flag

ຂ່າວວັດທະນະທຳ-ສັງຄົມ

ປາຖະກະຖາມູນເຊື້ອວັນສຳຄັນ ແລະ ເຫດການປະຫວັດສາດຂອງພັກ

ຫສພ ປາຖະກະຖາມູນເຊື້ອວັນສຳຄັນ ແລະ ເຫດການປະຫວັດສາດຂອງພັກ-ຂອງຊາດ

ຫສພ ປາຖະກະຖາມູນເຊື້ອວັນສຳຄັນ ແລະ ເຫດການປະຫວັດສາດຂອງພັກ-ຂອງຊາດ
ຫ້ອງວ່າການສູນກາງພັກ (ຫສພ) ໄດ້ຈັດກອງປະຊຸມປາຖະກະຖາມູນເຊື້ອວັນສຳຄັນ ແລະ ເຫດການປະຫວັດ ສາດຂອງພັກ-ຂອງຊາດ ຂຶ້ນໃນວັນທີ 19 ທັນວານີ້ ທີ່ຫ້ອງປະຊຸມຂອງ ຫສພ ໂດຍການເປັນປະທານຂອງ ສະຫາຍ ທອງສະລິດ ມັງໜໍ່ເມກ

ຄະນະເລຂາທິການສູນກາງພັກ ຫົວໜ້າ ຫສພ ຊຶ່ງມີບັນດາພະນັກງານ-ສະມາຊິກພັກ ພາຍໃນ ຫສພ ເຂົ້າຮ່ວມຮັບຟັງ.
ສະຫາຍ ທອງສະລິດ ມັງໜໍ່ເມກ ໄດ້ເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 9 ສະໄໝທີ XI ທີ່ໄດ້ດຳເນີນລະຫວ່າງວັນທີ 28 ຕຸລາ ຫາ 6 ພະຈິກ 2024 ທີ່ ຫສພ ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດແຫ່ງ ສປປ ລາວ ໂດຍໄດ້ຍົກໃຫ້ເຫັນວ່າ: ກອງປະຊຸມດັ່ງກ່າວນັ້ນ ແມ່ນໄດ້ຍົກສູງຄວາມຮັບຜິດຊອບການເມືອງ ໃນການຄົ້ນຄວ້າ, ປະກອບຄໍາເຫັນ ແລະ ເປັນເອກະພາບ ໃຫ້ທິດຊີ້ນໍາ ຕໍ່ບັນດາເນື້ອໃນທີ່ປຶກສາຫາລືກັນ ເປັນຕົ້ນຄືການຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາ ປະຈໍາປີ 2024 ແລະ ທິດທາງ, ແຜນການປີ 2025 ຕິດພັນກັບການຕີລາຄາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ; ການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ປະຈໍາປີ 2025 ແລະ ທິດທາງ ປີ 2025, ການຕີລາຄາຜົນການດຳເນີນກອງປະຊຸມໃຫຍ່ຂັ້ນຮາກຖານພັກອ້ອມຂ້າງເມືອງ-ນະຄອນ ແລະ ຮາກຖານບ້ານ, ການກະກຽມ ແລະ ດຳເນີນກອງປະຊຸມໃຫຍ່ອົງຄະນະພັກເມືອງ-ນະຄອນ ແລະ ຮາກຖານພັກ ອ້ອມຂ້າງແຂວງ-ນະຄອນຫຼວງ ແລະ ຮາກຖານພັກ ອ້ອມຂ້າງກະຊວງ-ອົງການ, ພ້ອມນີ້, ກໍໃຫ້ຮູ້ກ່ຽວກັບການປັບປຸງເອກະສານ ທີ່ຈະນໍາເຂົ້າລາຍງານຕໍ່ກອງປະຊຸມໃຫຍ່ຜູ້ແທນທົ່ວປະເທດ ສະໄໝທີ XIIຂອງພັກ.
ກ່ອນການປາຖະກະຖາຂອງ ສະຫາຍ ທອງສະລິດມັງໜໍ່ເມກ, ໃນກອງປະຊຸມ ໄດ້ຈັດໃຫ້ມີການປາຖະກະຖາມູນເຊື້ອວັນສະຖາປະນາ ສປປ ລາວ ຄົບຮອບ 49 ປີ (2 ທັນວາ 1975 – 2 ທັນວາ 2024) ໂດຍແມ່ນ ສະຫາຍ ວັນໄຊ ແພງຊຸມມາ ກຳມະການສູນກາງພັກ ຮອງຫົວໜ້າ ຫສພ ໄດ້ກ່າວປາຖະກະຖາ ຊຶ່ງໄດຍົກໃຫ້ເຫັນເຖິງ ມູນເຊື້ອ ແລະ ຄວາມໝາຍສຳຄັນຂອງວັນຊາດ ຊຶ່ງແມ່ນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດແຫ່ງການຕໍ່ສູ້ຂອງຊາດລາວເຮົາ, ແມ່ນວັນທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈິງ, ແມ່ນວັນທີ່ປະເທດລາວ ໄດ້ມີເອກະລາດຢ່າງສົມບູນ ແລະ ມີອະທິປະໄຕຢ່າງຄົບຖ້ວນ, ມີທີ່ຕັ້ງອັນສົມກຽດ ແລະ ມີຖານະເທົ່າທຽມກັບປະເທດອື່ນໆ ໃນເວທີປະຊາຄົມໂລກ. ພ້ອມນີ້, ກໍໄດ້ໃຫ້ຮູ້ເຖິງ 49 ປີ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ແລະ ການສືບຕໍ່ເສີມຂະຫຍາຍມູນເຊື້ອວັນຊາດ ໃຫ້ແກ່ຜູ້ເຂົ້າຮ່ວມໄດ້ຮັບຮູ້ ແລະ ໝູນໃຊ້ເຂົ້າໃນວຽກງານຕົວຈິງ.
ໃນກອງປະຊຸມຄັ້ງນີ້, ຍັງໄດ້ມີກົມພິພິທະພັນ ໄກສອນພົມວິຫານ ແລະ ອະນຸສອນສະຖານຜູ້ນໍາປະຕິວັດ ມາເຜີຍແຜ່ກ່ຽວກັບວັນເກີດຂອງປະທານ ໄກສອນ ພົມວິຫານ ຄົບຮອບ 104 ປີ (13 ທັນວາ 1920 – 13 ທັນວາ 2024) ອະດີດຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດ, ຜູ້ຈັດຕັ້ງນໍາພາ-ພາລະກິດປະຕິວັດອັນຍິ່ງໃຫຍ່ຂອງປະເທດເຮົາຍາດໄດ້ໄຊຊະນະຢ່າງສະຫງ່າງາມ, ສະຖາປານາສປປລາວຂຶ້ນຢ່າງສະຫງ່າຜາເຜີຍ; ພ້ອມດຽວກັນ, ກໍໄດ້ຈັດກິດຈະກຳຖາມ-ຕອບ ເພື່ອໃຫ້ມີບັນຍາກາດຄຶກຄື້ນ ແລະ ແນໃສ່ໃຫ້ຜູ້ເຂົ້າຮ່ວມກຳເນື້ອໃນໄດ້ດີຂຶ້ນ.
(ຂ່າວ-ພາບ: ສຸກສະຫວັນ)

