ສາຍການບິນ ຫວຽດເຈັດ (Vietjet) ໄດ້ຈັດພິທີສະເຫຼີມສະຫຼອງຕ້ອນຮັບຜູ້ໂດຍສານທີ່ບັນລຸເຖິງ 200 ລ້ານຄົນ

ຫວຽດເຈັດ ສະຫຼອງທີ່ມີຜູ້ໂດຍສານຄົບ 200 ລ້ານຄົນ

13:14 06/08/2024

ສາຍການບິນ ຫວຽດເຈັດ (Vietjet) ໄດ້ຈັດພິທີສະເຫຼີມສະຫຼອງຕ້ອນຮັບຜູ້ໂດຍສານທີ່ບັນລຸເຖິງ 200 ລ້ານຄົນ ຊຶ່ງເປັນຂີດໝາຍຄວາມສໍາເລັດໃນການເດີນທາງເຊື່ອມຕໍ່ທາງອາກາດລະຫວ່າງ ຫວຽດນາມ ແລະ ທົ່ວໂລກ. ຜູ້ໂດຍສານໝາຍເລກ 200 ຊື່ວ່າ Sandeep Mehta ເປັນນັກທຸລະກິດຊາວອິນເດຍ ໄດ້ຮັບຂອງຂວັນພິເສດບໍ່ເສຍຄ່າສຳລັບໜຶ່ງປີໃນຖ້ຽວບິນລະຫວ່າງປະເທດຂອງສາຍການບິນ Vietjet.

ເພື່ອສະເຫຼີມສະຫຼອງໃນຄັ້ງນີ້ Vietjetຍັງໄດ້ປະກາດເປີດເສັ້ນທາງບິນສາຍໃໝ່ທີ່ເຊື່ອມຕໍ່ລະຫວ່າງ Ahmedabad ພາກຕາເວັນຕົກຂອງອິນເດຍ ກັບນະຄອນແຄມທະເລທີ່ມີຊື່ສຽງຂອງຫວຽດນາມຄື Da Nang ໂດຍຈະເລີ່ມດຳເນີນການໃນເດືອນຕຸລາ ປີ 2024. ການປະກາດດັ່ງກ່າວ ມີຂຶ້ນໃນງານ Vietnam - India Business Forum ຢູ່ນະຄອນຫຼວງນິວແດນລີ (New Delh) ປະເທດອິນເດຍ ແລະ ຜູ້ເຂົ້າຮ່ວມພິທີມີ ທ່ານ ຟ້າມມິງຈິງນາຍົກລັດຖະມົນຕີ ສສ ຫວຽດນາມພ້ອມດ້ວຍຜູ້ຕາງໜ້າວິສາຫະກິດຈາກທັງສອງປະເທດ. ໃນໂອກາດນີ້, Vietjetໄດ້ສະເໜີໂປຣໂມຊັນໃນລາຄາພິເສດນັບແຕ່ວັນທີ 5 ຮອດວັນທີ 8 ສິງຫາ 2024 ດ້ວຍປີ້ 2 ລ້ານໃບໃນລາຄາພຽງ 55 ໂດລາ/ຖ້ຽວ. (ລວມທັງພາສີ ແລະ ຄ່າທໍານຽມ) ໃນເຄືອຂ່າຍການບິນພາຍໃນ ແລະ ຕ່າງປະເທດຂອງ Vietjet. ນັກທ່ອງທ່ຽວຈາກປະເທດລາວສາມາດຖືໂອກາດນີ້ ເພື່ອຊື້ປີ້ລາຄາພິເສດໄດ້ທີ່ www.vietjetair.com ແລະ ແອັບມືຖື Vietjet Air, ໂດຍເດີນທາງລະຫວ່າງວັນທີ 4 ກັນຍາ 2024 ຫາ 22 ພຶດສະພາ 2025 (ບໍ່ລວມມື້ພັກທາງລັດຖະການ) ຊຶ່ງເປັນໂອກາດດີສໍາລັບນັກທ່ອງທ່ຽວຈາກລາວ ທີ່ວາງແຜນທີ່ຈະເດີນທາງໄປຈຸດໝາຍປາຍທາງທີ່ສໍາຄັນອື່ນໆເຊັ່ນ: Ahmedabad, Mumbai ແລະ New Delhi ໃນປະເທດອິນເດຍ. ສາມາດເດີນທາງຜ່ານເຄືອຂ່າຍການບິນຂອງ Vietjetດ້ວຍຈຸດເຊື່ອມຕໍ່ຢູ່ທີ່ນະຄອນໂຮ່ຈິມິນ ດ້ວການເດີນທາງທີ່ສະດວກຂຶ້ນ ພ້ອມລາຄາທີ່ປະຢັດ. ສາຍການບິນ Vietjetມີຖ້ຽວບິນຈາກນະຄອນຫຼວງວຽງຈັນ ຫາ ນະຄອນໂຮ່ຈິມິນດ້ວຍ 4 ຖ້ຽວຕໍ່ອາທິດ.

