ທ່ານໂຕເລິມ ເລຂາທິການໃຫຍ່ ໄດ້ເຊັນປະກາດໃຊ້ມະຕິສະບັບເລກທີ 57 - NQ/TW ລົງວັນທີ 22 ທັນວາ 2024 ຂອງກົມການເມືອງ ກ່ຽວກັບການບຸກທະລຸພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະ ຫັນເປັນດີຈີຕອນແຫ່ງຊາດ. ທ່ານ ເຈິ່ນແທັງເໝິນ ຮຽກຮ້ອງໃຫ້ ກົດໝາຍທີ່ໄດ້ຮັບການປະກາດໃຊ້ຕ້ອງມີລັກສະນະບຸກທະລຸ, ມີປະສິດທິຜົນສູງ.
ທ່ານ ເຈິ່ນແທັງເໝິນ ເນັ້ນໜັກວ່າ:ອັດຕາການລົງທຶນໃຫ້ແກ່ການຄົ້ນຄວ້າພັດທະນາຢູ່ ຫວຽດນາມ ແມ່ນ 0.44% GDP ນັ້ນແມ່ນໂຕເລກຕ່ຳສຸດສຳລັບບັນດາປະເທດໃນພາກພື້ນ, ກຳນົດຈະແຈ້ງນະໂຍບາຍໃຫ້ບຸລິມະສິດດ້ານພາສີອາກອນຢ່າງແຮງ, ສ້າງກົນໄກການເງິນທີ່ມີໄຫວພິບ, ເຮັດແນວໃດເພື່ອລຶບລ້າງຮົ້ວກີດຂວາງເພື່ອໃຫ້ບັນດາວິສາຫະກິດລົງທຶນໃນຂົງເຂດວິທະຍາສາດເຕັກໂນໂລຊີພັດທະນາ. ກົດໝາຍຕ້ອງເຮັດແນວໃດເພື່ອເພີ່ມທະວີລະຫວ່າງການຄົ້ນຄວ້າ ແລະ ຕະຫຼາດ. ສົ່ງເສີມກົນໄກສັ່ງຊືິ້ສິນຄ້າວິສາຫະກິດ, ຮັບປະກັນໃຫ້ຫົວຂໍ້ວິທະຍາສາດມີລັກສະນະແທດເໝາະກັບສະພາບການຕົວຈິງ ແລະ ຕິດພັນກັບຄວາມຕ້ອງການຂອງຕະຫຼາດ.
ໃນຕອນບ່າຍຂອງວັນດຽວກັນ, ສະພາແຫ່ງຊາດ ໄດ້ປຶກສາຫາລືຢູ່ຕາມໜ່ວຍ ກ່ຽວກັບຮ່າງກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍຄຸນນະພາບຜະລິດຕະພັນ, ສິນຄ້າ ແລະ ຮ່າງກົດໝາຍວ່າດ້ວຍພະລັງງານປະລະມານູ (ສະບັບປັບປຸງ).
ຄໍາເຫັນ