ສາຍການບິນ ຫວຽດເຈັດ (Vietjet) ໄດ້ຈັດພິທີສະເຫຼີມສະຫຼອງຕ້ອນຮັບຜູ້ໂດຍສານທີ່ບັນລຸເຖິງ 200 ລ້ານຄົນ

ຫວຽດເຈັດ ສະຫຼອງທີ່ມີຜູ້ໂດຍສານຄົບ 200 ລ້ານຄົນ

13:14 06/08/2024

ສາຍການບິນ ຫວຽດເຈັດ (Vietjet) ໄດ້ຈັດພິທີສະເຫຼີມສະຫຼອງຕ້ອນຮັບຜູ້ໂດຍສານທີ່ບັນລຸເຖິງ 200 ລ້ານຄົນ ຊຶ່ງເປັນຂີດໝາຍຄວາມສໍາເລັດໃນການເດີນທາງເຊື່ອມຕໍ່ທາງອາກາດລະຫວ່າງ ຫວຽດນາມ ແລະ ທົ່ວໂລກ. ຜູ້ໂດຍສານໝາຍເລກ 200 ຊື່ວ່າ Sandeep Mehta ເປັນນັກທຸລະກິດຊາວອິນເດຍ ໄດ້ຮັບຂອງຂວັນພິເສດບໍ່ເສຍຄ່າສຳລັບໜຶ່ງປີໃນຖ້ຽວບິນລະຫວ່າງປະເທດຂອງສາຍການບິນ Vietjet.

ເພື່ອສະເຫຼີມສະຫຼອງໃນຄັ້ງນີ້ Vietjetຍັງໄດ້ປະກາດເປີດເສັ້ນທາງບິນສາຍໃໝ່ທີ່ເຊື່ອມຕໍ່ລະຫວ່າງ Ahmedabad ພາກຕາເວັນຕົກຂອງອິນເດຍ ກັບນະຄອນແຄມທະເລທີ່ມີຊື່ສຽງຂອງຫວຽດນາມຄື Da Nang ໂດຍຈະເລີ່ມດຳເນີນການໃນເດືອນຕຸລາ ປີ 2024. ການປະກາດດັ່ງກ່າວ ມີຂຶ້ນໃນງານ Vietnam - India Business Forum ຢູ່ນະຄອນຫຼວງນິວແດນລີ (New Delh) ປະເທດອິນເດຍ ແລະ ຜູ້ເຂົ້າຮ່ວມພິທີມີ ທ່ານ ຟ້າມມິງຈິງນາຍົກລັດຖະມົນຕີ ສສ ຫວຽດນາມພ້ອມດ້ວຍຜູ້ຕາງໜ້າວິສາຫະກິດຈາກທັງສອງປະເທດ. ໃນໂອກາດນີ້, Vietjetໄດ້ສະເໜີໂປຣໂມຊັນໃນລາຄາພິເສດນັບແຕ່ວັນທີ 5 ຮອດວັນທີ 8 ສິງຫາ 2024 ດ້ວຍປີ້ 2 ລ້ານໃບໃນລາຄາພຽງ 55 ໂດລາ/ຖ້ຽວ. (ລວມທັງພາສີ ແລະ ຄ່າທໍານຽມ) ໃນເຄືອຂ່າຍການບິນພາຍໃນ ແລະ ຕ່າງປະເທດຂອງ Vietjet. ນັກທ່ອງທ່ຽວຈາກປະເທດລາວສາມາດຖືໂອກາດນີ້ ເພື່ອຊື້ປີ້ລາຄາພິເສດໄດ້ທີ່ www.vietjetair.com ແລະ ແອັບມືຖື Vietjet Air, ໂດຍເດີນທາງລະຫວ່າງວັນທີ 4 ກັນຍາ 2024 ຫາ 22 ພຶດສະພາ 2025 (ບໍ່ລວມມື້ພັກທາງລັດຖະການ) ຊຶ່ງເປັນໂອກາດດີສໍາລັບນັກທ່ອງທ່ຽວຈາກລາວ ທີ່ວາງແຜນທີ່ຈະເດີນທາງໄປຈຸດໝາຍປາຍທາງທີ່ສໍາຄັນອື່ນໆເຊັ່ນ: Ahmedabad, Mumbai ແລະ New Delhi ໃນປະເທດອິນເດຍ. ສາມາດເດີນທາງຜ່ານເຄືອຂ່າຍການບິນຂອງ Vietjetດ້ວຍຈຸດເຊື່ອມຕໍ່ຢູ່ທີ່ນະຄອນໂຮ່ຈິມິນ ດ້ວການເດີນທາງທີ່ສະດວກຂຶ້ນ ພ້ອມລາຄາທີ່ປະຢັດ. ສາຍການບິນ Vietjetມີຖ້ຽວບິນຈາກນະຄອນຫຼວງວຽງຈັນ ຫາ ນະຄອນໂຮ່ຈິມິນດ້ວຍ 4 ຖ້ຽວຕໍ່ອາທິດ.