Vietjetເປັນສາຍການບິນບຸກເບີກທີ່ໄດ້ເປີດບໍລິການຖ້ຽວບິນໂດຍກົງທີ່ເຊື່ອມຕໍ່ລະຫວ່າງຫວຽດນາມ ແລະ ອິນເດຍ ນັບແຕ່ປີ 2019 ໂດຍເຮັດໃຫ້ປະຊາຊົນ ແລະ ນັກທ່ອງທ່ຽວມີທາງເລືອກໃນການເດີນທາງທີ່ສະດວກ ແລະ ກຸ້ມຄ່າ. ປັດຈຸບັນ Vietjetໄດ້ໃຫ້ບໍລິການ 7 ເສັ້ນທາງ ໃນນັ້ນມີ 56 ຖ້ຽວບິນຕໍ່ອາທິດລະຫວ່າງຫວຽດນາມ ແລະ ອິນເດຍ ພ້ອມທັງໃຫ້ບໍລິການຂົນສົ່ງຜູ້ໂດຍສານເກືອບ 1,3 ລ້ານຄົນ. Vietjetຕ້ອນຮັບຜູ້ໂດຍສານເທິງເຮືອບິນທີ່ທັນສະໄໝ ແລະ ການບໍລິການທີ່ເປັນມືອາຊີບ, ເປັນມິດ ແລະ ມີຄວາມໃສ່ໃຈ. ທ່ານສາມາດຮັບປະທານອາຫານຫວຽດນາມ, ອິນເດຍ ແລະ ອາຫານສາກົນເຊັ່ນ: ເຂົ້າຈີ່ປາເຕ້, ເຝີຫວຽດ, ເຂົ້າບາສມາຕີ ແລະ ອາຫານຮ້ອນໆ ທີ່ດີຕໍ່ສຸຂະພາບ ແລະ ແຊບໆອີກຫຼາຍລາຍການ. ນອກຈາກນັ້ນ, Vietjetຍັງໄດ້ມອບປະກັນໄພ SkyCareໃຫ້ກັບຜູ້ໂດຍສານທັງໝົດ ພ້ອມທັງມີໂອກາດທີ່ຈະໄດ້ລຸ້ນຮັບລາງວັນທຸກມື້ ຜ່ານໂຄງການສະສົມຄະແນນໃນ VietjetSkyJoy.

ຂ່າວ:ຕຸໄລເພັດ ຂໍ້ມູນຫວຽດເຈັດ

ຄໍາເຫັນ

ຂ່າວວັດທະນະທຳ-ສັງຄົມ

ວກປສ ສະຫຼອງວັນສ້າງຕັ້ງກໍາລັງ ປກສ ຄົບຮອບ 65 ປີ

08/04/2026 15:22

ວິທະຍາຄານການເມືອງປ້ອງການຄວາມສະຫງົບ (ວກປສ) ຈັດພິທີສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບ (ປກສ) ຄົບຮອບ 65 ປີ (5 ເມສາ 1961-5 ເມສາ 2026) ໃນວັນທີ 8 ເມສານີ້, ທ່ານ ພົຈວ ສຸກນິລັນດອນ ກຸນລະວົງ ຄະນະພັກກະຊວງ ຫົວໜ້າອໍານວຍການວິທະຍາຄານການເມືອງ ປກສ ພ້ອມດ້ວຍຄະນະພັກ-ຄະນະອໍານວຍການ, ພະນັກງານຫຼັກແຫຼ່ງ, ນັກສຶກສາ, ນາຍ ແລະ ພົນຕໍາຫຼວດເຂົ້າວາງກະຕ່າດອກໄມ້ຢູ່ຕໍ່ໜ້າຮູບປັ້ນຫຼ່ໍປະທານ ໄກສອນ ພົມວິຫານ ເພື່ອສະແດງຄວາມເຄົາລົບຮັກ ແລະ ຄວາມກະຕັນຍູຮູ້ບຸນຄຸນ, ສະດຸດີຕໍ່ຄຸນງາມຄວາມດີຂອງທ່ານ ທີ່ໄດ້ອຸທິດຕະຫຼອດຊີວິດ ເພື່ອພາລະກິດຕໍ່ສູ້ຍາດເອົາເອກະລາດແຫ່ງຊາດ, ອິດສະຫຼະພາບມາໃຫ້ປະຊາຊົນລາວ ທັງເປັນຜູ້ໃຫ້ກຳເນີດ, ເອົາໃຈໃສ່ສຶກສາອົບຮົມ, ຖະນຸບຳລຸງ ຝຶກຝົນຫຼ່ໍຫຼອມກໍາລັງ ປກສ ປະຊາຊົນລາວໃຫ້ນັບມື້ເຕີບໃຫຍ່ເຂັ້ມແຂງຕະຫຼອດມາ.

