ວິທະຍຸກະຈາຍສຽງຫວຽດນາມລາຍງານວ່າ: ຕາມເວັບໄຊ asia.nikkei.com (ຍີ່ປຸ່ນ), ຫວຽດນາມ ພວມຕັ້ງໜ້າຊຸກຍູ້ຂົງເຂດຜະລິດຊິບ (chipset) ດ້ວຍຄໍາໝັ້ນສັນຍາຫຼຸດຜ່ອນພາສີ, ໃຫ້ບຸລິມະສິດອື່ນໆແກ່ບັນດາກຸ່ມບໍລິສັດຜະລິດທາດເຄິ່ງຊັກນຳໄຟຟ້າ (ນຳໄປໃຊ້ໃນການສ້າງອຸປະກອນເອເລັກໂຕຣນິກ) ແລະ ຊ່ວຍພັດທະນາຂົງເຂດນີ້ຢູ່ພາຍໃນປະເທດ. ເວັບໄຊດັ່ງກ່າວໄດ້ສະເໜີເນື້ອໃນຂອງການຕອບສຳພາດ, ໃນນັ້ນທ່ານ ຮວິ່ງແທ່ງດາດ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ໃຫ້ຮູ້ວ່າ: ລາຍການລະດັບຊາດກ່ຽວກັບການຜະລິດຊິບ ລວມມີບັນດາບ້ວງເງິນອຸປະຖຳໃຫ້ແກ່ຂະແໜງ ຜ່ານກອງທຶນວິທະຍາສາດ ແລະ ຄົ້ນຄວ້າລວມລະຫວ່າງລັດ ກັບບັນດາບໍລິສັດພາກເອກະຊົນ ຄື: ບໍລິສັດ FPT.
ຂ່າວລະບຸວ່າ: ທ່ານ ໂຈເຊ ເຟີນານເດຊ ຮອງລັດຖະມົນຕີການຕ່າງປະເທດ ອາເມຣິກາຮັບຜິດຊອບການເຕີບໂຕເສດຖະກິດ, ພະລັງງານ ແລະ ສິ່ງແວດລ້ອມ ໄດ້ເວົ້າກັບ Nikkei Asia ວ່າ: ຫວຽດນາມ ໄດ້ດຶດດູດບໍລິສັດໃນຂົງເຂດທາດເຄິ່ງຊັກນຳໄຟຟ້ານັບ 10 ແຫ່ງ ແລະ ຫຼາຍບໍລິສັດຂອງ ອາເມຣິກາ ຈະລົງທຶນເຂົ້າ ຫວຽດນາມ ຖ້າຫາກ ຫວຽດນາມ ມີພະລັງງານທົດແທນຢ່າງພຽງພໍ ເພື່ອຕອບສະໜອງເປົ້າໝາຍສີຂຽວຂອງບັນດາບໍລິສັດດັ່ງກ່າວ.
ຫວຽດນາມ ໄດ້ວາງຄາດໝາຍບຳລຸງສ້າງນັກວິສະວະກອນ 50.000 ຄົນໃຫ້ແກ່ຂະແໜງທາດເຄິ່ງຊັກນຳໄຟຟ້າໃນປີ 2030 ໂດຍອີງໃສ່ພື້ນຖານການສຶກສາວິທະຍາສາດ ແລະ ເຕັກໂນໂລຊີທີ່ໝັ້ນຄົງເຂັ້ມແຂງ.
ຂ່າວລະບຸວ່າ: ທ່ານ ໂຈເຊ ເຟີນານເດຊ ຮອງລັດຖະມົນຕີການຕ່າງປະເທດ ອາເມຣິກາຮັບຜິດຊອບການເຕີບໂຕເສດຖະກິດ, ພະລັງງານ ແລະ ສິ່ງແວດລ້ອມ ໄດ້ເວົ້າກັບ Nikkei Asia ວ່າ: ຫວຽດນາມ ໄດ້ດຶດດູດບໍລິສັດໃນຂົງເຂດທາດເຄິ່ງຊັກນຳໄຟຟ້ານັບ 10 ແຫ່ງ ແລະ ຫຼາຍບໍລິສັດຂອງ ອາເມຣິກາ ຈະລົງທຶນເຂົ້າ ຫວຽດນາມ ຖ້າຫາກ ຫວຽດນາມ ມີພະລັງງານທົດແທນຢ່າງພຽງພໍ ເພື່ອຕອບສະໜອງເປົ້າໝາຍສີຂຽວຂອງບັນດາບໍລິສັດດັ່ງກ່າວ.
ຫວຽດນາມ ໄດ້ວາງຄາດໝາຍບຳລຸງສ້າງນັກວິສະວະກອນ 50.000 ຄົນໃຫ້ແກ່ຂະແໜງທາດເຄິ່ງຊັກນຳໄຟຟ້າໃນປີ 2030 ໂດຍອີງໃສ່ພື້ນຖານການສຶກສາວິທະຍາສາດ ແລະ ເຕັກໂນໂລຊີທີ່ໝັ້ນຄົງເຂັ້ມແຂງ.
ຄໍາເຫັນ