Vietjetເປັນສາຍການບິນບຸກເບີກທີ່ໄດ້ເປີດບໍລິການຖ້ຽວບິນໂດຍກົງທີ່ເຊື່ອມຕໍ່ລະຫວ່າງຫວຽດນາມ ແລະ ອິນເດຍ ນັບແຕ່ປີ 2019 ໂດຍເຮັດໃຫ້ປະຊາຊົນ ແລະ ນັກທ່ອງທ່ຽວມີທາງເລືອກໃນການເດີນທາງທີ່ສະດວກ ແລະ ກຸ້ມຄ່າ. ປັດຈຸບັນ Vietjetໄດ້ໃຫ້ບໍລິການ 7 ເສັ້ນທາງ ໃນນັ້ນມີ 56 ຖ້ຽວບິນຕໍ່ອາທິດລະຫວ່າງຫວຽດນາມ ແລະ ອິນເດຍ ພ້ອມທັງໃຫ້ບໍລິການຂົນສົ່ງຜູ້ໂດຍສານເກືອບ 1,3 ລ້ານຄົນ. Vietjetຕ້ອນຮັບຜູ້ໂດຍສານເທິງເຮືອບິນທີ່ທັນສະໄໝ ແລະ ການບໍລິການທີ່ເປັນມືອາຊີບ, ເປັນມິດ ແລະ ມີຄວາມໃສ່ໃຈ. ທ່ານສາມາດຮັບປະທານອາຫານຫວຽດນາມ, ອິນເດຍ ແລະ ອາຫານສາກົນເຊັ່ນ: ເຂົ້າຈີ່ປາເຕ້, ເຝີຫວຽດ, ເຂົ້າບາສມາຕີ ແລະ ອາຫານຮ້ອນໆ ທີ່ດີຕໍ່ສຸຂະພາບ ແລະ ແຊບໆອີກຫຼາຍລາຍການ. ນອກຈາກນັ້ນ, Vietjetຍັງໄດ້ມອບປະກັນໄພ SkyCareໃຫ້ກັບຜູ້ໂດຍສານທັງໝົດ ພ້ອມທັງມີໂອກາດທີ່ຈະໄດ້ລຸ້ນຮັບລາງວັນທຸກມື້ ຜ່ານໂຄງການສະສົມຄະແນນໃນ VietjetSkyJoy.

ຂ່າວ:ຕຸໄລເພັດ ຂໍ້ມູນຫວຽດເຈັດ

ຄໍາເຫັນ

ຂ່າວວັດທະນະທຳ-ສັງຄົມ

ເຊັນສັນຍາການຮ່ວມມືພັດທະນາເຕັກນິກສະຫຼາຍໜິ້ວນອກຮ່າງກາຍ

02/09/2026 10:45

ພິທີເຊັນສັນຍາການຮ່ວມມືພັດທະນາເຕັກນິກສະຫຼາຍໜິ້ວນອກຮ່າງກາຍ ລະຫວ່າງ ໂຮງໝໍສູນກາງ 103 ກອງທັບ ແລະ ບໍລິສັດ ຕ້າຮົ້ວ ການຄ້າສາກົນ ຈໍາກັດຜູ້ດຽວ ໄດ້ຈັດຂຶ້ນໃນວັນທີ 1 ກັນຍາ 2026 ນີ້, ໂດຍການເປັນປະທານ ຂອງສະຫາຍ ພົນຈັດຕະວາ ຄຳແພງ ພູມມາແກ້ວ ຫົວໜ້າກົມເສນາຮັກ ກົມໃຫຍ່ພະລາທິການການກອງທັບ, ມີ ສະຫາຍ ພົນຈັດຕະວາ ສະແຫວງໄຊ ດາລາສາດ ຫົວໜ້າການທະຫານ ໂຮງໝໍສູນກາງ 103 ກອງທັບ, ທ່ານ ສິດປະສົງ ລູ່ພາໄຊ ປະທານ ບໍລິສັດ ຕ້າຮົ້ວ ການຄ້າສາກົນ ຈໍາກັດຜູ້ດຽວ, ມີຄະນະພັກ-ຄະນະອໍານວຍການ ແລະ ວິຊາການ ທັງສອງຝ່າຍເຂົ້າຮ່ວມ.