ເປີດນຳໃຊ້ໂຮງງານຜະລິດນໍ້າປະປາທາດຂາວ

08/04/2026 15:19

ພິທີເປີດນໍາໃຊ້ໂຮງງານຜະລິດນໍ້າປະປາ ຂອງໂຄງການກໍ່ສ້າງໂຮງງານຜະລິດນໍ້າປະປາບ້ານທາດຂາວ ເພື່ອສະໜອງນໍ້າປະປາໃຫ້ລັດວິສາຫະກິດນໍ້າປະປາ ນະຄອນຫຼວງວຽງຈັນ (ນວ) ຈັດຂຶ້ນໃນວັນທີ 7 ເມສາຜ່ານມາ ທີ່ສະຖານີດູດນໍ້າດອນຈັນ ບ້ານທາດຂາວ ເມືອງສີສັດຕະນາກ ນວ, ມີທ່ານ ບຸນຍະວັດ ນີຣະໄຊ ຫົວໜ້າພະແນກໂຍທາທິການ ແລະ ຂົນສົ່ງ (ຍທຂ) ນວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຮສສ ປາຖະກະຖາວັນສ້າງຕັ້ງກຳລັງ ປກສ ຄົບຮອບ 65 ປີ

08/04/2026 15:17

ກະຊວງແຮງງານ ແລະ ສະຫວັດດີການສັງຄົມ (ຮສສ) ຈັດພິທີປາຖະກະຖາເນື່ອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫງົບ (ປກສ) ຄົບຮອບ 65 ປີ ໃນວັນທີ 7 ເມສາ ຜ່ານມາ ໂດຍການປາຖະກະຖາຂອງ ທ່ານ ພົຕ ບຸນມີ ແສງຄຳຢອງ ອະດີດຄະນະປະຈຳພັກກະຊວງ ອະດີດຜູ້ຊ່ວຍລັດຖະມົນຕີ ຫົວໜ້າກົມໃຫຍ່ການເມືອງສັນຕິບານ ກະຊວງ ປກສ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.

ສະຖາບັນເລືອດຈະສືບຕໍ່ປຸກລະດົມບໍລິຈາກເລືອດດ້ວຍຄວາມສະໝັກໃຈເພີ່ມຂຶ້ນ

08/04/2026 15:15

ທ່ານ ຈັນທະລາ ສຸກສາຄອນ ອະດີດຫົວໜ້າສະຖາບັນເລືອດແຫ່ງຊາດ (ປັດຈຸບັນເປັນຮອງປະທານອົງການກາແດງແຫ່ງຊາດລາວ), ໄດ້ລາຍງານໃນກອງປະຊຸມສະຫຼຸບຜົນການຈັດຕັ້ງປະຕິບັດໂຄງ ການ 2025 ແລະ ແຜນການໄລຍະຕົ້ນປີ 2026 ກ່ຽວກັບ “ໂຄງການສ້າງຄວາມເຂັ້ມແຂງໃຫ້ແກ່ວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພ” ວ່າ: ໃນປີ 2025, ໄດ້ຮັບເລືອດທັງໝົດ 72,452 ຖົງ, ກວມເອົາ 90% ຂອງເປົ້າໝາຍປະຈໍາປີ 80,400 ຖົງ, ການຮັບບໍລິຈາກເລືອດຢູ່ສູນກາງແມ່ນລື່ນຄາດໝາຍ, ແຕ່ຢູ່ຂັ້ນທ້ອງຖິ່ນແມ່ນຫຼຸດຄາດໝາຍທີ່ວາງໄວ້. ໃນນັ້ນ 33,603 ຖົງ (46%) ແມ່ນບໍລິຈາກເລືອດແບບສະໝັກໃຈ ແລະ ອີກຈໍານວນ 38,849 ຖົງ (54%) ແມ່ນບໍລິຈາກເລືອດຈາກສະມາຊິກຄອບຄົວ ຂອງຄົນເຈັບ ຊຶ່ງຈໍານວນເລືອດທັງໝົດທີ່ໄດ້ມາເຫັນວ່າ: ການບໍລິຈາກເລືອດດ້ວຍຄວາມສະໝັກໃຈຍັງຕ່ຳກວ່າເປົ້າໝາຍແຫ່ງຊາດ 70%, ດັ່ງນັ້ນ ຈຶ່ງໄດ້ເນັ້ນໜັກເຖິງຄວາມຕ້ອງການສືບຕໍ່ສູ້ຊົນ ແລະ ເພີ່ມທະວີການບໍລິຈາກເລືອດດ້ວຍຄວາມສະໝັກໃຈໃຫ້ເພີ່ມຂຶ້ນໃນທົ່ວປະເທດ.