ຄໍາເຫັນ

ຂ່າວວັດທະນະທຳ-ສັງຄົມ

8 ມີນາ ແມ່ນເຫດການ-ການເມືອງສໍາຄັນຕໍ່ແມ່ຍິງຊາວຜູ້ອອກແຮງງານໃນທົ່ວໂລກ

8 ມີນາ ແມ່ນເຫດການ-ການເມືອງສໍາຄັນຕໍ່ແມ່ຍິງຊາວຜູ້ອອກແຮງງານໃນທົ່ວໂລກ

ເນື່ອງໃນໂອກາດວັນແມ່ຍິງສາກົນ ວັນທີ 8 ມີນາ ຄົບຮອບ 116 ປີ (8 ມີນາ 1910-8 ມີນາ 2026) ວັນແມ່ຍິງສາກົນ ກຳເນີດເກີດຂຶ້ນໃນທ່າມກາງທີ່ສະພາບເສດຖະກິດຂອງພວກສັກດີນາ ແລະ ນາຍທຶນຂະຫຍາຍຕົວ. ເມື່ອໂຮງຈັກ, ໂຮງງານອຸດສະຫະກຳຂອງນາຍທຶນຂະຫຍາຍຕົວ ມັນໄດ້ສ້າງຄວາມຮັ່ງມີໃຫ້ພວກນາຍທຶນ, ແຕ່ຊໍ້າພັດຍິ່ງເພີ່ມຄວາມທຸກຍາກລຳບາກໃຫ້ຊາວຜູ້ອອກແຮງງານ ເວົ້າລວມ, ເວົ້າສະເພາະແມ່ນກຳມະກອນເພດຍິງ.
ລັດວິສາຫະກິດຍັງບໍ່ທັນເຂັ້ມແຂງ ເກີດຈາກຫຼາຍປັດໄຈ