ກອງບັນຊາການທະຫານແຂວງຫຼວງພະບາງ ມອບເຮືອ ແລະ ອຸປະກອນ ໃຫ້ກອງບັນຊາການທະຫານແຂວງອຸດົມໄຊ

02/09/2026 10:43

ວັນທີ 1 ກັນຍາ 2026 ນີ້, ຢູ່ທີ່ສູນບັນຊາການ ກອງບັນຊາການທະຫານແຂວງອຸດົມໄຊ ໄດ້ຈັດພິທີ ມອບ-ຮັບ ເຮືອ ແລະ ອຸປະກອນ ລະຫວ່າງ ກອງບັນຊາການທະຫານແຂວງຫຼວງພະບາງ ກັບ ກອງບັນຊາການທະຫານແຂວງອຸດົມໄຊ ໂດຍການເປັນປະທານ ຂອງສະຫາຍ ພັນໂທ ບຸນທຳ ໄຊຍະຫຼວງ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງອຸດົມໄຊ, ມີສະຫາຍ ພັນໂທ ທອງສຸກ ທຳມະວົງ ຫົວໜ້າພະແນກສູ້ຮົບ ກອງບັນຊາການທະຫານແຂວງຫຼວງພະບາງ, ມີຄະນະຮັບຜິດຊອບ ແລະ ພະແນກການທີ່ກ່ຽວຂ້ອງເຂົ້າຮ່ວມ.

EDL-T “ແສງແຫ່ງຈໍາປາ”ຊ່ວຍເຫຼືອຜູ້ປະສົບໄພນໍ້າຖ້ວມໃນແຂວງ ຄຳມ່ວນ

02/09/2026 10:39

ວັນທີ 27 ສິງຫາຜ່ານມານີ້ ທີ່ຫ້ອງໂຖງຫ້ອງວ່າການແຂວງ, ບໍລິສັດ EDL-T ໄດ້ນຳສິ່ງຂອງອຸປະໂພກ-ບໍລິໂພກແລະເຂົ້າສານລວມມູນຄ່າ 150 ລ້ານກີບມາຊ່ວຍເຫຼືອຜູ້ປະສົບໄພຂອງແຂວງຄຳມ່ວນ,ເພື່ອນຳໄປຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມຢູ່ບັນດາເມືອງຂອງແຂວງຄຳມ່ວນ,ພາຍໃຕ້ໂຄງການ“ແສງແຫ່ງຈໍາປາ”ຂອງEDL-T .

ຄົ້ນຄວ້າຮ່າງຄໍາສັ່ງ ວ່າດ້ວຍການເພີ່ມທະວີວຽກງານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມ

02/09/2026 10:38

ກະຊວງປ້ອງກັນຄວາມສະຫງົບ (ປກສ) ຈັດກອງປະຊຸມຄະນະຮັບຜິດຊອບຄົ້ນຄວ້າຮ່າງຄໍາສັ່ງ ວ່າດ້ວຍການເພີ່ມທະວີວຽກງານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມ ຂຶ້ນໃນວັນທີ 2 ກັນຍານີ້, ເປັນປະທານໂດຍສະຫາຍ ພົຕ ກອງສະຫວັດ ບຸນລ້ຽງ ກຳມະການສຳຮອງສູນກາງພັກ ຮອງລັດຖະມົນຕີ ຫົວໜ້າກົມໃຫຍ່ຕໍາຫຼວດ ກະຊວງ ປກສ, ມີບັນດາຄະນະຮັບຜິດຊອບຊີ້ນໍາລວມ, ອະນຸກໍາມະການ ກອງເລຂາເນື້ອໃນການຄົ້ນຄວ້າປັບປຸງຄໍາສັ່ງ ວ່າດ້ວຍການເພີ່ມທະວີວຽກງານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມເຂົ້າຮ່ວມ.