ແຈ້ງເຕືອນ ສະພາບຝຸ່ນ PM 2.5 ສູງເກີນມາດຕະຖານໃນຫຼາຍທ້ອງຖິ່ນ

08/04/2026 15:05

ໃນວັນທີ 7 ເມສານີ້, ທ່ານນາງ ພັກກາວັນ ພິດສະໄໝ ຫົວໜ້າກົມສິ່ງແວດລ້ອມ ກະຊວງກະສິກຳ ແລະ ສິ່ງແວດລ້ອມ ໄດ້ຖະແຫຼງຂ່າວຕໍ່ສື່ມວນຊົນ ກ່ຽວກັບວິກິດການມົນລະພິດທາງອາກາດ(PM2.5) ທີ່ກຳລັງສົ່ງຜົນກະທົບຕໍ່ສຸຂະພາບຂອງປະຊາຊົນໃນທົ່ວປະເທດ ຄ່າ PM2.5 ສະເລ່ຍຢູ່ລະຫວ່າງ 93-159 µg/m³ ຊຶ່ງສູງກວ່າຄ່າມາດຕະຖານແຫ່ງຊາດ ແລະ ຢູ່ໃນລະດັບທີ່ເປັນອັນຕະລາຍຕໍ່ສຸຂະພາບ.

ຄວາມເປັນມາຂອງບຸນປີໃໝ່ລາວ

08/04/2026 11:11

ເນື່ອງໃນໂອກາດບຸນປີໃໝ່ລາວ ພສ 2569 ທີ່ຈະມາເຖິງນີ້, ພະອາຈານໃຫຍ່ ມະຫາເວດ ມະເສໄນ ປະທານສູນກາງອົງການພຸດທະສາສະໜາສຳພັນແຫ່ງ ສປປ ລາວ (ອພສ) ໄດ້ໃຫ້ສຳພາດຕໍ່ສື່ມວນຊົນໃນວັນທີ 5 ເມສາຜ່ານມາ ທີ່ວັດສີສະເກດ ເມືອງຈັນທະບູລີ ນະຄອນຫຼວງວຽງຈັນ ກ່ຽວກັບປະຫວັດຄວາມເປັນມາຂອງບຸນປີໃໝ່ລາວໂດຍສັງເຂບ.

2025 ສາມາດດຳເນີນການກວດສອບໄດ້ທັງໝົດ 147 ເປົ້າໝາຍ

08/04/2026 09:51

ກອງປະຊຸມວຽກງານກວດສອບແຫ່ງລັດ ທົ່ວປະເທດ ປະຈໍາປີ 2026 ໄດ້ປິດລົງດ້ວຍຜົນສໍາເລັດ ໃນຕອນແລງວັນທີ 7 ເມສາ ນີ້, ພາຍຫຼັງດຳເນີນມາ 2 ວັນທີ່ໂຮງແຮມຮໍລິເດອິນ ນະຄອນຫຼວງວຽງຈັນ, ໂດຍໃນມື້ທີສອງຕາມວາລະກອງປະຊຸມ ທ່ານ ວຽງທະວີສອນ ເທບພະຈັນ ກຳມະການສູນກາງພັກ ປະທານອົງການກວດສອບແຫ່ງລັດ ໄດ້ສຸມໃສ່ການປຶກສາຫາລືວຽກງານປິ່ນອ້ອມ ເປັນຕົ້ນແມ່ນການນໍາໃຊ້ປັນຍາປະດິດ (AI) ເຂົ້າໃນການວິເຄາະຂໍ້ມູນ, ການນໍາໃຊ້ລະບົບຕິດຕາມການເຮັດວຽກຂອງຄະນະກວດສອບແບບອອນລາຍ ແລະ ການປະເມີນການປະຕິບັດໜ້າທີ່ຂອງພະນັກງານ-ລັດຖະກອນ ແບບລົງເລີກ.

