະ ສ້າງສາປະເທດຊາດ ເພິ່ນເປັນຜູ້ນໍາທີ່ມີນໍ້າໃຈຮັກຊາດອັນສູງສົ່ງເສຍສະຫຼະທຸກຢ່າງ ອຸທິດສະຕິປັນຍາ ແລະ ກຳລັງວັງຊາຢ່າງບໍ່ຮູ້ອິດຮູ້ເມື່ອຍຄຽງບ່າຄຽງໄຫຼ່ກັບ ປະທານ ໄກສອນ ພົມວິຫານ ແລະ ຜູ້ນຳຄົນອື່ນໆ ຈັດຕັ້ງນຳພາຂະບວນການປະຕິວັດໄດ້ເຕີບໃຫຍ່ ຂະຫຍາຍຕົວ ແລະ ຍາດໄດ້ໄຊຊະນະຢ່າງຕໍ່ເນື່ອງ ແລະ ມີຜົນສໍາເລັດຢ່າງມີໄຊ ນຳພາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມເທື່ອລະກ້າວຢ່າງໜັກແໜ້ນ.ປະທານ ຄຳໄຕສີພັນດອນ ຍາມໃດກໍໄດ້ຮັບຄວາມນັບຖືຮັກແພງ ແລະ ເຊື່ອໝັ້ນໄວ້ວາງໃຈຈາກໜູ່ຄະນະ ກໍຄືພະນັກງານນັກຮົບ ແລະ ປະຊາຊົນບັນດາເຜົ່າ ຊຶ່ງເພິ່ນໄດ້ຮັບການມອບໝາຍໜ້າທີ່ ທີ່ສຳຄັນເປັນລໍາດັບມາ ຈາກການເປັນທະຫານປະຈໍາເສນາທິການພາກໃຕ້,ເປັນຜູ້ແທນລັດຖະບານລາວອິດສະຫຼະປະຈໍາເຂດລາວໃຕ້ ແລະ ເປັນຫົວໜ້າການເມືອງເຂດລາວໃຕ້, ເປັນຜູ້ແທນລັດຖະບານລາວອິດສະຫຼະປະຈໍາເຂດລາວໃຕ້ ແລະ ເປັນຫົວໜ້າການເມືອງເຂດລາວໃຕ້,ເປັນກໍາມະການສູນກາງແນວລາວອິດສະຫຼະ ແລະ ແນວລາວຮັກຊາດ, ເປັນປະທານຄະນະກຳມະການຕໍ່ເຂດກາງ,ເປັນກໍາມະການສູນກາງພັກ, ເປັນຜູ້ບັນຊາການສູງສຸດກອງທັບປົດປ່ອຍປະຊາຊົນລາວ ແລະກອງທັບປະຊາຊົນລາວໃນເວລາຕໍ່ມາເປັນຄະນະປະຈຳສູນກາງພັກ,ເປັນກໍາມະການກົມການເມືອງ ແລະ ຄະນະເລຂາທິການສູນກາງພັກ, ເປັນຮອງນາຍົກລັດຖະມົນຕີ, ເປັນລັດຖະມົນຕີກະຊວງປ້ອງກັນປະເທດ, ເປັນຜູ້ປະຈຳການລັດຖະບານ, ເປັນນາຍົກລັດຖະມົນຕີ ແລະ ເປັນຜູ້ນຳສູງສຸດຂອງພັກ ແລະ ລັດເຮົາ.
ເດືອນມິຖຸນາ ປີ 2006, ກອງປະຊຸມໃຫຍ່ຄັ້ງທີ VIII ຂອງພັກປະຊາຊົນປະຕິວັດລາວ ໄດ້ດຳເນີນຢ່າງສະຫງ່າຜ່າເຜີຍດ້ວຍຄວາມຊົມຊື່ນຍິນດີຜົນງານ ແລະ ໄຊຊະນະທີ່ຍາດມາໄດ້ ພາຍໃຕ້ການນຳພາຂອງພັກຊຶ່ງມີປະທານຄຳໄຕ ສີພັນດອນ ເປັນຜູ້ນຳໜ້າ. ໃນກອງປະຊຸມໃຫຍ່ຄັ້ງນີ້ ປະທານ ຄຳໄຕສີພັນດອນ ໄດ້ກ່າວລາໜ້າທີ່ ເພື່ອພັກຜ່ອນຮັບເບ້ຍບຳນານ ເຖິງວ່າປະທານ ຄຳໄຕ ສີພັນດອນໄດ້ອອກພັກຜ່ອນຮັບເບ້ຍບຳນານແລ້ວກໍຕາມ ແຕ່ເພິ່ນກໍຍັງສືບຕໍ່ອຸທິດຕົນ ເພື່ອສືບຕໍ່ສ້າງພັກໃຫ້ເຂັ້ມແຂງ ແລະ ມີຄວາມສາມາດ ປະຕິບັດພາລະກິດປະຫວັດສາດສ້າງລະບອບສັງຄົມນິຍົມໃຫ້ເປັນຈິງເທື່ອລະກ້າວ ແລະ ເພິ່ນຢາກນຳພາຈັດຕັ້ງປະຕິບັດແນວທາງຂອງພັກ ໃຫ້ໄດ້ຮັບຜົນ ເພື່ອບັນລຸເປົ້າໝາຍປະເທດຊາດມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມສາມັກຄີປອງດອງ ມີປະຊາທິປະໄຕ, ຍຸຕິທຳ ແລະ ສີວິໄລ.
ການສະຫຼອງວັນເກີດຂອງປະທານ ຄຳໄຕ ສີພັນດອນເພື່ອເປັນການລະນຶກເຖິງຄຸນງາມຄວາມດີຂອງເພີ່ນທີ່ມີຕໍ່ປະເທດຊາດ.ເພື່ອເຮັດໃຫ້ພະນັກງານ,ສະມາຊິກພັກ,ນັກຮົບ ແລະ ປະຊາຊົນເຮົາໄດ້ສຶກສາຮໍ່າຮຽນແບບຢ່າງອັນໃສແຈ້ງ, ຄຸນສົມບັດສູງສົ່ງ ແລະ ຄຸນງາມຄວາມດີອັນໃຫຍ່ຫຼວງຂອງປະທານ ເພື່ອຈະໄດ້ນໍາໄປໃຊ້ເຂົ້າໃນຊີວິດຕົວຈິງ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດກໍຄືຢູ່ແຂວງຫົວພັນ.
ຂ່າວ-ພາບ:ແຂວງຫົວພັນ
ຄໍາເຫັນ