ລັດວິສາຫະກິດຍັງບໍ່ທັນເຂັ້ມແຂງ ເກີດຈາກຫຼາຍປັດໄຈ

ທ່ານ ກິແກ້ວ ຈັນທະບູລີ ຮອງຫົວໜ້າຫ້ອງວ່າການສູນກາງພັກ ຮອງຫົວໜ້າຄະນະປະຕິຮູບ ຜູ້ປະຈໍາການ ລາຍງານໃນກອງປະຊຸມສະຫຼຸບວຽກງານປະຕິຮູບລັດວິສາຫະກິດທົ່ວປະເທດ ປະຈໍາປີ 2025 ທີ່ຫໍປະຊຸມແຫ່ງຊາດ ເມື່ອບໍ່ດົນມານີ້ ຊຶ່ງມີບາງເນື້ອໃນວ່າ: ລັດວິສາຫະກິດ ໃນ 123 ຫົວໜ່ວຍ ມີພະນັກງານລວມທັງໝົດ 30,328 ຄົນ (ຍິງ 9,121 ຄົນ), ໃນນັ້ນ, ກຸ່ມລັດຖືຮຸ້ນ 100% ຖືເປັນແຫຼ່ງຈ້າງງານຂະໜາດໃຫຍ່ທີ່ສຸດ ມີພະນັກງານເຖິງ 13,773 ຄົນ (ກວມເອົາ 45.41% ຂອງແຮງງານທັງໝົດ), ແຕ່ເມື່ອທຽບໃສ່ປະສິດທິຜົນທາງທຸລະກິດທີ່ຍັງຂາດທຶນສູງ, ມັນສະທ້ອນໃຫ້ເຫັນເຖິງພາວະພະນັກງານ ເຫຼືອບໍ່ພໍ ຫຼື ປະສິດທິພາບຕໍ່ຫົວຄົນຍັງຕໍ່າ.
ຮອງລັດຖະມົນຕີກະຊວງປ້ອກັນປະເທດລົງເຄື່ອນໄຫວວຽກຢູ່ເມືອງບໍ່ແຕນ

ຮອງລັດຖະມົນຕີກະຊວງປ້ອກັນປະເທດລົງເຄື່ອນໄຫວວຽກຢູ່ເມືອງບໍ່ແຕນ

ຫວ່າງບໍ່ດົນມານີ້, ທ່ານ ພົທ ສາຍໃຈ ກົມມະສິດ ກຳມະການສູນກາງພັກ ຮອງລັດຖະມກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ ພ້ອມດ້ວຍຄະນະ, ໂດຍມີຄະນະນຳຂອງກອງບັນຊາການທະຫານແຂວງໄຊຍະບູລີ ລົງມາເຄື່ອນໄຫວເຮັດວຽກຢູ່ເມືອງບໍ່ແຕນໂດຍເປັນກຽດຕ້ອນຮັບຂອງທ່ານ ຄຳພັນ ພັນທະວົງຮອງເລຂາພັກເມືອງ ປະທານກວດກາພັກ ປະທານອົງການກວດກາລັດ ຫົວໜ້າອົງການຕ້ານການສໍ້ລາດບັງຫຼວງ ພ້ອມດ້ວຍຄະນະພັກ, ຄະນະບັນຊາກອງບັນຊາການທະຫານເມືອງ, ກອງພັນ 413, ກອງຮ້ອຍທະຫານຊາຍແດນ 159 ແລະ 160 ເຂົາຮ່ວມຕ້ອນຮັບ.
ກອງປະຊຸມສະພາບໍລິຫານ ກອງທຶນປົກປັກຮັກສາສິ່ງແວດລ້ອມ ແລະ ປ່າໄມ້ ສະໄໝສາມັນ ຄັ້ງທີ XIV

ກອງປະຊຸມສະພາບໍລິຫານ ກອງທຶນປົກປັກຮັກສາສິ່ງແວດລ້ອມ ແລະ ປ່າໄມ້ ສະໄໝສາມັນ ຄັ້ງທີ XIV

ພາຍຫຼັງທີ່ລັດຖະບານ ໄດ້ໂຮມເອົາກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມເຂົ້າກັບກະຊວງກະສິກໍາ ແລະ ປ່າໄມ້ ແລະ ປ່ຽນຊື່ເປັນ “ກະຊວງກະສິກໍາ ແລະ ສິ່ງແວດລ້ອມ” ໃນທ້າຍ ປີ 2025.
ເມືອງໄຊຍະບູລີ ຖອດຖອນບົດຮຽນບັ້ນເລືອກຕັ້ງ ສສຊ ຊຸດທີX ແລະ ສສຂ ຊຸດທີ V