ງານວາງສະແດງຜະລິດຕະພັນລາວ ປະຈໍາປີ 2026 ຈະຈັດຂຶ້ນໃນຕົ້ນເດືອນຕຸລານີ້

02/09/2026 10:29

ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ໄດ້ຈັດງານພິທີຖະແຫຼງຂ່າວ ງານວາງສະແດງຜະລິດຕະພັນລາວ ປະຈໍາປີ 2026 ຂຶ້ນໃນວັນທີ 1 ກັນຍານີ້ ທີ່ ສຄອຊ, ໂດຍການເປັນປະທານ ຂອງທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ, ມີ ທ່ານ ວິທູນ ສິດທິມໍລະດາ ຮອງຫົວໜ້າກົມສົ່ງເສີມຈຸນລະວິສາຫະກິດ, ວິສາຫະກິດຂະ ໜາດນ້ອຍ ແລະ ກາງ, ກະຊວງອຸດສາຫະກຳ ແລະ ການຄ້າ; ທ່ານ ພູທອງ ພົນວີໄຊ ຮອງປະທານ ສຄອ ແຂວງຫົວພັນ. ມີພາກສ່ວນໃຫ້ການອຸປະຖຳ, ພາກສ່ວນທີ່ກ່ຽວຂ້ອງ ແລະ ສື່ມວນຊົນເຂົ້າຮ່ວມ.

ກຸ່ມບໍລິສັດ ລາວໂທລະຄົມ ຮ່ວມມື ກັບ Bundesliga ຈັດລີກບານເຕະອັນດັບ 1 ປະເທດເຢຍລະມັນ ພ້ອມຍົກລະດັບຄວາມບັນເທີງລະດັບໂລກ ແລະ ແນະນຳໂຕ "LTC Play" ຮູບແບບໃໝ່

02/09/2026 10:26

ວັນທີ 1 ກັນຍາ 2026 ນີ້ ທີ່ KOKKOK Mega ປະຕູໄຊ, ກຸ່ມບໍລິສັດ Lao Telecom (Lao Telecom, TPlus, MmoneyX) ເຊັນສັນຍາການຮ່ວມມື ກັບ Bundesliga ລີກບານເຕະ ປະເທດເຢຍລະມັນ (ພ້ອມຍົກລະດັບຄວາມບັນເທີງລະດັບໂລກ ແລະ ແນະນຳໂຕ "LTC Play" ຮູບແບບໃໝ່) ໃຫ້ກຽດເປັນປະທານໂດຍທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ, ທ່ານ ວິເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ, ທ່ານ Mr. Werner Grohé ເລຂານຸການເອກ (First Secretary) ປະຈຳສະຖານທູດເຢຍລະມັນ ທີ່ນະຄອນຫຼວງວຽງຈັນ, ສປປ ລາວ, ທ່ານ ມະໂນ ນຸວັນນະສັກ ຫົວໜ້າຝ່າຍກົນລະຍຸດ ຂອງໂຄງການ Bundesliga ປະຈຳ Asia Pacific, ພ້ອມດ້ວຍ ຫົວໜ້າກົມກິລາ ລະດັບສູງ, ຫົວໜ້າກົມສື່ມວນຊົນ ແລະ ຄະນະຜູ້ບໍລິຫານ-ພະນັກງານ ບໍລິສັດໃນເຄືອ, ຄູ່ຮ່ວມທຸລະກິດ, ບັນດາສື່ມວນຊົນ ແລະ ບັນດາກອງເຊຍບານເຕະ ກໍໄດ້ໃຫ້ກຽດເຂົ້າຮ່ວມ.

ຮອງຫົວໜ້າກົມໃຫຍ່ເສນາທິການກອງທັບ ໂອ້ລົມພະນັກງານຫຼັກແຫຼ່ງ ຢູ່ກອງພົນທີ 5

01/09/2026 13:35

ໃນວັນທີ 31 ສິງຫາຜ່ານມາ, ສະຫາຍ ພົນຕີ ວັນທອງ ບຸດຕະວົງ ຮອງຫົວໜ້າກົມໃຫຍ່ເສນາທິການກອງທັບໄດ້ໂອ້ລົມພະນັກງານຫຼັກແຫຼ່ງ ຢູ່ກອງພົນທີ 5, ມີສະຫາຍ ພົນຈັດຕະວາ ບຸນສົມ ອິນທະລາ ຫົວໜ້າການທະຫານກອງພົນທີ 5, ສະຫາຍ ພົນຈັດຕະວາ ຄຳກົດ ອິນສີນາ ຫົວໜ້າການເມືອງກອງພົນທີ 5, ມີຄະນະພັກ-ຄະນະບັນຊາ ອົງການ, ຫ້ອງ, ກອງພັນໃຫຍ່, ສູນຝຶກ, ກອງພັນ, ໂຮງໝໍ ແລະ ກອງຮ້ອຍເອກະລາດ ເຂົ້າຮ່ວມ.

