ຂອງທ່ານ”. ກອງປະຊຸມດັ່ງກ່າວໄດ້ດຶງດູດການເຂົ້າຮ່ວມຂອງຜູ້ຕາງໜ້າອົງການແຫ່ງລັດ ສິງກະໂປ ແລະ ວິສາຫະກິດ, ນັກລົງທຶນ ຫຼາຍກວ່າ 300 ແຫ່ງ ຈາກ ສິງກະໂປ ແລະ ຫຼາຍປະເທດໃນພາກພື້ນ.
ທ່ານ ໂຮ່ດຶກເຟິກ ລັດຖະມົນຕີກະຊວງການເງິນ ຫວຽດນາມ ຢັ້ງຢືນວ່າ: ລັດຖະບານ ຫວຽດນາມ ຍາມໃດກໍຊົມເຊີຍ ແລະ ໃຫ້ຄຳໝັ້ນສັນຍາສ້າງເງື່ອນໄຂສະດວກໃຫ້ແກ່ປະຊາຄົມວິສາຫະກິດ ສິງກະໂປ ແລະ ບັນດາປະເທດອື່ນໆ ມີຄວາມອຸ່ນອ່ຽນໃຈລົງທຶນໂຄງການໃໝ່ ຫຼື ເປີດກວ້າງຂອບຂະໜາດການລົງທຶນ, ດຳເນີນທຸລະກິດຍາວນານຢູ່ ຫວຽດນາມ. ທ່ານເນັ້ນໜັກວ່າ: “ນີ້ແມ່ນການເຄື່ອນໄຫວທີ່ມີຄວາມໝາຍທີ່ສຸດ ເພື່ອແນໃສ່ຊຸກຍູ້ການລົງທຶນດ້ານການເງິນຈາກ ສິງກະໂປ ເຂົ້າມາ ຫວຽດນາມ ຜ່ານບັນດາວິສາຫະກິດ, ອົງການຫຼັກຊັບ ກໍຄື ຜ່ານບັນດານັກລົງທຶນ ເພື່ອລົງທຶນເຂົ້າຫວຽດນາມ ແນໃສ່ສຸມແຫຼ່ງກຳລັງໃຫ້ແກ່ການພັດທະນາອຸດສາຫະກຳ, ການຄ້າ, ແຫຼ່ງຊັບພະຍາກອນມະນຸດ ແລະ ພັດທະນາພື້ນຖານໂຄງລ່າງຢູ່ ຫວຽດນາມ”.
ກອງປະຊຸມຍັງໄດ້ສະຫງວນເວລາໃຫ້ບັນດາວິສາຫະກິດ, ຄູ່ຮ່ວມມືລົງທຶນໃຫຍ່ຢູ່ ຫວຽດນາມ ແລະ ສິງກະໂປ ໄດ້ນຳສະເໜີບັນດາໂອກາດຮ່ວມມືລົງທຶນຢູ່ຕະຫຼາດຫວຽດນາມ. ທ່ານ ໂຢ ວີ ຢາບ ຜູ້ອຳນວຍການຝ່າຍບໍລິຫານກຸ່ມບໍລິສັດ SEATOWN ຊຶ່ງເປັນກຸ່ມບໍລິສັດທີ່ມີການເຄື່ອນໄຫວລົງທຶນໃນໄລຍະຍາວຢູ່ ຫວຽດນາມ ດ້ວຍລະດັບເງິນລົງທຶນໃນປັດຈຸບັນ ປະມານ ແຕ່ 500 – 600 ລ້ານໂດລາໄດ້ໃຫ້ຂໍ້ສັງເກດວ່າ: ຫວຽດນາມ ແມ່ນຈຸດໝາຍການລົງທຶນທີ່ໜ້າສົນໃຈທີ່ສຸດ ຍ້ອນວ່າເປັນພື້ນຖານເສດຖະກິດທີ່ມີກຳລັງແຮງງານທີ່ດີທີ່ສຸດໃນໄລຍະນີ້, ພ້ອມທັງມີການໜູນຊ່ວຍຈາກລັດຖະບານຢ່າງມີປະສິດທິຜົນ ສຳລັບບັນດາການເຄື່ອນໄຫວດຳເນີນທຸລະກິດຂອງວິສາຫະກິດ.
ຄໍາເຫັນ