ເມືອງໄຊຍະບູລີ ຖອດຖອນບົດຮຽນບັ້ນເລືອກຕັ້ງ ສສຊ ຊຸດທີX ແລະ ສສຂ ຊຸດທີ V

ໃວັນທີ 24 ກຸມພານີ້, ເມືອງໄຊຍະບູລີ ແຂວງໄຊຍະບູລີ ໄດ້ຈັດກອງປະຊຸມ ຖອດຖອນບົດຮຽນບັ້ນເລືອກຕັ້ງສະມາຊິກສະພາປະຊາແຫ່ງຊາດ (ສສຊ) ຊຸດທີX ແລະ ສະມາຊິກສະພາປະຊາຊົນແຂວງ (ສສຂ) ຊຸດທີ Vທີ່ຫ້ອງປະຊຸມ ຫ້ອງວ່າການເມືອງ ໂດຍການເປັນປະທານຂອງທ່ານ ຄຳຫຼ້າ ຜິວວັນນາ ຄະນະປະຈຳພັກແຂວງ ເລຂາພັກເມືອງໄຊຍະບູລີ.
ສ່ວຍສາອາກອນແຂວງຄໍາມ່ວນ ເກັບລາຍຮັບເຂົ້າງົບປະມານໄດ້ 4,279 ຕື້ກີບ

ສ່ວຍສາອາກອນແຂວງຄໍາມ່ວນ ເກັບລາຍຮັບເຂົ້າງົບປະມານໄດ້ 4,279 ຕື້ກີບ

ໃນວັນທີ 25 ກຸມພາ 2026 ສ່ວຍສາອາກອນປະຈໍາແຂວງຄໍາມ່ວນ ໄດ້ສະຫຼຸບຕີລາຄາການຈັດຕັ້ງປະຕິບັດວຽກງານ ປະຈໍາປີ 2025 ໂດຍມີທ່ານ ບຸນຄໍາ ໄຊຍະແສງ ຮອງຫົວໜ້າພະແນກການເງິນແຂວງ, ທ່ານ ເກດສະກັນ ແສງປະດິດ ຫົວໜ້າສ່ວຍສາອາກອນແຂວງ, ມີຄະນະສ່ວຍສາອາກອນປະຈໍາແຂວງ, ຂະແໜງການອ້ອມຂ້າງ, ສ່ວຍສາອາກອນປະຈໍາເມືອງ ເຂົ້າຮ່ວມ.
ສາຍການບິນ Vietjet ລົງນາມໃນສັນຍາມູນຄ່າຫຼາຍຕື້ໂດລາ

ສາຍການບິນ Vietjet ລົງນາມໃນສັນຍາມູນຄ່າຫຼາຍຕື້ໂດລາ

ສາຍການບິນ Vietjet ໄດ້ລົງນາມໃນຂໍ້ຕົກລົງທາງຍຸດທະສາດຫຼາຍສະບັບຮ່ວມກັບບັນດາບໍລິສັດ ແລະ ສະຖາບັນການເງິນຊັ້ນນໍາຂອງສະຫະລັດອາເມຣິກາ ດ້ວຍມູນຄ່າຫຼາຍກວ່າ 6.3 ຕື້ໂດລາ. ພິທີລົງນາມໄດ້ຈັດຂຶ້ນເມື່ອບໍ່ດົນມານີ້, ໂດຍມີ ທ່ານ ໂຕ ເລີມ (To Lam) ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ພ້ອມດ້ວຍເຈົ້າໜ້າທີ່ລະດັບສູງຂອງລັດຖະບານຫວຽດນາມ ແລະ ສະຫະລັດອາເມຣິກາ ທີ່ນະຄອນຫຼວງ ວໍຊິງຕັນ ດີຊີ ສະຫະລັດ ອາເມຣິກາ.
ຫສປທ ເຜີຍແຜ່ວັນສ້າງຕັ້ງກອງທັບ ແລະ ປະດັບຫຼຽນກາລະນຶກ 50 ປີ