ມອບ-ຮັບໜ້າທີ່ຫົວໜ້າຫ້ອງການກົມຈຳນວນໜຶ່ງຂອງ ສນຊ

01/09/2026 13:20

ໃນວັນທີ 28 ສິງຫາຜ່ານມາ ທີ່ສູນກາງແນວລາວສ້າງຊາດ (ສນຊ) ໄດ້ຈັດພິທີມອບ-ຮັບໜ້າທີ່ຫົວໜ້າຫ້ອງການກົມຈຳນວນໜຶ່ງ, ໂດຍເປັນກຽດເຂົ້າຮ່ວມຂອງທ່ານ ນາງ ບຸດສະດີ ທະນະເມືອງ ກຳມະການສູນກາງພັກ ຮອງປະທານສູນກາງແນວລາວສ້າງຊາດ, ມີຮອງປະທານ ສນຊ, ຫົວໜ້າ-ຮອງຫົວໜ້າຫ້ອງການກົມ, ສູນຄົ້ນຄວ້າ ແລະ ຝຶກອົບຮົມ ສນຊ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.

ສພຂ ຄໍາມມ່ວນ ຊຸກຍູ້ການຈັດຕັ້ງປະຕິບັດວຽກງານ ຢູ່ເມືອງຫີນບູນ

01/09/2026 13:19

ກອງປະຊຸມຕິດຕາມກວດກາ ແລະ ຊຸກຍູ້ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຕິດພັນກັບການແກ້ໄຂຄໍາຮ້ອງທຸກຂອງປະຊາຊົນ ຈັດຂຶ້ນໃນວັນທີ 31 ສິງຫາຜ່ານມາທີ່ ເມືອງຫີນບູນແຂວງຄຳມ່ວນໂດຍການເປັນປະທານຮ່ວມຂອງ ທ່ານ ນິລະພົນ ສຸວັນນະລາດ ຄະນະປະຈໍາສະພາປະຊາຊົນແຂວງຄໍາມ່ວນປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ, ກົດໝາຍ ແລະ ຍຸຕິທໍາ, ທ່ານ ຄໍາສິງ ອໍລະວັນ ເລຂາຄະນະບໍລິຫານງານພັກເມືອງຫົວໜ້າສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງຫີນບູນ, ມີພາກສ່ວນກ່ຽວຂ້ອງເຂົ້າຮ່ວມ.

ສສຊ ເຂດເລືອກຕັ້ງທີ 16 ແຂວງເຊກອງ ພົບປະຜູ້ມີສິດເລືອກຕັ້ງຢູ່ເມືອງລະມາມ

01/09/2026 13:18

ທ່ານ ບຸນຈັນ ສີວົງພັນ ກໍາມະການສູນກາງພັກຫົວໜ້າຫ້ອງວ່າການສະພາແຫ່ງຊາດ, ສະມາຊິກສະພາແຫ່ງຊາດ (ສສຊ) ຊຸດທີ X ປະຈໍາເຂດເລືອກຕັ້ງທີ 16 ແຂວງເຊກອງ ພ້ອມຄະນະ ໄດ້ລົງພົບປະ ແລະ ແລກປ່ຽນຄວາມຄິດເຫັນກັບຜູ້ມີສິດເລືອກຕັ້ງ ຢູ່ເມືອງລະມາມ ແຂວງເຊກອງໃນວັນທີ 31 ສິງຫາຜ່ານມາ ໂດຍມີທ່ານ ດາວວີ ສວຍທະລັງສີ ເລຂາພັກເມືອງຫົວໜ້າຄະນະສະມາຊິກສະພາປະຊາຊົນແຂວງ ຊຸດທີ V ປະຈໍາເຂດເລືອກຕັ້ງເມືອງລະມາມ, ມີການນໍາແຂວງ-ເມືອງ, ພະແນກ, ຫ້ອງການ, ຕາແສງ, ບ້ານ ແລະ ປະຊາຊົນຜູ້ມີສິດເລືອກຕັ້ງ ເຂົ້າຮ່ວມ.

ເພີ່ມເຕີມ