ພົນໂທ ສາຍໃຈ ກົມມະສິດ ລົງຊຸກຍູ້ວຽກງານປັບປຸງລະບົບສູນບັນຊາ ກົມປ້ອງກັນອາກາດ

07/04/2026 16:28

ໃນວັນທີ 6 ເມສາຜ່ານມາ, ສະຫາຍ ພົນໂທ ສາຍໃຈ ກົມມະສິດ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບ ພ້ອມດ້ວຍຄະນະ ໄດ້ລົງຕິດຕາມ, ກວດກາວຽກງານປັບປຸງລະບົບສູນບັນຊາ ກົມປ້ອງກັນອາກາດ, ໂດຍການຕ້ອນຮັບຂອງສະຫາຍ ພົນຈັດຕະວາ ອຸ່ນທອງ ບຸດສຸວັນ ຫົວໜ້າກົມປ້ອງກັນອາກາດ ກົມໃຫຍ່ເສນາທິການກອງທັບ ພ້ອມດ້ວຍຄະນະ.

ກອງບັນຊາການທະຫານເຂດ 2 ຢ້ຽມຢາມ ແລະ ອວຍພອນລັດຖະມົນຕີກະຊວງ ປທ

07/04/2026 16:23

ໃນວັນທີ 6 ເມສາຜ່ານມາ, ຄະນະກອງບັນຊາການທະຫານເຂດ 2 ກອງທັບປະຊາຊົນຫວຽດນາມ ນຳໂດຍສະຫາຍ ພົນຈັດຕະວາ ເຈີ້ນ ວັນ ບັກ ກຳມະການສູນກາງພັກກອມມູນິດຫວຽດນາມ ຫົວໜ້າກອງບັນຊາການທະຫານເຂດ 2 ກອງທັບປະຊາຊົນຫວຽດນາມ ພ້ອມດ້ວຍສະຫາຍ ພັນເອກພິເສດ ຫວູ ຮົ່ງ ແມ໋ງ ປະທານບໍລິສັດຮ່ວມມືສາກົນ 705 ກອງບັນຊາການທະຫານເຂດ 2 ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ອວຍພອນ ສະຫາຍ ພົນເອກ ຄໍາລຽງ ອຸທະໄກສອນ ກໍາມະການກົມການເມືອງສູນກາງພັກ ຮອງນາຍົກລັດຖະ ມົນຕີ ລັດຖະມົນຕີກະຊວງປ້ອງກັນປະເທດ (ປທ) ກອງທັບປະຊາຊົນລາວ ເນື່ອງໃນໂອກາດວັນບຸນປີໃໝ່ລາວ ພສ 2569 ທີ່ຈະໝູນວຽນມາເຖິງໃນມໍ່ໆນີ້.

ປທ ປະກາດນາຍຕໍາຫຼວດພັກການ-ຮັບອຸດໜູນບໍານານ ພ້ອມມອບຫຼຽນໄຊແຮງງານ

07/04/2026 16:11

ກອງບັນຊາການປ້ອງກັນເຄື່ອນທີ່ (ປທ) ກະຊວງປ້ອງກັນຄວາມສະຫງົບ (ປກສ) ຈັດພິທີປະກາດນາຍຕໍາຫຼວດພັກການ-ຮັບອຸດໜູນບໍານານ ພ້ອມທັງມອບຫຼຽນໄຊແຮງງານ, ໃບຍ້ອງຍໍ ແລະ ປະກາດເລື່ອນຊັ້ນໃຫ້ນາຍຕໍາຫຼວດໃນວັນທີ 7 ເມສານີ້, ໂດຍການເປັນປະທານຂອງທ່ານ ພົຈວ ພູນສະຫວັນ ພັນທະເສນາ ຫົວໜ້າກອງບັນຊາການປ້ອງກັນເຄື່ອນທີ່, ມີຄະນະກອງບັນຊາການ, ກອງພັນ, ພະແນກ ພ້ອມດ້ວຍນາຍ ແລະ ພົນຕໍາຫຼວດເຂົ້າຮ່ວມ.

ເພີ່ມເຕີມ