ຫສປທ ເຜີຍແຜ່ວັນສ້າງຕັ້ງກອງທັບ ແລະ ປະດັບຫຼຽນກາລະນຶກ 50 ປີ

ຫ້ອງວ່າການສໍານັກງານປະທານປະເທດ (ຫສປທ) ໄດ້ຈັດພິທີເຜີຍແຜ່ວັນສ້າງຕັ້ງກອງທັບ ຄົບຮອບ 77 ປີ (20 ມັງກອນ 1979 - 20 ມັງກອນ 2026) ແລະ ປະດັບຫຼຽນກາລະນຶກ 50 ປີ ໃນວັນທີ 24 ກຸມພານີ້ ທີ່ຫ້ອງປະຊຸມຂອງ ຫສປທ, ໂດຍການໃຫ້ກຽດບັນລະຍາຍ ຂອງທ່ານ ອິນທະປັນຍາ ຂຽວວົງພະຈັນ ຮອງເລຂາຄະນະພັກ ຮອງຫົວໜ້າຫ້ອງວ່າການສໍານັກງານປະທານປະເທດ, ເຂົ້າຮ່ວມຮັບຟັງມີຄະນະພັກ, ຄະນະນໍາ, ບັນດາທ່ານ ໃນຄະນະກົມ, ຄະນະພະແນກ, ສະມາຊິກພັກ, ພະນັກງານ-ລັດຖະກອນພາຍໃນ ຫສປທ.
ເຊກອງ ສະຫຼຸບການຈັດຕັ້ງປະຕິບັດວຽກງານການເງິນປະຈຳປີ 2025.

ເຊກອງ ສະຫຼຸບການຈັດຕັ້ງປະຕິບັດວຽກງານການເງິນປະຈຳປີ 2025.

ກອງປະຊຸມສະຫຼຸບການຈັດຕັ້ງປະຕິບັດວຽກງານການເງິນແຂວງເຊກອງ ປະຈຳປີ 2025 ແລະ ວາງທິດທາງປີ 2026 ໄດ້ຂຶ້ນ ໃນວັນທີ 24 ກຸມພານີ້ ທີ່ສະໂມສອນຫ້ອງວ່າການແຂວງ ໂດຍເປັນປະທານຂອງ ທ່ານ ຂັນຕີ ສີລະວົງສາ ປະທານຄະນະກຳມະການປົກຄອງແຂວງເຊກອງ, ມີທ່ານ ຄຳຮູ້ ອ່ອນມະນີ ຫົວໜ້າພະແນກການເງິນແຂວງ ພ້ອມດ້ວຍຜູ້ຕາງໜ້າພະແນກການອ້ອມຂ້າງແຂວງ ແລະ ພະນັກງານວິຊາການທີ່ເຮັດວຽກງານການເງິນທົ່ວແຂວງເຂົ້າຮ່ວມ.
ເລີ່ມລົງມືກໍ່ສ້າງທາງເບຕົງພາຍໃນບ້ານນາໄຊ-ສະໂປນ ໄລຍະ 581 ແມັດ, ຄາດ 2 ປີໃຫ້ສໍາເລັດ

ເລີ່ມລົງມືກໍ່ສ້າງທາງເບຕົງພາຍໃນບ້ານນາໄຊ-ສະໂປນ ໄລຍະ 581 ແມັດ, ຄາດ 2 ປີໃຫ້ສໍາເລັດ

ອຳນາດການປົກຄອງບ້ານນາໄຊນ້ອຍ ແລະ ບ້ານສະໂປນ ເມືອງສາລະວັນ ແຂວງສາລະວັນ ຮ່ວມກັບ ຄະນະສົງພາຍໃນວັດມາຄະແກ້ວຕາຜາລ່ອງມັງຄະຣາມ ໄດ້ເປີດຂະບວນການກໍ່ສ້າງທາງເບຕົງເສີມເຫຼັກ ເສັ້ນທາງຮ່ອມເຂົ້າວັດ, ທາງຮ່ອມບ້ານ, ມີລວງຍາວທັງໝົດ 581 ແມັດ, ຊຶ່ງໄລຍະທຳອິດ ແມ່ນໄດ້ດຳເນີນການກໍ່ສ້າງທາງເຂົ້າວັດກ່ອນ. ຈາກນັ້ນ, ຈຶ່ງຈະສືບຕໍ່ດຳເນີນການກໍ່ສ້າງ ນັບແຕ່ແຍກເສັ້ນທາງເລກ 20 ຫາວັດ, ຄາດຄະເນໄລຍະເວລາການກໍ່ສ້າງ 2 ປີ, ມູນຄ່າການກໍ່ສ້າງທັງໝົດ 1 ຕື້ກວ່າກີບ.
ເພີ່ມເຕີມ

ຂ່າວ​ລ່າ​ສຸດ

EPaper